Efesios 3:4 - Wounaan Meu

⁴ Pãrau ag gaai thʉ̃rmamua khap aju, chadcha mʉrʉgjã mag ichdeupai nem khaphʉ sĩerr jaaujim, jãga mag judionaan khabam khʉʉn atheepa Cristo pʉijĩ.

Woun Meu

⁴ Pãrau hag gaai t'ʌ̃rmamua k'ap haju, chadcha mʌrʌgjã mag hichdëupai nem k'ap'ʌ sĩerr jaaujim, jãga mag judionaan k'abam k'ʌʌn hat'eepa Cristo pʌ̈ijĩ.

Efesios 3:4 Iomraidhean Croise

San Mateo 13:11

Magbaawai ichdeu marag magjim: —Pãrau khaugam khõsi ũr naawai warre mʉchdeuta pãrag khaphʉ api chirʉmgui ajim, jãgata Ẽwandam õor thãar ee sĩeicheejẽ. Pari warm khʉʉnag mag khaugpibamgui ajim, amau khaugam khõsi ũrba naawai.

San Lucas 8:10

Magbaawai ichdeu magjim anʉm amag: —Pãrau khaugam khõsi ũr naawai, mʉchdeun warre pãrag khaphʉ apiejem, jãgata Ẽwandam õor thãar ee sĩeicheejẽ. Mamʉ warm khʉʉnagan sĩi khajapham nem ĩgkhaadamjopaita ĩgkhaajemgui ajim anʉm, amau oo nʉmta oobamjo amkhĩir, maimua ũr nʉmjã bʉ̃ʉrjã khaugbamjo amkhĩir.

Romanos 11:25

Cristo gaaimua khodamnaan, pãachta thonaa pãachdeuta judionaan khãaijã khapcha nʉm am ugua, warrgar khaugba aajerr iekta pãrag khap apim khõsi chirʉm. Iin chadcha judionaan thum khabam mamʉ Ẽwandam iek ʉkhamaaugau thãar theega thʉnʉm khʉʉnta ʉ̃rpai thʉnʉm. Mamʉ amau jãg ʉkhaba nʉmʉn, jãan judionaan khabam khʉʉn warrgarwe ich Ẽwandamau jʉr autarr khʉʉnau thumaa ʉkha nʉm orapaita jãg thʉnʉm.

Romanos 16:25

Mʉg maach peerdʉajem iek ich Jesucristo igwia mua jaau chirʉm gaaimua Ẽwandamau pãar ubʉ apiju, ich iek gaai jaau simjo. Mʉg judionaan khabam khʉʉnpa peerdʉju iekhan, warrgar ich Ẽwandamau mʉg durr ompaaju nawe ichdeu ya khĩirju wai sĩejim. Pari magtarrta warrgar ich i jaaumienag jaauwaijã warre dawaa jaauba,

1 Corintios 13:2

Maimua khanim nemjo ãbmua mʉg atag Ẽwandamau nem oopipig majujã thumaa ag nawe khaphʉnaa, mʉg eegarm khʉʉnau khaphʉ nʉm khĩirjugjã thumaa khaphʉ sim dʉi ich Ẽwandamau khĩirju sim khĩirjugjã khaphʉ sim; pari mag simta bʉ̃ʉrjã ich khapeen kha khõchkhaba sim chan, magan Ẽwandamau oowai mag wounan parta mag sim. Wa magba ichdeu nem mag abaawai Ẽwandamau ichdeu jaautarrjo apiju khaphʉnaa, durrsĩig khãijã wounagamjo “Chum dʉnʉʉubaimá” abaawai, i ipierr chadcha ichdeu jaautarrjo mam mapi sim; pari mag nem wau simta bʉ̃ʉrjã ich khapeen kha khõchkhaba sim chan, magan Ẽwandamau oowai parta mag nem khĩir pogkhe khãijã wau sĩeju.

1 Corintios 4:1

Magua pãrau maarjã sĩi pãach ee Cristo chognaan anaa Ẽwandamau õrag ich khĩirjug jaaupiejem khʉʉnpaiu abat. Magdampai khabahab maar phidag.

2 Corintios 11:6

Tale sĩi iekhaju aig chan nem meu khaug khãijã khaba chirʉm; pari mag awiajã Cristo iek jawaag chan amjo khaugba khaba chirʉm. Mua jaau chirʉm ũrwia ʉkhatarr khʉʉnauta jaauju aai nʉm, chadcha mua jaau khaphʉ chirʉ́ wa jaau meraa chirʉ́.

Efesios 1:9

Ajapcharan ĩchab warr ichdeupai ich thãar ee nem waumaju khaphʉ aajerrta maachig khaphʉ apijim.

Efesios 3:3

Ar warr mʉg ẽsap phãbaadewe pãrag mʉchdeu bʉchkhun jaau chirarrjo, ich Ẽwandamau ich thãar eepai khaphʉ sĩerrjã ichdeuchata mʉrʉg jaautarr aawai mua khaphʉ chirʉm, chadcha pãar judionaan khabam khʉʉnjã irua ich denkha auju aai sim.

Efesios 3:9

Ich Jooyau warrgarwe nem thum ompaabarwe nem wauju ichdeu khaphʉ sĩerrjã mʉrʉgta jaaujim, jũrr thumaam khʉʉnag jaaumkhĩir.

Efesios 5:32

Mua khaphʉ chirʉm, mʉg iek khap aag chadcha maach athee phithur sim. Pari mua mag chi ʉʉijã ich jaai dʉi ãbam morkha nʉm a chirʉmʉn, maach chi iglesiakha nʉm khʉʉnta Cristo morkha nʉm igwiata mag chirʉm.

Efesios 6:19

Mʉ kõitjã ĩchab jeeubat, Cristoou maach peerdʉ aaujem iek õrag jaauwaijã khĩirjug khaphʉ ichdeu iekhapim khõsimta mʉrʉg jaaumamkhĩir, maagwai jãga mag warr õrau amach peerdʉju aai nʉmjã khaugba narrta ya ĩsin Cristoou õor peerdʉ aaujem a jaauwaijã ogkhaba iekhaag.

Colosenses 1:26

ajapcharan warrgarwe Ẽwandamau ich mag bʉ̃ʉrjã õrag jaauba sĩi ichdeupai khaphʉ wai sĩerrma; magtarr ĩsta ya ich denkha nʉm khʉʉnag khaugpibarm.

Colosenses 2:2

Mag Ẽwandamag jeeu nʉm gaaita ogdʉba chiraajemʉn, pãach thãar onee amkhĩrau, ich jãg agdaujo dich khapeen kha khõsi wenʉrrʉmua warag khĩirjug paarpamaawai Ẽwandamau ich appaimua khaphʉ sĩerrta pãachdeujã ajapcha khaugmamkhĩir; ajapcharan pãar maar meeun khabam khʉʉnagjã Cristota ajapcha khap amkhĩirma.

Colosenses 4:3

Maar kõitjã maach Por Ẽwandamag jeeubat keena, warag ich iekta jaauju ayaacha apinaa jãga Cristoou õor peerdʉ aaujẽ a jawaag. Mag Cristoou õor peerdʉ aaujem iek õrau khaugba aajerr jaau chitʉm gaaimuata mʉg mʉ preso chirʉm.

1 Timoteo 3:16

Mag iek warrgar thumaam khʉʉnau khaugba aajerrta ĩsin maadeu dawaa oo nʉm, ich Ẽwandamau maachig khaugpitarr aawai. Mag maachig khaugpitarr iekhan mʉgau: Cristo Ẽwandamkha simta maach thaabaajemjo mʉg jẽb gaai thaabachewia, maach wounaan khĩir thegwia, mʉg jẽb gaaim khʉʉnag ich oopien beejim. Maimua meewia Ẽwandam Akharau deeu i phiriu athamua chadcha í pekau chukhu khitʉm a khaugpijim õrag. Mʉg jẽb gaai sĩeichewia irua nem wautarr thum Ẽwandam chognaanau ʉ̃gtharmua oojierram. Maimua amach aar pabaimaawaijã sĩi onee amach jua ee baarpi aujierram. Magtarr, durr warpham magwe aaidʉ jaaupʉiwia meupierram khʉʉnau khakhapdo thʉnʉm dʉi ĩchab durrpierr i iek ʉkha durrum khʉʉn nʉnʉidʉm.

1 Timoteo 3:9

Magju khãai maach peerdʉajem iek cha maadeu eeu khaugbarmta warag ogdʉba ʉkhanaa ĩchab Ẽwandamau nem waupi jaau simpai wau wenʉrrʉm aawai, gaai khaibagjã chukhu oneeta wenʉrraju aai nʉm.