Apocalipsis 8:3 - Wounaan Meu

³ Mag warm khʉʉnag jigtarr khur deeum Ẽwandam chog beewia, deeum incienso phaajem phĩr den bʉ̃rʉʉ phurii khitʉm jua ee waibeewi, agjo ich ag phaajem nasãd ʉ̃gthaa wau sim khĩirphee dʉnʉʉuchejim. Mag i dʉnʉʉubaicheewai warag irig incienso pom deejim, Ẽwandam chaainau jeeu durrum iek dʉi khajapham nemjo pomaacha waaureunaa mag phĩr den nasãd wau sim gaai phaamkhĩir.

Woun Meu

³ Mag warm k'ʌʌnag jigtarr k'ur deeum Hẽwandam chog bëewia, deeum incienso p'aajem p'ĩr dën bʌ̃rʌʌ p'urii k'itʌm jua hee waibëewi, hagjö hich hag p'aajem nasãd hʌ̃gt'aa wau sim k'ĩirp'ee dʌnʌʌuchëjim. Mag hi dʌnʌʌubaicheewai warag hirig incienso pöm deejim, Hẽwandam chaainau jëeu durrum hiek dʌ̈i k'ajap'am nemjö pömaacha waaurëunaa mag p'ĩr dën nasãd wau sim gaai p'aamk'ĩir.

Apocalipsis 8:3 Iomraidhean Croise

San Lucas 1:10

Mag ich thʉ̃rta obertarr aawai ierr Ẽwandamag incienso phaajem ag nasãd wau kherʉm aar simich, daaugajãr amach biirdʉajem aigpaita sĩi õor pom Ẽwandamag jeeu khodthʉnaajim aajem.

Romanos 8:34

Cristota maach kõit meewia deeu iiu phiidʉwia maach peerdʉ autarrta, khaíu jũrr ichaaur maach khaibag waupibarju. Ante magpimaaugau ichdeuta ʉ̃gtharjã maach kõit jeeu sim. Maimua ichta mag maach kõit iekhaagjã Ẽwandam dʉi iek theeg sĩebahab.

Hebreos 7:25

Maguata ich gaaimua Ẽwandam jʉr nʉm khʉʉnan, irua peerdʉ aub khaba peerdʉ auwi ich mag ich denkha wai sĩsiejem. Mag ichjã ich mag iiu sĩerraawai ich iek ʉkha nʉm khʉʉn kõitjã ich mag ichdeuta Ẽwandamag jeeu nʉrraju.

Hebreos 9:4

Mag dub nʉm aig sĩejim aajem, incienso phaag khʉrr phĩr den nasãdjo ʉ̃gthaa wau sim; maimua ierr sĩejim aajem ĩchab, baaudí phĩr den. Mag baaudí, Ẽwandamau mag maach jooin dʉi iek deewai ich iek phã deetarr ag ãkhaajem baaudí ajim aajem. Chi baaudeg “maná” anʉmjã sĩejim aajem, jarr por agjo phĩr den sim ee. Mag tag naajim aajem ag ee: Aarón khararrau bordón jua ee wai nʉrraajerr, biek ãb õrrdʉwi sũrkhatarr; maimua Ẽwandamau Moiseeg ley mokdau gaai phã deetarrjã agjo.

Apocalipsis 10:1

Magtarr khur mua oo nʉʉ aawai, Ẽwandam chog dewam nem jua theeg simta ʉ̃gtharmua sĩi jʉʉnthumie bau thʉnʉm eemua beewi, mʉ dakhĩir bʉchaar garm bʉ phũas ee dʉnʉʉunaa bʉwe garm bʉ durr jẽb gaai dʉnʉʉuchejim. Mag simua pirm ich por ʉ̃r wai sĩejim. I khĩir, sĩi edau khĩirjo bʉ̃ʉʉ maach dau khakhaisamjo sĩewai i bʉ sĩi õtdau ʉ̃gthaag uu jẽjẽerkhamjota sĩejim. Ẽsapdam pa gaai pʉʉrthʉ khitʉmjã jua ee wai sĩejim.

Apocalipsis 14:18

Mag ẽudee agjo deeum oberchejim, ierr nasãdjo sim aarmua. Maguan ĩchab sĩi iekhabarmuapai mʉg durr thum uurdʉpi jaaubaawai, õtdaúapai mʉg durr thum opäaig nem jua theeg sĩejim. Magua mag ãbakhai jua ee thuthui wai sĩerrag thet khĩesir magjim: “Jẽb gaai uvado nʉnʉidʉm een ya sĩi waau ʉidʉm, jãg pʉch jua ee thuthui wai simua chi ierr thʉrrkha aupet. Ya waau thʉnaabahab” ajim, õor warre ʉʉrppʉiju jaauwi.

Apocalipsis 5:8

Mag Corderodamau amach dakhĩir mag ẽsap pa gaai pʉʉrthʉ sim jeeu athaimam oobaawai mag sĩi khanjo ich paar sĩsidʉmua agjo aig jooin veinticuatro narr dʉimua sĩi i khĩirphee thʉkhokhood aphobaadejim. Makhʉʉn jooinau amachpierr arpa wai naajim, maimua jarrdam phĩr den phurii khitheemjã agjo amachpierr wai naajim. Mag jarr ee incienso ipir wai sĩsid ajim. Ma, Ẽwandam chaainkha nʉm khʉʉnau irig jeeu nʉm khʉʉn iek aajem, mag jarr ee ipir sĩsidʉm.

Apocalipsis 6:9

Mag khur chi Corderodamau chi cincoom sello thʉrreubapäaiwai nasãdjo wau sim eegar mua oojim, Ẽwandam iek jaau durrum gaaimua khechpʉimarr khʉʉn.

Apocalipsis 7:2

Ĩchab deeum Ẽwandam chog edau obeerjem garmua urumjã mua oojim. Magua ich jua ee õor dauchaachjem waidurajim, ich Jooi charau agua õor dauchachamkhĩir deetarr. Ich mag Ẽwandam chogau mag warm khʉʉn jayap mʉg jẽb khaibag waunaa phũasjã khaibag wawaag jua theeg narr khʉʉnag thet khĩesirnaa,

Apocalipsis 8:4

Mag incienso phaabaadeewai chi naar Ẽwandam chaainau jeeu durrum iek dʉi mag Ẽwandam chog chi phaa sim jua eemua ãba Ẽwandam sim aarta naar jĩubaadejim.

Apocalipsis 8:5

Maimua mag chi Ẽwandam chogau ichdeu incienso phaajem bʉ̃rʉʉ khitʉm waiberr auwi, jũrr nasãd gaai chi daupaam eemta auwia, ich den ee ipiirnaa mʉg jẽb gaai phopʉijim. Mag phobapäaiwai, pagthʉmta bubuju khabaadem dʉi õor iekjo iyʉʉmjo joisim ee, pagthʉm dau phʉr jẽjẽer khabaademua ʉʉurpa duuibaadejim. Ma ajim ãbmiecha sieteem sello thʉrreupʉi nʉm mʉrʉg oopitarr.

Apocalipsis 9:13

Mag khur chadcha chi Ẽwandam chogau warm khʉʉn denjo ich trompeta sirjim. Ma, seim ajim. Maig Ẽwandam khĩirphee phĩr den nasãdjo simta kach jayap jʉjʉrʉʉ sim sĩejim. Mag chi Ẽwandam chogau ich trompeta tẽee abaawai