Apocalipsis 5:2 - Wounaan Meu

² Mua mag oo atham dʉi ĩchab ich Ẽwandam chog ãb nem jua theeg simua iek khẽgkha, “¿Chijãguata magan mʉig mʉg ẽsap khaar sĩsidʉm thʉrreupʉinaa mʉg ẽsap eeureu auju aai sĩ?” a sĩejim.

Woun Meu

² Mua mag hoo hat'am dʌ̈i hĩchab hich Hẽwandam chog hãb nem jua t'eeg simua hiek k'ẽgk'a, “¿Chijãguata magan mʌig mʌg hẽsap k'aar sĩsidʌm t'ʌrrëupʌ̈inaa mʌg hẽsap heeureu hauju haai sĩ?” ha sĩejim.

Apocalipsis 5:2 Iomraidhean Croise

Apocalipsis 10:1

Magtarr khur mua oo nʉʉ aawai, Ẽwandam chog dewam nem jua theeg simta ʉ̃gtharmua sĩi jʉʉnthumie bau thʉnʉm eemua beewi, mʉ dakhĩir bʉchaar garm bʉ phũas ee dʉnʉʉunaa bʉwe garm bʉ durr jẽb gaai dʉnʉʉuchejim. Mag simua pirm ich por ʉ̃r wai sĩejim. I khĩir, sĩi edau khĩirjo bʉ̃ʉʉ maach dau khakhaisamjo sĩewai i bʉ sĩi õtdau ʉ̃gthaag uu jẽjẽerkhamjota sĩejim. Ẽsapdam pa gaai pʉʉrthʉ khitʉmjã jua ee wai sĩejim.

Apocalipsis 18:21

Magbaawai ãb Ẽwandam chog ĩchab nem jua theega simua, mok por pooma sim phũas ee barpʉinaa magjim: “Babilonia, phobor pomaam, pʉʉn cha mua mok barbapʉimjota buudimamgui” ajim.

Apocalipsis 5:1

Mag jãrrcha khu juupjem sim gaai woun oo sĩerrau, ajapcharan ich Ẽwandamauma, ich juachaar gar pa gaai ẽsap pʉʉrthʉ sim wai simjã mua oojim. Mag ẽsap, jãgarjã phãnaa eugarm magwe phãnaa, thʉ̃rmajupierrpai khibjʉ̃rjo simua khaar sĩsid ajim. Magʉm siete naajim mag ẽsap pʉʉrthʉ sim gaai.

Apocalipsis 5:5

Mag mʉ ich dakhĩir bĩe chirʉʉ paawai mag jooin veinticuatro narr eem ãbmua mʉ aig beewi mʉrʉg, “Oob tag bĩem, ar sĩebahab” ajim, “David khararr ag chaain ewagam khʉʉn bi eem Chaai leonjo jua theeg sĩerrʉm. Jãguata ya ichdeu nem thum thʉnʉm podpʉitarr aawai ichdeuta jãg ẽsap khaar sĩsidʉmjã thʉrreupʉinaa eeurjãg ooju aai sĩebahab” ajim.