Efesios 4:1 - Wounaan Meu

¹ Keena, maach Por Jesús i jaau chitʉm gaaimua preso chirʉmuata muan pãrag jaau jochkherʉm: chadcha Ẽwandamau thʉ̃rkha auwi i denkha nʉm khʉʉnjota agpierraa nʉrrjee abat a chirʉm.

Woun Meu

¹ Keena, maach Pör Jesús hi jaau chitʌm gaaimua preso chirʌmuata muan pãrag jaau jöchk'ërʌm: chadcha Hẽwandamau t'ʌ̃rk'a hauwi hi dënk'a nʌm k'ʌʌnjöta hagpierraa nʌrrjëe habat ha chirʌm.

Efesios 4:1 Iomraidhean Croise

Hechos 9:31

Mag Sauloou amach ipierr Ẽwandam iek ʉkha sĩsim khaug athaawain chadau, Judea durr, Galilea durr maimua Samaria durram magwe chi ʉkha durrarr khʉʉn thum ʉu khõinaa nʉisijim aajem. Mag khõinaa aphobaadem ee, sĩi warag maach Por Jesús ipierraa irua nem jaau simpai wauphobaadee ĩchab ich Ẽwandam Akharaujã chi ʉkha nʉm khʉʉn warag khapaana apijim aajem.

Romanos 11:29

Wajapcharan Ẽwandamau ichdeu nem deebarm chan tag khecheu auba, ni ich iekhatarrjã deeu naspawi ichaaupapa aba sĩerrʉm.

Romanos 12:1

Cristo gaaimua khodamnaan: Maguata ich jãg Ẽwandamau maach dau aug khaug paraa khitʉmjo, muan pãragan pãach cha maach iyʉʉ nʉmchata ideu Ẽwandamag ich denkhapi athat a chirʉm, ãba i atheepai ichdeu khõsimjo wajapha nem wau wenʉrraag. Magnaata irig jeeu wenʉrraju aai nʉm.

1 Corintios 4:16

Magau keena. Maguata muan pãragjã mʉch chitaajemjota wenʉrrapi jaau khitaajem.

2 Corintios 10:1

Mʉʉn Pablota pãar dʉi iekha chirʉm. Mʉ pãar dʉi meeukhajã meeukhaba, sĩi Cristoou api simjota ithũu pãrag iekha chirʉm. Am iek mag pãar okgauta pãar dʉi ãba chirʉm aiguin sĩi imaa chitʉm aajem; pari jũrr warpmua ẽsap phã deepäaiwaita pãrag iek theeg iek khẽgkhata jaaupäaijem aajem.

2 Corintios 5:20

Magua maarta Cristoou ich jũrr chogpʉitarr khʉʉn aawai maarta i iek jaaujem khʉʉnau. Magua marau i iekta maach iek gaai thʉwi mag nʉm: I iek ʉkhawia pãach khaibag irig chugpaapi jeeubat, Ẽwandam dʉi khõinaa wenʉrraag.

2 Corintios 6:1

Mʉchjã Ẽwandam dʉita phidkha chiraawai irua pãach dʉi wajapha am khõsi sim mua jaau chirʉm chan oob pãrau par jʉ̃gʉupai ũrmiet a chirʉm.

Gálatas 4:12

Hermanonaan, mʉʉn chadcha Judioou; mag chirab mamʉ ya mʉʉn pãar meeunjota chirʉm, tag mʉch jooin leijã ʉʉrkhaba. Magua muan pãragjã mʉchjota abat a chirʉm. Oob maar jooin ley ʉʉrkhamiet. Mua khaphʉ chirʉm pãrau mʉ iek ũrm khõsi ũrju.

Efesios 2:10

Mamʉ warrgarwe Ẽwandamau khĩirju wai sĩerrjo ich athee mag nem ajapha wau wenʉrramkhĩirta Cristo gaaimua maach peerdʉ autarr aawai, maadeun chadcha nem ajaphamta wauju aai nʉm; pari majã dich peerdʉ aumkhĩir khaba, sĩi Ẽwandamau mag khõsi sĩewaita mag wauju aai nʉm.

Efesios 3:1

Keena, mag pãar judionaan khabam khʉʉnpa Ẽwandam chaain khaju aai nʉm a jaau chitʉm gaaimuata mʉʉn mʉg preso chirʉm. Pari mua khaphʉ chirʉm, mʉg mʉ preso chirʉm gaaimua Cristoou jũrr pãar dʉita ajapha aju.

Efesios 4:17

Magau keena, maach thum ãba maach Por Cristo iekta ʉkha naawai, mua pãrag jaaum ig chirʉmʉn mʉgau: Ya oob tag sĩi Ẽwandam khaugbam khʉʉnjo amiet. Pãrau khaphʉ nʉm jãgʉm khʉʉn khĩirjug chan sĩi maadeujã nem igba,

Efesios 4:4

Maach chi Cristo denkha nʉm khʉʉnan khapan thʉnaab mamʉ, õor ãbpaimkha nʉm Cristo gaaimua, maagwai chi Ẽwandam Akhaarjã ãbpaita sim maach ee sĩejem. Ich agjota ĩchab Ẽwandam aar i dʉi ãba naaimaju khĩirjugjã ãbpaita wai nʉm, mag ich aar awaagta warrjã maach thʉ̃rkha autarr aawai.

Efesios 5:2

Ich jãg Cristoou maach khõsi simjo pãraujã agdaujo pãach khapeen kha khõsi abat. Cristoou mag maach khõsi arr aawai maach daupigau pakuls gaai ʉdʉraa ich meerphe thõopijim. Ẽwandamau irua magbarm oowai ʉu sĩejim.

Filipenses 1:27

Mʉʉn mau pãar warp chirab mamʉ, muan pãragan sĩita Cristoou maachig wenʉrrapi jaau simjota thum i ipierraa wenʉrrapim khõsi chirʉm. Maagwai pod mʉch pãar aar barba awiajã, warppaimua khãijã agtha pãach thumwe Cristo dʉi ubʉnaa maach peerdʉajem iek jawaagjã o ãba nʉm anʉmta mua ũrm khõsi chirʉm.

Filipenses 3:14

Maagwai mʉg atag ya ich sim aarcha barbaimaawai mʉchdeu mag ich dawagaa nem wau chitarr jũrr Ẽwandamau mʉ dʉi ajaphanaa ich dʉi ich mag mʉ wai nʉrraju. Mamʉ mag maach ʉ̃gthar oberju ayaa amkhĩir Jesucristo meebamua chan ãbjã Ẽwandamau auba aajeekham.

Colosenses 1:10

Irigta pãar kõit jeeujem, chadcha maach Por Cristo denkha nʉm khʉʉnjo pãach nem wau nʉmpierr irua nem khõsimta wau nʉmua dich khapeen dʉi nem ajapha aju ayaamjã waub khaba waumkhĩir; mag nem wau nʉm gaaimua warag ich Ẽwandamjã ajapcha pãachig khap amkhĩir.

Colosenses 2:6

Magua muan pãragan, ich jãg warrjã maach Por Jesucristoog pãach peerdʉ aumkhĩir i igtarrjo warag i kha ogdʉbata nʉisit a chirʉm.

Colosenses 4:12

Mag tag ĩchab pãach aram woun Epafras Jesucristo chogkha phidkha khitʉmuajã pãrag salud deepʉi sim. Ich mag ichdeun pãar kõit Ẽwandamag jeeu khitaajem, pãachdeu ʉkhatarr iek gaai ubʉnaa thumaa ich Ẽwandamau khõsimjota waumkhĩir.

1 Tesalonicenses 2:12

Mag wawimamua marau pãrag “Chadcha Ẽwandam dau na wenʉrraju aai nʉmjota wenʉrrathʉ̃” aajeejim, ichdeu durr jʉ̃a sim gaai wenʉrramkhĩir ichdeuta maach thʉ̃r sĩewai.

2 Tesalonicenses 1:11

Maguata marau Ẽwandamag pãar kõit ich jãg jeeu durraajem, ichdeu pãrag ich iek ʉkhapi aauwai ichdeu wenʉrrapim khõsi sĩerrjo wenʉrramkhĩir. Marau khaphʉ nʉm, pãachdeu chadcha ʉkha nʉm gaaimua pãrau dʉrrcha i athee nem wajapham waum khõsi nʉm. Mamʉ mag nem waujujã, ich jua theegauta mag pãachdeu ig nʉmjo apikhiin ʉu akham.

2 Timoteo 1:9

Ẽwandamaun maach peerdʉ auwi sĩi pekau chukhu ich atheepai wenʉrramkhĩirta maach jʉr aujim. Mag maach jʉr autarr chan mag ichdeu oowai maachdeu nem wajapha wau wenʉrrʉm gaaimuajã khaba, warrgarwe ich Ẽwandamau mʉg durr thum ompaaju nawe ich garmua maach eeg oowia, Jesucristo gaaimua maach khĩir jãsenkhawia, ichdeu khõsi simjo wenʉrramkhĩirta maach jʉr aujim.

Tito 2:10

Amag wir aig amach patronnaan nem jĩgkhapiba jaaubá. Am nem jĩgkhaju khãyau warag amach patronnaan nemjã amach chi mor khʉʉn denjo ajaphata waupi jaaubá, maagwai mag nem jaauwaijã degolp amach meer am nem aair abaju khãijã a khĩirjuba nem jaaum khõsi jaaumkhĩir. Õrau pãar mag oowai, “Ãa chadcha jãkhʉʉnau ʉkha nʉm iekhan chadcha nem ajaug kherʉm” aju, Ẽwandam maach peerdʉajem iek maachdeu ʉkha nʉm igwia.

Hebreos 13:21

Mag Ẽwandamagta muan pãar kõit jeeu chirʉm, ichdeuta ichjo warag pãar ajaug paamaawai ichdeu khõsimjo pãachdeu nem wau nʉmjã thumaa ajapha obeber amkhĩir. Magnaa ĩchab Jesucristoog ʉdʉraa maach Porkhapi nʉm gaaimuata Ẽwandamau maach dʉi ichdeu am aig amkhĩir irigta jeeu chirʉm. Mag nʉm dʉi ĩchab thumaam khʉʉnag maach Por Cristota mʉg atag pawiajã ich mag tho iekhapim khõsi chirʉm.

Hebreos 3:1

Magua hermanonaan, pãar ar Ẽwandam dʉipai wenʉrrʉm khʉʉn, ar maachta ich aar phe awaag ich chaainkha autarr khʉʉn, pãade mʉ iek ũrbat: Jesucristota chadcha ich Ẽwandamaucha ich iek jaaumkhĩir jʉr auwi pʉitarrau. Ichta ĩchab ĩsin warrgar phadnaan por aajerrjo maach kõit Ẽwandam dʉicha iekhaajemʉu. Ʉu i gaaimua maadeu chadcharam iekta ʉkha nʉm.

1 Pedro 2:11

Keena, Cristo gaaimua khodamnaan, mʉ iek ũrbat: Maachin Ẽwandam dʉita durrkhaimaju khʉʉn aawai, mʉig mʉg jẽb gaai wenʉrrʉm aiguin sĩi dijã chukhu khũchpaim athee chikham durr gaaita wenʉrrʉmjo nʉm. Mag i dʉi naaimaju khʉʉn aawai oob sĩi pãach o khõchagpierr nem waum khõchgau Ẽwandamau khõchkhabam nemta waumiet. Jãgʉm nem wauju khĩirjugan maach burrpieg maach dʉi werbʉ nʉmjota nʉm.

1 Pedro 3:9

Chikhamnau pãach dʉi khaigba aawai agjo aju awi oob am khaibag waumiet. Pãach ãaukha thõp iekha thʉnʉʉuwaijã oob am eugarjã amach denjo amiet. Magju khãai mag pãach dʉi khaigba aajem khʉʉn kõitjã warag Ẽwandamag am eeg oopita jeeubat, magamkhĩirta warrjã pãar ich denkha autarr aawai. Magbaawai pãachpata Ẽwandamau ajapha wai sĩeju.

1 Pedro 5:10

Khũchpai pãar mag dau aug wau dichdimaawai ich Ẽwandamauta pãar ajapcha ajaug paapʉiwi warag ubʉ apiju, ajap juapá jãp nʉisimjo nʉisiewai ich athee nem waum khõsi waumkhĩir. Ĩs pãar mag dau aug wau naab mamʉ, ich Ẽwandam maach daupii aajemuata maach peerdʉ awaag ich garmua maach jʉr autarr aawai Jesucristo dʉi ãba ich ajaug ich mag oo wenʉrrapiju.

2 Pedro 1:3

Ẽwandamaun maachig chadcha ich iek ʉkha nʉm khʉʉnjo ich atheepai nem ajapha wau wenʉrrajuuta khap apim khõsi sim. Magaag atheyan ich iiu aawai maadeu nem igju thum warre khĩir khaug sĩubarmjota ajim: Nacha maachig Cristota ajapha khaphʉ apijim, ar ichdeu nem ajapham appai waunaa ich ajaugjã oopi nʉmua maach ichig paa autarr ag Cristo.

2 Juan 1:5

Ĩsjã nawe pãachig jaautarr iekpaita deeu pʉaba pãrag, agdaujo dich khapeen kha khõsi aju aai nʉm a chirʉm. Mua pãrag mag phã deepʉi chirʉm chan iek iiur khabam; mʉg iekhan warr pãachdeu ũrtarr iekpaiu.