Efesios 4:5 - Wounaan Meu

⁵ Maach Por Jesucristojã ãbpaita wai nʉm; thumaam khʉʉnau agdaujo ãba maach peerdʉajem iekpaita thãraucha ʉkhawi ãbam thʉ̃r gaaipai por choowi nʉm.

Woun Meu

⁵ Maach Pör Jesucristojã hãbpaita wai nʌm; t'umaam k'ʌʌnau hagdaujö hãba maach peerdʌajem hiekpaita t'ãraucha hʌ̈k'awi hãbam t'ʌ̃r gaaipai pör choowi nʌm.

Efesios 4:5 Iomraidhean Croise

San Mateo 28:19

Magua mua pãragan, mʉ matarr khur pãach ap paaukhabaadee durrpierr aaidʉbaadet a chirʉmgui ajim; magnaa thumaam khʉʉnag amach meupierr mʉg pãach peerdʉtarr iekta jaaunaa chi ʉkhamam khʉʉnagjã pãach denjo mʉchta amach Porkhapibat ajim. Magnaa ĩchab Ẽwandam chi Aai thʉ̃r gaai, chi Iewaa thʉ̃r gaai maimua ich Ẽwandam Akhaar thʉ̃r gaai por choopetat ajim, mag chi ʉkhamam khʉʉn.

Hechos 10:36

Ẽwandamau Jesucristo israelnaan ee pʉijimgui ajim anʉm, ich iek jaaumkhĩir. Mag, maadeu khaphʉ nʉmgui ajim aajem, warr Ẽwandam dʉijã iekkhõr paar narrta Jesucristo ʉu maach kõit thõtarr gaaimua khõinaa wenʉrrʉm. Ich ag Jesuugui ajim anʉm, ante maach thumaam khʉʉn Por.

Hechos 2:36

Maimua deeu ich Pedrooupai, —Keena ĩsmua atag israelnaan thumaam khʉʉnau warre khaphʉ abat ajim anʉm, cha mua pãrag jawaagpam. Ar pãach ipaarmua pa gaai meerphe thõopʉipi jaautarr Jesuuta warag Ẽwandamau thumaam khʉʉn Porkhapibarm; ich khabajieb ajim anʉm warrgarwe Ẽwandamau jʉr auwia maach peerdʉ aumkhĩir pʉiju jaaujerr.

Romanos 3:30

Tag Ẽwandam chukhu ãba ich appaita sĩerrʉm. Ichdeupaita chadcha Jesucristo iek ʉkhaa chaar ʉkha nʉm khʉʉnan, judío wa judío khaba awiajã, magʉmjã igba thum ãba ya bʉ̃ʉrjã kulp chukhu narrjo apäaijem.

1 Corintios 1:13

Pãrau oowai, ¿Cristo nem thoophem khapanta sĩ mag iekhaag? ¿Wa mʉch cha pãrag iekha chirʉmta pãar kõit pakuls gaai meerphe thõjĩwa? Wa magbam khai pãar por choowai, ¿pãar mʉ thʉ̃r gaaita por choojierrá?

1 Corintios 1:2

mʉg ẽsap phã deepʉi chirʉm, pãar jam Corinto phobor eem iglesia ee Ẽwandam iek ʉkha nʉm gaaimua maach khodkhanaa ar Cristo gaaimua sĩi ãba i atheepai wenʉrrʉmua i phoborkha nʉm khʉʉnag, maimua mag tag ar parhooba amach nʉnʉidʉmpierr maach denjo maach Por Jesucristoog jeeujem khʉʉnagjã agjo khap amkhĩirta mʉg ẽsap phã deepʉi chirʉm.

1 Corintios 12:13

Judionaan wa judionaan khabam khʉʉn, sĩi chikham chognaan wa amach cuenta nʉrrjeem khʉʉnpa maachin thum ãba ãbam Ẽwandam Akhaar auwiata por choo nʉm, mag i Akhaar athaawai maach thumaam khʉʉnag Cristo mor ãbpai obeer aumkhĩir. Magua mʉg maach khapan thʉnaab mamʉ, ãbam Akhaarpaita wai naawai chadcha maachta Cristo morkha nʉm.

1 Corintios 12:5

Ẽwandamau maachig nem waupi simua jũrr bigaaum khʉʉn chogkhamkhĩirta phidagjã khĩir pogkhe waupiejem. Mamʉ magʉmjã thum ich Ẽwandam Akhaar ãbpaimuata mag waupiejem.

1 Corintios 8:6

maach atheyan Ẽwandaman ãbpaita khitʉm, Ẽwandam chi Aai. Ichdeuta nem thʉnʉmjã thum ompaa aujim. Magua maachjã i atheepaita wenʉrrʉm. Maach Porjã ãbpaita sim ĩchab; ma, Jesucristoou. Nem thum thʉnʉmʉn ãba i gaaimuata thʉnʉm. Maachjã ĩchab i gaaimuata ʉu peerdʉ durrum.

2 Corintios 11:4

Jãga jãg parhoobam khʉʉnau pãachig Jesús igwia i iek jaau nʉm anʉmta mua jaaujemjo khaba warag chaaurta jaau nʉmjã pãrau magʉmjã aba ʉkhanaa, Ẽwandam Akhaar mua jaautarrjã wai nʉmta makhʉʉnau jũrr i igwia chaauraa jaaubaicheewai majã ʉkha nʉ. Magnaa ĩchab jãga jãg maach peerdʉajem iek anʉmjã chadcha agjoojã khaba simta pãrau bʉ̃ʉrjã magʉmjã aba ʉdʉraa pãachig jaaupi nʉ.

Gálatas 5:6

¿Jãgwi mua mag chirʉ́? Mua mag chirʉmʉn Ẽwandamau oowai Cristo iekta ʉkha nʉm khʉʉnan meheu phʉʉrbichba naawiajã thum agdaujopai oojeewaita mag chirʉm. Iruan magʉm nemta wauju khãai, ãba ich iekpai ʉkha nʉm dʉi ichjã khõsinaa dich khapeenjã kha khõsita apiejem.

Efesios 4:13

Mag ya maach i denkha naawai iruan maachigjã ich khĩirjugta paarpapim khõsi sim, ich athee nem waauwaijã ichdeu khõsi simjota waau khaphʉ amkhĩir. Pari mag i khĩirjug paarpaagan, ichiita maach thumaam khʉʉnta agdaujo o ãba maachdeu ʉkha nʉm gaaita wajapcha ubʉnaa ich Ẽwandam Iewaa Cristota maach khapeerkha auju aai nʉm. Magbaawain chadau chadcha maach i dʉi ubʉ nʉm aju aai nʉm.

Filipenses 2:11

Mag nʉmua thumaam khʉʉnau i khaphʉ amach meukhĩraucha irig, “Jesucristo, pʉchta chadcha thumaam khʉʉn Porou; pʉchdeuta nem thum khap chirʉm” a iekhamam gaaimua, ĩchab ich Ẽwandam chi Aaipata mag tho iekhaju.

Filipenses 3:8

Warran mʉʉn chadcha magʉmʉg ee chitajim. Mamʉ maagjerr ĩsin jũrr mʉʉn Jesucristo deneu. Iita mʉ Porou. Tag ijo nem ajapham chan chukhum. Ʉ̃gthar oberaag awi warrgar mʉchdeu nem wau chitarr, ĩs mʉgnaa oowai chan bʉ̃ʉrjã maadeu nem igbata sĩsidʉm. Ajapcharan sĩi mag mʉch khõchagpierr nem wau chitarr thum mua isegjim, jũrr Cristo denkham khõchgau.

Tito 1:1

Mʉʉn Pabloou, Ẽwandam chog anaa ĩchab Jesucristoou ich i jaaumkhĩir jʉr autarr. Magtarr aawai mʉ phidagan, ar ich Ẽwandamau jʉr aumam khʉʉnag warag i iekta ʉkhamkhĩir amag jaau nʉmʉu, mag jaaumam gaaimua chadcha Ẽwandam iek maachdeu ʉkha nʉm chaarta thumaam khʉʉnau khaugphomamkhĩir.

Tito 1:4

Tito, muata mʉg ẽsap pʉrʉg phã deepʉi chirʉm. Maach numiim khʉʉnau ãbam iekpai ʉkha wenʉrrʉm gaaimua pʉjã ĩchab mʉch chaaijo ig chitaawai, maach Aai Ẽwandamag jeeunaa maach Por Jesucristo maach peerdʉajemʉgjã jeeu chirʉm, amachdeuta pʉ dau ee aug khaug paraanaa pʉ ʉu wai nʉm dʉi ĩchab pʉ khõinaa wai wenʉrramkhĩir.

Hebreos 13:7

Pãade ar warrcha pãachig Ẽwandam iek jaaunaa mag amachdeu jaau nʉmjo wenʉrrapi jaautarr khʉʉnta khĩirjubat, jãga mag phitthur durrarr ãba amach meewaijã agtha ogdʉba ich mag ʉkha nʉmua ubʉ durrumta khechjierrá; magʉmta pãrau khĩir eyaanaa amau ʉkhaajerrjo ʉkhabat.

Hebreos 6:6

ũwaai ewag mawi warre Ẽwandam iseg simʉg chan parta deeu Ẽwandam iek ʉkhapi awaag ẽkhaju. Mag sim aig ʉkhaba khabahab, magʉm gaaimua pakuls gaai i meerphetarr khʉʉn denjo ichdeujã ich paarmua Ẽwandam Iewaata thumaam khʉʉnag isegpi jaaunaa parhoobam khʉʉnjo i wau iekhapi simjo sĩewai.

Santiago 2:18

Wa ãbmua khãijã, “Mua chan chadcha warm khʉʉn denjo nem ajapham wauba chitab mamʉ, mʉch thãar eepain chadcha ʉkha chitʉm” khãijã aju. Mamʉ mag khabam. Jãga mua khap abarju, chadcha irua mag ʉkha sim, Ẽwandam iek gaai jaau simjo ich khapeenjã dau aug khaugba simta. Ajapcharan Ẽwandamau jaau simjo mʉch khapeen dʉijã ajapha chirʉm gaaimuata mag ʉkha chirʉm aju aai chirʉm.

1 Pedro 3:21

Ich jãg Noé ich chaain dʉi mag dohãd eemua peerdʉtarrjo, maachjã agjo do ee por choo nʉmuata maach peerdʉ nʉmjã õrag khaphʉ apiejem, Jesucristo iiu phiidʉarr gaaimua peerdʉ naawai. Pari mag doou por choo nʉm chan maach mor chi ʉ̃rʉmta ʉpʉyaag khaba, Ẽwandamag dich thãarta ajaug paapi jeeunaa ichdeu khõsimjo wenʉrraagta mag por choojem.

2 Pedro 1:1

Mʉʉn Simón Pedroou, ich Jesucristooucha ich i jaaumkhĩir jʉr autarr; muata pãrag mʉg ẽsap phã deepʉi chirʉm, pãraujã maach ich Jesucristooucha jʉr autarr khʉʉnau ʉkha nʉm iekpaita ʉkha naawai. Pãrau mag ʉkha nʉmʉn, maach Ẽwandam anaa maach peerdʉ aaujem Jesucristo thumaam khʉʉn dʉi nem agcha aajeewai, iwiir ãbam khʉʉnagpaita mag ich iek ʉkhapim khõsi khaba, thumaam khʉʉnagta agdaujo ʉkhapim khõsi aajeewaiu. Magua maach ich Jesucristo dʉicha wenʉrraajerr khʉʉn khaibag chugpatarrjo pãar maar khãai ẽudeecha ʉkhatarr khʉʉn khaibagjã ichdeuchata chugpatarr aawai, maach thumaam khʉʉn oneg ãbata nʉm, ãbam iekta ʉkha naawai.

Judas 1:20

Hermanonaan, pari pãrau ʉkhatarr iek ich Ẽwandamauta khaugpitarr aawai bʉ̃ʉrjã mʉg eegarm khĩirjugjo khaba sim. Magua muan pãragan ag iek gaaita pãach khapeenjã agdaujo bãaupiju ẽkhabat a chirʉm. Pãach Ẽwandamag jeeuwaijã ich Ẽwandam Akharau jeeupi simjota jeeubat.

Judas 1:3

Keena, maach peerdʉajem iek maach thumaam khʉʉnau ãba wai nʉm jawaagta mʉg ẽsap phãm khõchaaga chirajim; pari magtarrta jãg Ẽwandam iek ʉkha nʉm awi amach khaugbajupii awi hermanonaan chaar ee jãg seukha nʉrrjee aawaita eeupemjo mʉg pãrag phã deepʉi chirʉm, pãachdeu ʉkha nʉm iek isegba warag ag kõitta dich khapeen kõit jãau nʉmjo dʉi ubʉ am dʉi iek thierrkha durrumua ʉdʉʉr pãach khũgur aupimaaugau. Jãg pãrau ʉkha nʉmta Ẽwandam iek charau, ar Jesuu ich i jaaumkhĩir ichdeucha jʉr autarr khʉʉnau nacha pãachig jaautarr. Jãg amau pãrag jaautarran, parhoobam khʉʉnau agjo i iek awi jaau nʉm ʉkham ugua ajim.