Efesios 1:5 - Wounaan Meu

⁵ Jesucristo gaaimua ya maach ich chaainkha aujujã khaphʉ sĩejim, ichdeu maach dʉi am khõsi khĩirju wai sĩerrjo.

Woun Meu

⁵ Jesucristo gaaimua ya maach hich chaaink'a haujujã k'ap'ʌ sĩejim, hichdëu maach dʌ̈i ham k'õsi k'ĩirju wai sĩerrjö.

Efesios 1:5 Iomraidhean Croise

San Mateo 1:25

Pari mag ag dʉi ya ich ʉʉikha wai sĩerrjã, chi chaai auba nʉwe chan José bʉ̃ʉrjã ich ʉʉi dʉi khapes aba aajeejim anaabá. Ya maimua chadcha chi Ẽwandam chogau jaautarrjo chi chaaidam athaawai, Joseeu i thʉ̃rdam Jesús a thʉ̃rjim aajem, ichig thʉ̃rpi jaautarrjo.

San Mateo 11:26

Chadcha puata nem wajapha waaujem Tata, pʉchdeu juau am dʉi magju atarr aawai ajim aajem mag jeeumamua.

San Lucas 10:21

Mag ich Jesuu pʉitarr khʉʉn deeu beewia ichig onee nem ĩgkhabaichem ũrbaawai ĩchab ich Jesujã Ẽwandam Akharau onee apijim aajem. Mag ich onee aadeewai Ẽwandamag jeeumamua magjim anʉm: —Tata, mua pʉrʉg ʉu ajim a chirʉm, pʉchta chadcha ʉ̃gtharm magwe nem thum mʉg wejom Por aawai. Mʉ onee chirʉmgui ajim anʉm, õor amach khĩirjug khaug thowia nem thum khaphʉm khaphʉm aajem khʉʉnaujã amach peerdʉju iek khaugba arrta jũrr pua khĩirjugdam meraa chaainjo khitheem khʉʉnagta ʉu khaugpibaawai. Chadcha puata nem ajapha waaujem Tata ajim anʉm, pʉchdeu juau am dʉi magju atarr aawai.

San Lucas 11:32

Mag Ẽwandamau õor i agkhabarm ed Nínivepienaujã ĩchab amach ipaarmua pãar khaibagta warag Ẽwandamag ĩgkha thʉnʉʉuju. ¿Jãgwi? Jonaau Ẽwandam iek amach aar jaaubaimaawai amau magʉmjã aba ʉkhatarr aawaima. Mamʉ ĩs mʉ Jonás khãyaujã ʉ̃rʉʉcha chirʉmuata Ẽwandam iek jaau chitʉmjã pãrau ʉkhamapha nʉmgui ajim anʉm, amach khĩircha.

San Lucas 12:32

’Pãar chi mʉ bʉ ogdʉba wenʉrrʉm khʉʉnan chadcha khapan khaba durrum. Mamʉ khapanag ee pãach appai khapan khaba nʉm awia oob nem okho wenʉrramiet ajim anʉm. Pãrau maach Aai ipierraa amʉn, irua ich durr pãar phe arr nʉm ora pãar dʉi nem ajapha aju.

San Juan 1:12

Pari i isegba ʉu warag i iek ʉkha nʉmua warag irigta amach peerdʉpitarr khʉʉnan ichdeujã warag Ẽwandam chaainag paapʉimajim.

San Juan 11:52

Pari magbarm chan ĩchab judionaan kõitpai khaba, ewag paawai thum ich chaainkhaju khʉʉn kõitpa thõju a sim ajim, judionaan khabam khʉʉn awiajã, magbarmua ich chaain durrpierram khʉʉnta khod ãbamkha awaag.

San Juan 20:17

Mag ich gaai pʉrjopbaimaawaita Jesuu irig, —Oob mʉ gaai pʉrm; agtha mʉ mʉch Aai aar maba chirabahab ajim anʉm. Magnaa jũrr maar ich dʉi wenʉrraajerr khʉʉn igwiata, —Mawia, jũrr mʉ khodnaanag jaaubaimá ajim anʉm, “mʉ mʉch Aai dʉi ãba chiraimaag i aar mam; ich mag Ẽwandampai ĩchab pãar Aai anaa pãar Ẽwandamaugui” a jaaubaimá amag ajim aajem.

Hechos 13:48

Pabloou Bernabé dʉimua mag jaaubarm ũrwia judionaan khabam khʉʉnau amach jʉ̃gʉucha mag amjã peerdʉju aai nʉm a ũrbaawai onegau, “Keena, mʉg Ẽwandam iekhan chadcha chi ajaphamʉugui” ajierram aajem, chadcha thãraucha amachdeu ʉkha nʉm iekhau. Mag thumaa ʉkhatarr khʉʉnan, nawe Ẽwandamau ichdeu oowai ich iek ʉkhaju khaphʉ wai sĩerr khʉʉn ajim.

Romanos 8:23

Mamʉ ĩs mag mʉg durr appai khaba, maach ich Ẽwandam Akhaar wai nʉm khʉʉnpata gaai machag nʉm, Ẽwandamau da maach awaan beeba aawai. Magua maadeu jopkhaa i beepim khõsi nʉm, mag maach ich chaainkha ich dʉi thum ãba phe athaawai maach mor mʉg dajẽkhu khitʉmta tag meejã khaugba ich mag iiu nʉisieg. Mamʉ mag Ẽwandamau ya maachig ich Akhaar deetarr aawai maadeu khaphʉ nʉm, maach dʉi magju a simjã chadcha ichdeu jaau simjo aju.

1 Corintios 1:1

Mʉʉn Pabloou, maach Por Jesucristo iek jaaujem khamkhĩir ich Ẽwandamaucha jʉr autarr. Cristo gaaimua maach khodam Sóstenes dʉimua

1 Corintios 1:21

Wajapcharan Ẽwandamau õrau amach khĩirjugaupai chan ich khaugbaju khaphʉ sĩerr aawai ich iek jaau nʉm ʉkha nʉm gaaimuata õor peerdʉ aaujem. Amau amach khĩirjugta wajaug thowi jũrr Ẽwandam iekta serbiibag pheejeeb mamʉ, mag amau serbiibag phe nʉm ʉkha nʉmuata Ẽwandamau õor peerdʉ aaujem.

2 Corintios 6:18

magbaawai mʉchta pãar Aaikha chirsiewai pãar jũrr mʉ chaainkha nʉisiju” a sim Ẽwandam maach Por chi jua thierriu. (2 S. 7:14; 1 Cr. 17:13; Is. 43:6; Jr. 31:9)

Gálatas 3:26

Ya ĩsin mag ich Jesucristo iekta thãraucha ʉkha nʉm gaaimua maachin thumta Ẽwandam chaainau.

Efesios 1:11

Magta agtha maach thaababa nʉwe Ẽwandamau ya maach ich denkha wai sĩejim, Cristo dʉi khapeerkha nʉisiewai mag nawe ichdeu deeju jaau sĩerrjã ichdeu mag khĩirju wai sĩerrjo chadcha jʉ̃amkhĩir; Ẽwandamaun chadcha ichdeu oowai ajapha aju ayaam nemta wau sĩerrʉm.

Efesios 1:9

Ajapcharan ĩchab warr ichdeupai ich thãar ee nem waumaju khaphʉ aajerrta maachig khaphʉ apijim.

Filipenses 2:13

Magaag athee ich Ẽwandamauta ich khõchagpierr pãrag mag nem waupim khõsi api sĩewai ichdeuta pãar juagjã oojem.

Colosenses 1:19

Ẽwandamau ich Iewaa Cristota pʉijim, ich Iewaa õor khĩir thegbarm gaaimua ichchata õor ee sĩeichemjo amkhĩir. Mag wounag pawiajã ichiita agtha ich Aai dʉi simjo ich mag Ẽwandamkha sĩerrajim.

2 Tesalonicenses 1:11

Maguata marau Ẽwandamag pãar kõit ich jãg jeeu durraajem, ichdeu pãrag ich iek ʉkhapi aauwai ichdeu wenʉrrapim khõsi sĩerrjo wenʉrramkhĩir. Marau khaphʉ nʉm, pãachdeu chadcha ʉkha nʉm gaaimua pãrau dʉrrcha i athee nem wajapham waum khõsi nʉm. Mamʉ mag nem waujujã, ich jua theegauta mag pãachdeu ig nʉmjo apikhiin ʉu akham.

Hebreos 2:4

Mamʉ magpaijã khaba, mag maach peerdʉajem iekhan chadcharau a khap amkhĩir, ich Ẽwandamaucha mag ich iek jaau durrum khʉʉnag õorjã dau daau monaaupi maajeejim. Mag nʉm dʉi ĩchab ĩs ewag pawiajã ichdeupai ich Akhaar jua theeg gaaimua maachigjã nem khĩir pogkhe waupiejem, magʉm gaaimua mʉg i iek jaau nʉmʉn chadcharau a khap apieg. Magua mʉg maach peerdʉajem iek jaau nʉm ũurwai par jʉ̃gʉupai ũrba ʉkhaju aai nʉm.

1 Juan 3:1

Keena pãade khĩirjubat jãga Ẽwandamau maach khõsi sĩ: mag ich garmua maach khõsi sĩewai irua maachig ich chaain a thʉ̃rju aai sim, maach chadcha ich chaain aawai. Sĩi ar parhooba i iek ʉkhaba nʉm khʉʉnau chan ich Ẽwandam Iewaa mʉg jẽb gaai sĩethuurwaijã pod i khaug auba arr aawaita ĩs mʉg maach Ẽwandamau ich chaainkha wai simjã pod khaugba nʉm, jãga awia mag nʉ.

Apocalipsis 21:7

Ar ogkhaba amach garmua podpʉi nʉm khʉʉnaun, mʉ juagam nem thʉnʉm thum amachdeuta auju. Mʉchta am Ẽwandamkha chirsiewai jũrr amach mʉ chaainkha nʉisijugui ajim.