Apocalipsis 6:16 - Wounaan Meu

¹⁶ Mag daumer nʉmua durrsĩigta wounaanagamjo chaigpanaa, “Jãg porkhau gaai oo simʉg maar oom ugua, maar ʉ̃r dʉrbagkhawi pãach eegar maar meer athat” anaajim.

Woun Meu

¹⁶ Mag daumer nʌmua durrsĩigta wounaanagamjö chaigpanaa, “Jãg pörk'au gaai hoo simʌg maar hoom hugua, maar hʌ̃r dʌrbagk'awi pãach heegar maar meer hat'at” hanaajim.

Apocalipsis 6:16 Iomraidhean Croise

San Mateo 26:64

Magbaa Jesuu irig, —Pua khabá ag eyaa jaaubapʉim ajim anʉm. Mʉ cha iekha chirʉm iekhau mʉg woun Emkhooi Iewaa Ẽwandam chi jua thierr bigaau i juachaar gar oo sim pãrau pãach daujãau oowi edjã baug ee urumjã oojurau a iekhajim aajem, aig narr khʉʉn dakhĩir.

San Marcos 3:5

Mag ni ãbmuajã ich iek ʉkhaba abaawai amag khĩir masi eerpanaa warag okhĩirjuu aadejim anʉm, ichdeu oowai amau bʉ̃ʉrjã wir aig amach khapeen dau ee aug khaugba nʉm oowia. Magwia chi jua jʉsar khitʉmʉgta, —Dayag jua ʉabá ajim anʉm. Mag chadcha i ipierr ʉ̃gthaag jua ʉabaawai warre jua monakkha sĩsijim anaabá.

San Lucas 23:30

Ich mag jaar ĩchab atcha mag dau aphʉʉ wenʉrramaaugau, thõom khõchgau durrsĩigta wounaanagamjo, “Maar ʉ̃r dʉrbagkhabaadet; pãach eegar warre maar bepbapʉit” a iekhajugui ajim anʉm.

Apocalipsis 10:6

—Ẽwandam ichta ich mag meejã khaugba sĩerranaa mʉg edaujã ompaawi, mʉg jẽb, mʉg phũas maimua makhʉʉn ee nem thʉnʉm thum ompaatarr Jooi iekhau, mʉgbarm aigmua ya chadcha maachdeu jaau nʉmjo aimʉʉ pamgui ajim.

Apocalipsis 19:15

Mag cabaai bäpphä sim gaai oberchetarrau durrpierr õor nʉnʉidʉm jua khʉaba pãaukhapʉimaag ich i ee thuthui dee khitʉm wai sĩejim. Ichdeuta mʉg durr thum jʉ̃a wai sim aawai jũrr ich jua jʉmpiba dajẽkta wai sĩsiju. Magbaademua õran sĩi uva cho piirjʉu awaag bʉʉu eeg pibthai nʉmjota aju am gaai. Magnaata amachigpai Ẽwandam thumaam khʉʉn khãaijã ʉ̃rpai sĩerrʉm ag khĩir machag khajapham dojo jarr ee choo wejomta dopipʉimaju.

Apocalipsis 20:11

Maimua mua oojim ĩchab, khu juupjem pooma bäpphä sim; ag gaai chi woun oo sĩerrjã mua oojim. Mag khu juupjem gaai oo sim oowi, mʉg durr edaujã dʉi sĩi degolp chukkhu aphobaadejim. Tag oojã ooba, ich mag nʉisijim.

Apocalipsis 4:2

Magbarm ee ich Ẽwandam Akharauta mʉ ʉ̃gthar athaadeewai ich Ẽwandam juupjemta nem porkhau pooma sim ooimajim. Ag gaai woun ãb jup sĩejim.

Apocalipsis 4:5

Mag porkhau warm khʉʉn jãrrcha sim aarmua pagthʉm dau phʉr jẽjẽer khabaadem dʉi ĩchab phiphis khabaademua sĩi iyʉʉmjo aadep sĩejim. Mag porkhau pom sim khĩirphee õtdau siete paakhanaa dʉnʉnʉid thʉnaajim. Makhʉʉn ich Ẽwandam Akhaar ajim.

Apocalipsis 4:9

Mag sĩi ich khapan sĩsidʉmua maach Ẽwandam ichta ich mag thõojã khaugba mag ich porkhau gaai oo simʉg jeeu nʉmua, ʉu ajim anaa i tho iekha naajim.

Apocalipsis 5:1

Mag jãrrcha khu juupjem sim gaai woun oo sĩerrau, ajapcharan ich Ẽwandamauma, ich juachaar gar pa gaai ẽsap pʉʉrthʉ sim wai simjã mua oojim. Mag ẽsap, jãgarjã phãnaa eugarm magwe phãnaa, thʉ̃rmajupierrpai khibjʉ̃rjo simua khaar sĩsid ajim. Magʉm siete naajim mag ẽsap pʉʉrthʉ sim gaai.

Apocalipsis 6:10

Makhʉʉnau amach dau aphʉʉ juau khechmarr jũrr Ẽwandamag am dʉi agjo amkhĩir jaau durrumua thet mag naajim: “Ẽwandam, pʉchta thumaam khʉʉn khãai jua theeg ʉ̃rchanaa, pekaujã chukhu, pʉch iekhatarrjã chadcha khitʉm, ¿jãagwaita pua maar bag ãrtarr jũrr õor i agkhawi maar khechtarr khʉʉn dʉi ich agjoo ajuuta jãg sĩma?” anaajim irig.

Apocalipsis 9:6

Mamagkham jaran parii õrau wir aigpai amach thõo ẽkhawiajã pod amach thõobajurau. Thõm khõchaaga aadep awiajã meeg khábata thaabatarrjo aadep ajurau, bʉ̃ʉrjã thõba.