Efesios 3:3 - Wounaan Meu

³ Ar warr mʉg ẽsap phãbaadewe pãrag mʉchdeu bʉchkhun jaau chirarrjo, ich Ẽwandamau ich thãar eepai khaphʉ sĩerrjã ichdeuchata mʉrʉg jaautarr aawai mua khaphʉ chirʉm, chadcha pãar judionaan khabam khʉʉnjã irua ich denkha auju aai sim.

Woun Meu

³ Har warr mʌg hẽsap p'ãbaadëwe pãrag mʌchdëu bʌchk'un jaau chirarrjö, hich Hẽwandamau hich t'ãar heepai k'ap'ʌ sĩerrjã hichdëuchata mʌrʌg jaautarr haawai mua k'ap'ʌ chirʌm, chadcha pãar judionaan k'abam k'ʌʌnjã hirua hich dënk'a hauju haai sim.

Efesios 3:3 Iomraidhean Croise

Hechos 22:17

’Mag chadcha Ananiaau mʉchig jaautarrjo awi, mʉ deeu Jerusalenag mawia, Aai i jeeujem deg Ẽwandamag jeeu chirʉmta sĩi degolp mʉ dau eerthʉg athamjo abarm ee, Jesuuta mua oo athajimgui ajim Pabloou, ichpai jaaumamua.

Hechos 22:21

Magbaawai maach Por Jesuu deeu pʉaba mʉrʉg, “Petá; ichiita deeum durr durr warp mua pʉ pʉi chirʉmgui” ajim, “judionaan khabam khʉʉn ee.” Magta Pabloou ichdeu Jesús khaugtarrjã jaaujim judionaanag.

Hechos 23:9

Mag sereu thʉnʉʉ awi, ãaur khʉʉn Moiseeu phã pʉarr iek jawaag chi machnaan fariseonaan igar narr khʉʉnau phiidʉtkhawi, —Marau mʉg woun bʉ̃ʉrjã khaigba sim ooba nʉmgui ajierram anʉm. Mamʉ mag sĩi i dau eerthʉg athamjota ajim anaawai, dosãtauta irig iekhajĩ wa Ẽwandam chogauta iekhajĩ maadeu khaugbamgui ajierram aajem.

Romanos 11:25

Cristo gaaimua khodamnaan, pãachta thonaa pãachdeuta judionaan khãaijã khapcha nʉm am ugua, warrgar khaugba aajerr iekta pãrag khap apim khõsi chirʉm. Iin chadcha judionaan thum khabam mamʉ Ẽwandam iek ʉkhamaaugau thãar theega thʉnʉm khʉʉnta ʉ̃rpai thʉnʉm. Mamʉ amau jãg ʉkhaba nʉmʉn, jãan judionaan khabam khʉʉn warrgarwe ich Ẽwandamau jʉr autarr khʉʉnau thumaa ʉkha nʉm orapaita jãg thʉnʉm.

Romanos 16:25

Mʉg maach peerdʉajem iek ich Jesucristo igwia mua jaau chirʉm gaaimua Ẽwandamau pãar ubʉ apiju, ich iek gaai jaau simjo. Mʉg judionaan khabam khʉʉnpa peerdʉju iekhan, warrgar ich Ẽwandamau mʉg durr ompaaju nawe ichdeu ya khĩirju wai sĩejim. Pari magtarrta warrgar ich i jaaumienag jaauwaijã warre dawaa jaauba,

2 Corintios 12:1

Iin chadcha dichdeupai wir aig dich tho iekhaawai chan ʉu khaba sĩejem, pari mag nʉm ãba mua pãrag nem jaauju aai chirʉm. Maan ich maach Por Jesuuchata mʉ khãaipi aunaa mʉchig oopinaa jaaumatarrta jũrr pãrag jawaagpam.

Gálatas 1:12

Mʉg iek chan õrau mʉrʉg jaautarrjã khaba wa mʉch garmua khãijã deeum khʉʉn dʉi khaugtarrjã khabam. Mʉg iekhan ich Jesucristoou mʉchigcha jaautarrau.

Efesios 1:17

Ʉu pãrau bʉchkhun Ẽwandam khaphʉ naab mamʉ, warag ʉ̃rʉʉchata i khaphʉnaa jãgata Cristo gaaimua pãar athee nem ajapham pom waaujẽ a khap apim khõsi chirʉm. Maguata muan maach Por Jesucristo Ayagta jeeu chiraajem, ajapcharan ich Jooi ʉ̃gthar chiraajemʉgma, pãrag ich khĩirjug deebarmua magʉm khap amkhĩir.

Efesios 3:4

Pãrau ag gaai thʉ̃rmamua khap aju, chadcha mʉrʉgjã mag ichdeupai nem khaphʉ sĩerr jaaujim, jãga mag judionaan khabam khʉʉn atheepa Cristo pʉijĩ.

Efesios 3:6

Mag ich iek khaugpimaphamjo wai sĩerr iekhan mʉg ajim: Maach meeun khabam khʉʉnjã mʉg maach peerdʉajem iek ʉkha nʉm gaaimuata maach judionaan dʉi ãba Ẽwandamau peerdʉ auwi, ich Jesucristoou jaautarrjo ʉ̃gtharjã oberpiju. Mag ãbam iek ʉkha nʉm gaaimua maach thumaam khʉʉnauta Cristo kõit ichdeu khõsimjo wau naawai i gaaimua Ẽwandamau nem ajapha aju a simjã chadcha ich magta aju pãar dʉijã.

Efesios 3:9

Ich Jooyau warrgarwe nem thum ompaabarwe nem wauju ichdeu khaphʉ sĩerrjã mʉrʉgta jaaujim, jũrr thumaam khʉʉnag jaaumkhĩir.

Efesios 6:19

Mʉ kõitjã ĩchab jeeubat, Cristoou maach peerdʉ aaujem iek õrag jaauwaijã khĩirjug khaphʉ ichdeu iekhapim khõsimta mʉrʉg jaaumamkhĩir, maagwai jãga mag warr õrau amach peerdʉju aai nʉmjã khaugba narrta ya ĩsin Cristoou õor peerdʉ aaujem a jaauwaijã ogkhaba iekhaag.

Colosenses 2:2

Mag Ẽwandamag jeeu nʉm gaaita ogdʉba chiraajemʉn, pãach thãar onee amkhĩrau, ich jãg agdaujo dich khapeen kha khõsi wenʉrrʉmua warag khĩirjug paarpamaawai Ẽwandamau ich appaimua khaphʉ sĩerrta pãachdeujã ajapcha khaugmamkhĩir; ajapcharan pãar maar meeun khabam khʉʉnagjã Cristota ajapcha khap amkhĩirma.

Colosenses 4:3

Maar kõitjã maach Por Ẽwandamag jeeubat keena, warag ich iekta jaauju ayaacha apinaa jãga Cristoou õor peerdʉ aaujẽ a jawaag. Mag Cristoou õor peerdʉ aaujem iek õrau khaugba aajerr jaau chitʉm gaaimuata mʉg mʉ preso chirʉm.

Hebreos 13:22

Maimua ãbmiecha paawai ũrbat keena: Mʉg carta iek duurjã khaba bʉthʉ khitʉm pãach jua ee pabaimaawai ag gaai mua pãach wawí chirʉm ajapha ũrm khõsi ũrbat; pãach khĩir onee amkhĩirta mua mʉg phã deepʉi chirʉm.

1 Pedro 5:12

Keena, chadcha mʉchdeu oowai nem wawaag magʉm aba khitaawai maach hermano Silvanoogta jaaumajim, mʉg ẽsap phãmkhĩir, mag phãwi pãrag deepäaig. Mʉg cartadam bʉthʉ khitʉm gaai pãar wawí chirʉm, Ẽwandam maach thumaam khʉʉn daupii aajem dʉita ich jãg ubʉ naamkhĩir, bʉ̃ʉrjã ewag wetjujã khĩirjuba. Jãg pãach dau aug wau nʉm gaaimua irua pãar dʉijã ʉu aajemʉn, chadcha ichdeu pãarjã khõsi sim a khap apiewaiu.

2 Pedro 3:15

Mag nʉm dʉi ĩchab chaig mʉchdeu jaau chirarrjo khaphʉ abat: Jãg maach Por Ẽwandam da beeba simʉn, ich beeju nawe ich iek ʉkhawia ʉu peerdʉtkhamkhĩirta jãg da beeba sim. Ich mag iek igwi maach khod jooi Pablooujã ich agjo ya pãrag jaaupʉijim, ichdeu ẽsap phã deepʉitarr gaai. Jãg irua pãrag jaaupʉitarran, ĩchab ich Ẽwandamau irig khĩirjug deetarrauta pãrag jãg phã deepʉijim, khap amkhĩir.