Apocalipsis 7:13 - Wounaan Meu

¹³ Magbaawai mag jooin veinticuatro narr eem ãbmua mʉ aig beewi mʉrʉg, —Ar õor sĩi khajũa bäpphä jũa sĩsidʉm, ¿pua khaphʉ chirʉ́ aichejim, chijã khʉʉn agá maimua jãkhʉʉn jammua beejierrá?

Woun Meu

¹³ Magbaawai mag jöoin veinticuatro narr heem hãbmua mʌ haig bëewi mʌrʌg, —Har hõor sĩi k'ajũa bäpp'ä jũa sĩsidʌm, ¿pua k'ap'ʌ chirʌ́ haichëjim, chijã k'ʌʌn hagá maimua jãk'ʌʌn jammua bëejierrá?

Apocalipsis 7:13 Iomraidhean Croise

San Juan 7:28

Mamʉ jũrram khʉʉnau mamagkham ũrwia mag Aai i jeeujem deg ichdeu jaau sĩerr aigmua ich Jesuu khĩesir iekhamamua, —Magan pãraun mʉch chi wounjã khaphʉnaa ĩchab mʉ durrjã khaphʉ naabma ajim. Pari mʉ chan pãrau khĩirju nʉmjo sĩi mʉch khĩrau beetarr khabam. Mʉʉn ãb pãrau khaugba naab mamʉ, bʉ̃ʉrjã seu chukhu sĩerrʉmuata pʉijimgui ajim. Ma pãrau khaugba nʉmgui ajim, khai agá.

Hechos 3:12

Pedroou mag amachig khaphig wedurum oobaawai mag khapan thʉnʉmʉg magjim aajem: —Keena, ¿khan jãgwia jãg maar oowia pãar dauderraa nʉ? ajim anʉm. Pãrau jãg maragta eerpapaad aadephʉm, ¿pãrau khĩirjuawai marau maach juapaauta jãg monaaubarmjoo nʉ, wa Ẽwandam na maach pekau chukhu nʉm gaaimua jãgbarm khãijã anʉ́ pãrau pãach odegpai? ajim anʉm amag. Mag khabamgui ajim anʉm ichdeupai.

Apocalipsis 3:4

Mag naab mamʉ jãig Sardiim iglesia ee ʉu agtha nʉm aajem, ãaur khʉʉn ʉdʉʉr pekaúg amach ʉ̃rpapiba durrum khʉʉn. Makhʉʉnta khajũa bäphä jũanaa i dʉi wenʉrraju anaabá, am amachdeu ich ipierr wajapha arr gaaimua chadcha mag wenʉrraju aai naawai.

Apocalipsis 4:10

Mag i tho iekhakhakhampierr mag jooin veinticuatro ohood wejom khʉʉnau i jup sim khĩirphee, “Pʉchta chadcha chi jua thierrau” anaa amach porsir phĩr den jũa narr jua ee auwia irig ʉanaa phõbkhakha aajeejim, mag ichta thõjã thõba warrgarwe ich mag iiu sĩerrʉmʉg jeeuwai.

Apocalipsis 4:4

Mag porkhau pom sim bigaau deeum ich agjo porkhau chaaindam daii khitheem khapan veinticuatro ohood phʉʉrdʉ wejomjã mua oojim. Maig ĩchab jooin khajũa wajappha bäpphä jũanaa porsirjã phĩr den jũa sĩsid ajim. Makhʉʉn jooin chi khapanagjã veinticuatro narr aawai makhʉʉn porkhau mag veinticuatro narr gaai ich agpierr ohood wejoojim.

Apocalipsis 5:11

Maimua mua oowai, mag porkhau bigaau mag khanjo ich paar sĩsidʉm dʉi jooin ohood wejom eugar, Ẽwandam chognaan pooma sĩi sereu phʉʉrdʉ wejoojim. Mag thʉnʉmʉn chi khapanag millones y millones thʉnarr aawai, khapaana sĩi maach dau warpta pos pʉʉrthʉ, pod maadeu chi beerjujã khaugba thʉnaajim.

Apocalipsis 5:5

Mag mʉ ich dakhĩir bĩe chirʉʉ paawai mag jooin veinticuatro narr eem ãbmua mʉ aig beewi mʉrʉg, “Oob tag bĩem, ar sĩebahab” ajim, “David khararr ag chaain ewagam khʉʉn bi eem Chaai leonjo jua theeg sĩerrʉm. Jãguata ya ichdeu nem thum thʉnʉm podpʉitarr aawai ichdeuta jãg ẽsap khaar sĩsidʉmjã thʉrreupʉinaa eeurjãg ooju aai sĩebahab” ajim.

Apocalipsis 7:9

Magtarr khur ũwaai deeu Ẽwandam juupjem porkhau pooma simʉg mua oowai, õor poooma sĩi bʉjãaupaita baurur wejom oojim chi Cordero na. Mag sĩsidʉmʉn thumaa khajũa chi bau appha jũanaa sothark piujoo khitheemta jua panhappha thʉnaajim. Maig thʉnaajim õor phoborpierram khʉʉn, meupierr meu khĩir pogkhe; wajapcharan durrpierram khʉʉnta maiguin ãba podpa thʉnaajim. Mag sĩi khapan maach dau dʉrrkhab warpham magwe phʉʉrdʉ wejom aawai pod ãbmuajã beer aubajim, kharra naajim khai chi khapanag.