Filemón 1:20 - Wounaan Meu

²⁰ Magau khodam Filemón. Puajã maach Por Jesucristo iek ʉkhaajeewai, Onésimo chig aba sĩi warag i daupii wai chirsimkhĩir, muata pʉrʉg chaigpa chirʉm i kõit. Mag pʉjã ĩchab Cristo den aawai cha mua jaau chirʉmjo abá i dʉi, magbarmua warag mʉchpata mʉ khĩirdam onee apieg.

Woun Meu

²⁰ Magau k'odam Filemón. Puajã maach Pör Jesucristo hiek hʌ̈k'aajeewai, Onésimo chig haba sĩi warag hi daupii wai chirsimk'ĩir, muata pʌrʌg chaigpa chirʌm hi kõit. Mag pʌjã hĩchab Cristo dën haawai cha mua jaau chirʌmjö habá hi dʌ̈i, magbarmua warag mʌchpata mʌ k'ĩirdam honee hapieg.

Filemón 1:20 Iomraidhean Croise

1 Corintios 16:18

Ʉu chadcha amau mʉ thãar onee apiwia pãarjã ich agjo onee apiju, deeu pãar aar bardʉtkhaimaawai. Jãgʉm wounaanan chad pãrau chadcha pãach garmuajã bʉ̃ʉrjã chig abata wai naaju aai nʉm.

2 Corintios 2:2

Mʉ mawia pãachig iekhabaimaawai pãar okhĩirjuu nʉisim oobaawai, ¿jãga mʉchjã onee abarju pãar dʉi? Maig chan maach thumaa onee aju arrta sĩi warag okhĩirjuuta nʉisiju.

2 Corintios 7:13

Mag pãach garmuajã mʉ khõsi nʉm gaaimua chadcha mʉ onee chirʉm. Pari ʉ̃rcha mʉ onee arran, Titojã pãrau wajapha pãach ee wai naawia ĩchab i khĩir onee apitarr gaaimuata mʉchjã onee ajim.

Filipenses 1:8

Jesucristoou pãar khõsi simjo muajã pãar kha khõsi chitʉm. Mua mag chirʉm aig Ẽwandamau khaphʉ sim mʉ seukhaba chirʉm.

Filipenses 4:1

Khodamnaan, mua pãar jãsenenaa pãar khõsi chitaawai pãar oon mam khõchaaga chiraajem. Ajapcharan pãar gaaimuata mʉʉn onee chiraajem. Mua khaphʉ chirʉm, pãrau chadcha maach peerdʉajem iek ʉkhatarr aawai par mʉ phidkhabajim. Jãg pãarta mua khajapham nemjo Cristo athee gan autarr gaaimua mʉ onee chirʉm. Maagwai ich mʉg ẽsap gaai thum mʉchdeu pãrag jaau chirʉmjo ich jãg ubʉ nʉisit, ʉdʉraa maach Por Jesucristoogta pãach juag oopi nʉmua.

Filemón 1:12

Mag deeu pʉ chogkha sĩeimamkhĩir, ũmaai mua pʉ aar i pʉi chirʉm. Mamʉ mag mua pʉch aar i pʉibapäaiwai, mʉchchata pʉch aar barbaimamjo ajapha i wai chirsí pʉch dʉi.

Filemón 1:7

Pua mag maach Ẽwandam iek ʉkha durrum khʉʉn thum kha khõsi aajem a jaau nʉm gaaimua, mau chirʉm ãba, pua ĩchab mʉ thãar onee api sim. Ʉu nʉm hermano. Puata ʉu maach hermanonaan dʉi o ajapha am khĩir jãsenkha chirʉm gaaimua amjã khĩir onee durrum.

Hebreos 13:17

Keena, iglesia ee pãach pornaanau pãachig nem mag aawai am ipierraa abat, pãachta jũrr am khãai ʉ̃rpai aju ẽkhaba. Pãar gaaimua Ẽwandamau amachig iek jeeuju khaphʉ naawai amauta jua ʉ̃yaajã khaugba pãar thʉajem khʉʉnau. Pari mag pãach ajapha thʉamkhĩran, pãachdeujã am ipierraata abat, wajapha amaujã amach phidag onee waumkhĩir. Pãrau magbam chan pãar gaaimua am okhĩirjuu aphobaademua amach phidagjã waumaphamta wauphobaadeewai pãachpata eeg paaukhamaju.

1 Juan 3:17

Pari ãb phatkhon paraa simua khãijã Ẽwandam iek ʉkha sim a simta ich khapeenau nemdam ig nʉm khaphʉ simjã oobamjoo sim, jãga mag wounau Ẽwandam thumaam khʉʉn daupii khitʉmta ich thãar ee wai chiraawai iruajã agjo õor daupii chirʉm abarju.

3 Juan 1:4

Mʉchdeu Cristo iek jaau chitʉm ũrwia ʉkhatarr gaaimua jãg mʉch chaainjo khitheem khʉʉn chadcharam iek gaai jaau sim ipierraa wenʉrrʉm a ũurwaita chadcha mʉ onee chiraajem; deeum nem jaau nʉm ũurwai chan jãgcha mʉ onee aba chitʉm.