Efesios 1:4 - Wounaan Meu

⁴ Pari mag maach dʉi ajapha sim chan sĩi eeupemjo khĩirju auwi khaba, warr mʉg jẽb ompaaju nawe Jesucristo gaaimua ich Ẽwandamau ya maach ich denkha auju khĩirju wai sĩerr aawaita maagjem, ich dau na tag kulpjã chukhu sĩi ich atheepaita ichdeu khõsimjo wenʉrramkhĩir. Mag warrgarwe ich garmua maach khõsi arr aawaita

Woun Meu

⁴ Pari mag maach dʌ̈i hajap'a sim chan sĩi heeupemjö k'ĩirju hauwi k'aba, warr mʌg jẽb hompaaju nawe Jesucristo gaaimua hich Hẽwandamau ya maach hich dënk'a hauju k'ĩirju wai sĩerr haawaita maagjem, hich dau na tag kulpjã chuk'u sĩi hich hat'eepaita hichdëu k'õsimjö wënʌrramk'ĩir. Mag warrgarwe hich garmua maach k'õsi harr haawaita

Efesios 1:4 Iomraidhean Croise

San Mateo 24:22

Mag Ẽwandamau õor dau aug waubaadem ideu ich mag sĩukhiin, õor ãbjã peerdʉbaju. Mamʉ ichdeu jʉr auwia ich iek ʉkha durrum khʉʉn ichdeu khõsi phe wai sim gaaimua, irua ich mag wai sĩi abajugui ajim.

San Mateo 24:24

Mua mag chirʉmʉn, amach iiupaita amta Ẽwandamau pʉijim anʉm khʉʉn dʉi Ẽwandam i jaaumien anʉm khʉʉn khapan sĩi seukha chikham khũgur wenʉrraju aawaita mag chirʉmgui ajim, khap amkhĩir. Makhʉʉnaun chadcha Ẽwandamauta amach pʉijim amkhĩir, ag na õrau ooba aajempa õor dauderraa wau wenʉrraju. Mag nem wau wenʉrrʉmua ich Ẽwandamaucha jʉr auwi ich iek ʉkhapi autarr khʉʉnpa khũgur ẽkhaju ajim.

San Mateo 24:31

Mag urumua mʉch chognaanag nem jẽbag churo iekjo trompeta sirpijugui ajim, mag sirbarmua mʉchdeu jʉr auwia mʉch iek ʉkhatarr khʉʉn thumaa durrpierram khʉʉn ãbam aig biirdʉ awaag.

San Mateo 25:34

Magnaa mag ich juachaar gar nʉm khʉʉnag ichta Rey aawai ichdeuta amag, “Pãar, mʉ Ayau ʉu abarm khʉʉn, ierrag dubbat mʉ dʉi jooba wenʉrraag” aju anaabá. “Mʉg durr ompaa nʉwe mʉch Aai dʉimua pãrag nem deeju atarr ĩsta chadcha mʉ Ayau pãachigcha deegpamgui” aju anʉm, “pãachdeu mʉ dʉi ʉu atarr jũrr.”

San Juan 10:16

Pari agjo deeum khʉʉn thʉnʉmgui ajim, mʉg israelnaan khabam khʉʉn. Makhʉʉnjã mua ãbamʉg jʉr phe aujugui ajim, amaujã mʉ iek ũrbaawai ʉkhamkhĩir. Mag, israelnaan dʉi pap ãbam denkha nʉisiewai mʉchta am Pastorkha chitajugui ajim, amach thum ãba thʉa wai chitaag.

San Juan 15:16

Warrjã pãrau pãach garmuata pãach Porkhamkhĩir mʉ jʉr auba mʉch garmuata pãar jʉr autarr aawai, mua pãar pʉi chirʉmgui ajim, wetwia õrag mʉ iek aaidʉ jaaumamua õor mʉch igar paa aumamkhĩir. Pãrau magmʉn, magan mʉ iek gaai thʉwia mʉ Ayag nem jeeuwaijã thum irua deeb khaba deejugui ajim.

San Juan 17:24

Magnaa deeu ũwaai, “Tata, mua khaphʉ chirʉmgui ajim, mʉ ũwaai pʉ aar chiraimaawai ich jãg warr mʉg jẽb ompaaju nawe pua chadcha mʉ khõsi pʉch dʉi ãba chi jua thierrkha wai chirarrjo deeu pua mʉrʉg ich ag jua theeg deeju. Pari mag pʉ aar chiraimaawai mʉch khapeenjã ĩchab mʉch chirʉm aigta mʉch dʉi phe wai chitam khõsi chirʉmgui ajim, mag jua theeg pua deeu mʉrʉg deebarm amag oomkhĩir.

Hechos 13:48

Pabloou Bernabé dʉimua mag jaaubarm ũrwia judionaan khabam khʉʉnau amach jʉ̃gʉucha mag amjã peerdʉju aai nʉm a ũrbaawai onegau, “Keena, mʉg Ẽwandam iekhan chadcha chi ajaphamʉugui” ajierram aajem, chadcha thãraucha amachdeu ʉkha nʉm iekhau. Mag thumaa ʉkhatarr khʉʉnan, nawe Ẽwandamau ichdeu oowai ich iek ʉkhaju khaphʉ wai sĩerr khʉʉn ajim.

Hechos 15:18

Muata mag iekha chirʉm, mʉch chi warrgarwe magʉm nem thum õrag khaphʉ apiejemua” ajim aajem, Santiagoou ich Ẽwandamau iekhatarr igwia. (Am. 9:11-12)

Hechos 18:10

Pʉ nʉnʉʉukhampierr mʉʉn pʉ dʉi chirʉm; maagwai ni ãbmuajã pʉ chig abamgui” ajim anʉm. “Mag pʉrʉg bʉ̃ʉrjã ogkhapiba jaau chirʉmʉn, mʉg phobor ee mʉchdeu peerdʉ auju khʉʉn khapan thʉnʉm khaphʉ chiraawaita mag chirʉmgui” ajim aajem ich Ẽwandamaucha Pabloog.

Romanos 8:33

Ich Ẽwandamauta õor wajaug paapʉiwi warrjã ich mag pekau chukhu arrjo sim a jaaujemta, khaíu i ichaaur maach ichdeucha jʉr autarr khʉʉn igwia irig, “Jãkhʉʉnan agtha pʉ dʉi kulp pom nʉm” abarju.

1 Corintios 1:8

Mag maach Por Jesucristo beem ed ni ãbmuajã pãachdeu nem khaigba wautarr igwia pãach khĩir iekham ugua, ich mag Ẽwandamauta pãar ich dʉi ubʉ phe wai nʉrraju.

Gálatas 5:13

Hermanonaan, Ẽwandamau pãrag ich iek ʉkhapi aauwaijã tag magʉm pãach jooin i ʉʉrkhapieg khaba, ich ipierraa amkhĩirta pãar ichig thʉ̃rkha aujim. Magtarr aawai irua khõsim nemen chad pãachdeu waum aig wauju aai nʉm. Mamʉ mag pãachdeu waum aig nem wauju aai nʉm awi oob sĩi parhoobam khõchag pãach khĩirjug ee beewai agpierr amiet. Magju khãai pãach khapeenjã agdaujo kha khõsinaa am dʉi ajapha ajuuta ẽkhabat.

Gálatas 5:22

Mag khãai Ẽwandam Akharagta ichdeu khõsi simjo ʉdʉraa pãachig nem jaaupi nʉmʉn chad warag pãar ee agdaujo pãach khapeen kha khõsinaa, onee, khõinaata wenʉrraju. Mag nʉm dʉi ĩchab chikhamnau khãijã dich meeukhapiju ẽkhaawaijã sĩi ãwatpʉpʉi aa khaphʉnaa, ich odeg bigaaum khʉʉndamjã ʉuta wenʉrrapim khõsi, õor dʉi o ajaphanaa, dich khapeenag nem magju abarmjã chadcha dich iekhatarrjo nem wau wenʉrraju.

Gálatas 5:6

¿Jãgwi mua mag chirʉ́? Mua mag chirʉmʉn Ẽwandamau oowai Cristo iekta ʉkha nʉm khʉʉnan meheu phʉʉrbichba naawiajã thum agdaujopai oojeewaita mag chirʉm. Iruan magʉm nemta wauju khãai, ãba ich iekpai ʉkha nʉm dʉi ichjã khõsinaa dich khapeenjã kha khõsita apiejem.

Efesios 2:10

Mamʉ warrgarwe Ẽwandamau khĩirju wai sĩerrjo ich athee mag nem ajapha wau wenʉrramkhĩirta Cristo gaaimua maach peerdʉ autarr aawai, maadeun chadcha nem ajaphamta wauju aai nʉm; pari majã dich peerdʉ aumkhĩir khaba, sĩi Ẽwandamau mag khõsi sĩewaita mag wauju aai nʉm.

Efesios 3:17

pãachdeu ʉkha nʉm gaaimua Cristojã pãar thãar eeta sĩepim khõsi chiraajem; irigta pãar kõit jeeu chiraajem, mag Cristo gaaita ubʉ naawai agdaujo dich khapeen kha khõsi ajujã khaphʉnaa,

Efesios 4:2

Pãachta warm khʉʉn khãaijã chi serbiibacharamjonaa khĩir thũu abat; chikhamnau dich dʉi parhooba aawaijã sĩi khĩu ãwatpʉinaa jũrr agdaujo dich khapeen kha khõsita abat.

Efesios 5:2

Ich jãg Cristoou maach khõsi simjo pãraujã agdaujo pãach khapeen kha khõsi abat. Cristoou mag maach khõsi arr aawai maach daupigau pakuls gaai ʉdʉraa ich meerphe thõopijim. Ẽwandamau irua magbarm oowai ʉu sĩejim.

Efesios 5:27

Mag ajaug paapʉiwi ich atheepai nem waupi simʉn, deeu ich beem edjã ʉʉi khĩir ajaug khaibagjã chukhu thumaam khʉʉnau khõoigjemjo khitʉmta ich athee awaagau; ajapcharan bʉ̃ʉrjã pekau chukhu, ni deeum khaigbam nem jaauju ayaamjã chukhu, sĩi ajappha khitʉmta ich aarcha awaagma.

Filipenses 2:15

daumaa ãbmuajã pãachig iekhapiju chukhu, mʉg õor khaibag thʉnʉm ee khaibagjã chukhu Ẽwandam chaainkha wenʉrramkhĩir. Pãar magta wenʉrrʉmʉn, magan mʉg durr ich pekau pomgau edau khĩejo sim eejã pãar edjã ee phĩdag phuphup thʉnʉmjota wenʉrraju am ee,

Colosenses 1:22

Pari ĩs ya magba, ich garmuata jũrr ich dʉi khõinaa phe wai sim, mag Cristo wounag pawi ʉdʉraa ich thõopitarr gaaimua. Mag pãar ich dʉi khõinaa apitarran, ich atheepai nem wau wenʉrrʉmua bʉ̃ʉrjã pekau chukhu, kulp chukhu ich aar phe awaagau.

Colosenses 2:2

Mag Ẽwandamag jeeu nʉm gaaita ogdʉba chiraajemʉn, pãach thãar onee amkhĩrau, ich jãg agdaujo dich khapeen kha khõsi wenʉrrʉmua warag khĩirjug paarpamaawai Ẽwandamau ich appaimua khaphʉ sĩerrta pãachdeujã ajapcha khaugmamkhĩir; ajapcharan pãar maar meeun khabam khʉʉnagjã Cristota ajapcha khap amkhĩirma.

Colosenses 3:12

Ẽwandamau pãar khõsi sĩewai pãarjã ĩchab ich õor khamkhĩir ichdeuta pãar jʉr aujim. Magua, ich jãg ich garmua pãach jʉr autarrjo agdaujo chikham dau aug khaug paraa aajeethʉ̃, agdaujo o ajapha. Dichta chikham khãai ʉ̃rpai aju ẽkhaba dau maata abat, dich dʉi khaigba aawaijã magʉm igba sĩi warag khĩu jʉmpʉpʉi aa khaphʉ.

1 Tesalonicenses 3:12

Mag dʉi ĩchab maach Por Jesuugjã pãar kõit jeeu nʉm, ich jãg maachdeujã pãar khõsi nʉmjo pãarjã warag agdaujo thumaa jũrr chikham kha khõsi apimkhĩir.

1 Tesalonicenses 4:7

Ẽwandamau maach ich athee jʉr autarr chan sĩi parhooba pekau wau wenʉrramkhĩir khabajim. Magju khãai ichdeu khõsi simjo ich athee nem wajapha wau nʉmpai wau wenʉrramkhĩirta maach ich denkha aujim.

2 Timoteo 1:9

Ẽwandamaun maach peerdʉ auwi sĩi pekau chukhu ich atheepai wenʉrramkhĩirta maach jʉr aujim. Mag maach jʉr autarr chan mag ichdeu oowai maachdeu nem wajapha wau wenʉrrʉm gaaimuajã khaba, warrgarwe ich Ẽwandamau mʉg durr thum ompaaju nawe ich garmua maach eeg oowia, Jesucristo gaaimua maach khĩir jãsenkhawia, ichdeu khõsi simjo wenʉrramkhĩirta maach jʉr aujim.

2 Timoteo 2:10

Maguata muan warag maach peerdʉajem iek aaidʉpim khõchgau, ich jãg phithurgjã igba ãwat chitaju, mʉg atag Ẽwandamau ich iek ʉkhapi aumam khʉʉndam ʉu amkhĩir; mag Jesucristo gaaimua peerdʉ nʉisiewai ich mag i sim aar wenʉrramkhĩir.

2 Timoteo 2:19

Par amau mag amach iphithur amach khõchagpierr jaau wenʉrrab mamʉ, Ẽwandam iek chan cambieba ich mag sĩerrʉm. Mag sĩewai ich iek gaai, “Maach Por Ẽwandamau ich chaainan thum wajapha khaphʉ sĩerrʉm” a phãnaa ĩchab, “Thum maach Por Ẽwandamag jeeu wenʉrraajem khʉʉnan amach khaibag isegju aai nʉm” a phã sim.

Santiago 2:5

Cristo gaaimua khodamnaan, pãade mʉ iek ũrbat: Maadeu pod aphʉʉm khʉʉndam kha isee aju khaba nʉm. Jãg aphʉʉm khʉʉndamjã amachdeu maach peerdʉajem iekta ũrwi ʉkha naawai mʉig eegarweran aphʉʉ khithee awiajã paraam khʉʉn khãaijã wajapcha wenʉrramkhĩir ich Ẽwandamau jʉr autarr khʉʉn khabahab. Mag nʉm dʉi ĩchab mag ich daupiim khʉʉnta thum ich aar auju atarr aawai amjã ʉ̃gthar ich mag i dʉi wenʉrraju khʉʉn khabahab.

1 Pedro 1:2

Hermanonaan, õor jua okgau pãar mag chikham durr dʉr durrab mamʉ, pãarjã agjo ich Ẽwandamaucha jʉr autarr khʉʉn khabahab, ichdeu warrgarwe khĩirju wai sĩerrjo chadcha pãar peerdʉ autarr aawai. Magtarr aawai pãarta ich Akharag ich athee khĩet phe aupijim, Jesucristo meewai bag ãrtarrau pãach ajaug paabapäaiwai ich ipierraa wenʉrramkhĩir. Ẽwandamau warag pãar ʉu eeg oonaa khõinaata pãar wai sĩepim khõsi chiraajem.

1 Pedro 1:20

Mag Cristo õor kõit thõopijujã ich Jooirau mʉg jẽb ompaaju nawe ya khĩirju wai sĩejim. Magtarr aawai pãar dau aug khaugwi ĩs mʉg jaarta chadcha pãrag ich khaugpibarm.

1 Pedro 2:9

Pari pãar chan Ẽwandamau mag isegbam. Pãran ich Ẽwandamauchata ich chaain khamkhĩir ich garmua jʉr autarr khʉʉnau. Pãarta phadnaanau aajemjo õor kõit jeeujem khʉʉn khabahab, maach Rey Cristoou sĩi ich atheepai nem waumkhĩir jʉr autarr khʉʉn. Pãarta warr khĩchag eemjo naajerr khʉʉn Ẽwandamau ich iek ʉkhapi athamua araragag obeer autarr khʉʉn khabahab, mag pãach ararag ee obeer autarr Ẽwandam chadcha õor dʉi ajapha khitʉmta jũrr deeum khʉʉnagjã jaaumkhĩir ich õorkha autarr khʉʉn.

2 Pedro 3:14

Cristo gaaimua khodamnaan, maguata muan pãragan Ẽwandamau mag maachig durr iiur deeju a sim ed pa nʉm ora, pekau chukhu wenʉrrajuuta ẽkhanaa thumaa khõinaa wenʉrrat a chirʉm, maagwai degolp ich dʉnʉʉubaicheewaijã pãach ajapha nʉm oochemkhĩir.

1 Juan 4:16

Mag Ẽwandam maach dʉi sĩewaita maadeu khaphʉ nʉm, chadcha irua maach khõsi sim. Ẽwandamau thumaam khʉʉn daupii aajemjota dich khapeenjã daupii simʉn, magan Ẽwandam dʉi khapeerkha sĩewaita mag ich khapeen daupii sim.

Apocalipsis 13:8

Mag mepeer khumjo jojothor simʉgta mʉg atag paawai Ẽwandamagamjo jeeuju, ar thum Corderodam ʉdʉraa maach kõit ich thõopitarrau warr mʉg jẽb ompaabarwe ich ẽsap gaai am thʉ̃r phãkha auba arr khʉʉnau. Makhʉʉnta mag mepeer igar naaju aawai makhʉʉnauta maach chi Ẽwandam iek ʉkha nʉm khʉʉn dau aug wauju.

Apocalipsis 17:8

Maimua chadcha mʉrʉg jaaumamua magjim: —Jãg meperan warran mʉg jẽb gaai nʉrrajim; mamʉ meewi ya tag ooba aajem. Pari mʉg atag Ẽwandamau ierr thʉrrdojo sim eemua ʉdʉraa oberpibaawai deeu nʉrraichejugui ajim. Magbaawai ar ich mag iiu wenʉrraju khʉʉn thʉ̃r phãkhamaajem ẽsap gaai warr mʉg jẽb ompaaju nawe phãba awi ag gaai thʉ̃r chukhu nʉm khʉʉn wajap dauderraa ajugui ajim, mag meetarrta deeu nʉrraichem oowi. Mag deeu iiu nʉrraichejup mamʉ, ich Ẽwandamauta warre i jua khẽgkhapʉijugui ajim, ich mag okhoom iek okhoomkhĩir.