Filemón 1:6 - Wounaan Meu

⁶ Ĩchab mua pʉ kõit Ẽwandamag jeeu chiraajem, cha maachdeu ʉkha nʉm iek deeum khʉʉnag jaaumam dʉi pʉchdeupaijã jãga Jesucristo gaaimuata maachin Ẽwandam dʉi ʉu wenʉrraajẽ a thumaa ajapha khap amkhĩir.

Woun Meu

⁶ Hĩchab mua pʌ kõit Hẽwandamag jëeu chiraajem, cha maachdëu hʌ̈k'a nʌm hiek deeum k'ʌʌnag jaaumam dʌ̈i pʌchdëupaijã jãga Jesucristo gaaimuata maachin Hẽwandam dʌ̈i hʌ̈u wënʌrraajẽ ha t'umaa hajap'a k'ap hamk'ĩir.

Filemón 1:6 Iomraidhean Croise

San Mateo 25:16

Mag i petaawai chi piyón mag cinco mil autarrau ag phatkhonau phidkhabaadewi ag ʉ̃r deeu cinco mil gan aujim aajem.

San Mateo 5:16

Ich jãgta aju aai nʉmgui ajim anʉm pãarjã. Magua pãachdeu nemdam wajapha wau nʉm gaaimua pãachta õtdau phuu dʉnʉmjo abat ajim anʉm, thumaam khʉʉn na arar amkhĩir; mag pãach nem wajapha wau nʉm gaaimua maach Aai ʉ̃gthar chirʉmta thumaam khʉʉnau thomkhĩir.

1 Corintios 14:25

Mag amachdeu i oojã ooba aajemta wajapha i oojem khʉʉn denjo ichigcha jaaumam ũrbaawai kanieu thʉkhoonaa, “Chadcha Ẽwandam am dʉi sĩewaita mʉg thʉnʉm” awia, dʉi amach paarmua Ẽwandamag jeeuju.

1 Corintios 16:9

Maach Por Cristo iek jaau chitʉm gaaimua õor khapankham khʉʉnau mʉ khõchkhaba thʉnaab mamʉ, mua magʉmjã igba warag jaauju, mag maach Por athee phidkha nʉmua i iek jaauju ayaa oo wai chiraawai. Magua pod phiesta nawe chan mʉ mabam. Mua khaphʉ chirʉm, mag mua jaaubarm chi ũr nʉm khʉʉnaujã sĩi par jʉ̃gʉupai ũrbaju.

Filipenses 4:8

Khodamnaan, ãbmiecha paawai mua pãrag magkhim: Õrau ajapha pãach eugar ig iyʉʉ amkhĩir, thumaam khʉʉn dakhĩir bʉ̃ʉrjã seu chukhu ãba chadam iekpai iekhajuuta khĩirjubat. Ĩchab jãgata Ẽwandam dau najã nem ajapha waujuuta ãba khĩirjubat, pekau wauju khĩirjugjã chukhu. Magnaa khĩirjug paraa aajeethʉ̃ ĩchab, jãga abarm gaaimuata õrag pãach daupii apiju nʉ, bʉ̃ʉrjã pãach eugar ĩgkhaju khʉʉn chukhu aag. Mua thum pãrag mag chirʉmʉn mʉgau: Pãachdeu nem wau nʉm oowia õrau amach odegpai khãijã, jãgan chadcha ʉu kherʉm ajojoom nemta ãba wauju khĩirjubat.

Colosenses 1:9

Maguata maachdeu mag ũr autarr aigmua warag pʉaba Ẽwandamagta jeeu naajem pãar kõit, ich khĩirjugta pãrag deemkhĩir; maagwai ichdeuta ĩchab ich Ẽwandamau nem waupim khõsimjã thumaa pãachig khaphʉ apimkhĩir.

Tito 3:14

Thum ar maachjo Ẽwandam iek ʉkha durrum khʉʉnaujã ĩchab magta dich khapeenau nemdam ig durrum oowai sĩi par daúa ooba aju aai nʉm. Magta maadeu o ajapha chikham juag oo wenʉrrʉmʉn, magan ʉu maach par khábata wenʉrrʉm.

Hebreos 6:10

Ẽwandamau thumaam khʉʉn dʉi nem agchata waaujeewai pãrau Ẽwandam khõsi nʉm gaaimua pãach hermanonaan juag oojemjã irua par sĩi ich jãg okhoopibam.

Santiago 2:14

Keena, Cristo gaaimua khodamnaan, ¿khan ajaug sĩ pãrau khĩirjuawai, maadeu “Muan thãraucha Ẽwandam iek ʉkha chitʉm” aju, mamʉ mag simta Jooirau dich khapeen juag oopi jaau simjo khaba nem wau sim? ¿Pãrau khĩirjuawai ʉkha sim anʉmta mag nem wau sim woun chadcha peerdʉju khai?

Santiago 2:17

Ich agjota sĩebahab Ẽwandam iek ʉkha nʉmjã. Maadeu thãraucha ʉkha nʉm anʉmta dich khapeen juag oo nʉmua bʉ̃ʉrjã am dau aug khaugba nʉm chan, magan parta mag ʉkha nʉm anʉm.

1 Pedro 2:12

Ẽwandam iek ʉkhabam khʉʉn daarjã nem ajaphata waaujeet. Maagwai amau pãar eugar õor khaigbam khʉʉn eugarmjo iekhawiajã, Ẽwandam beem edjã chadcha pãrau nem ajapha waaujerr khĩirjunaa jũrr amau, “Jãgan chadcha amau nem ajaphata waaujeejiebma” aju.

1 Pedro 3:1

Ʉʉin, pãarjã agjo ĩchab chi jaainpan, pãach jaainagta ʉdʉraa pãach phẽethʉgpibat; pãach jaainau Ẽwandam iek ʉkhaba aajem khai, pãachdeu Ẽwandam okhonaa i ipierraa am khõchgauta ʉdʉraa pãach phẽethʉgpibat, amach dʉijã mag ajapha nʉm oowia amachig Ẽwandam iek jaaujã jaauba sĩi pãach oowiapai khãijã pãach denjo ʉkhamkhĩir.

1 Pedro 3:16

Pãach iekhaajemjota õor dakhĩir nem waauwaijã ajapha nem waubat, pãach khĩir parhooba iekhaajem khʉʉnaujã pãach mag Cristo iek ʉkha nʉm gaaimua ajapha wenʉrrʉm oowi deeu amach iekhatarrpai khĩirjunaa amachta chigaa amkhĩir.

2 Pedro 1:8

Cha mʉchdeu pãrag jaau chirʉmjo, chadcha mag ajapha nem wau nʉmuata warag pãachdeu ʉkhatarr iek gaai ubʉ paaukhamamʉn, magan pãar serbiibajã khaba, ni sĩi parta maach Por Jesucristo khaugjierramjã abaju.