Filemón 1:1 - Wounaan Meu

¹ Filemón, ¿jãgpai chirʉ́? Mʉʉn Pabloou. Maach Por Jesucristo iek jaau chirʉm gaaimua preso chirʉm. Mag preso chirʉmuata pʉrʉg mʉg ẽsap phã deepʉi chirʉm. Pʉjã maar dʉi maach Por Jesucristo iek jaau nʉm gaai ogdʉba khitaawai, maach hermano Timoteo dʉimua muata pʉrʉg saludaa chirʉm.

Woun Meu

¹ Filemón, ¿jãgpai chirʌ́? Mʌʌn Pabloou. Maach Pör Jesucristo hiek jaau chirʌm gaaimua preso chirʌm. Mag preso chirʌmuata pʌrʌg mʌg hẽsap p'ã deepʌ̈i chirʌm. Pʌjã maar dʌ̈i maach Pör Jesucristo hiek jaau nʌm gaai hogdʌba k'itaawai, maach hermano Timoteo dʌ̈imua muata pʌrʌg saludaa chirʌm.

Filemón 1:1 Iomraidhean Croise

Hechos 16:1

Mag wenʉrrʉmua Pablo Silas dʉi phobordam Derbe anʉm barimawia maigmua jũrr deeum phobor Listra anʉmʉg wetjierram aajem. Mag phobor Listra anʉm ee ẽwan Timoteo a thʉ̃r sim sĩejim aajem, ĩchab Jesús iek ʉkhaajem. I ãd judeapie ʉʉi ajim aajem, ĩchab Ẽwandam iek ʉkhaajem; mamʉ i aai griego ajim aajem.

1 Corintios 3:9

Wajapcha oowain maran sĩi i juag oojem khʉʉnau, i iekdam jaau nʉm gaaimua ich dʉita khapeerkhanaa ãba phidkha naawai. Maagwai pãar sĩi chi phʉajẽbjota nʉm. Maagwai ich Ẽwandamauta ag ee nemjĩir jĩirkhamam, pari mag nemjĩiran ich iekhau. Wa magbam khai, sĩi dijota nʉm. Pari mag di agjo ich Ẽwandamauta eu arrum.

2 Corintios 1:1

Mʉʉn Pabloou, Ẽwandamau Jesucristo iek jaaumkhĩir ich Cristooucha jʉr autarr. Muata Timoteo dʉimua mʉg ẽsap phã deepʉi chirʉm, Grecia durr Corinto phobor ee Ẽwandam iek ʉkha durrum khʉʉnag maimua deeum phobordam nʉnʉidʉm eem magwe thumaa chi ʉkha durrum khʉʉnagjã agjo.

Gálatas 3:26

Ya ĩsin mag ich Jesucristo iekta thãraucha ʉkha nʉm gaaimua maachin thumta Ẽwandam chaainau.

Efesios 3:1

Keena, mag pãar judionaan khabam khʉʉnpa Ẽwandam chaain khaju aai nʉm a jaau chitʉm gaaimuata mʉʉn mʉg preso chirʉm. Pari mua khaphʉ chirʉm, mʉg mʉ preso chirʉm gaaimua Cristoou jũrr pãar dʉita ajapha aju.

Efesios 4:1

Keena, maach Por Jesús i jaau chitʉm gaaimua preso chirʉmuata muan pãrag jaau jochkherʉm: chadcha Ẽwandamau thʉ̃rkha auwi i denkha nʉm khʉʉnjota agpierraa nʉrrjee abat a chirʉm.

Efesios 6:20

Cristoou ich jũrr mʉ chogpʉiwi mʉg maach peerdʉ aaujem iek jaau chirʉm atheeta mʉʉn mʉg amau mʉ preso wai nʉm. Magtarr aawai mʉig cárcel deg chirʉmuajã warag ichta õrag khap amkhĩir ogkhaba jawaagjã mʉ kõit jeeunaat keena.

Filipenses 1:1

Hermanonaan, pastornaan, pastornaan juag oojem khʉʉn, maimua thum Filipopien Jesucristo iek ʉkha nʉm gaaimua maach thum ãbam bi eemjo khodkha nʉm khʉʉn: Mʉʉn Pabloou. Muata pãar thumaam khʉʉn athee mʉg ẽsap phã chirʉm. Timoteota mʉ daumaai sim, mʉ dʉita ãba Jesucristo chogkhanaa i athee phidkha sĩewai. Maagwai maach numiim khʉʉnauta pãach thumaam khʉʉnag saludaanaa ʉu naapim khõsi nʉm.

Filipenses 2:25

Mamʉ ichiita mʉʉgwaiwe mua deeu pãar aar maach khod Epafrodito pʉiju. Pãrau mʉ juag oomkhĩirta i pʉitarr aawai chadcha irua ʉu mʉ ipierr maach Por Cristo iekjã jaau wai khitanaa woun atheemjo ag kõitjã warag khaigper iekha khitaajem.

Filipenses 4:3

Maimua pʉjã, mʉch khapeer ajapham, ĩchab maach peerdʉajem iek eemua bʉ̃ʉrjã ogdʉba nʉrraajeewai pʉrʉgjã jãkhʉʉn ʉʉin wawibá a chirʉm, tag ich jãg wenʉrram ugua. Mua õor ee maach peerdʉajem iek jaau chitaawai jãkhʉʉn ʉʉinauta Clemente dʉimua tagam khʉʉn agjo mʉ dʉi ãba wenʉrrarr khʉʉnpa mʉ bʉ ogdʉba dʉi mʉ ipierr jaau durraajeejim. Mag mʉ dʉi wenʉrrarr khʉʉn thʉ̃r ya ʉ̃gthar Ẽwandamau ichdeu peerdʉ aumam khʉʉn thʉ̃r phãkhamaajem ẽsap gaai ĩchab phãkha thʉnʉm.

Colosenses 1:1

Mʉʉn Pabloou, ich Ẽwandamau khõsi sĩerrjo ich Jesucristooucha ich i jaaumkhĩir jʉr autarr. Muata mʉg ẽsap phã deepʉi chirʉm, Colosas phobor ee Cristo iekta ogdʉba ʉkha durrum gaaimua Ẽwandam õorkha nʉm khʉʉnag. Mua pãar kõit maach Aai Ẽwandamag jeeu chiraajem, ʉu dʉrrcha pãar eeg oonaa pãar khõinaa phe wai sĩemkhĩir. Maach hermano Timoteo mʉig mʉ dʉi sim; i iek iruajã pãrag salud aajem.

Colosenses 4:11

Maach khodam Jesús ibʉʉr wauwi Justo aajemuajã salud deepʉi sim. Mʉig judionaan chi ʉkha durrum khʉʉn ee mʉkhʉʉn thãrjuppaim khʉʉnauta ʉu mʉ ipierr jaau durrum, Cristota amach thãar ee auwi irigta ʉdʉraa amach Porkhapimkhĩir. Magua amauta ĩchab ʉu mʉ khĩirdam jãsenkha wai naajem.

1 Tesalonicenses 3:2

jũrr maach khodam Timoteota mua pʉijim, ĩchab Cristo iek jawaag Ẽwandamau ichig nem mag aawai bʉ̃ʉrjã i ichaaur magʉm aba khitaawai. Iita mua pʉijim, pãar oon mawia pãachdeu ʉkha nʉm iek gaai ubʉ naamkhĩir warag pãrag jaaumkhĩir,

2 Tesalonicenses 1:1

Mʉch Pabloouta Silvano dʉi Timoteopa ãba nʉmua mʉg ẽsap phã deepʉi chirʉm pãar Tesalónica phobor ee Cristo gaaimua maach khodkha nʉm khʉʉnag. Mua khaphʉ chirʉm, pãar chadcha Ẽwandam chi Aai gaai ubʉ thierrkhanaa ĩchab maach Por Jesucristo dʉijã ubʉ nʉm.

2 Timoteo 1:8

Timoteo, oob pʉchdeu maach Por Jesucristo khaugtarr igwia õrag jaauju chigaa chiram, ni Cristo gaaimua mʉ mʉg preso chirʉm õrag jaaujujã oob chigaa am. Magju khãai Ẽwandamau pʉchig juapadam deetarrau warag mʉ ipierr dʉi maach peerdʉajem iekta jaaum khõsi jaaubá, agʉm gaaimua pʉch aphʉʉ ajujã khĩirjuba.

Filemón 1:23

Mʉ khapeer Epafras ĩchab Jesucristo iek jaau khitʉm gaaimua mʉig mʉ dʉi cárcel deg kheraajemuajã pʉrʉg salud deepʉi sim.

Filemón 1:24

Mag tag ĩchab pʉrʉg salud deepʉi nʉm: Marcoou, Aristarcoou, Demas aajemua, maimua Lucaaujã agjo. Mʉkhʉʉnauta dʉi mʉ ipierr ogdʉba maach peerdʉajem iek jaau durraajem.

Filemón 1:9

Mamʉ muata ajués pʉrʉg i daupii api chirʉm am ugua, maach numijã agdaujo chikham kha khõsi nʉmjo i kha khõsi amkhĩir, sĩi ikhõrjã khaba pʉrʉg magam ig chirʉm. Mʉ ya jooiraa chirʉm. Mag chirʉm ãba, Cristo iek jaau chitʉm gaaimua preso chirʉm.