Apocalipsis 6:11 - Wounaan Meu

¹¹ Amau magbaawai amag khajũa bäphä sĩsidʉm phedeewi sĩi warag, “Pãar khodnaanjã pãach khechtarrjo Cristo ipierraa i iek jaau durrum gaaimua khechpʉiwia pãach aig ãba paaukhache nʉm ora, ideu bʉchkhun oo athat” ajim.

Woun Meu

¹¹ Hamau magbaawai hamag k'ajũa bäp'ä sĩsidʌm p'ëdeewi sĩi warag, “Pãar k'odnaanjã pãach k'ëchtarrjö Cristo hipierraa hi hiek jaau durrum gaaimua k'ëchpʌ̈iwia pãach haig hãba paauk'achë nʌm hora, hidëu bʌchk'un hoo hat'at” hajim.

Apocalipsis 6:11 Iomraidhean Croise

San Mateo 10:21

’Mag jaran wir aig khod ãbam khʉʉnjã chi ʉkhaba sim garmua ʉu mʉ iek ʉkha kherʉm thethemnaanag jaaupʉimajugui ajim, ich khodpai wir aig thõomkhĩir. Amach dennaanjã agjo mʉ gaaimua thõomkhĩir thethemnaanag jaaupʉimaawai chi dennaanaujã ich agjo aju amach chaain dʉi wir aig.

San Lucas 15:22

Mamʉ chi ayau dau aug khaugwia, magʉmjã igba, warag degag arrwia ich chognaanag, “Mʉ chaai athee khajũa chi ajapcharam jʉrwia jũapi sĩubat” ajim anʉm. “Maimua ĩchab sorrtikjã jũapinaa zapatjã chi ajapham jũapibapʉit.

San Juan 16:2

Ya amauta pãar dʉi magphobaademʉn, pãran amau amach eemua jʉr werppʉiwia amach culto waaujem eejã tag dubpibajugui ajim. Mamag nʉʉ awia juauchajã pãar khechmaju. Mag pãar khech nʉm khʉʉnau amachdeupain Ẽwandamau pãar dʉi magpi sĩewaita mag nʉm ajurau.

Hechos 20:24

Mamʉ mag mʉch dau aphʉʉ aju khaphʉ chirʉmjã magju khĩirjuwia gaai masi oo chirʉʉ aa khaugba chitʉm. Mʉ khĩirjugan ãba Ẽwandamau maach khõsi peerdʉ aaujem iek maach Por Jesuu mʉchig jaaupitarrta jaauju khĩirju chitʉmgui ajim.

2 Tesalonicenses 1:7

Magnaa pãach chi dau aphʉʉ durrum khʉʉnta mʉg atag maach Por Jesús sĩi õtdau uu thʉnʉm ee ich chognaan chi jua thierrnaan dʉi ʉ̃gtharmua beewai maach thum ãba jua ʉ̃ipiju.

2 Timoteo 4:7

Ẽwandam i jaau nʉmta sĩi khajap jãau chaar jãau nʉmjo ʉdʉʉr mʉch deeba, mʉʉn ya ag iek kõit woun atheemjo werbʉbarm. Woun ãb khaphig nʉrrʉmua ich barju atarr aar barbaimamjo, muajã ĩchab Ẽwandamau mʉchig phidag deetarr thum waubapʉim. Maach Por Jesucristo iek mʉchdeu ʉkhatarrjã isegba agtha ich mag ʉkha chitʉm.

Hebreos 11:40

Mag amau ooba arran, Ẽwandamau Cristo pʉibarm gaaimuata ĩs mʉg maach ewagam khʉʉnpa ãba ajapcha paapʉiwi ãba ich aar naaimaju ayaa apiju khĩirju wai sĩerr aawai ajim.

Hebreos 12:23

Mam ʉ̃gtharta ĩchab mag iek iiur deetarr gaaimua maach denjo Cristo iek ʉkhawi ich chaainkha thʉnʉm khʉʉn thʉ̃rjã Ẽwandamau phãkha wai sim. Ich mamta sim ich Ẽwandamjã, maach thumaam khʉʉnau mʉig eegar aawai dichdeu aajerrpierr agjo maach dʉi nem ajapha aju Jooi. Ichdeuta ĩchab ag nawe jooin ich iek ʉkha durrum otarr khʉʉn akhaarjã ichjo ajaug paakhapʉiwi ich dʉi phe wai sim.

Hebreos 4:10

Chi mam Ẽwandam sim aarta ʉu barbaimam wounan, chadcha tag phithurgjã auba, ich jãg mʉg durr ompaawi ich Ẽwandamjã jua ʉ̃itarrjo, ich mag i jua ʉ̃i chitaju.

Apocalipsis 10:6

—Ẽwandam ichta ich mag meejã khaugba sĩerranaa mʉg edaujã ompaawi, mʉg jẽb, mʉg phũas maimua makhʉʉn ee nem thʉnʉm thum ompaatarr Jooi iekhau, mʉgbarm aigmua ya chadcha maachdeu jaau nʉmjo aimʉʉ pamgui ajim.

Apocalipsis 13:15

Maimua jũrr mag corderojo sĩerrag chi õoirjo sĩerrau ich juapá deewi mag khum jojothorjo sim khĩirkha wau sĩerr iiu aupijim. Mag nem inag den mepeer khĩirkha wau sĩerrta iiu auwi iek ober sĩsiewai thumaam khʉʉnau ichigta Ẽwandamagamjo jeeuba nʉm khʉʉnan khechpi jaaujim.

Apocalipsis 14:13

Maimua mua ũurwai ʉ̃gtharmuata woun iekjo mʉrʉg, “Cha mua pʉchig jawaagpam phãbá” a sĩejim. Mag irua phãpi sĩerr iek mʉg ajim: —Ĩsmua atagta chadcha ʉuhcha ajugui ajim, ar maach Por Jesús iek thãraucha ʉkha durrumua mee nʉm khʉʉn. Magbaawai Ẽwandam Akharaujã, —Jãan chadcha ich magau a sĩejim. Mʉg jẽb gaai aawai chadcha phithurg aaujerrjã par khaba aju aawai khĩir meeu nʉisijugui ajim, Ẽwandam athee amachdeu nem wajapha waaujerr jũrr.

Apocalipsis 17:6

Ya mag mʉchdeu oobaawai mua khaug athajim, sĩi Jesús iek ʉkha durrum khʉʉn pom khechbapäaiwai bag pom ãrbarm oowiata onegau sĩi don ʉʉijo oo sim.

Apocalipsis 7:14

Magbaa mua irig, —Señor, pʉchdeuta khap chirabahab, mua chan khaugba chirʉm a chirajim. Magbaa ichdeu mʉrʉg jaaubaadewi magjim: —Jãkhʉʉnan Ẽwandamau õor okhĩirjug pooma api nʉm jaar ʉu i iek ogdʉba ʉkha durrawia peerdʉtarr khʉʉnaugui ajim. Magua khabahab ajim, jãg am khajũa bäpphä jũa sĩsidʉm, chadcha ich chi Cordero bag ãrtarrauta amach khaibag thum chugpaatarr aawai.

Apocalipsis 7:9

Magtarr khur ũwaai deeu Ẽwandam juupjem porkhau pooma simʉg mua oowai, õor poooma sĩi bʉjãaupaita baurur wejom oojim chi Cordero na. Mag sĩsidʉmʉn thumaa khajũa chi bau appha jũanaa sothark piujoo khitheemta jua panhappha thʉnaajim. Maig thʉnaajim õor phoborpierram khʉʉn, meupierr meu khĩir pogkhe; wajapcharan durrpierram khʉʉnta maiguin ãba podpa thʉnaajim. Mag sĩi khapan maach dau dʉrrkhab warpham magwe phʉʉrdʉ wejom aawai pod ãbmuajã beer aubajim, kharra naajim khai chi khapanag.