Efesios 3:2 - Wounaan Meu

² Ya pãrau khaphʉ aju aai nʉm, Ẽwandam õor dʉi ajaug khitʉm gaaimua pãarjã dau aug khaugwi mʉrʉgta pãar ee ich iek jaaupitarr aawai chadcha ag gaaita chitʉm.

Woun Meu

² Ya pãrau k'ap'ʌ haju haai nʌm, Hẽwandam hõor dʌ̈i hajaug k'itʌm gaaimua pãarjã dau haug k'augwi mʌrʌgta pãar hee hich hiek jaaupitarr haawai chadcha hag gaaita chitʌm.

Efesios 3:2 Iomraidhean Croise

Hechos 13:2

Ich makhʉʉn biek ãb thachjã khoba maach Por Jesuug jeeu nʉm ee, Ẽwandam Akharau amag, “Bernabé Saulo dʉi ideu sĩi sĩubat, mua am athee ya phidag jʉr wai chirʉmgui” ajim anʉm chi Ẽwandam Akharau.

Hechos 13:46

Magbaawai ĩchab Pabloou Bernabé dʉimua warag thãar phĩiuwia iek khẽgkha amag, —Ũrbat keena ajierram anʉm. Chadcha pãragta nacha marau mʉg Ẽwandam iek jaauju aai naajim, mamʉ pãar jãg ʉ̃gthar obermaphamjo Ẽwandamagjã ʉdʉʉr pãach peerdʉ aupiba i isegamjo naawai marau judionaan khabam khʉʉnagpa jaau wenʉrrʉmgui ajim aajem,

Hechos 22:21

Magbaawai maach Por Jesuu deeu pʉaba mʉrʉg, “Petá; ichiita deeum durr durr warp mua pʉ pʉi chirʉmgui” ajim, “judionaan khabam khʉʉn ee.” Magta Pabloou ichdeu Jesús khaugtarrjã jaaujim judionaanag.

Hechos 9:15

Magbaa maach Por Jesuu irig, —Petá ajim anʉm, muata pʉ pʉi chirʉm i aar. Jã mʉchdeu jʉr au chirʉm khabahab ajim anʉm. Jãguata mʉg atag israelnaanagjã mʉ iek jaaunaa durr warpham magwe mʉ iek reinaanagpa jaau nʉrrajugui ajim aajem.

Romanos 1:5

Mag Jesucristoouta ʉu mʉ jʉr auwia i iek jaaujemkha chitʉm, mag i iek jaau chitʉm gaaimua meupierram khʉʉnau irigta ʉdʉraa amach peerdʉpinaa i ipierraa amkhĩir.

Romanos 11:13

Judionaan khabam khʉʉn, mua pãrag magkhim ĩchab: Mʉʉn chadcha ich Ẽwandamauta jʉr aujim, pãar ee ich iek jaaumkhĩir. Magua, mʉch meeun dʉi iyʉʉ aawai maata muan amag jajaau aajem,

Romanos 12:3

Keena, Ẽwandamauta mʉrʉg Cristo iek jaaujem khapitarr aawai pãrag magkhim: Oob pãachta pãach khapeen khãaijã wajaug atcha nʉm a khĩirjumiet. Mag khãai ãba Ẽwandamau khĩirjug dee simpierrpaita i athee nemdam wauju aai nʉm khap, dich igju awiajã nem agchata jaaubat.

1 Corintios 4:1

Magua pãrau maarjã sĩi pãach ee Cristo chognaan anaa Ẽwandamau õrag ich khĩirjug jaaupiejem khʉʉnpaiu abat. Magdampai khabahab maar phidag.

Gálatas 1:13

Pãrag khap amkhĩir jaaukhim; tale pãrau ũurjeejim warrgar mua nem waaujerr: Warrgar sĩi maach jooin judionaan iigta ee chitaawai mʉg Cristo iek ʉkha durrum khʉʉn dau augjã khaugba chadcha mua am ẽudee ẽkhaajeejim.

Efesios 1:10

Mag ich thãar eepai nem wauju khĩirju wai sĩerran, mʉg atag chadcha ichdeu magju ed paawaita ichdeu khĩirju simjoo aju. Mag edta ich Ẽwandamau õor thum edjã ee nem thʉnʉmpa Cristoog thʉsĩepʉiju, am dʉi jũrr ichdeuta khap amkhĩir.

Efesios 3:7

Chadcha mʉch khĩraupai chan mʉg Cristoou maach peerdʉ aaujem jaau nʉm phidag auju khaba chirajim. Mag chirarrta Ẽwandam nem thumaam athee ichta ʉ̃rpai sĩerrʉmuata mʉrʉg ich iek jaaupibaawai ʉu ag gaai chitʉm.

Efesios 3:8

Ajapcharan mʉʉn thum mʉg Ẽwandam iek ʉkha nʉm gaaimua i denkha thʉnʉm eejã mʉchta serbiibacha chirʉm. Mag chirab mamʉ ich Ẽwandamauta pãar maar meeun khabam khʉʉn eejã mʉg maach peerdʉajem iek jaaupitarr aawai mag Cristo gaaimua maach dʉi nem ajapha aajem pooma maadeu chi jaaujujã khaugba aajemjã ʉu jaau chitʉm.

Efesios 3:9

Ich Jooyau warrgarwe nem thum ompaabarwe nem wauju ichdeu khaphʉ sĩerrjã mʉrʉgta jaaujim, jũrr thumaam khʉʉnag jaaumkhĩir.

Efesios 4:21

I iek jaau nʉm ũurwaijã i igwia chadcharam nem jaau nʉmta khaugtarr aawai,

Efesios 4:7

Mag maach thum õor ãbamjo naab mamʉ, Cristoou ich garmuata ʉu maachig ich jua theeg ichdeu deem aig maachpierr deematarr maadeu wai nʉnʉidʉm, ichdeu deemarrpierr, agua dich khapeen dʉijã ichdeu khõsimjo aag.

Colosenses 1:6

Ich jãg pãachig jaaubaawai pãrau ʉkhatarr iekpaita ĩchab deeum khʉʉn eejã durrpierr aaidʉmam. Mag jaau nʉm ũrwi ʉkhamam khʉʉnjã khapaana paaukhamam dʉi ĩchab õor pooma warr amach khaigba wenʉrraajerr khĩirjug isegwi õor wäjäaunag paaukha thʉnʉm, ich jãg ʉu Ẽwandamau chadcha ich garmua maach khõsi aajem iek jaau nʉm ũrwi pãachdeu ʉkhatarrjo. Pãrau khaphʉ nʉm, mag Ẽwandamau ich garmua maach khõsi aajemʉn chadcharau.

1 Timoteo 1:11

Mua mag nem ajaphamta waupi sim a chirʉm chan mʉch iekpaijã khaba, jãan ich Ẽwandam õor dʉi ajaug khitʉmuata mʉrʉg jũrr jaaumkhĩir jaautarrau. Magua mua maach peerdʉajem iek jaau chitʉmpierr ich magta jaau chitʉm.

1 Timoteo 1:4

Oob sĩi jãg amach jooin igwia amau waaujerr igphobaademjã warag ag gaaipai par amach iphithur pʉa chʉuu apim amag. Jãgʉm iek jaau nʉmuan sĩita warag õor ee iek pom maadeujã khaugbata apʉi sim. Sĩi õor khũgur phe wai nʉmua warag õrag Cristo iek ʉkhapi aujujã khĩirjubata nʉm, Ẽwandamau maachig jaau simjo amachigjã agjo jaau simjã khaugbamjo.

1 Timoteo 2:7

Ich magtarr jaaumkhĩirta ichdeucha mʉ jʉr aujim, ich iek jaaujemkha awaag; mag jaau chitʉmua judionaan khabam khʉʉnagta jãgata chadcha Cristo maach thumaam khʉʉn kõit ich thõopitarr aawai maadeu i iek ʉkha wenʉrraju aai nʉm a jaaumkhĩir. Mag chadcha i iek ʉkha chiraawai bʉ̃ʉrjã seukhaba mag iekha chirʉm.

2 Timoteo 1:11

Mag ich iek jaaujem khamkhĩirta Ẽwandamau mʉ jʉr auwi judionaan khabam khʉʉn ee pʉijim.