Efesios 1:7 - Wounaan Meu

⁷ Maach pekau gaaimua Ẽwandam dʉi iekkhõr pom narrta, sĩi khajapham debpaar phag nʉmjo Jesucristoouta maach daupigau ich bagau maach phag athaawai, ʉu Ẽwandamau maach khaibagjã chugpaawi warre magʉm khĩir okhoopʉijim.

Woun Meu

⁷ Maach pekau gaaimua Hẽwandam dʌ̈i hiekk'õr pöm narrta, sĩi k'ajap'am dëbpaar p'ag nʌmjö Jesucristoouta maach daupigau hich bagau maach p'ag hat'aawai, hʌ̈u Hẽwandamau maach k'aibagjã chugpaawi warre magʌm k'ĩir hok'oopʌ̈ijim.

Efesios 1:7 Iomraidhean Croise

San Mateo 20:28

Mʉ pãar khãai Emkhooi Iewaakha chirʉmjã mag sĩi mʉch garmua chikham chogaagjã beebajim. Mʉ beetarran sĩi chikhamnag mʉch chogamkhĩirta beejimgui ajim, mag chitʉmua chikham jua machgau thõowi mag thõobarm gaaimua õor pom sĩi amach pekau ee preso sĩsidʉmjo nʉm khʉʉn obeerkhapäain.

San Mateo 26:28

Mʉg jarr eem vinodam dobarmta warrgarwe Ẽwandamau õor dʉi iek deeju aajerrau. Mamʉ mʉg iekhan iek iiuriugui ajim. Mʉ bag mʉg vinojo khitʉm ãrbarmuata Ẽwandamau õor khaibag thum chugpaa aujugui ajim.

San Mateo 6:12

Ẽwandam, maar pekau thum chugpaabapʉi, maimua ar marau maach dʉi khaigba abarm khʉʉn dʉi tag magʉm iek igba ich mag khĩir okhoopäaijemjo, maar denjã khĩir okhoobapʉi.

San Marcos 14:24

—Jãg dobarmʉn mʉ bagau, warrgarwe Ẽwandamau õor dʉi iek deeju aajerr. Mamʉ mʉg iekhan iek iiuriugui ajim anʉm. Mʉg pãar ithee mʉ bag mʉg vinojo khitʉm ãrbarmuata Ẽwandamau, ĩsmua atagan chadau pãar peerdʉ wenʉrraju aai nʉm a jaau simgui ajim anʉm.

San Lucas 1:77

maimua amag maach peerdʉajem iek jaaubaawai amach khaibag thumaa ãsie ewag khĩirjuwia Ẽwandamag chugpaapi jeeumkhĩir.

San Lucas 24:47

Mag mʉch chi Cristo iiu phiidʉbarm ootarr khʉʉnauta amachdeu ootarr nacha Jerusalenpienag jaaunaa ĩchab durrpierram khʉʉnagjã jaaujugui ajim anʉm, jãgata khĩirjug ajapham jʉrbaawai Ẽwandamau amach khaibag chugpaaju aai sim thumaam khʉʉnag khap amkhĩir.

San Juan 20:23

Magnaa marag magjim: —Ar amach khaibag isegwi mʉ iek ʉkha nʉm khʉʉnag, “Chadcha pãar pekau Ẽwandamau chugpaabapʉim” abat. Pari Ẽwandam iek ʉkhaba nʉm khʉʉnagan jũrr, “Agtha pãar pekau chan chugpaaba simgui” abat ajim, õor dʉi magamkhĩirta pãrag Ẽwandam Akhaar dee chiraawai.

Hechos 10:43

Mag, warrgar Ẽwandam i jaaujerr khʉʉnaujã ĩchab Jesús igwia, “Thum i iek ʉkhawia ãba irigpaita amach peerdʉ aumkhĩir jeeu nʉm khʉʉn khaibagan Jesús gaaimua Ẽwandamau chadcha chugpaapʉiju” a jaaumajim aajem Pedroou, warr Ẽwandam i jaaumienau jaaujerr igwia.

Hechos 2:38

Magbaawai Pedroou amag magjim aajem: —Thum agdaujo pãach mor ewag khĩirjuwia Ẽwandamag pãach khaibag chugpaapi jeeubat ajim anʉm. Magnaa chadcha Jesucristo iek ʉkhanaa pãach por choopibat ajim anʉm. Pãrau magmʉn, Ẽwandamau pãar khaibag chugpaapʉiwia jũrr ich Akhaarta pãrag deejugui ajim aajem, ichdeu deeju a jaautarrjo.

Hechos 20:28

Magua mua pãrag mag chirʉmgui ajim: Pãar ar chi ʉkha durrum khʉʉn porkha nʉm khʉʉn, pãach mor ʉʉrkhanaa ĩchab pãach khapeen chi ʉkha durrum khʉʉnjã wajapha thʉa wai nʉisit. Magaag magamkhĩirta Ẽwandam Akharau pãar jʉr aujimgui ajim, maach Por Jesuu ich bagau phag autarr khʉʉn ajapha thʉa wai wenʉrramkhĩir.

Hechos 3:19

Pãachdeu i dʉi magtarr jũrr pãach khaibag thumaa ãsie ewag khĩirjunaa Ẽwandamag chugpaapi jeeubat ajim aajem, mag khaibag chugpamkhĩir. Pãach thum israelnaanau magta jeeukhiin, mag Jesús warrgarwe Ẽwandamau jʉr auwi pʉiju aajerr deeu pʉibarm gaaimua Ẽwandamauta pãar kha oneg chukhu narrjã kha onee apijugui ajim aajem.

Romanos 2:4

Chadcha Ẽwandamau warre pʉ gaai mas deeba aajem. Pari mag pʉch chig aba aajeewaijã, puan pʉch wajapha sĩewaita mag pʉch chig aba aajempii sim. Pari pua khaugba sim, mag irua ʉu pʉ dichba aajemʉn, pʉch khaibag isegwia ich jʉrmkhĩirta mag pʉ chigjã aba sĩi warag oobamjoo aajem.

Romanos 3:24

Mag Ẽwandam warpta wenʉrrʉmjo naab mamʉ, í thumaam khʉʉn dʉi wajapha khitaawai mag dichdeu nem ajapha wau nʉm paarjã khaba, ich garmuata mag maach i dʉi iekkhõr pom narrjã igba, Jesucristo gaaimua maach pekau chugpaawia iekkhõr chukhu sĩi ich dʉi dau parii apiejem.

Romanos 3:25

Warrgarwe ichdeu õor peerdʉ aaujeewai chadcha õor pekau wau nʉmjã oobamjota am aaujeejim, ich Iewaa pʉi nʉm ora. Pari ĩs ya Ẽwandamau mag Jesucristota õor kõit thõmkhĩir pʉibarmua maachig khaphʉ api sim, chadcha warrgarm khʉʉnjã auju aai sĩejim. Pari mag auju ayaa apiegan Cristo meewia ich bag ãrbarmua ichta õor pekau chugpaajem khapijim, ich Ẽwandamau.

Romanos 9:23

Ich agjo ĩchab ich wajaug oopieg maach chi thʉ̃rkha autarr khʉʉnjã khaibag ee pʉiba sĩi eeg oowai, khaíu i ichaaur abarju. Ichiita ich aar awaag ichdeu thʉ̃rkha aum aig thʉ̃rkha auju aai sim, judionaan wa judionaan khabam khʉʉn awiajã.

1 Corintios 1:30

Maimua pãachin chadau ich Ẽwandamauchata pãar Jesucristo bʉ ogdʉba phe wai sĩebma. Ich mag Cristo gaaimuata ĩchab maadeu Ẽwandam khĩirjug wai nʉm; i gaaimuata ya peerdʉwia sĩi pekau chukhu arrjo nʉm; i gaaimua ĩchab Ẽwandam iek ʉkha nʉmua warag bãau wetum; ich Jesucristo gaaimuata Ẽwandamau maach per autarrjo naawai i denkha nʉm; mag i denkha naawai ãba ichigpaita jeeupiejem.

2 Corintios 8:9

Pãrau ni ãbmuajã meraa khaba nʉm, jãga maach Por Jesucristojã Ẽwandam dʉi ãba sĩerr aawai dau aphʉʉ khaba sĩerrta ich khĩrau mʉg jẽb gaai beewia dau aphʉʉ ajĩ maach gaaimua. Pari juau ogthom mag ich dau aphʉʉ apitarran, ich magbarm gaaimua jũrr Ẽwandamau maachta ich Cristo dʉi ãba wenʉrramkhĩir ajim. Magua Cristo gaaimua maach khodkha nʉm khʉʉn dau aphʉʉ oowai am dau aug khaug paraa abat.

Efesios 1:14

Mʉʉgwaiwejã ya Cristo gaaimua Ẽwandamau maach ich denkha wai sĩewai mʉg atag ya ichdeu maach auju ed paawaijã warre ich aarcha maach phe auwi ich dʉichata wai sĩsiju. Mag chadcha ichdeu maach ich aar phe auju khap amkhĩirta ich Akhaarjã mag maachig deejim. Mag ich garmua maach dʉi magju a simʉn mʉʉgwaiwe ich ajaug tho iekhamkhĩrau.

Efesios 1:18

Mua jeeujem ĩchab Ẽwandamag, ichdeuta warag pãar khĩirjug aarthʉgbapʉimjo amkhĩir; magbaawai mag ya ich aarcha phe athaawai ich dʉicha onee wenʉrraju jaau simjã ajapcha khaphʉnaa, mag ich õorkha thʉnʉm khʉʉnan chadcha peerdʉwi naawai mʉigwejã onee naaju aai nʉm a khaphʉ amkhĩir.

Efesios 1:6

Mag gaaimuata chadcha ich mag Ẽwandam ajaug phenaa i tho iekhaajem, mag ich ajaug sĩerrʉm gaaimua ichdeu ich Iewaa daupii aajemta ʉu maach athee pʉitarr aawai.

Efesios 1:8

Pari magpaijã khaba, chadcha ichdeu maach khõsi chirʉm khap amkhĩir, maachig ich khĩirjugjã deewi ʉu magʉmjã khaphʉ wenʉrrʉm.

Efesios 2:4

Mamʉ ʉu Ẽwandamau õor thumaam khʉʉn dau aug khaug paraanaa ich garmua õor khõsi khitaawai,

Efesios 2:7

Mag Ẽwandamau maachigta nacha Cristo iek ʉkhapiwi ich denkha autarran, ĩs ewag pawiajã jãga chadcha ichdeu maach khõsi sĩ a khap apinaa, mag Cristo denkha nʉm gaaimuata chadcha ichjã maach dʉi ajaug khitʉm khap apieg ajim.

Efesios 3:16

Mua pãar kõit irigta jeeu chiraajem, ichdeuta pãar dʉi ajapha aag ichdeu am aig aju aai sĩewai. Maguata muan irig ich Akhaar gaaimuata pãar akhaardamjã warag ich gaaita ubʉ apim khõsinaa,

Efesios 3:8

Ajapcharan mʉʉn thum mʉg Ẽwandam iek ʉkha nʉm gaaimua i denkha thʉnʉm eejã mʉchta serbiibacha chirʉm. Mag chirab mamʉ ich Ẽwandamauta pãar maar meeun khabam khʉʉn eejã mʉg maach peerdʉajem iek jaaupitarr aawai mag Cristo gaaimua maach dʉi nem ajapha aajem pooma maadeu chi jaaujujã khaugba aajemjã ʉu jaau chitʉm.

Filipenses 4:19

Jãg nʉm jũrran, pãachdeu nem ig nʉmpierr maach Ẽwandamau pãrag ichdeu nem thum jʉ̃a sim eem bʉ̃ʉrjã ĩgkhaba, deeb khaba deeju, pãar Jesucristo denkhanaa i iek ʉkha naawai.

Colosenses 1:14

ich Ẽwandam dʉi maach iekkhõr pom narrjã ichdeuta ich bagau maach pekau chugpaapʉiwia ich denkha autarr aawai.

Colosenses 1:27

Magta pãarjã i denkha nʉm khʉʉn aawai maar meeun judionaan khaba awiajã Ẽwandamau pãragjã khaphʉ apibarm, jãga mag Cristo maach thãar ee sĩejemta mʉg atag ʉ̃gthar paaukhawijã oo wai wenʉrraju.

Colosenses 2:13

Warran sĩi pãachdeu nem khaigba wau narr gaaimua pãran chadcha sĩi okhoota naajim Ẽwandam na. Mag nʉm dʉi ĩchab ni judionaanau aajemjo pãach ajaug paaju awi pãach khakhua gaai dauchachjujã bʉ̃ʉrjã khĩirjuba aajeejim. Mamʉ mag okhoo narrta ĩs Cristo gaaimua Ẽwandamau pãar khaibag thumaa chugpaapʉiwi ich Cristojo ich mag iiu wenʉrrapiju aai apijim.

Colosenses 2:2

Mag Ẽwandamag jeeu nʉm gaaita ogdʉba chiraajemʉn, pãach thãar onee amkhĩrau, ich jãg agdaujo dich khapeen kha khõsi wenʉrrʉmua warag khĩirjug paarpamaawai Ẽwandamau ich appaimua khaphʉ sĩerrta pãachdeujã ajapcha khaugmamkhĩir; ajapcharan pãar maar meeun khabam khʉʉnagjã Cristota ajapcha khap amkhĩirma.

1 Timoteo 2:6

Mag thumaam khʉʉn peerdʉ awaagta ʉdʉraa ich thõopijim, magbarmua Ẽwandam dʉi mag pekau gaaimua iekkhõr pom narr thum ichdeupai phag obeerpʉyaag. Mag Jesús thõotarr gaaimua maadeu khaphʉ nʉm, chadcha thumaam khʉʉnta Ẽwandamau peerdʉ aum khõsi sim.

Tito 2:14

Ich mag Jesucristota maach kõit ʉdʉraa ich thõopijim, magbarmua maach khaibag thum chugpaapʉiwia maach peerdʉ awaag, mag peerdʉ auwia ya ich den chaarkha nʉisiewai jũrr ãba ich atheepaita nem ajapha waum khõsi wauju khĩirju wenʉrramkhĩir.

Tito 3:6

Magaagta Jesucristo maach peerdʉajem gaaimua Ẽwandamau ich Akhaar pʉijim, maach dʉi ogdʉba maach khaigper nʉrramkhĩir.

Hebreos 9:22

Ajapcharan mag ley jooi gaai jaau sim oowai, Ẽwandamag jeeuwain peer nem thʉnʉm thumta bagau jĩpheejeejim anaabá, chi jeeuju khʉʉnpa, Ẽwandamag jeeuju ayaa amkhĩir. Maguata bag ãrba chan pod pekau chugpaa auba aajeejim aajem.

1 Pedro 2:24

Maachta maach pekau gaaimua Ẽwandamau khechpʉiju aai naajim; mamʉ mag narrta Cristoouta jũrr maach kõit ʉdʉraa pakuls gaai ich meerphe thõopijim, magbarmua maach ich athee peerdʉ auwi ya tag pekau waujujã khaugba sĩi ich dʉipaita nem agcharam appai wau wenʉrramkhĩir. Magta Cristo dau aphʉʉ õor jua machgau bag kha ʉ̃ʉipa khitajim, maach pekau ee narrta ʉu peerdʉ awaag.

1 Pedro 3:18

Pãrau khaphʉ nʉm, Cristojã maach khãai ajapha khitarrta, jũrr maach Ẽwandam dʉi iekkhõr pom narr khʉʉn kõit ʉdʉraa ich dau aphʉʉ apijim. Pari mag i meetarran, warr õrau amach pekau athee ʉ̃iba nemchaain thõojerr khĩir khaba arr aawai, mag biek ãbpai meebarmua maach chi khaibagnaan Ẽwandamau ʉu maach auju ayaa amkhĩir ajim. Í woun arr aawai chi meen chadcha meejim; mamʉ í ĩchab ich Aai gaaimua Ẽwandam arr aawai mag meetarrjã ich mag iiu sĩsijim.

1 Juan 2:12

Keena, ar ewaa Ẽwandam iek ʉkha nʉm gaaimua agtha chaainjo khitheem khʉʉn, Ẽwandamau Jesucristo gaaimua ya pãach pekau perdonaabarm pãrau khaphʉ naawaita mʉg ẽsap pãrag phã deepʉi chirʉm.

1 Juan 2:2

Jesucristota maach pekau kõit ʉdʉraa ich thõopijim, mag ich thõopibarmua maach pekau appaijã khaba thum ich iek ʉkha nʉm khʉʉn denpa Ẽwandamau chugpaapʉimamkhĩir.

1 Juan 4:10

Mag Ẽwandamau maach khõsi sim chan mag maachdeuta nacha maach garmua i khõchkhatarr aawai khaba, ich garmuata maach daupigau ich Chaai pʉijim, maach kõit ʉdʉraa ich thõopimkhĩir, mag ich thõopibarmua maach khaibag chugpaapʉyaag.

Apocalipsis 14:4

Makhʉʉn chan mʉg jẽb gaai aawaijã, jãg deeum ʉʉin dʉi khapes apiba jaaujemjo, ãba Ẽwandamagpaita ee aajerr khʉʉnau. Amauta chadcha Cordero nʉnʉʉukhampierr dʉi i bʉ ogdʉba wenʉrrajim. Amachta mag Ẽwandam athee maimua Cordero atheejã am chognaankha wenʉrraju aai naajim, chadcha mag atheeta warm khʉʉn eemua Ẽwandamau am peerdʉ autarr aawai.

Apocalipsis 5:9

Makhʉʉn jooin mag thʉkhokhood thʉnʉmua chi Cordero thumeukharmamua meukhaar iiurta au naajim. Amau meukhaar au narr mʉg ajim: “Pʉchdeupaita ãba jãg ẽsap jua ee auwi chi khaar sĩsidʉmjã thʉrreu werbaju aai sim, pʉchta thumaam khʉʉn kõit ʉdʉraa pʉch thõopitarr aawai. Pʉch thõo nʉm aig bag ãrtarrauta pua õor durrpierram khʉʉn amach meupierr Ẽwandam athee perkha aujim.