Efesios 4:2 - Wounaan Meu2 Pãachta warm khʉʉn khãaijã chi serbiibacharamjonaa khĩir thũu abat; chikhamnau dich dʉi parhooba aawaijã sĩi khĩu ãwatpʉinaa jũrr agdaujo dich khapeen kha khõsita abat. Faic an caibideilWoun Meu2 Pãachta warm k'ʌʌn k'ãaijã chi serbiibacharamjönaa k'ĩir t'ũu habat; chik'amnau dich dʌ̈i parhooba haawaijã sĩi k'ĩu hãwatpʌ̈inaa jũrr hagdaujö dich k'apeen k'a k'õsita habat. Faic an caibideil |
Magbaawai Jesuu ich khapeenagta magjim anaabá: —Pãrau chan jãg chaai Ẽwandamau monaaupʉijujã khĩirjubata nʉm. Pãrau jãg Ẽwandam jua theeg simjã khĩirjubamjo nʉm, ¿ich jãgta sĩi mua ãwat chitaju aai chirʉ́ pãrau oowai? ajim anʉm. ¿Khan atchata pãrau mʉ pãach dʉi chitapim ig nʉma ajim anʉm, ajapcha ʉkhaag? Magnaa, Mag chaai mʉ aig aipidut ajim anaabá amag.
Chadcha dich khapeen kha khõsim abarmʉn, dich khapeer garmua dich dʉi wajap khaba awiajã ideu ãwat pʉʉrbabakham. Chikham eugar khaigba jaau nʉm ʉkhaba, nem wajapha jaau nʉmta ʉkhaajem. Dich khapeen pekau ee burrwaijã, ya jãgbaadem chan tag at khabam a iekhaba, sĩita warag ʉu deeu ich sĩerrjo ajapha aju anʉm, i igwia. Dich khapeer gaaimua õrau ich khaigba aawaijã, magʉmjã igba ãwatpʉpʉikham.
Pari mag maach dʉi ajapha sim chan sĩi eeupemjo khĩirju auwi khaba, warr mʉg jẽb ompaaju nawe Jesucristo gaaimua ich Ẽwandamau ya maach ich denkha auju khĩirju wai sĩerr aawaita maagjem, ich dau na tag kulpjã chukhu sĩi ich atheepaita ichdeu khõsimjo wenʉrramkhĩir. Mag warrgarwe ich garmua maach khõsi arr aawaita
Mamʉ pʉ Ẽwandam atheeta phidkha sĩewai, oob warm khʉʉnjo nem khaigba wauju khĩirju chitam. Magju khãai Ẽwandam dau na agchanaa irua khõsimpai waubá. Maadeu ʉkha nʉm iekta bʉ̃ʉrjã ogdʉba ʉkha chirʉm dʉi thumaam khʉʉn kha khõsinaa ithũu am wawibá. Mʉg iek gaaimua pʉch dau aphʉʉ awiajã ãwatnaa warag ogkhaba penaa.
Magju khãai warag pãach odegpai, “Maach Por Cristoouta khap chirʉm” awi, ãba irigpaita jeeubat. Ãbmua khãijã pãachig, “¿Khan jãgwiata jãgcha pãrau Cristo iekta ʉ̃rcha ʉkhanaa i dʉi khĩircha oojuuta khĩirjuajerráma?” a jeeuwai, amag jawaagjã ag nawe pãach iekhaju khĩirju wai nʉisit, degolp ãbmua jeeuchewiajã agcha jawaag. Mamʉ mag jaauwaijã sĩi ithũu amag jaaubat, chadcha Ẽwandam okho aajem khʉʉnjo.
Maimua ãbmiecha deeum khʉʉn dʉijã jãga aju aai nʉ a khap amkhĩir pãrag jaaukhim: Cristo iek ʉkha nʉm gaaimua thum pãach khodkha thʉnʉm khʉʉn dʉi o ãba abat, Ẽwandamau khõsimjo aag. Pãach ee ãb khãijã gaai masi wa okhĩirjuu khãijã aawai pãachta mag nʉmjo dʉi gaai masi abat, agdaujo dich khapeen kha khõsi chadcha khodkha nʉm khʉʉnjo. Agdaujo chikham dau aug khaug paraata abat, dichta warm khʉʉn khãaijã ʉ̃rpai nʉm a khĩirjuba.