Filemón 1:14 - Wounaan Meu

¹⁴ Mamʉ mau mʉch appai agtha pʉ iekjã ũr auba chan mua mag jũrr iita ajués mʉch chogjo wai chiramapha chirʉm, eeu degolp pua mag khõchkhabaju khãijã mua magbaadeju. Magju khãai pʉchdeuchata irig pʉch khĩrau jaaumʉn chadau, mua i mʉch aig wai chiraju.

Woun Meu

¹⁴ Mamʌ mau mʌch happai hagt'a pʌ hiekjã hũr hauba chan mua mag jũrr hiita hajués mʌch chogjö wai chiramap'a chirʌm, heeu dëgölp pua mag k'õchk'abaju k'ãijã mua magbaadëju. Magju k'ãai pʌchdëuchata hirig pʌch k'ĩrau jaaumʌn chadau, mua hi mʌch haig wai chiraju.

Filemón 1:14 Iomraidhean Croise

1 Corintios 9:17

Mua mʉch khĩrauta i iek jaau chitʉm paarjã irua phagab khaba phagju. Pari ichiita jaaumapha awiajã, ich Ẽwandamauta mʉrʉg jaaupitarr aawai, jaauju aai chirʉm.

1 Corintios 9:7

Khaíu jaauwai mag soldaaunkha nʉm khʉʉn amach phatkhonauta amach nem ig nʉmjã thum perkha aumaajem aajẽ. ¿Pãrau oowai nemjĩir jĩir nʉm khʉʉnau pod amach nemjĩir eem khoju khaba aajẽ? ¿Phak bãau nʉm khʉʉnau pod chi jũdcho doju khabam a ũurjẽ? Mag khabam. Maachin dich phidkha nʉm gaaimuata thachdamjã kho wenʉrrʉm.

2 Corintios 1:24

Mʉ jam barwia mʉchdeu nem jaaubarmta pãrag ajués waupimapha chirʉm. Ya pãar pãachdeu Cristo iek ʉkha nʉm gaai ubʉ naawai pãrau khaphʉ nʉm, jãga aju aai nʉ mʉ barju nawe, maagwai magʉm athee chan ya pãrau wajap mʉ igba nʉm. Magarrau mua mʉchdeujã khõsi chirʉmʉn pãar onee apijuuta ẽkhaajem. Mua chan pãar okhĩirjuu apimapha chirʉm.

2 Corintios 8:12

Pãrau ofrenda deewaijã deem khõsita dee nʉmʉn, bʉ̃rʉʉ awiajã dʉrrcha dee nʉm dʉi ãba Ẽwandamau aum khõsi auju. Irua maachdeu chukhu nʉm atchajã jeeuba, maachdeu wai nʉmpierrpaita jeeu sim.

2 Corintios 9:5

Pari magam uguata mua mʉch nawe mʉkhʉʉn hermanonaan pʉi chirʉm, pãrau agtha ofrenda dʉrrcha pãachdeu deeju atarrjo chukhu nʉm khai, dʉi pãar juag ooimamkhĩir. Maagwai mʉ baarwaijã ya sĩi khĩir khaug wai naaju. Pari mag chirʉm chan mag ajuésta deepiba, sĩi pãach khĩrauta deepim khõsi chirʉm.

2 Corintios 9:7

Maguata mag ofrenda dee nʉm aigjã ich agjota sim. Thumaam khʉʉnau wajapha khĩirjuwia khaphʉ aju aai nʉm, khachpaita agdaujo deemaju aai nʉ. Pari ich Ẽwandamaujã mag deem khõsi dee nʉm khʉʉnta daupii aajeewai mag dee nʉm aigjã bigaaum khʉʉnau ajués deepi naawaita mag deegpamjã aba, ni sĩi khĩir mor chigpaijã deeju aai khaba nʉm.