Efesios 3:1 - Wounaan Meu

¹ Keena, mag pãar judionaan khabam khʉʉnpa Ẽwandam chaain khaju aai nʉm a jaau chitʉm gaaimuata mʉʉn mʉg preso chirʉm. Pari mua khaphʉ chirʉm, mʉg mʉ preso chirʉm gaaimua Cristoou jũrr pãar dʉita ajapha aju.

Woun Meu

¹ Keena, mag pãar judionaan k'abam k'ʌʌnpa Hẽwandam chaain k'aju haai nʌm ha jaau chitʌm gaaimuata mʌʌn mʌg preso chirʌm. Pari mua k'ap'ʌ chirʌm, mʌg mʌ preso chirʌm gaaimua Cristoou jũrr pãar dʌ̈ita hajap'a haju.

Efesios 3:1 Iomraidhean Croise

San Lucas 21:12

’Mamʉ mag Aai i jeeujem di õrau pogueupʉiwi, pãar oju nawe chikhamnau pãar ẽudee ẽkhawia, pãar pʉrnaa, amach ãba biirdʉwia, Ẽwandam i jaaujem deg pãar arrwia, cárcel degjã pãar arrmajugui ajim anʉm. Mag pãrau mʉ iek ʉkha durrum atheepai amau pãar gobernadornaan aar arrwi reinaan aarjã arrjugui ajim anʉm, pãar khaibag waumkhĩir.

Hechos 21:33

Mag barimawia, chi comandanteeu Pablo pʉr aupiwia, warre caden numiimua jʉ̃ sĩupijim. Maimua aig narr khʉʉnag, —¿Jã jamaam woun agá, maimua khani ichdeu jãg sĩejĩ? a jeeujim ajapha khap aag.

Hechos 23:18

Magbaawai chadcha capitanau chi chaai comandante aar warrwi irig, —Preso ãb Pablo aajemua mʉ thʉ̃r auwia mʉg chaai pʉ aig aibeepijimgui ajim anʉm. I iek mag mʉg chaairau pʉrʉg nem jawaag wai chirʉm aajem a jaaujim chi comandanteeg.

Hechos 26:29

Magbaawai jũrr Pabloou chi reíg, —Mag sĩi peerta ʉkhabarmjã aba, thum mʉig thʉnʉm khʉʉnau mʉ denjota ʉkhakhiin ʉucha akhamgui ajim anʉm, pari cha mʉ chirʉmjo preso nʉmua khaba mamʉ.

Hechos 9:15

Magbaa maach Por Jesuu irig, —Petá ajim anʉm, muata pʉ pʉi chirʉm i aar. Jã mʉchdeu jʉr au chirʉm khabahab ajim anʉm. Jãguata mʉg atag israelnaanagjã mʉ iek jaaunaa durr warpham magwe mʉ iek reinaanagpa jaau nʉrrajugui ajim aajem.

2 Corintios 1:6

Mʉg Cristo iek jaau nʉm gaaimua dau aug wau chitʉmʉn, Ẽwandamau mʉch peerdʉ autarrjo pãachjã khĩir jãsenkhawia pãach peerdʉ aumkhĩrau. Mʉg irua mʉ khĩir jãsenkha simʉn, jãan ich agjo pãachjã mʉjo dau aphʉʉ aphobaadeewai jũrr mʉch garmuata pãar khĩir jãsenkhaa khaphʉ amkhĩrau. Mag amʉn magan pãrau mʉ denjo ãwatimʉ ãwatju.

2 Corintios 10:1

Mʉʉn Pablota pãar dʉi iekha chirʉm. Mʉ pãar dʉi meeukhajã meeukhaba, sĩi Cristoou api simjota ithũu pãrag iekha chirʉm. Am iek mag pãar okgauta pãar dʉi ãba chirʉm aiguin sĩi imaa chitʉm aajem; pari jũrr warpmua ẽsap phã deepäaiwaita pãrag iek theeg iek khẽgkhata jaaupäaijem aajem.

2 Corintios 11:23

¿Amta Cristo chognaan anʉ́? ¡Ih! Mʉ chará am khãaijã Cristo chog chaarcharau. Mua khaphʉ chirʉm, mag iekhabapʉim aig lokoomjota mʉ iekhabapʉim. Mʉchta am khãyaujã ʉ̃rcha phidkhawia chitʉm; Cristo gaaimua am khãaijã mʉchta ʉ̃rcha cárcel deg mawia chirʉm; wajap jʉ̃gad khierrjã khoodaar chitʉm; mʉʉn am khãaijã thõjuuta wau chitaajem, Cristo athee mʉch mag chitʉm gaaimua.

Gálatas 5:11

Jãg mʉch meeun judionaanaupaijã mʉ eugar seukha jaau nʉmjo chadcha warramjo agtha mua mʉch paarmua meheujã phʉʉrbichpi jaau chitakhiin, amach ipierr warag Cristo iekjã ʉkhanaa meheujã phʉʉrbichpi jaauwai, amau mʉ khaibag wauju ẽkhaju khãai warag ajaphata mʉ ig iyʉʉ aajeekham. Mag akhiin Cristo pakuls gaai thõotarr iek jaauwaijã am gaai mas khaba aajeekham.

Gálatas 5:2

Pari magaagan ajapha mʉ iek ũrbat keena: Mʉ Pabloouta pãrag mag chirʉm. Pãrauta Ẽwandam dau na pãach ajapha kulp chukhu paapʉyaag awi ley gaai jaau sim ipierraa pãach meheujã phʉʉrbichpi nʉm khai, magan Cristoou maach kõit ich thõopitarraupai pod warre pãach peerdʉ aubam awiata mag nʉm.

Gálatas 5:24

Cristo denkha nʉm khʉʉnan warr i thõo naawaiwe amach o khõchagpierr nem wauju khĩirjugpata warre i dʉi pakuls gaai meerppʉitarrjota nʉm, tag magʉm nem khaigbam wau nʉmua pekau wauba aag.

Efesios 3:11

Pari mag maach thum judionaan khabam khʉʉnpa ich denkha phe auju khĩirju wai sĩerr chan nem ĩsim khaba, ni õor khĩirjugjojã khaba, ich Ẽwandamau warrgurwe mag khĩirju wai sĩerr aawaita chadcha mag maach Por Jesucristo pʉibarm gaaimua maach thum ãba ich denkha wai sim.

Efesios 3:13

Maguata muan pãragan mag chirʉm keena: Ich Cristoou pãar judionaan khabam khʉʉnag ich iek jaaumkhĩirta mʉ jʉr autarr aawai ag iek gaaimua mʉg mʉ dau aphʉʉ cárcel deg chirʉm anʉm ũurwaijã oob okhĩirjuu amiet. Magju khãai pãach gaaimua mʉg mʉ dau aug wau chirʉmʉn mʉchdeu pãar khõsinaa Ẽwandamaujã pãar khõsi aawaita mʉg chirʉm a khĩirjunaa warag oneeta abat.

Efesios 3:8

Ajapcharan mʉʉn thum mʉg Ẽwandam iek ʉkha nʉm gaaimua i denkha thʉnʉm eejã mʉchta serbiibacha chirʉm. Mag chirab mamʉ ich Ẽwandamauta pãar maar meeun khabam khʉʉn eejã mʉg maach peerdʉajem iek jaaupitarr aawai mag Cristo gaaimua maach dʉi nem ajapha aajem pooma maadeu chi jaaujujã khaugba aajemjã ʉu jaau chitʉm.

Efesios 4:1

Keena, maach Por Jesús i jaau chitʉm gaaimua preso chirʉmuata muan pãrag jaau jochkherʉm: chadcha Ẽwandamau thʉ̃rkha auwi i denkha nʉm khʉʉnjota agpierraa nʉrrjee abat a chirʉm.

Efesios 6:20

Cristoou ich jũrr mʉ chogpʉiwi mʉg maach peerdʉ aaujem iek jaau chirʉm atheeta mʉʉn mʉg amau mʉ preso wai nʉm. Magtarr aawai mʉig cárcel deg chirʉmuajã warag ichta õrag khap amkhĩir ogkhaba jawaagjã mʉ kõit jeeunaat keena.

Filipenses 1:7

Mʉrʉgan pãarta mʉ thãrau. Maagwai pãar gaaimuata Ẽwandamagjã ich mag onee ʉu ajim aju aai chirʉm. Pãarta mʉig mʉ dʉi cárcel deg ãba nʉmjo nʉm. Mua thethemnaan na maach peerdʉajem iek kõit iekhaawaijã pãrauta mʉ ipierr dʉi ag kõit iekha nʉmjo nʉm, jammua pãachdeu Ẽwandamag jeeu durrum gaaimua. Pãran warp nʉm, mamʉ Ẽwandamau mʉrʉg phidag deetarr pãrau sĩi mʉchig appai deeba, ʉu pãrau dʉi mʉ juag oo nʉm, irig jeeu nʉmua.

Colosenses 1:24

Mag maach peerdʉajem iek jaau chitʉm gaaimuata mʉʉn mʉg dau aphʉʉ preso chirʉm. Mamʉ mʉch mʉg chirʉmjã jũrr pãachta ʉu amkhĩir aawai mag aphʉʉ chirab mamʉ onee chiraajem. Mʉch mʉg wai nʉm gaaimuata, ich jãg Cristoou iglesia ich morkha sim athee ich dau aphʉʉ wai naawai ãwattarrjo, mʉchdeujã agjo i denjo aju ẽkha chiraajem.

Colosenses 4:18

Mʉg ẽsap mʉchdeuta pãrag deepʉi chirʉm khap amkhĩir, mʉg ãbmiecharam saluddam mʉchdeuchata mʉch juadamaucha phã deepʉi chirʉm, ajapcharan mʉch jooi Pabloouma. Keena, mʉg mʉ preso chirʉm khĩir eyaanaa mʉ kõit jeeubat. Mʉch garmuajã pãar kõit jeeu chiraajem, Ẽwandamau ʉu pãar eeg oomkhĩir. Magdampai ajim mua pãrag jaaum ig chirarr. Ayoo keena, Pablo

Colosenses 4:3

Maar kõitjã maach Por Ẽwandamag jeeubat keena, warag ich iekta jaauju ayaacha apinaa jãga Cristoou õor peerdʉ aaujẽ a jawaag. Mag Cristoou õor peerdʉ aaujem iek õrau khaugba aajerr jaau chitʉm gaaimuata mʉg mʉ preso chirʉm.

2 Timoteo 1:16

Onesíforoouta mʉg mʉ cárcel deg chirʉm oowia bʉ̃ʉrjã chigag chukhu biek khapan ʉu mʉ khĩir jãsenkhaajerr aawai Ẽwandamag i kõit jeeu chirʉm, ich chaain dʉi ich ʉʉipa eeg oomkhĩir.

2 Timoteo 1:8

Timoteo, oob pʉchdeu maach Por Jesucristo khaugtarr igwia õrag jaauju chigaa chiram, ni Cristo gaaimua mʉ mʉg preso chirʉm õrag jaaujujã oob chigaa am. Magju khãai Ẽwandamau pʉchig juapadam deetarrau warag mʉ ipierr dʉi maach peerdʉajem iekta jaaum khõsi jaaubá, agʉm gaaimua pʉch aphʉʉ ajujã khĩirjuba.

Filemón 1:1

Filemón, ¿jãgpai chirʉ́? Mʉʉn Pabloou. Maach Por Jesucristo iek jaau chirʉm gaaimua preso chirʉm. Mag preso chirʉmuata pʉrʉg mʉg ẽsap phã deepʉi chirʉm. Pʉjã maar dʉi maach Por Jesucristo iek jaau nʉm gaai ogdʉba khitaawai, maach hermano Timoteo dʉimua muata pʉrʉg saludaa chirʉm.

Filemón 1:23

Mʉ khapeer Epafras ĩchab Jesucristo iek jaau khitʉm gaaimua mʉig mʉ dʉi cárcel deg kheraajemuajã pʉrʉg salud deepʉi sim.

Filemón 1:9

Mamʉ muata ajués pʉrʉg i daupii api chirʉm am ugua, maach numijã agdaujo chikham kha khõsi nʉmjo i kha khõsi amkhĩir, sĩi ikhõrjã khaba pʉrʉg magam ig chirʉm. Mʉ ya jooiraa chirʉm. Mag chirʉm ãba, Cristo iek jaau chitʉm gaaimua preso chirʉm.

Apocalipsis 2:10

I iek pʉch dau aphʉʉ ajujã oob ogkham aajem. Chadcha pãar Ẽwandam dʉi ubʉ nʉm khap aag awi pãar eem ãaur khʉʉn dosãtau cárcel degjã dubpʉimaju anaabá. Maagwai tagam khʉʉn ẽudeejã ẽkhawi dʉrrcha phithurg aupiju aajem. Pari magʉmjã igba ich dʉita ich mag ubʉ naapi sim. Mag wenʉrrʉmʉn, ʉ̃gthar pawiajã ich mag pãar i dʉi nʉisiju aajem.