Efesios 1:11 - Wounaan Meu

¹¹ Magta agtha maach thaababa nʉwe Ẽwandamau ya maach ich denkha wai sĩejim, Cristo dʉi khapeerkha nʉisiewai mag nawe ichdeu deeju jaau sĩerrjã ichdeu mag khĩirju wai sĩerrjo chadcha jʉ̃amkhĩir; Ẽwandamaun chadcha ichdeu oowai ajapha aju ayaam nemta wau sĩerrʉm.

Woun Meu

¹¹ Magta hagt'a maach t'aababa nʌwe Hẽwandamau ya maach hich dënk'a wai sĩejim, Cristo dʌ̈i k'apeerk'a nʌisiewai mag nawe hichdëu deeju jaau sĩerrjã hichdëu mag k'ĩirju wai sĩerrjö chadcha jʌ̃amk'ĩir; Hẽwandamaun chadcha hichdëu hoowai hajap'a haju hayaam nemta wau sĩerrʌm.

Efesios 1:11 Iomraidhean Croise

Hechos 13:48

Pabloou Bernabé dʉimua mag jaaubarm ũrwia judionaan khabam khʉʉnau amach jʉ̃gʉucha mag amjã peerdʉju aai nʉm a ũrbaawai onegau, “Keena, mʉg Ẽwandam iekhan chadcha chi ajaphamʉugui” ajierram aajem, chadcha thãraucha amachdeu ʉkha nʉm iekhau. Mag thumaa ʉkhatarr khʉʉnan, nawe Ẽwandamau ichdeu oowai ich iek ʉkhaju khaphʉ wai sĩerr khʉʉn ajim.

Hechos 2:23

Mamʉ mag khitarrta juau ich Ẽwandamau mag ʉdʉraa i thõopibajieb ajim anʉm, mag i thõopibarm gaaimua warag pãachta wajapcha oberju khaphʉ sĩerr aawai. Magju arr aawaita, pãachig pʉr deebaawai, pãrau i pʉr arrwi pãach ipaarmua pakuls gaai õor sĩi khaibag sĩsidʉm khʉʉnag i meerphe thõopijierramgui ajim anʉm, ich Ẽwandamau ag nawe mag khĩirju wai sĩerrjo.

Hechos 20:27

Ẽwandamau ichdeu õor peerdʉ aaujem iek mʉchig jaaupitarr thum bʉ̃ʉrjã meerba mua pãrag jaautarr aawai ya mʉ chan mʉg chirʉm aig bʉ̃ʉrjã iekkhõr chukhu chirʉmgui ajim, Ẽwandam dau na.

Hechos 20:32

Magnaa ĩchab, —Keena, ya mʉ tag pãar ee beebaju aawai ĩswe warre mua ich Ẽwandam jua eeta pãar thʉsĩe pʉagpamgui ajim, ichdeu maach khõsi peerdʉ aaujem iekta ogdʉba ʉkha wenʉrrʉmua ichta ãba chi jua thierr aawai ichdeuta warag pãar khĩirjug bãaupimamkhĩir. Ichdeuta mʉg atag paawai thum ich chaainkha wenʉrrarr khʉʉnag ãba ichdeu nem deeju a jaautarrjã deeb khaba deejugui ajim.

Hechos 26:18

Mua am ee pʉ pʉi chirʉmgui ajim, am sĩi dau khĩsumjota naawai; pua mʉ iek jaaubaadeewai, dau egdʉtkha phobaademjo wajapha oophobaadeewai, tag amach pekau eepai khĩchag eemjo ich mag wenʉrram ugua. Mua pʉ pʉi chirʉmʉn, jãg sĩi dosãt ipierraa wenʉrraju khãai, Ẽwandamau khõsi simjota wenʉrramkhĩrau. Mag mʉ iek ʉkha phobaadeewai, Ẽwandamau amach khaibag chugpaabapäaiwain chadau, amjã judionaan chi ʉkha wenʉrrʉm khʉʉn dʉi ãba Ẽwandam chaainkha nʉisijugui” ajim. Maga maach Por Jesuu mʉrʉg iekhajimgui ajim anʉm Pabloou Agripaag, mag Damasco phoborog mamua khʉd ee Jesuu ichig iekhatarr jaaumamua.

Hechos 4:28

Magta chadcha warrgarwe pʉchdeu jaauwai mag i dau aphʉʉ aju a jaautarrjo, thum ag ee oberjimgui ajierram anʉm Ẽwandamag jeeumamua.

Romanos 11:34

“Khaíu mʉg nʉm aig maach Por ʉ̃gthar chiraajem khĩirjug khaphʉ sĩ” a sim. “Khaíu irig wawí iekhamaju aai sĩ, ichdeuta khapcha sim awi” a phã sim. (Job 15:8; Is. 40:13) Maimua,

Romanos 8:17

Mag chadcha i chaainkha naawai, ich Ẽwandamau ich aar paaukhabaimaa, maachig deeju a simjã chadcha deeju, magbaawai Cristo dʉi ãba maachdeujã nem thum wai naamkhĩir. Pari mag ich Ẽwandamau Cristo dʉi arrjo maach dʉijã wajapcha amkhĩran, ich jãg Cristo dau aphʉʉ mʉig eegar nʉrraajerrjo maachjã agjo i gaaimua dau aug au wenʉrraju.

Romanos 8:28

Maimua maadeu khaphʉ nʉm ĩchab, maach chi Ẽwandam khõsi nʉm khʉʉnan dau aug waauwaijã magʉm gaaimua warag mʉg atag paawai dich ʉu amkhĩirta ʉdʉraa magpiejem. Wajapcharan ich Ẽwandamau khõsi simjo maach chadcha ich iek ʉkhabaawai peerdʉ autarr khʉʉn dʉita mag ʉu aajem, chadcha maachta ichdeu thʉ̃rkha autarr khʉʉn aawai.

Romanos 8:29

Mag ichdeu maach thʉ̃rkha auju nawe, agtha mʉg durr gaai õor chukhu nʉwe, ichdeun ich iek ʉkhaju khʉʉn khaphʉ arr aawai, makhʉʉnta ich Chaai wajapha khitʉmjota wajaug paapʉiju aadejim, magbarm gaaimua ich Chaaita ewag pawiajã wajaug paakhabarm khʉʉn ag naam chi jooikha sĩsimkhĩir.

Romanos 8:30

Mag ich Chaaijo wajaug paakhaju atarr aawai ĩs chadcha maach ich athee thʉ̃rkha auwia ich denkha atham. Mag ichdeu thʉ̃rkha aumam khʉʉnan am pekau chugpaapʉiwia warrjã pekau chukhu arrjo apäaijem. Mag, ag najã pekau chukhu arrjo apʉiwi ich aar paaukhabaimaawain chadau ich Chaai wajapha wai simjo maachjã wajapha ich dʉi wai sĩsiju.

Romanos 9:11

Ẽwandamau irig, “Pʉ chaain chi jooin aphobaadee chi naamta jũrr ich eeum chogkhaju” a jaaujim. Magju igwia ĩchab Ẽwandamau ich iek phãpitarr gaai, “Jacobta mua ʉ̃rcha daupii ajugui” ajim, “chi naam Esaú khãai.” Pari Ẽwandamau mag iekhaawai agtha amach ãd bi ee naajim, amau nem khaigbam wa ʉuum khãijã wauju nawe. Mag Ẽwandamau chi eeum Jacob dʉita wajapha aju atarran, chi Jacoou nem wajapha wautarr gaaimua khaba, warrgarwe ich Ẽwandamau i dʉita magju arr aawai ajim, Ẽwandamau ichdeu õor igbarmta iigjem a khap amkhĩir.

Gálatas 3:18

Moiseeg ley phãkha deetarr gaaimuata Ẽwandamau maach peerdʉ aaujeekhiin, magan nacha Abrán dʉi iek deetarrta jũrr serbiiba sĩsikham. Pari magba ich meukhuucha Abranag ich iek ʉkha nʉm gaaimuata peerdʉ auju atarr aawai chadcha agtha ich magta aajem.

Efesios 1:14

Mʉʉgwaiwejã ya Cristo gaaimua Ẽwandamau maach ich denkha wai sĩewai mʉg atag ya ichdeu maach auju ed paawaijã warre ich aarcha maach phe auwi ich dʉichata wai sĩsiju. Mag chadcha ichdeu maach ich aar phe auju khap amkhĩirta ich Akhaarjã mag maachig deejim. Mag ich garmua maach dʉi magju a simʉn mʉʉgwaiwe ich ajaug tho iekhamkhĩrau.

Efesios 1:18

Mua jeeujem ĩchab Ẽwandamag, ichdeuta warag pãar khĩirjug aarthʉgbapʉimjo amkhĩir; magbaawai mag ya ich aarcha phe athaawai ich dʉicha onee wenʉrraju jaau simjã ajapcha khaphʉnaa, mag ich õorkha thʉnʉm khʉʉnan chadcha peerdʉwi naawai mʉigwejã onee naaju aai nʉm a khaphʉ amkhĩir.

Efesios 1:5

Jesucristo gaaimua ya maach ich chaainkha aujujã khaphʉ sĩejim, ichdeu maach dʉi am khõsi khĩirju wai sĩerrjo.

Efesios 1:8

Pari magpaijã khaba, chadcha ichdeu maach khõsi chirʉm khap amkhĩir, maachig ich khĩirjugjã deewi ʉu magʉmjã khaphʉ wenʉrrʉm.

Efesios 1:9

Ajapcharan ĩchab warr ichdeupai ich thãar ee nem waumaju khaphʉ aajerrta maachig khaphʉ apijim.

Efesios 3:11

Pari mag maach thum judionaan khabam khʉʉnpa ich denkha phe auju khĩirju wai sĩerr chan nem ĩsim khaba, ni õor khĩirjugjojã khaba, ich Ẽwandamau warrgurwe mag khĩirju wai sĩerr aawaita chadcha mag maach Por Jesucristo pʉibarm gaaimua maach thum ãba ich denkha wai sim.

Colosenses 1:12

Maagwai pãrau onee ich Jooi chi Ayagjã ʉu ajim aju. Ichdeuta pãachjã warm khʉʉn agjo ya ʉkha wenʉrrʉm khʉʉn dʉi ãba ich aar auju ayaa apʉinaa pãach ich denkha naawai pãar dʉijã ʉu aju.

Colosenses 3:24

Pãrau khaphʉ nʉm, pãachdeu magta nem wau nʉm jũrran maach Por Cristoou pãragjã ich dʉi ãba ich durr gayam nem jʉ̃apiju, mag pãach porkha nʉm khʉʉnau nem jaau nʉm waum khõsi wau nʉm aig maach Por chaar ich Cristo atheepata wau naawai.

Tito 2:14

Ich mag Jesucristota maach kõit ʉdʉraa ich thõopijim, magbarmua maach khaibag thum chugpaapʉiwia maach peerdʉ awaag, mag peerdʉ auwia ya ich den chaarkha nʉisiewai jũrr ãba ich atheepaita nem ajapha waum khõsi wauju khĩirju wenʉrramkhĩir.

Tito 3:7

Mag, maach khaibag ee wetju arrta jũrr Ẽwandamau maach khaibag thum chugpaapʉiwia ich aar ober wenʉrrajujã maachig khaphʉ apijim.

Hebreos 6:17

Magta Ẽwandamaujã i iekhatarran chadcharau a khap apieg, mag juraamamuata Abranagjã iekhajim aajem, maagwai ich chaain ewagam khʉʉnaujã chadcha Ẽwandamau amach dʉi magju khap amkhĩir. Mag sim aig irua ich iekha simjã chadcha ich mag aju a sim ajim anaabá.

Santiago 2:5

Cristo gaaimua khodamnaan, pãade mʉ iek ũrbat: Maadeu pod aphʉʉm khʉʉndam kha isee aju khaba nʉm. Jãg aphʉʉm khʉʉndamjã amachdeu maach peerdʉajem iekta ũrwi ʉkha naawai mʉig eegarweran aphʉʉ khithee awiajã paraam khʉʉn khãaijã wajapcha wenʉrramkhĩir ich Ẽwandamau jʉr autarr khʉʉn khabahab. Mag nʉm dʉi ĩchab mag ich daupiim khʉʉnta thum ich aar auju atarr aawai amjã ʉ̃gthar ich mag i dʉi wenʉrraju khʉʉn khabahab.

1 Pedro 1:4

jãg nʉʉ awi ich Ẽwandamau ich sim aar maach phe auju jaau simjo ich dʉi chadcha wai joothʉjujã khaphʉ nʉm. Mam paaukhabaimam chan tag meejã meeba, khaibagjã chukhu, ni jooiraa paajã khaugba ich magta nʉisiju.

1 Pedro 3:9

Chikhamnau pãach dʉi khaigba aawai agjo aju awi oob am khaibag waumiet. Pãach ãaukha thõp iekha thʉnʉʉuwaijã oob am eugarjã amach denjo amiet. Magju khãai mag pãach dʉi khaigba aajem khʉʉn kõitjã warag Ẽwandamag am eeg oopita jeeubat, magamkhĩirta warrjã pãar ich denkha autarr aawai. Magbaawai pãachpata Ẽwandamau ajapha wai sĩeju.