Apocalipsis 5:5 - Wounaan Meu

⁵ Mag mʉ ich dakhĩir bĩe chirʉʉ paawai mag jooin veinticuatro narr eem ãbmua mʉ aig beewi mʉrʉg, “Oob tag bĩem, ar sĩebahab” ajim, “David khararr ag chaain ewagam khʉʉn bi eem Chaai leonjo jua theeg sĩerrʉm. Jãguata ya ichdeu nem thum thʉnʉm podpʉitarr aawai ichdeuta jãg ẽsap khaar sĩsidʉmjã thʉrreupʉinaa eeurjãg ooju aai sĩebahab” ajim.

Woun Meu

⁵ Mag mʌ hich dak'ĩir bĩe chirʌʌ paawai mag jöoin veinticuatro narr heem hãbmua mʌ haig bëewi mʌrʌg, “Hoob tag bĩem, har sĩebahab” hajim, “David k'ararr hag chaain hewagam k'ʌʌn bi heem Chaai leonjö jua t'eeg sĩerrʌm. Jãguata ya hichdëu nem t'um t'ʌnʌm pödpʌ̈itarr haawai hichdëuta jãg hẽsap k'aar sĩsidʌmjã t'ʌrrëupʌ̈inaa heeurjãg hooju haai sĩebahab” hajim.

Apocalipsis 5:5 Iomraidhean Croise

San Lucas 23:28

Mamʉ Jesuu ewag phʉʉrba oonaa amag, —Jerusalenpie ʉʉin, oob mʉ athee bĩemiet ajim anʉm. Mag khãyau pãach mor dʉi pãach chaain khĩirjunaata bĩebat ajim anʉm.

San Lucas 7:13

Maimua aar barwia maach Por Jesuu khoopaa ũan ich chaai athee dau aphʉʉ kherʉm oobaawai irig, —Oob bĩem ajim anʉm.

San Lucas 8:52

Mag barwia ooimaawai, thumaam khʉʉn sereeu icharaucha bĩe nʉm dʉi ĩchab ʉapeperkhamta ooimajim anaabá. Mag oobaimaawai Jesuu amag, —Oob bĩemiethʉ̃. I meeba sĩita i khãi sĩebahab ajim anʉm.

San Juan 20:13

Mag amachig ober oo nʉʉ abaawaita mam ierrmua irig, —¿Pʉ khantheeta bĩe ʉma? ajierram aajem. Magbaawai irua, —Maar Por Jesús mʉg ee wai narr chukkhu thʉnaawaita bĩe ʉm. Khaugbam jamagta athaaderram khai a ʉajim aajem jũrr amag.

Romanos 1:3

Wajapcharan mag iekhan Ẽwandamau ich Chaai igwiata mag phãpijim, maach Por Jesucristo igwia. Maach mʉig eegarm khʉʉn dʉi ãba sĩeicheegpain, rey David khararr chaain ewagam khʉʉn eeta sĩi parhoobam khʉʉnjo thaabachejim.

Romanos 15:12

Mag maach Por igwia, Isaías khararraujã ĩchab, “Isaí chaain ewagam khʉʉn eemua ãb nemjĩirjo sũrkha oberbaademta judionaan khabam khʉʉn durrpierr nʉnʉidʉm khʉʉn Porkhaju” ajim. “Magbaawai amachdeujã ĩchab chadcha iruata amach wajapha wai sĩsiju khaphʉ aju” a jaaujim. (Is. 11:10)

Hebreos 7:14

Mag phadnaan khapiewaijã, mag Judá chaain ewagam khʉʉnag chan phadnaan khaju aai nʉmjã aba arr aawai, maadeu khaphʉ nʉm, ãba maach Por Jesucristo ich appaita Judanaan eem phadkha oberjim.

Apocalipsis 1:1

Mʉʉn Juanau, Jesucristo chog. Muata pãrag mʉchdeu ootarr jaaum ig chirʉm. Mʉg mua jawaagpam iekhan ich Ẽwandamaucha Jesucristoog jaautarrau. Mag ichig jaaubaawaita mʉ khãaipi auwi mʉrʉg jaaujim, jũrr mua ich iek ʉkha durrum khʉʉnag jaaumkhĩir. Mʉg iek thum ich jaaubarmjo chadcha jopcha aju khap amkhĩir, Jesucristoou ich chog ãb ʉ̃gthar ich dʉi sĩejemʉgta jaaujim, mag mʉ khãaipi atham ee jũrr magua mʉrʉg jaaumkhĩir.

Apocalipsis 22:16

Mag mʉchdeu jaau chirʉm chadcha aawaita, ich Jesuujã ich igwi, ichdeuchata ich chog pʉijimgui ajim, magʉm thumaa ar ich iek ʉkha durrum khʉʉnag jaaumkhĩir. Magnaa ichdeupai ich igwi, “Mʉchta sĩi khajap nemjĩirjo David khararr chaain ewagam khʉʉn eemua sũrkha phiidʉtarr anaa ĩchab edaupherr garm phĩdag wʉʉ obeerjemʉugui” ajim Jesuu, ich beeju igwia.

Apocalipsis 3:21

Ar nem phithurm awiajã ogdʉba ʉu amachdeuta i denjo nem thum podpʉi nʉm khʉʉnagan, irua ich jup chirʉm gaai dʉi ãba ich bigaau juppiju aajem, ich dʉi ãba iek theeg nʉisimkhĩir, ich jãg ichdeujã nem thum podtarr jũrr ĩchab ich Ayau ich dʉi ãba iek theeg apitarrjo.

Apocalipsis 4:10

Mag i tho iekhakhakhampierr mag jooin veinticuatro ohood wejom khʉʉnau i jup sim khĩirphee, “Pʉchta chadcha chi jua thierrau” anaa amach porsir phĩr den jũa narr jua ee auwia irig ʉanaa phõbkhakha aajeejim, mag ichta thõjã thõba warrgarwe ich mag iiu sĩerrʉmʉg jeeuwai.

Apocalipsis 4:4

Mag porkhau pom sim bigaau deeum ich agjo porkhau chaaindam daii khitheem khapan veinticuatro ohood phʉʉrdʉ wejomjã mua oojim. Maig ĩchab jooin khajũa wajappha bäpphä jũanaa porsirjã phĩr den jũa sĩsid ajim. Makhʉʉn jooin chi khapanagjã veinticuatro narr aawai makhʉʉn porkhau mag veinticuatro narr gaai ich agpierr ohood wejoojim.

Apocalipsis 5:4

Mamʉ mag ẽsap eeurjãgnaa ag gaai thʉ̃rju ayaam woun ni ãbjã chukhu ni sĩi agʉg eerpajupaijã chukhu abarm mʉchdeu oobaawai, jãga ag gaai phã sim khap abarju awi, mua pod ãwatba warag mʉ bĩebaadejim.

Apocalipsis 6:1

Mag ẽsap pa gaai pʉʉrthʉ sim jeeu auwi, mʉ dakhĩraa mag Corderodamau chi ẽsap nacha khaar sĩerr thʉrreupʉiwi eeureu oobaadejim. Magbarm ee mag sĩi ich paar sĩsidʉm eem ãbmua mʉrʉg, “Pidú, oobahur” a sĩejim.

Apocalipsis 7:13

Magbaawai mag jooin veinticuatro narr eem ãbmua mʉ aig beewi mʉrʉg, —Ar õor sĩi khajũa bäpphä jũa sĩsidʉm, ¿pua khaphʉ chirʉ́ aichejim, chijã khʉʉn agá maimua jãkhʉʉn jammua beejierrá?