Apocalipsis 6:1 - Wounaan Meu

¹ Mag ẽsap pa gaai pʉʉrthʉ sim jeeu auwi, mʉ dakhĩraa mag Corderodamau chi ẽsap nacha khaar sĩerr thʉrreupʉiwi eeureu oobaadejim. Magbarm ee mag sĩi ich paar sĩsidʉm eem ãbmua mʉrʉg, “Pidú, oobahur” a sĩejim.

Woun Meu

¹ Mag hẽsap pa gaai pʌʌrt'ʌ sim jëeu hauwi, mʌ dak'ĩraa mag Corderodamau chi hẽsap nacha k'aar sĩerr t'ʌrrëupʌ̈iwi heeureu hoobaadëjim. Magbarm hee mag sĩi hich paar sĩsidʌm heem hãbmua mʌrʌg, “Pidú, hoobahur” ha sĩejim.

Apocalipsis 6:1 Iomraidhean Croise

San Juan 1:29

Mag ichig jeeuchetarr khʉʉn dʉi iyʉʉ sĩerr noram Juanau oowai, mag irua amag jaau sĩerr Jesuuta i aig ur nʉrrajim. Mag ich aig urum oo athaawai ich aig narr khʉʉnag, —Pãade oobat ajim: Ẽwandamau pʉitarr ar ur khitʉm. Jãguata corderodamjo ʉdʉraa ich thõopibarmua õor thumaam khʉʉn pekau chugpaa aujugui ajim.

Hechos 4:20

Marau maach daúa oonaa maach jʉ̃gʉucha ũrtarr chan pod sĩi ich jãg jaauba sĩuju aai khaba nʉmgui ajierram aajem Pedroou Juan dʉimua.

Apocalipsis 11:19

Amau mag Ẽwandamag jeeuphobaadem ee mua oowai Ẽwandamag jeeujem diita weeudʉ joisijim, ʉ̃gthar. Mag weeudʉbaadem ee ierr mag warrgarwe ich chaain dʉi iek deetarr ãkhaajem baaudiita dawaa aadejim. Mag chi Ẽwandam di weeudʉbaadeewai, pagthʉmdau phʉr jẽjẽer khabaadem dʉi õor iekjo sereu joisimua, pagthʉm theega wʉwia ʉʉur theegjã duuibaadem dʉi noseg dau dap sĩi mokdaujo sĩsidʉmta che thʉnʉisijim.

Apocalipsis 13:8

Mag mepeer khumjo jojothor simʉgta mʉg atag paawai Ẽwandamagamjo jeeuju, ar thum Corderodam ʉdʉraa maach kõit ich thõopitarrau warr mʉg jẽb ompaabarwe ich ẽsap gaai am thʉ̃r phãkha auba arr khʉʉnau. Makhʉʉnta mag mepeer igar naaju aawai makhʉʉnauta maach chi Ẽwandam iek ʉkha nʉm khʉʉn dau aug wauju.

Apocalipsis 14:2

Maimuata edjã ee sĩi õor iekjo simta mamʉ salt pom jurur wejom iekjo mua ũrbaadejim. Mag simʉn ĩchab nem jẽbag pagthʉm pʉʉrbabaadem iekjonaa õor khapan arpa sir nʉm iekjo thʉnaajim.

Apocalipsis 19:6

Maimua mua ũr nʉʉ aawai, sĩi õor pom wejom iekjo thʉnʉmta mamʉ ĩchab salt pom jurur wejom dʉi pagthʉmpa turururkham iekjo thʉnaajim mua ũurwai. Mag sĩi sereu wejom khʉʉnau mag naajim: “¡Maach Por Ẽwandaman chadcha emkhooirau! Maach Por Ẽwandam thumaam khʉʉn khãai chi thierriuta ya nem thum gobernaa sĩsim.

Apocalipsis 4:8

Mag sĩsidʉmʉn amach jayapwe sĩi nem ich khapan agdaujo seis wai sĩsid ajim, amachpierr. Ierr jãgarm magwe dau phuphupnaa ʉ̃rjã sĩi dau khapan phuphup sĩsid ajim. Amach makhʉʉnau bʉ̃ʉrjã ijeeuba edaram magwe Ẽwandam tho iekhamamua, “Ẽwandam, pʉjo bʉ̃ʉrjã pekau chukhum khʉʉn chan ooba aajem” anaajim. “Pʉchta thumaam khʉʉn Por anaa thumaam khʉʉn khãaijã chi jua thierriu. Pʉchta warrgarwejã ich mag sĩerranaa mʉg atagjã ich mag sĩerraju” a tho iekhamajierram.

Apocalipsis 5:1

Mag jãrrcha khu juupjem sim gaai woun oo sĩerrau, ajapcharan ich Ẽwandamauma, ich juachaar gar pa gaai ẽsap pʉʉrthʉ sim wai simjã mua oojim. Mag ẽsap, jãgarjã phãnaa eugarm magwe phãnaa, thʉ̃rmajupierrpai khibjʉ̃rjo simua khaar sĩsid ajim. Magʉm siete naajim mag ẽsap pʉʉrthʉ sim gaai.

Apocalipsis 5:12

Mag thʉnʉm khʉʉnau thet meukhaar au nʉmua mag naajim: “Jãg Corderodam õor gaaimua ʉdʉraa ich thõopitarrauta jua theeg thʉnʉm thum auwia nem ajapham thʉnʉmjã thum auju aai sim. Ãba ichpaita thumaam khʉʉn khãaijã nem khĩirjug khaugnaa juapa theegjã ichdeupaita auju aai sim. Magnaa irig eenaa, i ooimʉgjã tho iekhanaa, irigpaita thumaam khʉʉnau jeeuju aai nʉm” a thumeukhar majierram.

Apocalipsis 5:8

Mag Corderodamau amach dakhĩir mag ẽsap pa gaai pʉʉrthʉ sim jeeu athaimam oobaawai mag sĩi khanjo ich paar sĩsidʉmua agjo aig jooin veinticuatro narr dʉimua sĩi i khĩirphee thʉkhokhood aphobaadejim. Makhʉʉn jooinau amachpierr arpa wai naajim, maimua jarrdam phĩr den phurii khitheemjã agjo amachpierr wai naajim. Mag jarr ee incienso ipir wai sĩsid ajim. Ma, Ẽwandam chaainkha nʉm khʉʉnau irig jeeu nʉm khʉʉn iek aajem, mag jarr ee ipir sĩsidʉm.

Apocalipsis 6:3

Maimua chi Corderodamau deeu chi ẽsap auwia mag khaar sĩerr napemjo thʉrreubapäaiwai, mag dau jayap ich paar sĩsidʉm eem ãb phak emkhoijo simua agjo, “Pidú, oobahur” ajim mʉrʉg.

Apocalipsis 6:5

Maimua sello thãrjupam thʉrreuju mʉrʉg oopijim. Majã arjo chi Corderodamau thʉrreubapäaiwai mag jayap narr ee ãb wounkha simta ich khapan seis wai sĩerrau warm khʉʉn denjo, “Oobahur” ajim mʉrʉg. Magbaawai sĩi cabaai phʉis simta dʉnʉʉubaichejim. Mag gaai woun beetarrau ich jua ee lib chach wai beejim.

Apocalipsis 6:7

Mag khur sello jayapam thʉrreubaadejim. Maimua Corderodamau mag sello jayapam thʉrreubapäaiwai jũrr mag jĩmiejãu pom sim ũrr jorromjo simuata, “Pidú, oobahur” ajim mʉrʉg.

Apocalipsis 8:1

Maimua chi Corderoou ya ãbmiecha sieteem sello thʉrreupʉinaa chi ẽsap eeurjãg athaawai, edjã ee ora jãrrjo sĩi khĩúu joisijim.