Efesios 1:12 - Wounaan Meu

¹² Magta maach chi nacha Cristo iek ʉkhatarr khʉʉnjã ich denkha aujim, mag ichdeu maar ich denkha autarr gaaimua pãar maarjo i iek ʉkha nʉm khʉʉnaujã ich Ẽwandam ajaug khitʉmta tho iekhamkhĩir.

Woun Meu

¹² Magta maach chi nacha Cristo hiek hʌ̈k'atarr k'ʌʌnjã hich dënk'a haujim, mag hichdëu maar hich dënk'a hautarr gaaimua pãar maarjö hi hiek hʌ̈k'a nʌm k'ʌʌnaujã hich Hẽwandam hajaug k'itʌmta t'ö hiek'amk'ĩir.

Efesios 1:12 Iomraidhean Croise

San Juan 14:1

Maimua maach thumaam khʉʉnag, —Oob jãg tag okhĩirjuunaa atcha khĩirju nʉʉ amiet ajim. Mʉ chan chadcha tag pãar khĩir chitabaju; pari mua pãach pʉabajeewai oob Ẽwandamaujã pãach iseg sim amiet. Magju khãai mua pãachig jawaagpamta khĩir eyaa abat ajim.

Efesios 1:6

Mag gaaimuata chadcha ich mag Ẽwandam ajaug phenaa i tho iekhaajem, mag ich ajaug sĩerrʉm gaaimua ichdeu ich Iewaa daupii aajemta ʉu maach athee pʉitarr aawai.

Efesios 2:7

Mag Ẽwandamau maachigta nacha Cristo iek ʉkhapiwi ich denkha autarran, ĩs ewag pawiajã jãga chadcha ichdeu maach khõsi sĩ a khap apinaa, mag Cristo denkha nʉm gaaimuata chadcha ichjã maach dʉi ajaug khitʉm khap apieg ajim.

Efesios 3:21

Magua maach chi ʉkha nʉm khʉʉn thumaam khʉʉnau Jesucristo gaaimua ãba iita mʉg atag pawiajã ich mag tho iekha wenʉrraju aai nʉm.

2 Tesalonicenses 2:13

Khodamnaan maach Por Jesuu kha khõsim khʉʉn, ichiita marau pãar gaaimua Ẽwandamag ʉu ajim aju aai nʉm. ¿Khan jãgwi? Pãachta jãig Tesalónica phobor ee chi nacha Ẽwandamau jʉr autarr khʉʉn aawaima. Magnaa ĩchab ich Ẽwandam Akhaar maachig nem wajapha waupiejem dʉimua pãachdeu ʉkhatarr gaaimuapa pãachta nacha peerdʉwi naawaima.

2 Timoteo 1:12

Magtarr aawai mag iek jaau chitʉm gaaimuata chadcha mʉg mʉ phithur da aphʉʉ chitaajem. Mag chitab mamʉ jãgʉm iek gaaimuata mʉʉn wajappha khĩir naau chitaajemjã aba chitʉm. Mua khaphʉ chirʉm, khai iekta mʉchdeu ʉkha chirʉ́. Mag ãba Ẽwandam iekta mʉchdeu ʉkha chiraawai i jua theeg simjã mua khaphʉ chirʉm. Maagwai ich aar mʉch thʉ̃r nʉm ora mʉch thʉa wai nʉrrajujã khaphʉ chirʉm.

Santiago 1:18

Mag maach dʉi ajapha sĩerraawai ewag pawi agjo ich chaainkhaju khʉʉn khãaijã maachta nacha ich chaainkha aujim, ichdeu maach peerdʉ aaujem iek ũrpibarm gaaimua. Mamʉ mag ich chaainkha autarr chan maach garmua khaba, ich garmuata mag ich chaainkhapim khõsi sĩerr aawai ajim.

1 Pedro 1:21

Ich mag Cristo khurauta ʉu pãrau Ẽwandam iek ʉkha durrum. Mag Cristo thõowaijã, ich Ẽwandamauta ʉu i phiriu auwi, ich aar auwi, ich dʉi jua theeg ãba apijim. Maguata chadcha pãrau pãach thãraucha i iek ʉkha durrum, ich jãg Ẽwandamau Cristojã phiriu auwi ich aar autarrjo pãachjã agjo ich aar auju khaphʉ naawai.