Apocalipsis 7:2 - Wounaan Meu

² Ĩchab deeum Ẽwandam chog edau obeerjem garmua urumjã mua oojim. Magua ich jua ee õor dauchaachjem waidurajim, ich Jooi charau agua õor dauchachamkhĩir deetarr. Ich mag Ẽwandam chogau mag warm khʉʉn jayap mʉg jẽb khaibag waunaa phũasjã khaibag wawaag jua theeg narr khʉʉnag thet khĩesirnaa,

Woun Meu

² Hĩchab deeum Hẽwandam chog hedau höbeerjem garmua hurumjã mua hoojim. Magua hich jua hee hõor dauchaachjem waidurajim, hich Jöoi charau hagua hõor dauchachamk'ĩir deetarr. Hich mag Hẽwandam chogau mag warm k'ʌʌn jayap mʌg jẽb k'aibag waunaa p'ũasjã k'aibag wawaag jua t'eeg narr k'ʌʌnag t'et k'ĩesirnaa,

Apocalipsis 7:2 Iomraidhean Croise

San Mateo 16:16

Magbaawai Simón Pedroou, —Pʉ Cristo khabahab ajim irig, ich Ẽwandam Iewaa warrgarwe ichdeu jʉr auwia õor peerdʉ aumkhĩir pʉiju a jaaujerr.

San Mateo 26:63

Pari magʉmjã Jesús bʉ̃ʉrjã jʉ̃ʉ aba, warag khĩuu sĩsijim aajem. Mag ich iek ʉkhaba abaawai deeu irig chi phadnaan porou, —Maach Ẽwandam ich mag iiu sĩerrʉm iek gaai thʉwi muata pʉrʉg “Jaaubá” a chirʉm. ¿Pʉʉta chadcha Ẽwandam Iewaa ichdeucha jʉr auwia pʉiju jaaujerrá? Marag jaaubá ajim anʉm.

San Juan 6:27

Jãg sĩi biwaau thach khom khõchgaupai mʉ ẽudee ẽkha wenʉrraju khãyau, tag bʉ̃ʉrjã jãsoo apiba ich mag pãach iiupiejem pan khĩirta athat ajim amag. Mʉch chi Emkhooi Iewaauta mag pan pãar athee wai chirʉm. Mʉch Aai Ẽwandamau pãrau ag na mag nem ooba aajem waumkhĩir juapá deetarrauta nem waaujeewai pãrau mʉ iek ʉkhanaa ichdeuta mʉ pʉitarrjã khaphʉ aju aai nʉmgui ajim.

2 Corintios 1:22

Mag ichdeu maachig ich iek ʉkhapi atham aigta maach gaai ich dauchach phã sĩubarmjo ajim, magbarm aigmua ichdeu khõsimjo nem wau nʉm oowia õrag chadcha ich denkha nʉm khap amkhĩir. Mag nʉm dʉi ĩchab ich Akhaarjã deejim, mag gaaimua ʉ̃gthar paimaawai ichdeu mʉg atag maachig nem deeju anʉmjã chadcha deeb khaba deeju khap amkhĩir.

Efesios 1:13

Maguata pãraujã ĩchab chadcha Ẽwandam iek chaar mʉg maach peerdʉajem iek jaau nʉm ũrwi ʉu Cristo iek ʉkhabaawai, Ẽwandamau ag nawe ichdeu deeju jaautarrjo pãragjã ĩchab ich Akhaar deejim. Mag ich Akhaar deetarran, pãarjã chadcha ich denkha wai sim khap amkhĩir ajim.

Efesios 4:30

Nem khaigba wau nʉm gaaimua chan oob Ẽwandam Akhaar okhĩirjuu apimiet. Ich jãg Akhaarta Ẽwandamau pãrag deebajieb, ich iek ʉkhaawai chadcha ich denkha nʉm a khap amkhĩir. Mag i Akhaar wai naawaita mʉg atag mʉig eegar wenʉrrawi ich aarcha phe atham edjã chadcha ich denkham iek ich denkha wai sĩsiju.

1 Tesalonicenses 1:9

Marau amachig jaauju nawe amach garmuata marag jaau nʉm, marau pãar oon weetwai jãga pãrau maar pãach ee baarpijĩ, maimua jãga parhoobam nemta pãach ẽwandamkha wai nʉnʉid arrjã isegmajierrá, jũrr Ẽwandam chaar chadcha iiu sĩejemʉgpaita jeeu wenʉrraag.

2 Timoteo 2:19

Par amau mag amach iphithur amach khõchagpierr jaau wenʉrrab mamʉ, Ẽwandam iek chan cambieba ich mag sĩerrʉm. Mag sĩewai ich iek gaai, “Maach Por Ẽwandamau ich chaainan thum wajapha khaphʉ sĩerrʉm” a phãnaa ĩchab, “Thum maach Por Ẽwandamag jeeu wenʉrraajem khʉʉnan amach khaibag isegju aai nʉm” a phã sim.

Hebreos 12:22

Mamʉ ĩs ewag Ẽwandamau maach dʉi iek deewai chan amagamjo sĩi mag warp durr bʉkhʉrrpaimuata ich iek ũrpi jaaubajim. Maachin ya mʉig eegarwe Sión phoborpienau; ajapcharan ʉ̃gthar wetju khʉʉnma, Ẽwandam phobor Jerusalén ee ich dʉicha naaimaju khʉʉn. Maman Ẽwandam chognaan pooma amach khapangau sĩi maadeu chi beerjujã khaugba thʉnʉm khʉʉnauta Ẽwandamag jeeupho thʉnʉm.

Apocalipsis 1:3

Chi mʉg mua phãbarm ẽsap thʉ̃r sim woun onee aju; maimua onee ajurau ĩchab mʉg ich iek phã sim gaai Ẽwandamau nem thum ichdeu jaau sim iek ãbmua thʉ̃rmam ũrwia ag gaai jaau simjo i ipierraa wenʉrrʉm khʉʉn. Ya chadcha thum mʉg ẽsap gaai ichdeu jaau simjo obeberg maju dakkha pamam.

Apocalipsis 10:1

Magtarr khur mua oo nʉʉ aawai, Ẽwandam chog dewam nem jua theeg simta ʉ̃gtharmua sĩi jʉʉnthumie bau thʉnʉm eemua beewi, mʉ dakhĩir bʉchaar garm bʉ phũas ee dʉnʉʉunaa bʉwe garm bʉ durr jẽb gaai dʉnʉʉuchejim. Mag simua pirm ich por ʉ̃r wai sĩejim. I khĩir, sĩi edau khĩirjo bʉ̃ʉʉ maach dau khakhaisamjo sĩewai i bʉ sĩi õtdau ʉ̃gthaag uu jẽjẽerkhamjota sĩejim. Ẽsapdam pa gaai pʉʉrthʉ khitʉmjã jua ee wai sĩejim.

Apocalipsis 10:4

Maimua mag pagthʉm siete narrau iekha dichdimaawai ya mua ẽsap gaai phãag ẽkha chirajim. Mamʉ magbaa ĩchab ʉ̃gtharmua mʉrʉg woun iekjo, —Jãg pagthʉm siete narrau nem jaaubarm pʉchdeu ũrtarr oob phãm; sĩi pʉch thãar eepai wai sĩsí ajim.

Apocalipsis 16:12

Mag khur Ẽwandam chog seim beewi, ich jarr eem dojã Eufrates aajem ʉ̃r agjo choopʉijim. Mag choobapäaiwai dojã pom simta sĩi jʉʉubaadejim, edau obeerjem garmua reinaan wedurarr khʉʉn dʉrbagkha dichamkhĩir.

Apocalipsis 5:2

Mua mag oo atham dʉi ĩchab ich Ẽwandam chog ãb nem jua theeg simua iek khẽgkha, “¿Chijãguata magan mʉig mʉg ẽsap khaar sĩsidʉm thʉrreupʉinaa mʉg ẽsap eeureu auju aai sĩ?” a sĩejim.

Apocalipsis 8:3

Mag warm khʉʉnag jigtarr khur deeum Ẽwandam chog beewia, deeum incienso phaajem phĩr den bʉ̃rʉʉ phurii khitʉm jua ee waibeewi, agjo ich ag phaajem nasãd ʉ̃gthaa wau sim khĩirphee dʉnʉʉuchejim. Mag i dʉnʉʉubaicheewai warag irig incienso pom deejim, Ẽwandam chaainau jeeu durrum iek dʉi khajapham nemjo pomaacha waaureunaa mag phĩr den nasãd wau sim gaai phaamkhĩir.

Apocalipsis 9:14

mag nasãd kach jayap jʉjʉrʉʉ sim eemuata woun iekjo chi Ẽwandam chog mag ich trompeta sir sĩerrag iekha simua, “Ar dojã pooma Eufrates aajem igaau mepeer dau jayap o jʉ̃kha thʉnʉm ẽerkhʉʉibapʉi” a sĩejim.

Apocalipsis 9:4

Mag langosta dap sĩsidʉmʉg bʉ̃ʉrjã pabʉ chig apiba, pakherjã thʉrrkhichpiba, phũakjã ãrpiba, ni nemjĩirjomjã ãrpiba jaaujim. Ãba amag jaautarran, õor Ẽwandam dauchach amach dag gaai chukhum khʉʉnta khaibag waupi jaaujim.