Efesios 2:4 - Wounaan Meu

⁴ Mamʉ ʉu Ẽwandamau õor thumaam khʉʉn dau aug khaug paraanaa ich garmua õor khõsi khitaawai,

Woun Meu

⁴ Mamʌ hʌ̈u Hẽwandamau hõor t'umaam k'ʌʌn dau haug k'aug paraanaa hich garmua hõor k'õsi k'itaawai,

Efesios 2:4 Iomraidhean Croise

San Lucas 1:78

Magaag atheeta Ẽwandamau maach thumaam khʉʉn khĩir jãsenkhawia ich Chaai pʉi sim, peerdʉju khaugba aawai pod ʉ̃gthar oberbaju aajerr khʉʉnpa peerdʉ aumkhĩir.

Romanos 10:12

Mag sim aiguin judionaan wa judionaan khaba awiajã ĩsin thum ãbata thʉnʉm Ẽwandam dau na; ich ãbam Jesupaita thumaam khʉʉn Porkha sim. Magua, ar thum ichig jeeu nʉm khʉʉn dʉin Jooi wajaug khitʉm.

Romanos 2:4

Chadcha Ẽwandamau warre pʉ gaai mas deeba aajem. Pari mag pʉch chig aba aajeewaijã, puan pʉch wajapha sĩewaita mag pʉch chig aba aajempii sim. Pari pua khaugba sim, mag irua ʉu pʉ dichba aajemʉn, pʉch khaibag isegwia ich jʉrmkhĩirta mag pʉ chigjã aba sĩi warag oobamjoo aajem.

Romanos 5:8

Pari Ẽwandamau magbajim maach dʉi. Maach pekau pom nʉm ãba, Cristo pʉijim maach kõit thõmkhĩir. Mag pʉibarmuata irua ich garmua chadcha maach khõsi sim khap apijim.

Romanos 9:23

Ich agjo ĩchab ich wajaug oopieg maach chi thʉ̃rkha autarr khʉʉnjã khaibag ee pʉiba sĩi eeg oowai, khaíu i ichaaur abarju. Ichiita ich aar awaag ichdeu thʉ̃rkha aum aig thʉ̃rkha auju aai sim, judionaan wa judionaan khabam khʉʉn awiajã.

Efesios 1:7

Maach pekau gaaimua Ẽwandam dʉi iekkhõr pom narrta, sĩi khajapham debpaar phag nʉmjo Jesucristoouta maach daupigau ich bagau maach phag athaawai, ʉu Ẽwandamau maach khaibagjã chugpaawi warre magʉm khĩir okhoopʉijim.

Efesios 2:7

Mag Ẽwandamau maachigta nacha Cristo iek ʉkhapiwi ich denkha autarran, ĩs ewag pawiajã jãga chadcha ichdeu maach khõsi sĩ a khap apinaa, mag Cristo denkha nʉm gaaimuata chadcha ichjã maach dʉi ajaug khitʉm khap apieg ajim.

Efesios 3:8

Ajapcharan mʉʉn thum mʉg Ẽwandam iek ʉkha nʉm gaaimua i denkha thʉnʉm eejã mʉchta serbiibacha chirʉm. Mag chirab mamʉ ich Ẽwandamauta pãar maar meeun khabam khʉʉn eejã mʉg maach peerdʉajem iek jaaupitarr aawai mag Cristo gaaimua maach dʉi nem ajapha aajem pooma maadeu chi jaaujujã khaugba aajemjã ʉu jaau chitʉm.

2 Tesalonicenses 2:13

Khodamnaan maach Por Jesuu kha khõsim khʉʉn, ichiita marau pãar gaaimua Ẽwandamag ʉu ajim aju aai nʉm. ¿Khan jãgwi? Pãachta jãig Tesalónica phobor ee chi nacha Ẽwandamau jʉr autarr khʉʉn aawaima. Magnaa ĩchab ich Ẽwandam Akhaar maachig nem wajapha waupiejem dʉimua pãachdeu ʉkhatarr gaaimuapa pãachta nacha peerdʉwi naawaima.

1 Timoteo 1:14

Jũrran mag chitajieb mamʉ, maach Por Ẽwandamau ʉu magʉmjã igba mʉch khaibag thum chugpatarr aawai ãba Jesucristo iekpaita ʉkha chitʉm. Magua ĩsin mua i khõsinaa mʉch khapeenjã thum ãba daupii chitʉm, ar chadcha i iek ʉkha nʉm khʉʉnau aajemjo.

2 Timoteo 1:9

Ẽwandamaun maach peerdʉ auwi sĩi pekau chukhu ich atheepai wenʉrramkhĩirta maach jʉr aujim. Mag maach jʉr autarr chan mag ichdeu oowai maachdeu nem wajapha wau wenʉrrʉm gaaimuajã khaba, warrgarwe ich Ẽwandamau mʉg durr thum ompaaju nawe ich garmua maach eeg oowia, Jesucristo gaaimua maach khĩir jãsenkhawia, ichdeu khõsi simjo wenʉrramkhĩirta maach jʉr aujim.

1 Pedro 1:3

Mua ʉu ajim a chirʉm maach Por Jesucristo Aai Ẽwandamag, ʉu ichdeuta maach dau aug khaugwi maach akhaar dich pekau ee chi khechamjo narrta ʉu peerdʉ auwi ich chaainkha autarr aawai. Mag i chaainkha nʉmʉn, ʉu Jesucristojã deeu phiidʉtarr gaaimuata mag i chaainkha naawai,