Efesios 5:3 - Wounaan Meu

³ Ya pãar Ẽwandam õorkha nʉm khʉʉn chan pod pãach õor khabam dʉijã khapes aju khaba, tagam nem maach inaamjã wauba, chikham nemjã thumaa dich den apim khõsi aju khaba, ni sĩi magʉm iek ig iyʉʉ ajujã khaba nʉm.

Woun Meu

³ Ya pãar Hẽwandam hõork'a nʌm k'ʌʌn chan pöd pãach hõor k'abam dʌ̈ijã k'apes haju k'aba, tagam nem maach hinaamjã wauba, chik'am nemjã t'umaa dich dën hapim k'õsi haju k'aba, ni sĩi magʌm hiek hig hiyʌ̈ʌ hajujã k'aba nʌm.

Efesios 5:3 Iomraidhean Croise

San Mateo 15:19

Nem thum maach khĩirjug eemuata ober thʉnʉm: khĩirjug khaigbam, õor thõoju, dich õor khabam dʉi khapes aju, dich khaman apha khãijã dich õor dʉímjo aju, nem jĩgkhaju, seukhaju maimua chikham eugar chad khabam iek iekhaju.

San Lucas 12:15

Maimua ĩchab thum aig narr khʉʉnagpa magjim anʉm: —Khĩirjug paraa aajeet. Oob pãrau sĩi nem khĩir thum paarpaju appaita khĩirjumiet ajim anʉm. Pãrau nem thum wai naawia khãijã pãar eu meebamgui ajim anʉm.

San Lucas 16:14

Mamʉ ĩchab aig fariseonaan phatkhon athee bĩe khitheem khʉʉnaupa chi Jesuu iekhamam ũr narr aawai warag i wau iekha naajim aajem.

Hechos 15:20

Magju khãai sĩi amag ajapha ẽsap phãnaa ag gaai jaaupʉijugui ajim anʉm, Ẽwandam na tag ʉdʉraa amach ãrpim ugua. Mag ẽsap gaai tag nem parhoobamta ẽwandamkha waunaa agʉg jewaag nemchaain khechnaa ag khĩirphee wai narr nemek modjã khopiba jaaupʉijugui ajim aajem. Nem thõowia ag bag den reyen wau sĩsidʉmjã khopiba, ni nem sĩi begone bag ãrba thõo sim modjã khopiba jaaupʉijugui ajim anʉm. Mag nʉm dʉi ĩchab dich õor khabam dʉijã bʉ̃ʉrjã khapes apiba jaaupʉijugui ajim aajem Santiagoou.

Hechos 20:33

Khaphʉ abat pãrau ĩchab: Mʉ chan mʉg chitʉm aig chikham phatkhondam wa khajũadam khãijã wajappha oowai, “¡Ih! jãgʉm thumta mʉ deneg pabaadekhiina” aba chitʉmgui ajim.

Romanos 1:29

Maguata sĩi wir aig dich khapeen dʉijã nem agcha aba, parhoobata thʉnʉm: dich õor khabam dʉi khapese, nem khaigbamjã thumta waum khõsi, chikham nemjã dich den apim khõsi, nem khaibag, chikhamnau nem wai nʉm oowia agjo paarpam khõsi, juaujã chikham thõo, chikham dʉi khujʉʉrnem, seunem, chikham khaibag waaunem,

Romanos 16:2

Jãg hermana pãach aar baarwai, tagam khʉʉn agjo maach denjo ʉkha nʉm khʉʉn dʉi aajemjo i dʉijã wajapha abat. Irua nemdam iigwaijã thum audeebat. Magaag jãg hermanaau ʉu dʉrrcha õor juag oowi sim; mʉ juagjã irua oojim.

Romanos 6:13

Nem khaigbam wawaag chan ni bʉchkhun awiajã oob pekaúgta pãach gaai ʉdʉʉr apimiet. Mag khãai Ẽwandamagan chadau pãachta sĩi khajapham nem jua choogjemjo ideu pãach dʉi ichdeu ampierr apibat. Ya pãar mag nem khaigbam wau wenʉrramaaugau, Cristo dʉi ãba meewia deeu iiu phiidʉwi naawai, Ẽwandamagta pãachdeupai warre pãach thum thʉsĩebapʉit.

1 Corintios 10:8

Oob amau arrjo dich ʉʉin khabam dʉita parhooba dich ʉʉin dʉímjo khapes amiet. Amau Ẽwandamjã ogkhaba magwia warre ãbam edpai veintitres mil khechjierram anaabá.

1 Corintios 5:1

Jaau nʉm khʉʉn iek mag pãar ee ãbmua ich bãaurr ũanpaita ich ʉʉikha wai sim anʉm. Jãgʉm pãar dak nem wajaphampa, jãgʉm pekau chan ni Ẽwandam iek khaugbam khʉʉn eejã ooba aajem.

1 Corintios 6:13

Ĩchab ãaur khʉʉnau pãar ee maagjem: “Phiejãban khoog atheeta waaujem; maagwai maach bi thachdam kho nʉm atheeta Ẽwandamau deejim” aajem. Ma chadcha khoog atheema phiejãban, maagwai mag thach kho nʉmjã pekau khábama; pari ichiita Ẽwandamau magʉm thum chukhu apʉiwia maach bijã jẽbeg paapʉiju. Pari mag maach bi thach atheem awiajã, maach mor chan sĩi dich õor khabam dʉi parhooba khapes amkhĩir khabajim. Maach moron maach Por Jesucristo atheyau, thum ichdeu nem waupi sim wawaag. Maagwai ich Jesucristo, jũrr maach mor atheyau, í maach mor ee sĩejeewai.

1 Corintios 6:18

Oob pãach õor khabam dʉi khapese amiet. Deeum pekau waauwai chadcha Ẽwandam na maach khaigba api sĩeb mamʉ, jãg dich õor khabam dʉi khapese anʉmjocha khaba sim. Maach mor mag Cristo atheeta sĩewai, jãg dich õor khabam dʉi khapes aawain, wir aig dichdeupaita dich khaibag wau nʉm, deeum dʉi nʉmua dich mor Cristo denkha simta ãrpi naawai.

2 Corintios 12:21

Mua agjo khĩirju chirʉm ĩchab, eeu degolp pãar gaaimua khãijã Ẽwandamau mʉch khĩir naaupiju. Mag amʉn magan ar nawe pekau ee nʉmta jãg maadeu nem waumapham wau nʉmjã bʉ̃ʉrjã pʉabanaa, amach õor khabam dʉijã parhooba khapesnaa maimua warr amachdeu nem khaigbam waaujerrjã ogdʉba agtha wau wenʉrrʉm khʉʉn gaaimua Ẽwandamau mʉ wajappha bĩepiju.

Efesios 5:12

Jãgʉm khʉʉnau meraa nem wau nʉm chan maadeu igjã mapha sim, magʉm iigwai warag maach chigaata sĩewai.

Efesios 5:5

¿Jãgwi mua mag chirʉ́? Mua mag chirʉmʉn mʉgau: Amach õor khabam dʉi khapes aajem khʉʉn, Ẽwandamau oowai maach inaam nem waaujem khʉʉn, wa chikham denjo paarpaag awi amachdeu nem ig nem ẽkhabaademjã pʉa chʉuu aajem khʉʉnjã pod Cristo Ẽwandam dʉi ãba chi Porkha sim aar oberbaju aawaita mag chirʉm. Ar jãg nʉm khʉʉnaun jãg amachdeu nem wau nʉmʉgta ʉ̃rcha ee thʉnʉm, Ẽwandamagta ee aju khãai. Amach mag nʉm gaaimuata pod i aar oberbam.

Filipenses 1:27

Mʉʉn mau pãar warp chirab mamʉ, muan pãragan sĩita Cristoou maachig wenʉrrapi jaau simjota thum i ipierraa wenʉrrapim khõsi chirʉm. Maagwai pod mʉch pãar aar barba awiajã, warppaimua khãijã agtha pãach thumwe Cristo dʉi ubʉnaa maach peerdʉajem iek jawaagjã o ãba nʉm anʉmta mua ũrm khõsi chirʉm.

Colosenses 3:5

Magua, nem khaigbam wauju khõchagjã warre pãach gaaimua khecheunaa barbapʉimjo abat. Ni ãbmuajã ich õor khabam dʉi khapes am, Ẽwandamau oowai maach inaam nemjã tag waum, warr ich khõchag aig nem waunaa warag bigaaum khʉʉnta chigaa apiejerrjã oob tag agjo am, ni oob phatkhonagjã wʉrpa am; phatkhon khĩragta wʉrpa nʉmʉn nem parhoobamta ẽwandamkha waunaa agʉg jeeu nʉm dʉi ãba sim.

1 Tesalonicenses 4:3

Ẽwandamaun ãba ich atheepaita maachig nem wau wenʉrrapim khõsi sim; ni iwiir ãbjã dich õor khabam dʉi khapese aba.

1 Tesalonicenses 4:7

Ẽwandamau maach ich athee jʉr autarr chan sĩi parhooba pekau wau wenʉrramkhĩir khabajim. Magju khãai ichdeu khõsi simjo ich athee nem wajapha wau nʉmpai wau wenʉrramkhĩirta maach ich denkha aujim.

1 Timoteo 2:10

Magju khãyau chadcha ʉʉin Ẽwandam iek ʉkhanaa irigpai jeeu wenʉrraajem khʉʉnau aajemjo, nem ajapha wau nʉmuata pãach igpiju awiajã pãach eugar ig iyʉʉ apibat.

1 Timoteo 3:3

Chi porkha sim khʉ chan oob mag nag pignaa, ich khapeen dʉijã khujʉʉrnem aju khaba, ni sĩi nemdam bʉ̃rʉʉm wau nʉm paarjã ãba phatkhonta auju khĩirjubaju aai sim. Magju khãai, thumaam khʉʉn dʉi o ajaphanaa khõinaata nʉrraju aai sim, ni phatkhon ichdeu au sim atchajã warag paarpaju khĩirjuba.

1 Timoteo 6:10

Ar chadcha phatkhonag wʉrpa nʉm khʉʉnaun nem khaigbamta khĩirpierr waaujem, phatkhon paarpam khõchgau. Õor magʉm khʉʉn thʉnʉm. Ãaur khʉʉnau mag phatkhon paarpam khõchgau, nem parhooba wau nʉmuata warag maach Ẽwandam iek amachdeu ʉkha narrjã isegjierram. Amaun amach phatkhon paarpa phobaadeewai amach onee ajupii aajerram. Mamʉ magʉmjã ichiita ich mag onee khaba naajem.

2 Timoteo 3:2

Mag jaar paawai õrau amachpaita wir aig khĩirju sĩsid aju. Mag nʉm dʉi phatkhonagta eenaa ĩchab wir aig amachpai tho iekhaju. Ẽwandam khõchkhaba warag parhooba chaaur iekha sĩsidnaa, dennaanpan amach dennaanau iekhaawaijã warag dʉi ʉkha ʉkha sĩsid aju, amach dʉi ajapha aajerrjã deeu ewag khĩirjuba. Mʉg maadeu ʉkha nʉm iekjã õrau ʉkhamaaugau warag amachdeu ampierr aju:

Tito 1:11

Jãgʉm khʉʉnan i khõorjʉ̃ sĩumaju aaita sĩsidʉm. Magba aawai sĩi phatkhon paarpam khõchgaupai jãg nem jaauju aai khabampa jaau wenʉrrʉmua õor di enter khũgur pʉamaajerram.

Tito 1:7

Chi ʉkha durrum khʉʉn porkha sim wounan ãba Ẽwandam atheeta phidkha sĩewai thumaam khʉʉn daar agchata nʉrraju aai sim, ichta ʉ̃rpai chirʉm awia bithurgam khʉʉn iek ũrmaphajã khaba, khĩir khʉʉukhakharrso khaba, nag pig khaba, dich khapeen dʉijã khujʉʉrnem khaba, ni sĩi nemdam bʉ̃rʉʉm wau nʉm paarjã ãba phatkhonta ahau ajujã khĩirjuba.

Tito 2:3

Ich agjo ũanaanagjã chadcha Ẽwandam iekpai ʉkhanaa irigpai jeeujem khʉʉnjota wenʉrrapi jaaubá, seunem nem ĩgkha nʉrrjee khaba, nag pigjã khaba. Magju khãai amag agpierraata wenʉrrapi jaaubá, chaainpaim khʉʉnau mag oowai amjã ich agjota wenʉrraju aai nʉm a khap amkhĩir.

Hebreos 12:16

Pãach ee iwiir ãbmuajã oob dich õor khabam dʉi chan khapes amiet; oob Ẽwandamau waupim khõsimʉgta sĩi oobamjo am khõchgau warr jooingar Esaú arrjo amiet. Esaú ichta chi naam arr aawai ichdeuta ich aai nem thum jʉ̃akham; mamʉ mag jʉ̃aju arrta sĩi jãsogau thach thep ãbpaim dʉi jũrr ich eeumʉgta ichdeu nem jʉ̃aju arr thum thʉsĩepʉijim anʉm.

1 Pedro 5:2

Ich jãg pastorrou ajapha ich oveja thʉajemjo, pãach ee Ẽwandam iek ʉkha nʉm gaaimua i denkha durrum khʉʉndam pãachig jaautarrta ajapha oopaar abat. Mag am thʉa nʉmjã ajués bigaaum khʉʉnau jaauwai khaba, ich Ẽwandamau jaau simjo pãach khĩrauta i chaain thʉam khõsi thʉabat. Mag phidkha nʉm gaaimua phatkhon pom paarpajujã khĩirjuba, sĩi pãach thãrau waum khõsi aawaita waubat.

2 Pedro 2:10

Ar jãg thum amach khõchagpierrta nem waum khõsinaa Ẽwandam jua theegjã ogkhaba aajem khʉʉn gaaita ʉ̃rcha Ẽwandamau mas ab khaba mas aju. Jãg pãrag seukha nem jaau nʉm khʉʉnan jʉ̃g khĩchagnaa khĩir nagjã chukhuta sĩsidʉm. Maguata leinaan amach khãai jua theeg sĩsidʉm khʉʉn igwiajã warag am serbiibag phemaajem.

2 Pedro 2:14

Amach mag naawai, ʉʉin oowaijã warre ag dʉi khãiju khĩirjugta khĩirjuajerram, mag pekau wauba akhimjã aba. Mag naawai Ẽwandam iek gaai ubʉ khaba khitheem khʉʉnagjã amach denjota waupiju ẽkhaajerram. Mag sĩsidʉmʉn ĩchab Ẽwandamau nem khõch khabam atheeta wʉrppa sĩerrjeem. Jãgʉm khʉʉnan ya sĩi ich Ẽwandamau isegju khʉʉnau.

2 Pedro 2:3

Jãg pãrag jaau wenʉrrʉm khʉʉnan sĩi phatkhon atheepai bĩe sĩsid aawai, mag chad khabam nempa jaau wenʉrrʉmua pãar khũgurnaa pãar jua eem phatkhonpa aumaju. Mamʉ amach mag wenʉrrʉm paar am dau aug waupijuun, ya nawe Ẽwandamau jaau wai sim aawai ya chadcha am gaai mas aju dakpamam.

Apocalipsis 2:14

Mamʉ magʉm ãba, i iek pʉ khaigba simjã irua oo chirʉm aajem. Maguata pua Balaam igar nʉm khʉʉnagjã iekhaba sĩi oo wai sim anaabá. Ich jãg Balamau ajim anaabá, deeum woun Balac aajerrag israelnaanag nem khaigba waupi jaaujerr. Ich jãgua ajim anaabá, ar amach jua wautarrta ẽwandamkha wai nʉmʉg jewaag ag khĩirphee nemchaain thorrphe wai narr nemek modjã khopi jaaunaa ĩchab parhooba dich õor khabam dʉijã khapes aju aai nʉm a jaautarr. Pua mag khaphʉ simta mag Balaam igar nʉm khʉʉnag bʉ̃ʉrjã iekhaba sim aajem.

Apocalipsis 2:21

Í jãg simʉn irua sĩi oo chirʉm aajem, chi Jezabelau jãg nem khaigba wau sim thumaa ãsie ewag khĩirjuwia magʉm khaibag ichig chugpaapi jeeumkhĩir. Mamʉ magʉmta jeeujojoopaijã khaba, ni jãg sĩi emkhooin parhoobam dʉi sĩerrʉmjã ich jua pʉaba, ich agtha sĩerrʉm anʉm.

Apocalipsis 21:8

Mamʉ mʉ iek jawaag khuwʉʉm khʉʉn, mʉ iek ʉkhaba aajem khʉʉn, mua khõchkhabam nem waaujem khʉʉn, juau õor thõojem khʉʉn, dich õor khabam dʉi khapes aajem khʉʉn, benkhʉʉn, parhooba juau nem wautarragta mʉrʉgamjo jeeujem khʉʉn, maimua thum õor seu paraam khʉʉn, magʉm khʉʉnan thum thʉrrdo õtdau azufre dʉi waaureu uu wejom eeta mua barkhʉʉipʉijugui ajim. Mamta biek numiimua paawai thõo chaarcha thõ nʉmʉugui a iekhajim.

Apocalipsis 22:15

Mamʉ benkhʉʉn, amach ʉʉin khabam dʉi khapes aajem khʉʉn, juau chikham thõojem khʉʉn, parhooba õrau nem wautarragta Ẽwandamagamjo jeeujem khʉʉn, maimua ar seukha nem ĩgkhanaa chikham khũguurjem khʉʉn chan, ni ãbjã dubba, thum Ẽwandamau isegpʉiju.

Apocalipsis 9:21

Mamʉ magpaijã khabajim. Magphobaademʉn wir aig chikhamanjã amachdeu khecham aig khechnaa, beneujã chikham khʉgnaa, amach õor khabam dʉijã khapesnaa ich mag nem jĩignemjã nʉisijim, amach jua pʉaba. Mag trompeta seim sirbarmua Ẽwandamau mʉg atag õor i agkhaju mʉrʉg oopitarr ajim.