Efesios 2:3 - Wounaan Meu

³ Maarjã warran thum ich magta naajim, sĩi dichdeu nem waum khõchagpierr; nem magju abarmʉn parhoobam khĩirjug dich khĩirjug ee bee nʉmta agpierr waaujeejim, warr thaabaawaijã ich mag pekau eeta thaabatarr khʉʉn aawai. Chadcha maach mag wenʉrrarr gaaimua maran sĩi parhooba tagam khʉʉnjo Ẽwandam jua machag ãwatju aai naajim.

Woun Meu

³ Maarjã warran t'um hich magta naajim, sĩi dichdëu nem waum k'õchagpierr; nem magju habarmʌn parhoobam k'ĩirjug dich k'ĩirjug hee bëe nʌmta hagpierr waaujeejim, warr t'aabaawaijã hich mag pekau heeta t'aabatarr k'ʌʌn haawai. Chadcha maach mag wënʌrrarr gaaimua maran sĩi parhooba tagam k'ʌʌnjö Hẽwandam jua machag hãwatju haai naajim.

Efesios 2:3 Iomraidhean Croise

San Marcos 4:19

pari ãsie deeu ewag khĩirjuajerram. Am khĩirjugan ãba riknaan khajuuta khĩirju sĩsidʉm, nem thum paraa aag. Mag khĩirju sĩsidʉm gaaimuata ĩchab, mag nemjĩir sirphʉg ee aadeewai sĩi dau aphʉʉ cheba nʉisierrjo, Ẽwandam iekjã thãraucha ʉkhawi i ithee nem wajapha wawaagjã serbiiba thʉnaabahab ajim anʉm.

San Juan 1:13

Mag i chaainkha nʉm chan sĩi mʉg eegarm khʉʉnjo chaai paarpam khõchgau khapese awia paarpa autarr khabam. Mag i chaainkha nʉmʉn, sĩi Ẽwandamau ich garmuata ich iiu aawai ich chaainkha au nʉmʉu.

San Juan 8:44

Magnaa amag, Pãar aai mepeer khabahab ajim. Maguata pãar i denkha naawai irua nem jajaaukhamta waum khõchkhaajerram. Mepeer warrgarwe õor thõomie khabahab ajim. Irua nem jaau sim chan bʉ̃ʉrjã chadam iek khabamta jaau sĩerrʉm. Irua chadcha nem jaautarr chukhum. Jãg irua seukha nem jaauwai ich khapta jaauba aajeeb ajim, seunem sĩerraawai. Magua ichta seu paraam khʉʉn aaikha sĩerrabahab ajim amag.

Hechos 14:16

Warrgarin chadcha thumaam khʉʉnau amachdeu nem khõsimʉg jeeu nʉmjã Ẽwandamau magʉm aba aajeejimgui ajim anʉm, amau wajappai ich khaugba narr aawai.

Romanos 1:24

Pari amach mag thʉnʉm gaaimua Ẽwandamau warag amag oobamjo apʉiwia amach thãar ee nem khaigba wauju khĩirju sĩsidʉmta warag ʉdʉraa amag waupi sim. Mag, amach wir aigpai chikham õor dʉijã sĩi parhooba thʉnʉm gaaimua, maach chi bigaaum khʉʉnta chigaa aajem.

Romanos 11:30

Warrgarin chadcha pãrau Ẽwandamau jaau sim ichaaurta nem wau wenʉrrajim. Pari ĩs jũrr judionaanta warrgar pãar thʉnarrjo Ẽwandam ichaaur thʉnaawai jũrr ĩs Ẽwandamau ʉu pãarta dau aug khaug sim.

Romanos 13:14

Magju khãai warag Jesucristo nʉrraajerrjota aju ẽkhabat. Mag nʉm dʉi ĩchab oob tag warr Cristo khaugba aajeewai nem waaujerr wauju khĩirjumiet.

Romanos 2:14

Pari jãg judionaan khabam khʉʉnau Moisés ley chukhu nʉmta, sĩi amach khĩirjug eemuapai ag gaai jaau simjo nem waauwai, merag chukhu sim amachdeujã khaphʉ nʉm, khani wauju aai nʉ wa waubaju aai nʉ. Mag nʉm aig maata amachigan am leíu.

Romanos 5:10

Warr maach pekau ee wenʉrraajeewain maachin Ẽwandam dʉi iekkhõr pomta naajim, maachdeu i igba narr gaaimua. Pari mag Cristo maach kõit meetarr gaaimua Ẽwandam dʉi maach khõinaa api sim khai, magan ich iiu phiidʉtarr gaaimuajã ĩchab maach aub khaba ich aar auju, ya Ẽwandam dʉi khõinaa wenʉrraawai.

Romanos 5:9

Mag, maach khaigba narrjã igba Cristo maach kõit meetarr gaaimua ya i dʉi kulp chukhu naawaita, i gaaimuata ĩchab Ẽwandamau maach i agkham ed maach gaai ich khĩir machag meeuju arrjã ʉu maach jua khʉapʉiju, ya bʉ̃ʉrjã pekau chukhu arrjo naawai.

Romanos 6:12

Pekaúg chan oob ʉdʉraa pãach gaai ʉ̃rpapimiet, sĩi warrgar pãachdeu nem waum khõsimpai waaujerr wawaag.

Romanos 7:18

Mua khaphʉ chirʉm, mʉg chirʉm aig chan bʉ̃ʉrjã thãar wajaug chukhu chirʉm Ẽwandam dau na. Magua, nem wajapha waum khõsi chirʉmjã pod wauba aajem.

Romanos 9:22

Mag sĩewai ichdeu khõsi simjo warre õor khaibag ee pʉikhiinjã, khaíu i ichaaur abarju. Pari magba ich jua theeg oopieg õor amach pekau gaaimua sĩi khaibag ee pʉiju aai sĩerrta, ich khĩir machag ãwat wai sĩejem.

1 Corintios 4:7

¿Khaíu pãrag jaauwai pãarta warm khʉʉn khãaijã ʉ̃rpai nʉm a jaaujĩ? Khan nemta deeba arr aawai pãrau bʉ̃ʉrjã chukhu nʉ. Mag Ẽwandamau deetarr pãachdeujã khaphʉ nʉmta, khantheeta pãrau pãach juapaauta paarpatarrjo khĩirjuajẽ.

2 Corintios 7:1

Magua, Cristo gaaimua khodamnaan, magta Ẽwandamau maach dʉi aju a sim. Maguata maachin nem khaigbamjã pʉawia khĩirjug khaigbamjã isegnaa dich morta sʉrkhaju aai nʉm. Magnaa Ẽwandam dau na pekau wauju okhonaa warag i simjo wajapha ajuuta ẽkhaju aai nʉm.

Gálatas 3:22

Pari Ẽwandamau magta maachig ich iek gaai jaauba sim. Magta jaauju khãai maachin thumaam khʉʉnta dich pekau gaaimua Ẽwandam dʉi iekkhõr wai nʉm a sim, ichdeu jaautarrjo ich aar auju awiajã Jesucristo iek ʉkha nʉm khʉʉnta mag auju aai nʉm a khap amkhĩir.

Efesios 2:2

Pãraun sĩi Ẽwandam khaugbam khʉʉnau nem waaujemta waaujeejim, ar mʉig eegarpain ichta ʉ̃rpai sĩerrʉm khõchagpierr, ajapcharan dosãt ipierrma, ichdeuta õragjã warag Ẽwandamau nem khõchkhabamta waupim khõsi aajem ipierr.

Efesios 4:22

jãg warrgar pãach nem parhoob wau wenʉrraajerr khĩirjug warre isegbapʉit. Jãgʉm khĩirjugan nem khaigbam wau nʉm gaaimua sĩi khajũa memerkhomjota sim; mag sĩewai sĩi ãba nem khaigbam waum khõchgauta dikha thʉnaabahab.

Colosenses 1:21

Warr pãrau Ẽwandam khaugba aawain pãran chadcha okhoo naajim, mag pãach khaibag gaaimua i dʉi iekkhõr paar narr aawai.

1 Tesalonicenses 4:13

Khodamnaan, sĩi Ẽwandam iek ʉkhaba aajem khʉʉnjo pãach okhĩirjuu apimaaugau, marau pãrag jaaum ig nʉm, jãga aajẽ mʉg maach Ẽwandam iek ʉkha nʉm khʉʉn meewai.

1 Tesalonicenses 5:6

Magua warm khʉʉnjo sĩi parhooba dichdeu nem waumpierr wau wenʉrraju khaba nʉm; magju khãai wajaphata khĩir khaug naaju aai nʉm i beewaim athee, sĩi por ee nag wai nʉmjo okhopha khaba.

1 Timoteo 6:9

Mamʉ magba ãaur khʉʉnan sĩi phatkhon pom paarpajuuta khĩirju thʉnʉm. Makhʉʉnaun phatkhonau aawai parhooba nem wau nʉmuajã chadcha amachdeu nem khõsim paarpajuuta ẽkhaajerram. Mag nʉm gaaimua wounagamjo ʉdʉraata nem parhoobamʉgjã amach bãyeu arrpi nʉm, mag phatkhonagta ee thʉnarr gaaimua naspawia amachdeupai wir aig amach khaibag waupimjo Jooirau amach isegjujã khĩirjuba.

Tito 3:3

Pua khaphʉ sim, warran maachjã bʉ̃ʉrjã khĩirjug chukhumjo aawai sĩi Ẽwandam ipierraajã khábata wenʉrrajim. Mag i ipierraajã khaba narr gaaimua i aar barju khʉdjã khaugba okhoo wenʉrrarr aawai sĩi mʉg jẽb gayam nem dichdeu khõchagagta ee wenʉrrarr gaaimua ich magʉmuapaita sĩi maach phẽethʉg wai nʉmjo naajeejim. Mag dich khaibag ee narr aawai dichta jũrr chikham khãaijã ʉ̃rpai am iigjeejim, chikham dʉi khujʉrpaim iekhau. Mag nʉm dʉi ĩchab õrau maach oomapha aawai ĩchab maach garmuajã dʉi am oomapha aajeejim.

1 Pedro 1:14

Ya pãar Ẽwandam ipierraa aagta i chaainkha naawai oob ʉdʉʉr warrgar pãachdeu i khaugju nawe nem khaigbam waaujerragta deeu pãach gaai ʉ̃rpapimiet.

2 Pedro 2:14

Amach mag naawai, ʉʉin oowaijã warre ag dʉi khãiju khĩirjugta khĩirjuajerram, mag pekau wauba akhimjã aba. Mag naawai Ẽwandam iek gaai ubʉ khaba khitheem khʉʉnagjã amach denjota waupiju ẽkhaajerram. Mag sĩsidʉmʉn ĩchab Ẽwandamau nem khõch khabam atheeta wʉrppa sĩerrjeem. Jãgʉm khʉʉnan ya sĩi ich Ẽwandamau isegju khʉʉnau.

2 Pedro 2:18

Amau mag nem jaau wenʉrrʉm ũurwain chadcha nem ũrimʉgma; mamʉ mag jaau nʉmʉn sĩi parhooba dau lokoo amach nem wau wenʉrrarr jaau nʉmuata õor khũgur nʉm. Mag nʉmuata amach khaibag pʉawi eeu ʉkhawi agtha Ẽwandam iek gaai ubʉ khaba khitheem khʉʉnjã amachig paa auwi ũwaai ãrpʉimaajem.

1 Juan 2:16

Mʉig eegar jãg dichdeu nem khõchagpierrta nem waum khõchkhabaadep aajem khĩirjug, wa nem dich dawagaa oowaijã dich denkhapim khõsim khĩirjug maimua ar phatkhondam paraam khʉʉnjã ãba aata thobaadep aajem khĩirjug chan ich Ẽwandamauta dee sim khaba sĩi ich mʉig eegarm khĩirjugpaiu.

1 Juan 2:8

Mag nawe pãachdeu ũrtarr ab mamʉ mua mʉg phã chirʉmʉn, ya tag warrgar pãach khĩchag ee naajerr khʉʉn khaba ararag chaar eeta ich Cristo dʉicha naawai, ichiita pãar atheyan chi iiurkha sim. Magua ich Jesuu ich khapeen daupii aajerrjo pãraujã agjo pãach khapeen daupii wai nʉm.