Filemón 1:24 - Wounaan Meu

²⁴ Mag tag ĩchab pʉrʉg salud deepʉi nʉm: Marcoou, Aristarcoou, Demas aajemua, maimua Lucaaujã agjo. Mʉkhʉʉnauta dʉi mʉ ipierr ogdʉba maach peerdʉajem iek jaau durraajem.

Woun Meu

²⁴ Mag tag hĩchab pʌrʌg salud deepʌ̈i nʌm: Marcoou, Aristarcoou, Demas haajemua, maimua Lucaaujã hagjö. Mʌk'ʌʌnauta dʌ̈i mʌ hipierr hogdʌba maach peerdʌajem hiek jaau durraajem.

Filemón 1:24 Iomraidhean Croise

Hechos 12:12

Mag ichdeupai ajap ich khaug athaawaita warag woun Juan anʉm ãd María a thʉ̃r sĩerr diig petajim aajem, õor khapan ãba biirdʉwi Ẽwandamag jeeu narr aar. Mag woun Juan anʉm ibʉʉr wauwi ĩchab Marcos a thʉ̃r sĩejim aajem.

Hechos 12:25

Bernabé Saulo dʉi mag ofrenda deethurwi, Jerusalenmua deeu Antioquiaag wetumua amach dʉi woundam Juan anʉm arrjierram aajem. Ich mag Juanpai ibʉʉr wauwia Marcos a thʉ̃ʉrjeejim aajem.

Hechos 13:13

Pablo ich khapeen dʉi mag phobordam Pafos anʉm ee naawi dʉrbagkhabaadeeu deeum durr Panfilia anʉm eem phobordam Perge anʉm phẽeubaimajierram aajem. Mamʉ mam paaukhabaimaa Juan Marcoou am kha ogdʉwi deeu Jerusalenag petajim aajem.

Hechos 19:29

Mag serereukham gaaimua sĩi warag kaaijã ee õor phogdʉ nʉrrjee maadeujã khaugba joisijim anaabá. Mamagkham ee õor pochag beewi, Pablo khapeen numí Macedoniapien Gayo dʉi Aristarco anʉm pʉrphobaadewi, amach thumaam khʉʉn ãba biirdʉajem di aar ethetherrg arrwi wai dubphobaadejim aajem.

Hechos 27:2

Mag chadcha puerto Adramitio anʉm aram barco Asiaag mam anʉm aig bar wejorr aawai mag ee marau waaidʉtkha phobaadejim. Mag maar wetum dʉi Macedonia durr phobor Tesalónica anʉm eem woun Aristarco anʉmjã maar dʉi majim.

2 Corintios 8:23

Ãbmua khãijã Tito igwia pãachig, “¿Jã khaíuma?” abaawai, jũrr mʉ igwia, “Jãan Pablo khaperau, pãach juag oom khõchgau i dʉi ãba phidkhaajem khabahab” abat. Wa jũrr i khapeen ar i dʉi numí wetum khʉʉn igwia khãijã, “¿Jãkhʉʉn chijã khʉʉnauma?” abaawai, “Jãkhʉʉnan mau Macedonia durr iglesia nʉnʉidʉm eem khʉʉnau jʉr auwia pʉitarr khʉʉnau” abat, “ĩchab wajapha maach Cristo iek ig iyʉʉ aajem khʉʉn.”

Filipenses 2:25

Mamʉ ichiita mʉʉgwaiwe mua deeu pãar aar maach khod Epafrodito pʉiju. Pãrau mʉ juag oomkhĩirta i pʉitarr aawai chadcha irua ʉu mʉ ipierr maach Por Cristo iekjã jaau wai khitanaa woun atheemjo ag kõitjã warag khaigper iekha khitaajem.

Filipenses 4:3

Maimua pʉjã, mʉch khapeer ajapham, ĩchab maach peerdʉajem iek eemua bʉ̃ʉrjã ogdʉba nʉrraajeewai pʉrʉgjã jãkhʉʉn ʉʉin wawibá a chirʉm, tag ich jãg wenʉrram ugua. Mua õor ee maach peerdʉajem iek jaau chitaawai jãkhʉʉn ʉʉinauta Clemente dʉimua tagam khʉʉn agjo mʉ dʉi ãba wenʉrrarr khʉʉnpa mʉ bʉ ogdʉba dʉi mʉ ipierr jaau durraajeejim. Mag mʉ dʉi wenʉrrarr khʉʉn thʉ̃r ya ʉ̃gthar Ẽwandamau ichdeu peerdʉ aumam khʉʉn thʉ̃r phãkhamaajem ẽsap gaai ĩchab phãkha thʉnʉm.

Colosenses 4:10

Mʉ khapeer Aristarco mʉig mʉ dʉi cárcel deg kheraajemuajã pãrag salud aajem; Marcooujã agjo salud aajem, ajapcharan Bernabé i primoouma. Ya Marcos igwi mua pãachig jaaupʉitarr aawai ya pãrau khaphʉ nʉm, pãach aar baarwai ajapha i recibiibat.

Colosenses 4:14

Mʉig doctor Lucas maadeu i chig apimapha aajemuajã pãrag salud deepʉi sim, maimua Demas anʉmuajã agjo.

1 Pedro 5:13

Mau Babilonia iglesia eem khʉʉnaujã pãrag salud deepʉi nʉm. Amjã ĩchab pãarjo ich Ẽwandamauchata ich iek ʉkhamkhĩir jʉr autarr khʉʉnau. Mʉchdeu jaau chirʉm ũrwia ʉkhatarr gaaimua mʉ iewaa aajemuajã pãrag salud deepʉi sim, ajapcharan Marcoouma.

3 Juan 1:8

Magua maachdeuta jũrr amau nem ig nʉmjã khap aju aai nʉm, mag amau nemdam ig nʉm dee nʉmua warag Ẽwandam iek chaarta jaaumkhĩir. Mag nʉm aig maadeu warag Ẽwandam iekta maach paarmua aaidʉpi nʉm.