Efesios 4:4 - Wounaan Meu

⁴ Maach chi Cristo denkha nʉm khʉʉnan khapan thʉnaab mamʉ, õor ãbpaimkha nʉm Cristo gaaimua, maagwai chi Ẽwandam Akhaarjã ãbpaita sim maach ee sĩejem. Ich agjota ĩchab Ẽwandam aar i dʉi ãba naaimaju khĩirjugjã ãbpaita wai nʉm, mag ich aar awaagta warrjã maach thʉ̃rkha autarr aawai.

Woun Meu

⁴ Maach chi Cristo dënk'a nʌm k'ʌʌnan k'apan t'ʌnaab mamʌ, hõor hãbpaimk'a nʌm Cristo gaaimua, maagwai chi Hẽwandam Hak'aarjã hãbpaita sim maach hee sĩejem. Hich hagjöta hĩchab Hẽwandam haar hi dʌ̈i hãba naaimaju k'ĩirjugjã hãbpaita wai nʌm, mag hich haar hawaagta warrjã maach t'ʌ̃rk'a hautarr haawai.

Efesios 4:4 Iomraidhean Croise

San Mateo 28:19

Magua mua pãragan, mʉ matarr khur pãach ap paaukhabaadee durrpierr aaidʉbaadet a chirʉmgui ajim; magnaa thumaam khʉʉnag amach meupierr mʉg pãach peerdʉtarr iekta jaaunaa chi ʉkhamam khʉʉnagjã pãach denjo mʉchta amach Porkhapibat ajim. Magnaa ĩchab Ẽwandam chi Aai thʉ̃r gaai, chi Iewaa thʉ̃r gaai maimua ich Ẽwandam Akhaar thʉ̃r gaai por choopetat ajim, mag chi ʉkhamam khʉʉn.

Hechos 15:11

Mag khĩirjuju khãyau maadeu khaphʉ aju aai nʉmgui ajim anʉm: maach Por Jesuu ich jãg ich garmua maach khõchkhawi ʉu peerdʉ autarrjo, ich agjota amjã ichdeuta peerdʉ au sim khabahab ajim anʉm Pedroou, mag Moiseeu phã pʉarr iek thum chan judionaan khabam khʉʉnau ʉʉrkhaju aai khaba nʉm a khap amkhĩir.

Romanos 11:29

Wajapcharan Ẽwandamau ichdeu nem deebarm chan tag khecheu auba, ni ich iekhatarrjã deeu naspawi ichaaupapa aba sĩerrʉm.

1 Corintios 10:17

Maach khapan thʉnaawiajã, ãbam panpai kho nʉm gaaimua maachin õor ãbpaimta kha nʉm Cristo gaai.

1 Corintios 12:20

Irua maachdeu nem igju thum maach mor gaai ompaakhajim. Pari nem khĩir khapan maach gaai thʉnaab mamʉ, ichiita maach moron ãbpaita sim.

2 Corintios 11:4

Jãga jãg parhoobam khʉʉnau pãachig Jesús igwia i iek jaau nʉm anʉmta mua jaaujemjo khaba warag chaaurta jaau nʉmjã pãrau magʉmjã aba ʉkhanaa, Ẽwandam Akhaar mua jaautarrjã wai nʉmta makhʉʉnau jũrr i igwia chaauraa jaaubaicheewai majã ʉkha nʉ. Magnaa ĩchab jãga jãg maach peerdʉajem iek anʉmjã chadcha agjoojã khaba simta pãrau bʉ̃ʉrjã magʉmjã aba ʉdʉraa pãachig jaaupi nʉ.

Efesios 1:18

Mua jeeujem ĩchab Ẽwandamag, ichdeuta warag pãar khĩirjug aarthʉgbapʉimjo amkhĩir; magbaawai mag ya ich aarcha phe athaawai ich dʉicha onee wenʉrraju jaau simjã ajapcha khaphʉnaa, mag ich õorkha thʉnʉm khʉʉnan chadcha peerdʉwi naawai mʉigwejã onee naaju aai nʉm a khaphʉ amkhĩir.

Efesios 2:16

Mag pakuls gaai ich thõopibarmuata ĩchab mag maach khĩir au wenʉrrʉmjo narrjã Cristoou warre ajaug paapʉiwi Ẽwandam dʉijã khõinaa apinaa õor ãbpaimjo apijim.

Efesios 2:18

Mag maach thum i iek ʉkha nʉm khʉʉnaun, ich ãbam Ẽwandam Akhaarpaita wai naawai, Cristo gaaimuata ʉu ĩsin judionaan wa judionaan khaba awiajã Ẽwandam chi Aai dʉi khapeerkha wenʉrrʉm.

Efesios 2:22

Mag pãar judionaan khabam khʉʉnjã Cristo denkha naawai maach thumaam khʉʉnta ãba Ẽwandam Akhaar sĩejem dikha nʉm.

Efesios 4:1

Keena, maach Por Jesús i jaau chitʉm gaaimua preso chirʉmuata muan pãrag jaau jochkherʉm: chadcha Ẽwandamau thʉ̃rkha auwi i denkha nʉm khʉʉnjota agpierraa nʉrrjee abat a chirʉm.

Efesios 5:30

¿Maagwai maachjã mag irua thʉa wai sĩejem eem khʉʉn khabá, maachjã i morkha naawai? Chadcha i morma.

Colosenses 1:5

Marau khaphʉ nʉm, mag chadcha thum agdaujo wir aigjã pãach khapeen daupii nʉmʉn, pãachjã thum Ẽwandamau ich aar auwi ich mag i dʉi nʉisiju khaphʉ nʉm gaaimuata mag nʉm. Warrcha chadcharam iek pãachdeu ũrwi ʉu peerdʉ nʉisierr edwe Ẽwandamau pãach ich dʉi mag phe aujujã khaphʉ ajierram.

Colosenses 3:15

Ĩchab mag nʉm dʉi Cristoogta warag ʉdʉraa pãach khõinaa apibat, mag wenʉrrʉmua Cristo mor gaai õor ãbpaimjo khõinaa wenʉrramkhĩirta warrjã Ẽwandamau pãar ich denkha autarr aawai. Mag Ẽwandamau pãach ich denkha auwi pãach wir aigjã khõinaa api sim paar irig ʉu ajim abat.

2 Tesalonicenses 2:16

Maraun, ich maach Por Jesucristoouchata maach Ẽwandam chi Aai dʉimua pãar khĩir jãsenkhanaa pãar juag oopim khõsi nʉm, pãrau nem jaaunaa nem wau nʉm thum wajaphata obeber amkhĩir. Ich Ẽwandamauta maach khõsi khĩir jãsenkhajim, ich mag wenʉrrʉmua ich dʉi ogdʉba nʉisijujã khap amkhĩir.

1 Timoteo 1:1

Mʉʉn Pabloou, Jesucristoou ich i jaaumkhĩir jʉr autarr. Ẽwandam maach peerdʉ aumieu Cristo dʉimua chogpʉitarrauta pʉ athee mʉg ẽsap phã chirʉm Timoteo.

Tito 1:2

Mag maachdeu ʉkha nʉmʉn, ʉ̃gthar paaukhabaimaawaijã ich magta Ẽwandam dʉi maach iiu nʉisiju a jaau simʉu. Mag maachig ich dʉi ich mag wenʉrrapiju a jaautarran, ich Ẽwandam bʉ̃ʉrjã seu chukhu khitʉmuachata mʉg jẽb ompaaju nawe mag jaaujim.

Tito 2:13

Jesucristoou maachig beeju a jaau pʉatarr ag ed pa nʉm ora, maachin ich magta onee i nʉ wenʉrraju aai nʉm, chadcha mag i beeju khaphʉ naawai. Ich beem edan edau bʉ wʉʉ jẽer urumjo ooimʉta dau daau maachig ich oopiju. Maata maach Ẽwandam anaa maach peerdʉ aaujem Jesucristoou.

Tito 3:7

Mag, maach khaibag ee wetju arrta jũrr Ẽwandamau maach khaibag thum chugpaapʉiwia ich aar ober wenʉrrajujã maachig khaphʉ apijim.

1 Pedro 1:21

Ich mag Cristo khurauta ʉu pãrau Ẽwandam iek ʉkha durrum. Mag Cristo thõowaijã, ich Ẽwandamauta ʉu i phiriu auwi, ich aar auwi, ich dʉi jua theeg ãba apijim. Maguata chadcha pãrau pãach thãraucha i iek ʉkha durrum, ich jãg Ẽwandamau Cristojã phiriu auwi ich aar autarrjo pãachjã agjo ich aar auju khaphʉ naawai.

1 Juan 3:3

Pari thum mag amach daúacha i ooju khĩirju nʉm khʉʉnan mʉʉgwaiweta wajapha naaju ẽkhaajem, ich jãg Jesucristojã khaibag chukhu wajaphata sĩerrʉmjo.