Efesios 2:5 - Wounaan Meu

⁵ mag maach khaibag gaaimua aubaju ayaa narrta ich jãg ichdeu deeu Cristo phiriu autarrjo maachjã ich aar auwi ich mag Cristo dʉi ãba wenʉrraju khʉʉn khapijim. Mag Ẽwandam õor dʉi ajaug khitʉm gaaimuata maachin ʉu peerdʉwi nʉm.

Woun Meu

⁵ mag maach k'aibag gaaimua haubaju hayaa narrta hich jãg hichdëu deeu Cristo p'iriu hautarrjö maachjã hich haar hauwi hich mag Cristo dʌ̈i hãba wënʌrraju k'ʌʌn k'apijim. Mag Hẽwandam hõor dʌ̈i hajaug k'itʌm gaaimuata maachin hʌ̈u peerdʌwi nʌm.

Efesios 2:5 Iomraidhean Croise

San Lucas 15:24

Pãrau oo nʉmgui ajim anʉm, mʉ chaai chi meem arrta deeu iiubarmjo abarm; beebajupii narrta deeu barbaichem” ajim anʉm. Mag, chadcha phiesta waujim aajem.

San Juan 5:21

Ich jãg chi Ayaujã õor mee nʉm khʉʉnjã phiriutkha auwia ich mag ich dʉi wai sĩejemjo, mʉch chi Chaairaujã mʉchdeu magam khõsim khʉʉn dʉin ich agjo ajugui ajim.

San Juan 6:63

Magnaa warre amag, Mua mag mʉch mod khopi jaau chirʉm chan mʉch mod chaarta jaauba chirʉmgui ajim. Mʉ modon chadcha pãrau khowiajã jãgua chan bʉ̃ʉrjã pãar peerdʉ aubajugui ajim, Ẽwandam Akharauta õor iiupiejeewai. Mag mʉ mod chaarta khoju khĩirjuju khãai, cha mua pãach kõit ʉdʉraa mʉch thõopiju jaau chirʉmta ʉkhapi chirʉmgui ajim, chi mag ʉkha nʉm khʉʉnauta Ẽwandam Akhaar õor iiupiejem wai nʉisiju aawai.

Hechos 15:11

Mag khĩirjuju khãyau maadeu khaphʉ aju aai nʉmgui ajim anʉm: maach Por Jesuu ich jãg ich garmua maach khõchkhawi ʉu peerdʉ autarrjo, ich agjota amjã ichdeuta peerdʉ au sim khabahab ajim anʉm Pedroou, mag Moiseeu phã pʉarr iek thum chan judionaan khabam khʉʉnau ʉʉrkhaju aai khaba nʉm a khap amkhĩir.

Romanos 16:20

Pãrau magta amʉn, mag parhoob nem jaau sĩerrjeem khʉʉnau amach khĩirjug pãach ee jaaucheewaijã, Ẽwandam maach khõinaa apiejemuata pãrag am iek ʉkhapiba abarmua chi mepeer Satanás mag õrag seukha nem jaaupiejemjã pãrag bʉʉu o jʉ̃athʉg deebarmjo aju. Maach Por Jesuu pãar dʉi ʉu amkhĩir mua pãar kõit jeeu chiraajem.

Romanos 3:24

Mag Ẽwandam warpta wenʉrrʉmjo naab mamʉ, í thumaam khʉʉn dʉi wajapha khitaawai mag dichdeu nem ajapha wau nʉm paarjã khaba, ich garmuata mag maach i dʉi iekkhõr pom narrjã igba, Jesucristo gaaimua maach pekau chugpaawia iekkhõr chukhu sĩi ich dʉi dau parii apiejem.

Romanos 4:16

Magua mag Abranag jaautarrjo maach dʉijã wajapha ajuun, i iek chadcha ʉkha nʉm gaaimuapaita magju. Mag gaaimuapai aawai maach peerdʉ aauwaijã õrau khaphʉ aju, dichdeu nem wau nʉm paar khaba, ʉu ich garmuata maach peerdʉ au sim. Mag sĩi ʉkha nʉm gaaimuapai aawai, ewag pawiajã maach mag ʉkha nʉmua Abrán chaainkha nʉm khʉʉnauta aub khaba auju, Ẽwandamau deeju jaautarr.

Romanos 5:10

Warr maach pekau ee wenʉrraajeewain maachin Ẽwandam dʉi iekkhõr pomta naajim, maachdeu i igba narr gaaimua. Pari mag Cristo maach kõit meetarr gaaimua Ẽwandam dʉi maach khõinaa api sim khai, magan ich iiu phiidʉtarr gaaimuajã ĩchab maach aub khaba ich aar auju, ya Ẽwandam dʉi khõinaa wenʉrraawai.

Romanos 5:6

Dich juapadamaupai chan pod dich pekau eemua oberaagjã jua theeg chukhu narrta, mag i oob khaba ooju khap amkhĩirta Cristo beewia maach thumaam khʉʉn kõit meechejim, magbarmua maach chi khaigbam khʉʉn peerdʉ awaag.

Romanos 5:8

Pari Ẽwandamau magbajim maach dʉi. Maach pekau pom nʉm ãba, Cristo pʉijim maach kõit thõmkhĩir. Mag pʉibarmuata irua ich garmua chadcha maach khõsi sim khap apijim.

Romanos 8:2

Pari magaagan chi Ẽwandam Akharau maach ich Cristo denkhapi athamua mag maach okhoopiju arr jua eemua peerdʉ athaawaita mag pekaúgta maach ʉ̃rpai apiba aajem.

2 Corintios 13:14

Muan ãbmiecha paawai maach Por Jesucristoogjã pãar ʉu wai chitapim khõsi, maach Ẽwandam thumaam khʉʉn kha khõsi aajemʉgjã pãar eeg oopim khõsi, maimua ich Ẽwandam Akhaar maach dʉi ogdʉba khitaajemʉgjã ich jãg pãar daumaai nʉrrapim khõsita chiraajem. Ayoo keena, Pablo

Efesios 2:1

Warran pãran pãachdeu nem khaigba waaujerr gaaimua pod Ẽwandam aar oberju khaba naajim, sĩi pãach pekau eepaita narr aawai.

Efesios 2:8

Pãran mag Ẽwandam ajaug khitʉm gaaimuata ʉu Cristo iek ʉkhawi peerdʉwi nʉm; pari mag nʉm chan sĩi pãach khĩrauta peerdʉju ẽkhatarr gaaimua khaba, ich Ẽwandamau ich garmuata pãar peerdʉ aum khõsi arr aawaita ʉu pãar peerdʉ aujim.

Efesios 5:14

Pari magaagan am iekhõoin, “Jãg pʉch pekau eepai khãi simjo sim daukhanpabá; chi khechamjo thʉnʉm khʉʉn eemua phiidʉbaad; Cristoouta ich denkha aunaa ich dʉita pʉ wai nʉrraju.”

Colosenses 2:13

Warran sĩi pãachdeu nem khaigba wau narr gaaimua pãran chadcha sĩi okhoota naajim Ẽwandam na. Mag nʉm dʉi ĩchab ni judionaanau aajemjo pãach ajaug paaju awi pãach khakhua gaai dauchachjujã bʉ̃ʉrjã khĩirjuba aajeejim. Mamʉ mag okhoo narrta ĩs Cristo gaaimua Ẽwandamau pãar khaibag thumaa chugpaapʉiwi ich Cristojo ich mag iiu wenʉrrapiju aai apijim.

Tito 2:11

Ẽwandamau ichdeu õor dau aug khaugaag ich Iewaa pʉijim, mag pʉibarm gaaimua maach thumaam khʉʉn ʉu peerdʉju aai nʉm a khap amkhĩir.

Tito 3:5

Mag irua maach peerdʉ autarr chan nem ajapha wau wenʉrrarr gaaimuajã khabajim; irua maach peerdʉ autarran, sĩi ich garmua maach dau aug khaugwi ajim. Mag maach dau aug khaug nʉm aig, ich Ẽwandam Akharau maach pekau do badag barbapʉimjo thum chugpaabapäaiwaita, ya tag warr dich wenʉrraajerrjo khaba, jũrr maach khĩirjugta chi iiurig paapʉijim.

Apocalipsis 22:21

Maach Por Jesuu pãar thumaa ʉu oopaar phe wai sĩepim khõsi chirʉm. Mag ajim keena, ich Jesucristooucha mʉ khãaipi auwi mʉrʉg oopitarr. Juanau