Apocalipsis 8:12 - Wounaan Meu

¹² Maimua deeum chi Ẽwandam chog agjo aig sĩerrau ĩchab ich trompeta sirjim. Ma, jayapam ajim. Mag sirbarmua mʉg edau ãsdawam jãrrchapaím thõo auwia, edaram ed argjã jãrrchapaím thõo aunaa, phĩdagjã ĩchab jãrrchapaím dau thõokha aujim, amach wʉʉjemjo wʉʉm ugua. Maimua edau kheubaadeewaijã sĩi athuuchata khĩssu aademua da ãspabajojoomjota aadejim.

Woun Meu

¹² Maimua deeum chi Hẽwandam chog hagjö haig sĩerrau hĩchab hich trompeta sirjim. Ma, jayapam hajim. Mag sirbarmua mʌg hedau hãsdawam jãrrchapaím t'õo hauwia, hedaram hed hargjã jãrrchapaím t'õo haunaa, p'ĩdagjã hĩchab jãrrchapaím dau t'õok'a haujim, hamach wʌʌjemjö wʌʌm hugua. Maimua hedau k'ëubaadeewaijã sĩi hat'uuchata k'ĩssu haadëmua da hãspabajöjöomjöta haadëjim.

Apocalipsis 8:12 Iomraidhean Croise

San Mateo 24:29

Mag jajawagmamua ĩchab, —Mag ich Ẽwandamau wajap õor dau aug waupiwi ya tag magba aadem ee, mʉg ãsdawam edau khĩjugui ajim. Magbaawai edau chi edaramjã araraa wʉʉ jẽerba warag khĩbaadem dʉi phĩdagjã edjã eemua sĩi khʉijugui ajim. Magbaawai edjã ee nem sĩsidʉmjã sĩi parhooba amach nʉnʉid arr chaaurta aaidʉ jorrjee thʉnʉisijugui ajim.

San Mateo 27:45

Edausĩe thʉnʉm ee, degolp edau khĩbaadem abarmʉn sĩi warre edaramjota joisijim. Mag khĩ thʉnʉʉ awia edau phʉʉibaajer las tres naata deeu aardʉbaadejim.

San Marcos 13:24

’Mag õor ajappha dau aug wau dichtarr khur ĩchab ãsdawam edaujã khĩwia edaram edau argjã khĩjugui ajim anʉm.

San Marcos 15:33

Ich mag ed edausĩe thʉnʉm ee degolp edau khĩbaadem abarmʉn sĩi warre edaramjota joisijim anaabá. Mag khĩ thʉnʉʉ awia edau phʉʉibaajer las tres naata deeu edau aardʉbaadejim aajem.

San Lucas 21:25

Maimua ich Jesuu ichpai jaaumamua magjim aajem ĩchab: —Magbaawai mʉch chi Emkhooi Iewaa beeimʉʉ aademjã khaphʉ ajugui ajim anʉm, ãsdawam edau gaai, edau arg gaai, maimua ĩchab phĩdag gaai. Mag oobaawai õor jãphierrwia warag nem waujujã khaugba aadem dʉi, gaai machag okhĩirjug pooma aphobaadejugui ajim anʉm. Maimua phũas dau dapag thʉnʉm iek sĩi edjã ee pũu wejompa ũrphobaadeewai

Hechos 2:20

“Mag mʉch jua theeg thum beeju ed gayaa paawai, ãsdawam edau khĩbaadeewai jũrr edaram edau arg sĩi bagjo phurii aadejugui” ajim aajem ich Ẽwandamaucha.

2 Corintios 4:4

Ich chi dosãt mʉg jẽb gayam khʉʉn ẽwandamkha sĩerrʉmuata am dau khĩpi wai sim dʉi am khĩirjug ʉ̃rjã putiu borr wai simjo sim, maach Cristo thumaam khʉʉn khãai ʉ̃rpai sim iekta ʉkhapimaaugau. Mag Cristo iekhaupaita õtdau bʉʉg nem oowai khaphʉ aajemjo maachig khaphʉ api sim, Cristo gaaita ich Ẽwandam khĩir theg sim.

Apocalipsis 12:4

Mag simua dur phis a thũaphebaraau warre edjã eem phĩdagjã jãrrchapaím mʉg durr ʉ̃r thũphãau sĩujim. Magwi mag ʉʉi chaai awaag bi machkha sĩerr khĩirphee nʉ sĩsijim, ich dakhĩir athaawai ag bʉrre chi chaaidam khopʉyaag.

Apocalipsis 16:10

Mag khur Ẽwandam chog cincoom beewi, ĩchab ichdeu jarrdam wai nʉrrarr eem mag phũas eemua mepeer oberchetarr juupjem porkhau ʉ̃r choopʉijim. Mag choobapäaiwai irua durr jʉ̃a sĩerrpierr thumaa khĩchag ee joisijim. Magbaawai õor i igar nʉm khʉʉnan gaai machgauta sĩi amach meukhĩirpaijã thetthe khabaadep aajeejim.

Apocalipsis 6:12

Maimua chi Corderodamau jũrr ya seim sello thʉrreubapäaiwai ʉʉur theega duui dichdimamjã mua oojim. Magbaadeewai mʉg edau ãsdawam sĩi put phʉichjo phʉissi aadejim; maagwai jũrr edau chi edaram, ajapcharan edau argma, bagjo phurii aadejim.

Apocalipsis 9:15

Magbaawai chadcha mag mepeer dau jayap jʉ̃kha thʉnarr ẽerkhʉʉipʉijim, amach ẽerkhapʉiju ed pabaadeewai. Ich ar maig ajim am ẽerkhapʉiju atarr ora, mag ẽerkhabapäaiwai õor mʉg jẽb gaai jooba durrum khʉʉn jãrrchapaím khechpʉimkhĩir.

Apocalipsis 9:18

Mag õtdau khĩir naar dʉi azufrepa jĩerrarraukhamua õor poooma peer mʉg jẽb gaai jooba durrum khʉʉn jãrrchapaím odubjim.