Efesios 2:8 - Wounaan Meu

⁸ Pãran mag Ẽwandam ajaug khitʉm gaaimuata ʉu Cristo iek ʉkhawi peerdʉwi nʉm; pari mag nʉm chan sĩi pãach khĩrauta peerdʉju ẽkhatarr gaaimua khaba, ich Ẽwandamau ich garmuata pãar peerdʉ aum khõsi arr aawaita ʉu pãar peerdʉ aujim.

Woun Meu

⁸ Pãran mag Hẽwandam hajaug k'itʌm gaaimuata hʌ̈u Cristo hiek hʌ̈k'awi peerdʌwi nʌm; pari mag nʌm chan sĩi pãach k'ĩrauta peerdʌju hẽk'atarr gaaimua k'aba, hich Hẽwandamau hich garmuata pãar peerdʌ haum k'õsi harr haawaita hʌ̈u pãar peerdʌ haujim.

Efesios 2:8 Iomraidhean Croise

San Mateo 16:17

Magbaawai Jesuu irig, —Simón Pedro, Jonás iewaa, õrau bʉ̃ʉrjã pʉrʉg jaautarr khabamta chadcha pua ag eyaa jaaubapʉimke ajim. Jãg pua khaphʉ jaaubapʉimʉn, jãan ich mʉ Aai ʉ̃gthar chiraajemuata pʉrʉg mag khĩirjupiwi ajim. Maguata pua ag eyaa jaaubapʉibahab ajim.

San Mateo 20:9

Mag, chadcha ẽudeecha kheeuraa las cincojo dubtarr khʉʉnta nacha thʉ̃rkha auwi khãai ãb phidkha kheutarr khʉʉnagamjo denario ãhãbdo phagkhamajim anaabá, agdaujo.

San Marcos 16:16

Chi mʉ iek ʉkhawi ich por choopi sim khʉ ʉu peerdʉju. Mamʉ chi mʉ iek jaau nʉm ũr simjã ʉkhaba sim chan Ẽwandamau i peerdʉ auba warag i isegpʉijugui ajim anʉm.

San Lucas 7:50

Mamʉ amau mag khĩirju nʉmjã igba warag chi ʉʉiragta, —Oob khĩirjum. Ʉu pʉ peerdʉ ʉisimgui ajim anʉm, pʉchdeu ʉkhatarr gaaimua. Pʉch diig maju aai ʉmgui ajim anʉm.

San Juan 3:36

Magtarr aawai chadcha chi Ẽwandam Iewaagta ich peerdʉ aupi sim khʉʉn mʉg eegarwejã ya ich denkha sĩsimgui ajim anʉm, i aar oberwia i dʉi ich mag nʉrraag. Pari Ẽwandam Iewaa iekta ʉkhaba abarm chan i aarjã oberba, warag i gaaita Ẽwandamau ich khĩir machag meeupʉijugui ajim aajem, ich Juanau ich dʉi wenʉrraajerr khʉʉnag. Magta Juan chi õor por choomieu Jesús tho iekhamajim aajem.

San Juan 4:10

Magbaawai jũrr Jesuu irig, —Ẽwandamau pʉch athee nem deeg wai sim khaphʉnaa khaíuta pʉchig do jeeu simjã khaphʉ akhiin, pʉch garmuata pua mʉrʉg do jeeukhamgui ajim anʉm. Magbaawai mua pʉrʉg õor iiupiejem doota deekhamgui ajim anʉm.

San Juan 5:24

’Mʉ cha iekha chirʉm iekhau chi mʉg mua jaau chitʉm iekta ũrwia ʉkha simuan Ẽwandam iekta ʉkha simgui ajim, chadcha ichdeuta mʉ pʉiwia mag ich iek jaaupitarr aawai. Mag ʉkhabarm wounan Ẽwandamau ya ich denkha auwia ich mag i dʉi sĩsim iekhau. Magbarm woun gaai Ẽwandamau ichdeu õor i agkha nʉm edjã mas abajugui ajim, warr ich khaibag eepai chi thõmjo sĩerrta ich mag iiu nʉrraag ya chi peerdʉm aawai.

San Juan 6:35

Magbaa Jesuu, —Wajapcharan mʉchpai khabahab ajim, mag pan õor iiupiejem. Mʉig eegarin par pãar thach pom biwaau khowiajã deeu jãsooju. Biwaau do dowiajã deeu obisi aju. Mamʉ chi mʉ iek ʉkhanaa mʉʉta au sim chan tag deeum igbajugui ajim, ich peerdʉ aumkhĩir.

San Juan 6:37

Thum mʉ Ayau mʉ iek ʉkhapi nʉm khʉʉnaun mʉ ig nʉm. Mag mʉch ig nʉm khʉʉnan mua aub khaba aujugui ajim.

San Juan 6:40

Mʉ Ayaun, ar mʉ igwia “Jãata chadcha i Iewaau” anaa mʉ iek ʉkha nʉm khʉʉnta mʉg atag pawiajã ich mag ichjo iiu wenʉrrapim khõsi sim. Pari magaagan mʉg atag mʉg durr o nʉm edjã mʉchdeuta am phiriutkha aujugui ajim ich Jesuu.

San Juan 6:44

Chadcha ich mʉ Ayauta mʉ pʉitarr aawai ichdeuta mua õrag jaau chitʉmjã ʉkhapibam chan ni ãbmuajã pod mʉ iek ʉkhabamgui ajim. Ichdeu ʉkhapibaawai ʉkhabarm khʉʉnan chadau mʉg durr o nʉm edjã deeu mua am phiriutkha aujugui ajim.

San Juan 6:65

Maguata mag iekhamamua, —Chadcha ich mʉ Ayauta mua õrag jaau chitʉmjã ʉkhapibam chan, pod ãbmuajã ʉkhabamgui ajim.

Hechos 13:39

Maagwai Moiseeu iek phã pʉatarr gaai jaau simpierr ʉkha nʉmuapai pod peerdʉba arr khʉʉnaujã Jesús iek ʉkhamʉn, jũrr ichdeun chad thum peerdʉ auwia ajaug paapʉimaju, magbarmua tag bʉ̃ʉrjã ich dʉi iekkhõr chukhu nʉisimkhĩir a iekhamajim aajem Pabloou.

Hechos 14:27

Mag beewi, chadcha deeu Antioquía barchewia, chi ʉkha durrarr khʉʉn thum ãbam aig biirdʉnaa, amag jaauphobaadejim aajem, jãga Ẽwandamau am dʉi ajĩ, maimua jãga maach Por Jesuu judionaan khabam khʉʉnagjã ĩchab ich iek ʉkham khõsi ʉkhapijĩ, amachpa peerdʉmamkhĩir.

Hechos 15:11

Mag khĩirjuju khãyau maadeu khaphʉ aju aai nʉmgui ajim anʉm: maach Por Jesuu ich jãg ich garmua maach khõchkhawi ʉu peerdʉ autarrjo, ich agjota amjã ichdeuta peerdʉ au sim khabahab ajim anʉm Pedroou, mag Moiseeu phã pʉarr iek thum chan judionaan khabam khʉʉnau ʉʉrkhaju aai khaba nʉm a khap amkhĩir.

Hechos 16:14

Makhʉʉn ʉʉin ee ʉʉi ãb Lidia a thʉ̃r sim sĩejim, phobor Tiatira anʉm eem. Ichdeu put khichphe khĩir thethemnaanaupai jũajem ooimʉ khanaa peerjeejim aajem. Mag ʉʉirau ĩchab ag nawe Ẽwandamag jeeujeejim aajem. Mag Lidia anʉmua Pablo iekhamam ũr sĩerr aawai maach Por Jesuu warag i thãar sõsõii apijim, Pabloou ich iek jaaumam ajapha thãraucha ʉkhamkhĩir.

Hechos 16:31

Magbaawai Pabloou Silas dʉimua irig, —Ãba maach Por Jesucristo iek appaita ʉkhabá. Pua chadcha mag ʉkhamʉn, pʉchjã peerdʉwia pʉ degam khʉʉnjã peerdʉjugui ajim aajem amau irig.

Romanos 10:14

Pari mag pãach peerdʉmkhĩir irig jewaagan, ichiita nacha pãrau i iek ʉkhaju aai nʉm; mag ʉkhaagjã ichiita pãrau i iek jaau nʉm ũrju aai nʉm; mamʉ mag i iek ũraagjã chi jaaujem khʉʉnjã paraa aju aai nʉm, õrag jawaag.

Romanos 10:17

Pari mag amau wajap ʉkhabajieb mamʉ, mʉchdeu jaau chirʉmjo, ichiita ãbmua Cristoou maach peerdʉajem iek jaauju aai sim; magbaawain chadau mag iek ũrwiata ʉkhaju aai nʉm.

Romanos 4:16

Magua mag Abranag jaautarrjo maach dʉijã wajapha ajuun, i iek chadcha ʉkha nʉm gaaimuapaita magju. Mag gaaimuapai aawai maach peerdʉ aauwaijã õrau khaphʉ aju, dichdeu nem wau nʉm paar khaba, ʉu ich garmuata maach peerdʉ au sim. Mag sĩi ʉkha nʉm gaaimuapai aawai, ewag pawiajã maach mag ʉkha nʉmua Abrán chaainkha nʉm khʉʉnauta aub khaba auju, Ẽwandamau deeju jaautarr.

Romanos 4:5

Pari Ẽwandamau ich iek ʉkhaa chaar ʉkha nʉm khʉʉn pekau chugpaa nʉm chan mag khabam. Amau amach igamkhĩir nem wajapha wauba aajerr awiajã, pari amau ãba Cristoouta chadcha amach peerdʉ auju aai sim awi amach thãraucha ʉkhamʉn chadau, mag ʉkha nʉm gaaimuata ag najã pekau chukhu arrjo apʉiju.

Romanos 9:16

Ichdeucha mag sĩewai sĩi õrau amachdeu nem wau nʉm gaaimua wa amachdeu waupim khõsi nʉmjo khaba, Ẽwandamau ichdeu eeg oom khõsi oo sim gaaimuata am dʉi mag ʉu aajem.

Gálatas 3:14

Mag Cristoou ʉu maach khaigper autarran, ich Ẽwandamau maach jooin Abranag jaautarrjo, mag Cristo maach kõit ich dau aphʉʉ apitarr iekta ʉkhabaawai judionaan khabam khʉʉnagpa Ẽwandamau ich Akhaar deeju atarrjã chadcha aumkhĩir ajim.

Gálatas 3:22

Pari Ẽwandamau magta maachig ich iek gaai jaauba sim. Magta jaauju khãai maachin thumaam khʉʉnta dich pekau gaaimua Ẽwandam dʉi iekkhõr wai nʉm a sim, ichdeu jaautarrjo ich aar auju awiajã Jesucristo iek ʉkha nʉm khʉʉnta mag auju aai nʉm a khap amkhĩir.

Efesios 1:19

Mag nʉm dʉi ĩchab khap apim khõsi chirʉm, jãga mag Ẽwandam thumaam khʉʉn khãaijã ichta jua theeg sĩerrʉmta maach chi ʉkha nʉm khʉʉn dʉi sĩejẽ.

Efesios 2:10

Mamʉ warrgarwe Ẽwandamau khĩirju wai sĩerrjo ich athee mag nem ajapha wau wenʉrramkhĩirta Cristo gaaimua maach peerdʉ autarr aawai, maadeun chadcha nem ajaphamta wauju aai nʉm; pari majã dich peerdʉ aumkhĩir khaba, sĩi Ẽwandamau mag khõsi sĩewaita mag wauju aai nʉm.

Efesios 2:5

mag maach khaibag gaaimua aubaju ayaa narrta ich jãg ichdeu deeu Cristo phiriu autarrjo maachjã ich aar auwi ich mag Cristo dʉi ãba wenʉrraju khʉʉn khapijim. Mag Ẽwandam õor dʉi ajaug khitʉm gaaimuata maachin ʉu peerdʉwi nʉm.

Filipenses 1:29

oob ogkhamiet. Maadeun Cristo iek gaai ʉkha nʉisiewaita irig ʉu ajim aajem; mamʉ agjo i iek jaau wenʉrrʉm gaaimua chikhamnau maach khaibag waauwaijã ĩchab irig ʉu ajim aju aai nʉm.

Colosenses 2:12

Pãach por choopi nʉm ed pãar warre Cristo dʉicha ãbam jẽbdeg aukherbarmjo ajim, ajapcharan mag chi khechamjo nʉisiewai pãachdeu nem khaigbam waaujerr isegpʉiwia tag wauba aag. Magnaa ĩchab pãrau Ẽwandamau ich Cristo phiriu autarr jua theegjã ʉkha naawai warre ich Cristo dʉichata iiu phiidʉtkhabarmjo ajim, ich ag jua theegau ichdeu nem waupim khõsimpai wau wenʉrraag.

2 Tesalonicenses 1:9

Makhʉʉnan sĩi irua barkhʉʉipʉiwia mam ich mag okhoo nʉisiegau. Magbarm chan tag maach Por Jesús khĩir wajaugjã ooba, ni i jua theegjã oobaju.

Hebreos 6:4

Mamʉ ar maach peerdʉajem iek ũrwi, Ẽwandamau ich Iewaa maach peerdʉajem khamkhĩir pʉitarrjã khaugwi, Ẽwandam Akharau õrag nem ajapha waupi sim aig ich paarmua dʉi wauwi,

1 Pedro 1:5

Pãraujã pãach thãrauchata Ẽwandam iek ʉkha naawai irua ich jua theegauta pãar thʉa wai sĩeju, mʉg atag deeu Cristo beewi maach ich aarcha phe arr nʉm ora. Mag pãar phe athaadem edta pãachdeu nem ajapham paarpaju khĩirjuajerrjã thumaa chadcha pãrau wai nʉisiju.