Apocalipsis 5:14 - Wounaan Meu

¹⁴ Magbaawai mag khanjo ich paar sĩsidʉm khʉʉnau ĩchab amach paarmua o ãba, “Jãan chadcha ich magau” aajeejim. Makhʉʉnau magbarm dʉi ĩchab mag jooin veinticuatro narr khʉʉnaujã deeu jĩepor phõbkhanaa am wajaug tho iekhajierram amag jeeumamua.

Woun Meu

¹⁴ Magbaawai mag k'anjö hich paar sĩsidʌm k'ʌʌnau hĩchab hamach paarmua hö hãba, “Jãan chadcha hich magau” haajeejim. Mak'ʌʌnau magbarm dʌ̈i hĩchab mag jöoin veinticuatro narr k'ʌʌnaujã deeu jĩepör p'õbk'anaa ham wajaug t'ö hiek'ajierram hamag jëeumamua.

Apocalipsis 5:14 Iomraidhean Croise

1 Corintios 14:16

Mag am meúa khaba sĩi deeum meúata Ẽwandam tho iekhamamua jeeukhiinjã, jãga pua iekha simjã khaugba aawai aig durrum khʉʉndamau pʉ ipierr dʉi ich magau abarju. Amau pod magbaju, pʉ iekhamamjã khaugba aawai.

Apocalipsis 19:4

Magbaawai mag jooin veinticuatro narr khʉʉnau agjo jayap sĩi khanjo sĩsidʉmta ich paar sĩsid arr khʉʉn dʉimua Ẽwandam ich khu juupjem gaai oo sim khĩirphee kanieu thʉkhookhanaa, khĩeb jẽb gaai dagau dʉrkhanaa irig jeeumamua, “¡Jãan ich magau! ¡Chadcha iita maach thumaam khʉʉnau tho iekhaju aai nʉmgui!” ajierram.

Apocalipsis 4:4

Mag porkhau pom sim bigaau deeum ich agjo porkhau chaaindam daii khitheem khapan veinticuatro ohood phʉʉrdʉ wejomjã mua oojim. Maig ĩchab jooin khajũa wajappha bäpphä jũanaa porsirjã phĩr den jũa sĩsid ajim. Makhʉʉn jooin chi khapanagjã veinticuatro narr aawai makhʉʉn porkhau mag veinticuatro narr gaai ich agpierr ohood wejoojim.

Apocalipsis 4:6

Ich ag porkhau na ĩchab phũasjo simta sĩi dau bʉ̃ʉʉ simjã sĩejim. Mag porkhau pom sim bigaau jãrrcha sĩi khanjo sĩsidʉmta khĩir gar maimua eugarm magwe dau khapan phuphup sĩsidʉm jayap naajim. Mag sĩsidʉmʉn iiu sĩsid ajim.

Apocalipsis 5:11

Maimua mua oowai, mag porkhau bigaau mag khanjo ich paar sĩsidʉm dʉi jooin ohood wejom eugar, Ẽwandam chognaan pooma sĩi sereu phʉʉrdʉ wejoojim. Mag thʉnʉmʉn chi khapanag millones y millones thʉnarr aawai, khapaana sĩi maach dau warpta pos pʉʉrthʉ, pod maadeu chi beerjujã khaugba thʉnaajim.

Apocalipsis 5:6

Mʉchig magbaa mua oo nʉʉ aawai, chadcha mag sĩi khanjo dau jayap ich paar sĩsidʉm bigaau jooin ohood wejom jãrr, ar corderodamjo ʉdʉraa ich thõopiwia deeu iiutarrta oothẽu kherajim; ajapcharan ich Jesuma. Amau i thõo naawai pa gaai meerphetarr agtha merag chukhu sĩejim. Mag khitʉmʉn sĩi kach khapan sietenaa dau khapanjã agjo siete phuphup sĩejim. Makhʉʉn dau khapanag siete nʉmua chi Corderoou Ẽwandam Akhaar gaaimua nem thum khaphʉnaa durrpierr oo phe wai sĩejemta jaau sim.

Apocalipsis 5:8

Mag Corderodamau amach dakhĩir mag ẽsap pa gaai pʉʉrthʉ sim jeeu athaimam oobaawai mag sĩi khanjo ich paar sĩsidʉmua agjo aig jooin veinticuatro narr dʉimua sĩi i khĩirphee thʉkhokhood aphobaadejim. Makhʉʉn jooinau amachpierr arpa wai naajim, maimua jarrdam phĩr den phurii khitheemjã agjo amachpierr wai naajim. Mag jarr ee incienso ipir wai sĩsid ajim. Ma, Ẽwandam chaainkha nʉm khʉʉnau irig jeeu nʉm khʉʉn iek aajem, mag jarr ee ipir sĩsidʉm.

Apocalipsis 7:12

“Mʉg atag pawijã ãba maach Ẽwandamta ʉucha chitaju. Iita ãba ooimʉg phenaa tho iekhaju aai nʉm. Ichta ãba khĩirjug khaug sĩerrʉm. Irigpaita ĩchab thumaam khʉʉnaujã eenaa ʉu ajim aju aai nʉm. Ichdeupaita chadcha jua theeg thum auju aai sim. Jãan chadcha ich magta aju aai sim” anaajim amachdeupai.