Efesios 2:1 - Wounaan Meu

¹ Warran pãran pãachdeu nem khaigba waaujerr gaaimua pod Ẽwandam aar oberju khaba naajim, sĩi pãach pekau eepaita narr aawai.

Woun Meu

¹ Warran pãran pãachdëu nem k'aigba waaujerr gaaimua pöd Hẽwandam haar höbërju k'aba naajim, sĩi pãach pekau heepaita narr haawai.

Efesios 2:1 Iomraidhean Croise

San Mateo 8:22

Magbaa jũrr Jesuu irig, —Magju khãai warre mʉ dʉita marrau ajim anʉm. Ideu ar jãg amach Ẽwandam iek ʉkhamaaugau chi thõmjo nʉm khʉʉnagta amach binaan beppibá ajim anʉm irig.

San Lucas 15:24

Pãrau oo nʉmgui ajim anʉm, mʉ chaai chi meem arrta deeu iiubarmjo abarm; beebajupii narrta deeu barbaichem” ajim anʉm. Mag, chadcha phiesta waujim aajem.

San Lucas 15:32

Mamʉ pua oo chirʉmgui” ajim anʉm, “pʉ eeum chi meem arrta phiidʉwi pierrumjo abarm; maach aigmua mawia tag beebajupii narrta, ĩsta deeu pierrumgui” ajim anʉm. “Magua ĩs chadcha maadeu mʉgju aai naabahab ajim anʉm, i beetarr gaaimua onee aag.”

San Juan 10:10

’Pari magba ar seukha chikham khũguurjem khʉʉnan, chikham õorta jũrr amachig paa aumam gaaimua chikhamnaan ovejata jĩgkha aumamjo sĩerrjeemgui ajim. Mag nʉmʉn pari sĩi amach iek ʉkhabarmuata chadcha peerdʉju a jaauwai warag ʉdʉʉr ʉ̃gtharcha oberpiejem iekjã ũrpiba, õor khĩirjug ãrpʉi nʉmta mag nʉrrjee aajemgui ajim. Mamʉ mʉ chan am denjo magaagta beebajim. Mʉʉn sĩi mʉchdeu Ẽwandam iek jaau chitʉmta ʉkhabarmʉn, ich mag i denkha wenʉrranaa mʉig eegarwejã onee amkhĩirta beejimgui ajim.

San Juan 14:6

Magbaawai ich Jesuu, —Mʉchpaita ʉ̃gthar maajem khʉd khabahab ajim. Mʉ gaaimuata chadam iekjã pãrau khaphʉ nʉm. Mʉchdeuta mʉg jẽb gaaiwe õor Ẽwandam denkhapiejem. Ãba mʉ gaaimuapaita õran mʉ Aai aar barju aai nʉmgui ajim.

San Juan 5:21

Ich jãg chi Ayaujã õor mee nʉm khʉʉnjã phiriutkha auwia ich mag ich dʉi wai sĩejemjo, mʉch chi Chaairaujã mʉchdeu magam khõsim khʉʉn dʉin ich agjo ajugui ajim.

San Juan 5:25

Chadcha ĩsta pãar mag chi thõmjo nʉm khʉʉnaujã mʉch chi Ẽwandam Iewaa iekcha ũrju ed pabaichemgui ajim. Mag mʉ iek ũrwia ʉkha nʉm khʉʉnan warre Ẽwandam denkhanaa mʉg atagjã ich mag iiu nʉisijugui ajim.

Romanos 8:2

Pari magaagan chi Ẽwandam Akharau maach ich Cristo denkhapi athamua mag maach okhoopiju arr jua eemua peerdʉ athaawaita mag pekaúgta maach ʉ̃rpai apiba aajem.

1 Corintios 15:45

Ẽwandam iek phã sim gaai jaauwai, warrcha ichdeu ompaatarr woun Adán a thʉ̃r sĩerr ichdeuta iiupi aujim a jaau sim, magbarmua ewag pawiajã maach paarpa aumkhĩir. Pari ag khur Cristo pierrwai jũrr ich garmuata õor iiupie chaar iiupiejem, magbarmua ich gaaimuata ʉ̃gthar õor ober wenʉrramkhĩir. Mag Ẽwandamau Adanta nacha ompaatarrjo, jũrr Cristota nacha phiriu aujim, ichta ʉ̃gthar wetju khʉʉn den chi Porkha sĩsimkhĩir.

2 Corintios 5:14

Cristoou mʉch daupii aajeewaita muajã mʉchdeu nem waum khõsimpai wauba, ãba i iekta mʉch khapeenag mʉg jaau chitaajem. Mag ãb maach gaaimua meetarr aawai ya maach thumaam khʉʉnta khechphobaademjo ajim, tag dichdeu nem khõsimpai wauba aag.

Efesios 4:18

sĩi warag pod ajapham nem khĩirjubam gaaimua khĩirjugpata jõpa sĩsidʉmjo sĩsidʉm. Amach thãar theeg sĩsidʉm gaaimua Ẽwandam warp naawai amau bʉ̃ʉrjã khaugba nʉm, jãga Ẽwandamau maach onee ich denkha wai sĩejẽ.

Efesios 5:14

Pari magaagan am iekhõoin, “Jãg pʉch pekau eepai khãi simjo sim daukhanpabá; chi khechamjo thʉnʉm khʉʉn eemua phiidʉbaad; Cristoouta ich denkha aunaa ich dʉita pʉ wai nʉrraju.”

Colosenses 2:13

Warran sĩi pãachdeu nem khaigba wau narr gaaimua pãran chadcha sĩi okhoota naajim Ẽwandam na. Mag nʉm dʉi ĩchab ni judionaanau aajemjo pãach ajaug paaju awi pãach khakhua gaai dauchachjujã bʉ̃ʉrjã khĩirjuba aajeejim. Mamʉ mag okhoo narrta ĩs Cristo gaaimua Ẽwandamau pãar khaibag thumaa chugpaapʉiwi ich Cristojo ich mag iiu wenʉrrapiju aai apijim.

1 Timoteo 5:6

Mamʉ ar khoopaa ʉʉi mag Ẽwandamag jeeubanaa sĩi warag Ẽwandam iek khaugbamjo parhooba ichdeu nem khõchagpierr nem wau simʉg chan, parhoob nem deeju khaba nʉm. Mag simʉn Ẽwandamau oowai meeba simta chi thõmjo sim, ich pekau gaaimua.

1 Juan 3:14

Mag khãai warag dich khapeenta kha khõsi abat, ich Cristoou jaautarrjo. Dich khapeenta kha khõsi amʉn, maadeu khaphʉ nʉm, chadcha chi okhoomkha narrta ich dʉi wenʉrramkhĩir ich denkha wai sim, Cristoou. Maimua khaphʉ nʉm ĩchab agjo ar dich khapeen kha khõchkhaba simʉn, maan agtha okhoo nʉrrʉm gaaimua Cristo den khaba sĩewaiu.

Apocalipsis 3:1

Sardis phobor eem pastor: Maach Por Jesucristoouta ich imeerba jaaupitarr aawai muata pʉrʉg mʉg ẽsap phã chirʉm. Mamʉ chi iekhan ar Ẽwandam Akhaar ich gaai wai sĩenaa phĩdagjã siete wai sĩejemuata pʉrʉg ich imeerba mʉg iek jaaupʉipijim. Magtarr aawai chamʉ́ pʉ atheem iek pʉrʉg jaaupitarrau: I iek pʉʉn chadcha thʉ̃rphoo sim aajem, Ẽwandam i jewaag. Mamʉ mag simʉn pʉʉn pʉch pekau eepai sĩi chi thõmjo simta jãg sim anaabá.