Apocalipsis 7:12 - Wounaan Meu

¹² “Mʉg atag pawijã ãba maach Ẽwandamta ʉucha chitaju. Iita ãba ooimʉg phenaa tho iekhaju aai nʉm. Ichta ãba khĩirjug khaug sĩerrʉm. Irigpaita ĩchab thumaam khʉʉnaujã eenaa ʉu ajim aju aai nʉm. Ichdeupaita chadcha jua theeg thum auju aai sim. Jãan chadcha ich magta aju aai sim” anaajim amachdeupai.

Woun Meu

¹² “Mʌg hatag pawijã hãba maach Hẽwandamta hʌ̈ucha chitaju. Hiita hãba hooimʌg p'ënaa t'ö hiek'aju haai nʌm. Hichta hãba k'ĩirjug k'aug sĩerrʌm. Hirigpaita hĩchab t'umaam k'ʌʌnaujã heenaa hʌ̈u hajim haju haai nʌm. Hichdëupaita chadcha jua t'eeg t'um hauju haai sim. Jãan chadcha hich magta haju haai sim” hanaajim hamachdëupai.

Apocalipsis 7:12 Iomraidhean Croise

San Mateo 6:13

Oob pua ʉdʉraa chan maar pekau ee burrpi chiram. Mag khãai warag maar thʉa wai chirsí, phithurg chukhu dosãtau maar ichig paa aum ugua. [Ẽwandam, pʉchdeuta nem thʉnʉmʉn thum khap chirʉm. Pʉchta chi jua thierriu, maagwai pʉchpaita thumaam khʉʉnau tho iekhaju aai nʉm, mʉg atag pawiajã ich mag.]” ’Magta jeeubat ajim anaabá ich Jesuu.

Romanos 11:36

Nem thʉnʉmʉn thum ich deneu, ichdeuta thum ompaatarr aawai. Ĩchab nem thʉnʉmʉn i gaaimuata thʉnʉm, ichdeuta thum wai dʉnaawai. Thumaam khʉʉnag ich tho iekhamkhĩirta magʉm nem thum ompaatarr aawai ichta mʉg atag pawiajã ich mag thumaam khʉʉn khãai ʉ̃rpai sĩerrʉm iekhau.

1 Corintios 14:16

Mag am meúa khaba sĩi deeum meúata Ẽwandam tho iekhamamua jeeukhiinjã, jãga pua iekha simjã khaugba aawai aig durrum khʉʉndamau pʉ ipierr dʉi ich magau abarju. Amau pod magbaju, pʉ iekhamamjã khaugba aawai.

2 Corintios 4:15

Mag mʉch dau aug waaujem thum pãrag jaau chirʉmʉn, jãan mʉch mag chitʉm gaaimua pãachta ʉu amkhĩrau, magʉm gaaimua ĩchab Ẽwandamaujã dʉrrcha pãar dʉi wajapha aajeewai ich agjo ĩchab õor khapankham khʉʉnauta ʉkhawia irig ʉu ajim anʉmua i tho iekhamkhĩir. Magamkhĩirta mag mʉch dau aug waaujem pãrag jaau chirʉm.

Colosenses 2:7

Mag i kha ogdʉba aagan, pa jẽb ee ajap khaarkhamaajemjota warag i gaai ubʉ ajuuta ẽkhanaa warrcha pãachig jaautarr iek ogdʉba ʉkha nʉmuata i gaai thierrkhabat. Mamʉ mag nʉmjã nem thumaam paar Ẽwandamagta ʉu ajim abat.

Colosenses 3:17

Mamʉ magʉm nem thum pãachdeu jaauwai wa waauwai khãijã, chadcha maach Por Jesús denkha naawai, ichdeu waupim khõsimjo waum khõsita waubat. Magnaa ĩchab ich Jesús gaaimua ich Ẽwandam chi Ayagjã ʉu ajim abat.

Judas 1:25

Mag Ẽwandamta warrgarwejã thumaam khʉʉn khãai chi wajapcharam anaa chi ʉ̃rʉʉcharamʉu; ichpaita mʉg atagjã chi jua thierr anaa ich mag iek theegjã sĩerraju. Mʉgdam ajim pãrag jaaum ig chirarr. Ayoo keena, Judas

Apocalipsis 1:18

“Mʉchpai khabahab” ajim, “ar meewi deeu iiu phiidʉtarr; magtarr cha agtha iiu chirʉm, mʉg atagjã ich mag iiu chitʉm iekhau. Mʉchdeuta khap chirʉmgui” ajim, “jãagwaichata õor meepiju, maimua mag meewaijã chijã khʉʉnta khĩmie durr wetju” a iekhamajim mʉrʉg.

Apocalipsis 19:4

Magbaawai mag jooin veinticuatro narr khʉʉnau agjo jayap sĩi khanjo sĩsidʉmta ich paar sĩsid arr khʉʉn dʉimua Ẽwandam ich khu juupjem gaai oo sim khĩirphee kanieu thʉkhookhanaa, khĩeb jẽb gaai dagau dʉrkhanaa irig jeeumamua, “¡Jãan ich magau! ¡Chadcha iita maach thumaam khʉʉnau tho iekhaju aai nʉmgui!” ajierram.