Filemón 1:10 - Wounaan Meu

¹⁰ Mag chirʉmuata pʉrʉg chaigpa chirʉm Onésimo kõit. Iita chadcha mua mʉch chaaijo wai chirʉm, mʉch mʉg preso chirʉmuata ʉu irig maach peerdʉajem iek ʉkhapi autarr aawai.

Woun Meu

¹⁰ Mag chirʌmuata pʌrʌg chaigpa chirʌm Onésimo kõit. Hiita chadcha mua mʌch chaaijö wai chirʌm, mʌch mʌg preso chirʌmuata hʌ̈u hirig maach peerdʌajem hiek hʌ̈k'api hautarr haawai.

Filemón 1:10 Iomraidhean Croise

San Marcos 9:17

Magbaa mag õor pos thʉnʉm eemua ãbmua magjim anʉm: —Maestro, mua mʉch iewaa aibeejimgui ajim anʉm, i mor eem beneu pod iekhapiba sĩi ichʉp wai sĩewai, pʉrʉg warre jẽu werbamkhĩir.

Romanos 12:1

Cristo gaaimua khodamnaan: Maguata ich jãg Ẽwandamau maach dau aug khaug paraa khitʉmjo, muan pãragan pãach cha maach iyʉʉ nʉmchata ideu Ẽwandamag ich denkhapi athat a chirʉm, ãba i atheepai ichdeu khõsimjo wajapha nem wau wenʉrraag. Magnaata irig jeeu wenʉrraju aai nʉm.

1 Corintios 4:14

Mua mʉg ẽsap gaai ikhʉaba pãrag mag phã deepʉi chirʉm chan sĩi pãar khĩir naaupim khõchgaupai khabam. Mua mʉg ẽsap phã deepʉi chirʉmʉn, mʉch chaainjo pãar khõsi wai chitaawaita sĩi pãar wawí chirʉmʉu.

1 Corintios 4:15

Pãachig Cristo iek jaaumkhĩir pãrau maestronaan khapan diez mil jʉr wai naawiajã pãar chan dennaan khapan chukhu nʉm. Jesucristo iek jãg pãachdeu ogdʉba ʉkha wenʉrrʉm gaaimua mʉg jẽb gayan mʉʉta pãar ayau, Ẽwandamau maach peerdʉ aaujem iek muata nacha pãrag jaautarr gaaimua.

Gálatas 4:19

Chaaina, chaain chukhu chitaawai mʉrʉgan pãarta mʉ chaainau. Magua pãar atheyan mʉʉn ʉʉi chaai machkha thʉnʉmjo gaai machaaga chiraajem; pãrauta Cristo ʉdʉraa pãach gaai thierrpapibam aiguin, mʉʉn ich mʉg pãar khĩirjuau gaai machag chitaju.

Colosenses 4:9

I dʉi mam ĩchab Onésimo, pãach aram woun agjo maadeu jãsene aajem. Jãjã agjo ichig nem mag abarmʉn ag ipierr wai jẽedʉ khitaajem. Amach numiim khʉʉnau amau pãrag jaauwimaju, jãga durrú mau maach chi ʉkha nʉm khʉʉn.

1 Timoteo 1:2

Mag Jesucristo cha mua jaau chirʉmuata mʉg atagjã ʉu maach khĩir meeupiju. Maachdeu i iekpai ãba ʉkha wenʉrrʉm gaaimua pʉʉta mua mʉch chaaijo ʉ̃rcha ig chitʉm. Maach Aai Ẽwandamag jeeunaa maach Por Jesucristoogjã jeeu chirʉm, pʉ dau ee aug khaug paraanaa ʉuu wai nʉm dʉi pʉ khõinaa wai wenʉrramkhĩir.

Tito 1:4

Tito, muata mʉg ẽsap pʉrʉg phã deepʉi chirʉm. Maach numiim khʉʉnau ãbam iekpai ʉkha wenʉrrʉm gaaimua pʉjã ĩchab mʉch chaaijo ig chitaawai, maach Aai Ẽwandamag jeeunaa maach Por Jesucristo maach peerdʉajemʉgjã jeeu chirʉm, amachdeuta pʉ dau ee aug khaug paraanaa pʉ ʉu wai nʉm dʉi ĩchab pʉ khõinaa wai wenʉrramkhĩir.

Filemón 1:11

Warran chadcha Onésimo pʉ chog sĩi pʉ athee phidkhaajem ajim. Mamʉ mag sĩerrta pʉ aigmua dʉr mawi, dʉrrʉʉ pʉ athee tag phidkhaba, sĩi tag ich igpibajujo sĩsijim. Magjieb mamʉ ya iruajã maach denjo Cristo iek ʉkhabaarwai, mʉ mʉg chirʉm aigjã ʉu dʉrrcha irua mʉ oo wai kherʉʉ awia, pʉ atheejã deeu irua phidkhaju mua khaphʉ chirʉm.

Filemón 1:13

Mua chadcha mʉch aigmua ogdʉba i wai chiram khõsi chirʉm, mʉg maach peerdʉajem iek jaau chitʉm gaaimua preso chiraawai mʉchdeu nemdam iigwaijã ichdeuta au deebarphʉ amkhĩir. Mua khaphʉ chirʉm ĩchab, pua mʉ oon beem khõsi sim. Mamʉ warphagkham gaaimua pod beeba aawai mua jũrr ichta mʉch dʉi sĩepim khõsi chirajim, mag irua pʉ kõit mʉ athee nem wau simta jũrr pʉchdeuchata wau simjo amkhĩir.

3 Juan 1:4

Mʉchdeu Cristo iek jaau chitʉm ũrwia ʉkhatarr gaaimua jãg mʉch chaainjo khitheem khʉʉn chadcharam iek gaai jaau sim ipierraa wenʉrrʉm a ũurwaita chadcha mʉ onee chiraajem; deeum nem jaau nʉm ũurwai chan jãgcha mʉ onee aba chitʉm.