Efesios 1:10 - Wounaan Meu

¹⁰ Mag ich thãar eepai nem wauju khĩirju wai sĩerran, mʉg atag chadcha ichdeu magju ed paawaita ichdeu khĩirju simjoo aju. Mag edta ich Ẽwandamau õor thum edjã ee nem thʉnʉmpa Cristoog thʉsĩepʉiju, am dʉi jũrr ichdeuta khap amkhĩir.

Woun Meu

¹⁰ Mag hich t'ãar heepai nem wauju k'ĩirju wai sĩerran, mʌg hatag chadcha hichdëu magju hed paawaita hichdëu k'ĩirju simjöo haju. Mag hedta hich Hẽwandamau hõor t'um hedjã hee nem t'ʌnʌmpa Cristoog t'ʌsĩepʌ̈iju, ham dʌ̈i jũrr hichdëuta k'ap hamk'ĩir.

Efesios 1:10 Iomraidhean Croise

San Mateo 25:32

Magbaawai õor durrpierram khʉʉnta thum mʉch chognaanag mʉch aig phe au beepiju. Mag thum ãba biirdʉbaicheewaita oveja thʉajem pastorrau chi ovejanaandam amach ag apha khĩet paanaa chĩbjã agjo amach ag apha khĩet paajemjo ajugui ajim, õor dʉi.

San Marcos 1:15

Mag Ẽwandam iek jawaanta marr aawai ichpai igwia jaaumamua, “Warrgurwe Ẽwandamau Juan ẽudee woun ãb pʉiju a jaaujerr ĩsta barbaichemgui” ajim anʉm. “Maagwai ĩsin chad Ẽwandamau thumaam khʉʉn ich denkha aum khõsita sim. Pari magaagan pãach khaibag ãsie ewag khĩirjunaa iseg nʉm dʉi thãraucha maach peerdʉajem iekta ʉkhabat” aajeejim aajem ich Jesuucha õrag.

1 Corintios 10:11

Chadcha Ẽwandamau am dʉi maagjerran, ĩs ewag pawiajã maadeu amau aajerrjo aju khaba nʉm a khap amkhĩrau. Ya mʉg jẽb eegar paimʉʉ pamaawai ĩs ewagam khʉʉnagjã mag khaphʉ amkhĩirta Ẽwandamau ich iek gaai mag phãpijim.

1 Corintios 11:3

Mag naawai ĩs mua pãrag khĩir eyaa apim khõsi chirʉm: Ich jãg Ẽwandamta Cristo porkha simjo, Cristota maach Porou, emkhooin awiajã; maagwai maach emkhoointa jũrr dich ʉʉin porkha nʉm.

Gálatas 4:4

Mamʉ mag wenʉrrʉʉ awi ya Ẽwandamau ich Iewaa pʉiju ed aadeewai pʉiwi, Ẽwandamkha sĩerrta maach thumaam khʉʉn thaabatarrjo chadcha maar meeun ʉʉirau oowi, bʉ̃rʉʉ bãaumamua tagam khʉʉnjo mag Moiseeu ley deetarr ʉʉrkha khitʉmua jooipajim.

Efesios 1:22

Magta Ẽwandamau nem thʉnʉm thumaa sĩi ich Iewaa Cristoogta thʉsĩepʉijim. Magnaa ichta maach chi ʉkha nʉm khʉʉn Porkhapinaa

Efesios 2:15

Mag Cristoou ʉdʉraa ich thõopibarmuata mag Moiseeu ley pʉatarr gaai nem khĩir pogkhe ʉʉrkhapi simjã warre serbiiba apʉijim. Magta warr chan mag chikhamnagjã ooba agdaujo dich cuenta nʉrrjee arrta, õor ãbpaimʉg paapʉiwi warre chi iiunkhapʉijim. Magbarm aig ĩchab ya tag warramjo khaba, maach eepaijã khõinaa nʉisijim.

Efesios 3:15

ajapcharan ar ichdeuta thumaam khʉʉn ʉ̃gthar thʉnʉm magwe ompaatarr aawai irigta Aai icheju aai nʉmʉgma.

Efesios 3:2

Ya pãrau khaphʉ aju aai nʉm, Ẽwandam õor dʉi ajaug khitʉm gaaimua pãarjã dau aug khaugwi mʉrʉgta pãar ee ich iek jaaupitarr aawai chadcha ag gaaita chitʉm.

Colosenses 1:16

Nem thum maadeu daúa oonaa pod ooba aajempa mʉg jẽb gaaim maimua ʉ̃gtharm magwe thʉnʉmjã Ẽwandamau i gaaimuata ompaajim: reinaan, maimua edjã eem magwe Ẽwandam chognaanjom; magʉm khʉʉnta amachta ʉ̃rpainaa iek theegnaa jua theeg sĩsidʉm khʉʉnjã ichdeuta thum ompaajim, magʉm khʉʉnagjã ichdeu ig simjo ich ipierraa amkhĩir.

Colosenses 1:20

I gaaimuata ĩchab mʉg durr gaai thum õor thʉnʉmjã amach pekau gaaimua Ẽwandam dʉi iekkhõr wai narrjã ʉ̃gtharm magwe thʉnʉm khʉʉnpa ich dʉi khõinaa naapiju aai apijim. Ĩs mag i dʉi khõinaa nʉmʉn, Cristoou maach peerdʉ awaag ich bag pakuls gaai ãrpitarr gaaimuata mag i dʉi khõinaa nʉm.

Colosenses 3:11

Pãar mag naawai ni ãbmuajã ich ajaug thoju khaba sim: judioou wa judío khabamua, meheu thʉʉ simua wa thʉʉba simua, chi durrkhʉʉu wa durr chaauramua, agtha chikham chogkha simua wa chikham chog khaba simua, chi khapcha simua wa khaugba simua, ni ãbmuajã maata iwiir ãb ʉ̃rpai sim aju khaba sim. Magʉmta khĩirjuju khãai dichdeu Cristo wai simta nem thum thʉnʉm khãaijã ʉ̃rpai sim khaphʉnaa ichpaita ĩchab thum ich iek ʉkha nʉm khʉʉn ee sĩejemjã khap aju aai nʉm.

Hebreos 1:2

Mamʉ ĩs ewag pawi Ẽwandamau jũrr ich Chaai pʉibarm gaaimuata maachig ʉu ich khaugpibarm. I gaaimuata ĩchab nem thʉnʉmjã thumaa ompaawi ichigta Ẽwandam chi Ayau makhʉʉn nem thumaa ich dʉi jʉ̃apijim.

Hebreos 11:40

Mag amau ooba arran, Ẽwandamau Cristo pʉibarm gaaimuata ĩs mʉg maach ewagam khʉʉnpa ãba ajapcha paapʉiwi ãba ich aar naaimaju ayaa apiju khĩirju wai sĩerr aawai ajim.

Hebreos 9:10

¿Jãgwi? Agtha mag ley serbiiba apʉyaag Cristoou iek iiur aibeeba sĩerr aawaima; magnaa ĩchab amach ley gaai jaau simjo sĩi nem parhoob khoba nʉm dʉi nem parhoobajã dobanaa tagam nem mag leíu waupiba jaau sim ʉʉrkha nʉm gaaimuapaita amach ajaug paa auju ẽkhaajerr aawaima.

1 Pedro 1:20

Mag Cristo õor kõit thõopijujã ich Jooirau mʉg jẽb ompaaju nawe ya khĩirju wai sĩejim. Magtarr aawai pãar dau aug khaugwi ĩs mʉg jaarta chadcha pãrag ich khaugpibarm.

Apocalipsis 5:9

Makhʉʉn jooin mag thʉkhokhood thʉnʉmua chi Cordero thumeukharmamua meukhaar iiurta au naajim. Amau meukhaar au narr mʉg ajim: “Pʉchdeupaita ãba jãg ẽsap jua ee auwi chi khaar sĩsidʉmjã thʉrreu werbaju aai sim, pʉchta thumaam khʉʉn kõit ʉdʉraa pʉch thõopitarr aawai. Pʉch thõo nʉm aig bag ãrtarrauta pua õor durrpierram khʉʉn amach meupierr Ẽwandam athee perkha aujim.