Apocalipsis 6:2 - Wounaan Meu

² Irua mag oobahur abaawai mua oowai, cabaai bäpphä simta aig sĩejim. Mag cabaai ʉ̃r woun sĩerrau ich jua ee choophõ wai sĩejim. Mag simʉg porsir deewi jũapi sĩubaawai, ichdeuta thumaam khʉʉn podpʉiwi, ichta emkhooikha oberjim, ich garmua ich jua jʉmpiba sĩerraag. Ma, mʉg atag paawai ichdeuta mʉig eegarm khʉʉn ich jua jʉmpiba ichta chi porkha sĩsiju. Pari ma chan chi Cordero khaba aawai ich mag chi porkha sĩerrabaju.

Woun Meu

² Hirua mag hoobahur habaawai mua hoowai, cabaai bäpp'ä simta haig sĩejim. Mag cabaai hʌ̃r woun sĩerrau hich jua hee choop'õ wai sĩejim. Mag simʌg pörsir deewi jũapi sĩubaawai, hichdëuta t'umaam k'ʌʌn pödpʌ̈iwi, hichta hemk'ooik'a höbërjim, hich garmua hich jua jʌmpiba sĩerraag. Ma, mʌg hatag paawai hichdëuta mʌig heegarm k'ʌʌn hich jua jʌmpiba hichta chi pörk'a sĩsiju. Pari ma chan chi Cordero k'aba haawai hich mag chi pörk'a sĩerrabaju.

Apocalipsis 6:2 Iomraidhean Croise

San Mateo 28:18

Mag nʉm ee warag maar aig beewi maar dʉi iyʉʉmamua magjim: —Ya mʉ Ayau mʉrʉg ʉ̃gtharm khʉʉn dʉijã iek theeg apinaa mʉig eegarm khʉʉn dʉijã iek theeg apibarmgui ajim.

1 Corintios 15:25

Pari mag ich Ayagta jua theeg thum jʉ̃apiju na, ich dʉi iekkhõr paraam khʉʉn thum ich jua eegar phe au nʉm ora ich Cristota mag ichdeu õor phe aumam khʉʉn Reikha sim.

Apocalipsis 11:15

Mag dau ãb waaur sim atarr aawai chadcha ĩchab deeum Ẽwandam chogau chi ãbmiecharam ich trompeta sirjim. Ma, sieteem ajim, ãbmiecharam. Mag sirbaadeewai ʉ̃gthar sĩi õor iekjo sereubaademua mag naajim: “Mʉg durran thumaa maach Por Ẽwandamaujã jʉ̃anaa, ichdeucha jʉr auwi maach Porkhapitarr dʉimuata jʉ̃aju aai nʉm. Mag, maach Ẽwandamauta mʉg durr gaai thum ichta ich mag chi Porkha sĩsiju” anaajim. (Éx. 15:18; Dn. 7:14,27)

Apocalipsis 11:18

Durrpierram khʉʉnta pʉ dʉin meeukha thʉnʉm; mamʉ ya pua am gaai pʉch khĩir machag meeuju ed pachejim. Ĩsin chad pua nawe khechtarr khʉʉn khĩircha jaaumamua amachdeu nem waaujerrjo pʉchdeujã am dʉi aju. Ĩsta ĩchab pʉch chogkhanaa pʉch i jaaumien dʉijã wajaphanaa pʉch chaainkha nʉm khʉʉn dʉijã wajapha aju edau, thethem khʉʉn wa sĩi parhoobam khʉʉn awijã ar pʉchig ee aajerr khʉʉn dʉi. Mamʉ ĩchab ĩsta pua ar mʉg jẽb gaai nem ãr nʉm khʉʉnjã opʉiju edau” anaajim, irig ee nʉmua.

Apocalipsis 14:14

Magtarr khur deeu oo nʉʉ aawai jʉʉnthumieta edjã ee bau wejoojim. Mag bau wejom ʉ̃r woun ãb Emkhooi Iewaa Jesujoo simta oo sĩejim. Magua porsir phĩr den jũanaa ich jua ee hoz anʉm wai sĩejim, thuthuijo dee simta sĩi jũurthʉ sim.

Apocalipsis 15:2

Mag khur mua oojim ĩchab, phũasta sĩi vidrio denjo sim igaau Ẽwandamau amachig sirmkhĩir arpa deetarr dʉi ag panhapha õor dʉnʉnʉid thʉnʉm. Makhʉʉn mag mepeer khum chi jojothorjo sim phũas eemua oberchetarragjã jeeuba, ni i khĩirkha wau simʉgjã jeeuba, ni i thʉ̃r ni i dauchachjã ʉdʉraa amach gaai phãpiba arr gaaimua mag mepeer amach garmua podtarr khʉʉn ajim.

Apocalipsis 17:14

Mamʉ chi Corderoou ich garmuata amach thum podpʉiju, ichta mʉg durr gaai chi thierrnaan thum thʉnʉm khʉʉn Por anaa reinaan Rey aawai. I dʉi thʉnʉm khʉʉnan, ich Ẽwandamaucha jʉr auwi amachdeu ʉkhatarr iek thãraucha ʉkha wenʉrrʉm khʉʉnau.

Apocalipsis 19:14

Ich mag ẽudee Ẽwandam chognaan khapaana pʉʉrthʉ wenʉrrajim. Mamʉ makhʉʉnjã mag sĩsidʉmʉn, sĩi thum khajũa chi wajapham lino den bäphä memerkhogjã chukhu sĩsidʉmta jũanaa, cabaai bäpphä sĩsidʉm gaaita wenʉrrajim.

Apocalipsis 3:21

Ar nem phithurm awiajã ogdʉba ʉu amachdeuta i denjo nem thum podpʉi nʉm khʉʉnagan, irua ich jup chirʉm gaai dʉi ãba ich bigaau juppiju aajem, ich dʉi ãba iek theeg nʉisimkhĩir, ich jãg ichdeujã nem thum podtarr jũrr ĩchab ich Ayau ich dʉi ãba iek theeg apitarrjo.

Apocalipsis 9:7

Mag langosta, õor khĩirkhanaa por gaaijã porsirjoo sĩsidʉm paar sĩsid ajim, phĩr den. Mag sĩsidʉmʉn sĩi cabaai juurhi ee werbʉan arraag wajap khĩir khaug sĩsidʉmjota sĩsid ajim.