Apocalipsis 5:13 - Wounaan Meu

¹³ Ẽwandam chognaanau mag meukhaar au dichdimaawai, ĩchab thumaa ich Ẽwandamau nem wautarr edjã ee thʉnʉm khʉʉnau, mʉg jẽb gayam khʉʉnau, khechwia ya jẽb ee nʉm khʉʉnau, maimua nem thum phũas ee thʉnʉm khʉʉnaupa ĩchab o ãba meukharau ʉ̃ʉrbabapʉimjã mua ũrjim. Mag amau ʉ̃ʉrbapʉitarr meukhaar mʉg ajim: “Ar porkhau gaai Jooi jup simʉg maimua Corderodamagjã agjo ãba pãragpaita mʉg atag paawaijã ich mag thumaam khʉʉnau jeeunaa ee aju aai nʉm” ajierram. “Pãar wajaugpaita thumaam khʉʉnau tho iekhaju aai nʉm. Magnaa, ‘Pãachta mʉg atag pawiajã thumaam khʉʉn khãaijã ich mag jua theeg nʉm’ aju aai nʉm” ahaug majierram meukharaupai.

Woun Meu

¹³ Hẽwandam chognaanau mag meuk'aar hau dichdimaawai, hĩchab t'umaa hich Hẽwandamau nem wautarr hedjã hee t'ʌnʌm k'ʌʌnau, mʌg jẽb gayam k'ʌʌnau, k'ëchwia ya jẽb hee nʌm k'ʌʌnau, maimua nem t'um p'ũas hee t'ʌnʌm k'ʌʌnaupa hĩchab hö hãba meuk'arau hʌ̃ʌrbabapʌ̈imjã mua hũrjim. Mag hamau hʌ̃ʌrbapʌ̈itarr meuk'aar mʌg hajim: “Har pörk'au gaai Jöoi jup simʌg maimua Corderodamagjã hagjö hãba pãragpaita mʌg hatag paawaijã hich mag t'umaam k'ʌʌnau jëeunaa hee haju haai nʌm” hajierram. “Pãar wajaugpaita t'umaam k'ʌʌnau t'ö hiek'aju haai nʌm. Magnaa, ‘Pãachta mʌg hatag pawiajã t'umaam k'ʌʌn k'ãaijã hich mag jua t'eeg nʌm’ haju haai nʌm” hahaug majierram meuk'araupai.

Apocalipsis 5:13 Iomraidhean Croise

San Mateo 6:13

Oob pua ʉdʉraa chan maar pekau ee burrpi chiram. Mag khãai warag maar thʉa wai chirsí, phithurg chukhu dosãtau maar ichig paa aum ugua. [Ẽwandam, pʉchdeuta nem thʉnʉmʉn thum khap chirʉm. Pʉchta chi jua thierriu, maagwai pʉchpaita thumaam khʉʉnau tho iekhaju aai nʉm, mʉg atag pawiajã ich mag.]” ’Magta jeeubat ajim anaabá ich Jesuu.

San Lucas 2:14

“Ẽwandam, ʉu abarm ʉ̃gtharm magwe. Ʉu pua pʉch Iewaa pʉibarmgui” anaajim anʉm. “Mʉg pʉchdeu i pʉibarm gaaimua mʉg durr jooi gaaijã pʉchdeu jʉr aumam khʉʉnan pʉ dʉi khõinaa wenʉrraju” anaajim anaabá, Ẽwandamag jeeumamua.

San Juan 1:29

Mag ichig jeeuchetarr khʉʉn dʉi iyʉʉ sĩerr noram Juanau oowai, mag irua amag jaau sĩerr Jesuuta i aig ur nʉrrajim. Mag ich aig urum oo athaawai ich aig narr khʉʉnag, —Pãade oobat ajim: Ẽwandamau pʉitarr ar ur khitʉm. Jãguata corderodamjo ʉdʉraa ich thõopibarmua õor thumaam khʉʉn pekau chugpaa aujugui ajim.

Romanos 11:36

Nem thʉnʉmʉn thum ich deneu, ichdeuta thum ompaatarr aawai. Ĩchab nem thʉnʉmʉn i gaaimuata thʉnʉm, ichdeuta thum wai dʉnaawai. Thumaam khʉʉnag ich tho iekhamkhĩirta magʉm nem thum ompaatarr aawai ichta mʉg atag pawiajã ich mag thumaam khʉʉn khãai ʉ̃rpai sĩerrʉm iekhau.

Romanos 16:27

Ẽwandam ich appai sĩerrʉmta maadeu tho iekhaju aai nʉm, ichdeuta maach Por Jesucristo gaaimua maach peerdʉ autarr aawai. Ĩsin chad tag jaauju chukhu chirʉm, magdampai ajim. Ayoo keena, Pablo

Romanos 9:5

Maach jooin Abrán, Isá maimua Jacob ajierram, warrchajã Ẽwandamau jʉr autarr, am gaaimua ewag pawi maach meeun ompaa awaag. Ẽwandam Iewaa maach peerdʉ awaag wounag paawaijã mag jooi Jacob chaain ewagam khʉʉn eeta thaabachejim. Ich mag parhoobam chaaindamjo thaabachetarr wounpaita Ẽwandam aawai nem thum thʉnʉmjã ichdeuta khap sim. Magua, iita thumaam khʉʉnau ich mag mʉg atagjã tho iekhaju aai nʉm.

Efesios 3:21

Magua maach chi ʉkha nʉm khʉʉn thumaam khʉʉnau Jesucristo gaaimua ãba iita mʉg atag pawiajã ich mag tho iekha wenʉrraju aai nʉm.

Filipenses 2:10

Maagwai thumaam khʉʉnau Jesús khĩirpheeta jĩeporou phõbkhakha aju: otarr khʉʉnaupa ʉ̃gtharm magwe mʉg jẽb gaaim khʉʉnaujã agjo.

Colosenses 1:23

Pari mag bʉ̃ʉrjã kulp chukhu ich aar pãach phe aupiegan, ich mag pãachdeu ʉkhatarr iek gaaita ubʉnaa ĩchab pãachdeu maach peerdʉajem iek ʉkhatarr edwe ich dʉi ich mag nʉisijujã khaphʉ nʉisierr khĩirjugta khĩir okhooba wai wenʉrraju aai nʉm. Ich mʉg maach peerdʉajem pãrau ũrtarr iekpaita ĩchab durrpierr jaau nʉm; mʉchdeujã ich ag iekta jaau khitaajem.

1 Timoteo 4:16

Pʉchdeu jaaumaajem iekpai ajapha khĩirjunaa khĩir khaphʉ chitʉm dʉi warag ich ag iek gaaipai ʉkha chitʉmua ubʉ chitá. Pua chadcha cha mua jaau chirʉmjota amʉn, magan pʉch peerdʉ chirsim dʉi ĩchab bigaaum khʉʉn ar pʉch iek ũr durrum khʉʉnjã ʉu pua am peerdʉpi auju.

1 Pedro 4:11

Ãb khãijã Ẽwandamau ich i jaaujemkhapi sim khai, ich Ẽwandam jua theeg dichig deetarrauta magʉm phidagjã waubá. Nem thum Ẽwandam athee waauwaijã, maach Jesucristo denkha nʉmua mag wau nʉm oowia bigaaum khʉʉnagpa Ẽwandam tho iekhamkhĩirta nem wauju aai nʉm. Pãar Jesucristo denkha naawaita magmʉn ʉucha sim. Ich Jesucristota mʉg atag pawiajã ich mag jua theeg sĩerraju aawai irigta maach thumaam khʉʉnau ee aju aai nʉm.

1 Pedro 5:11

Magua irigta ee aju aai nʉm, ichdeuta mʉg atag pawiajã nem thʉnʉmʉn thum ich mag khap sĩerraju aawai.

Judas 1:25

Mag Ẽwandamta warrgarwejã thumaam khʉʉn khãai chi wajapcharam anaa chi ʉ̃rʉʉcharamʉu; ichpaita mʉg atagjã chi jua thierr anaa ich mag iek theegjã sĩerraju. Mʉgdam ajim pãrag jaaum ig chirarr. Ayoo keena, Judas

Apocalipsis 1:6

ich Aai anaa ich Ẽwandam athee maachta phadnaankha aujim, ich dʉi agdaujo iek thethe wenʉrramkhĩir. Irigta ãba thumaam khʉʉnau, “Ich appaita ãba Ẽwandam chaarkha sĩerrʉm” a iekhanaa, “Ichdeupaita warrgarwejã nem thum khaphʉnaa mʉg atagjã khaphʉ sĩerraju; maata maach Ẽwandamau” a tho iekhaju aai nʉm.

Apocalipsis 13:8

Mag mepeer khumjo jojothor simʉgta mʉg atag paawai Ẽwandamagamjo jeeuju, ar thum Corderodam ʉdʉraa maach kõit ich thõopitarrau warr mʉg jẽb ompaabarwe ich ẽsap gaai am thʉ̃r phãkha auba arr khʉʉnau. Makhʉʉnta mag mepeer igar naaju aawai makhʉʉnauta maach chi Ẽwandam iek ʉkha nʉm khʉʉn dau aug wauju.

Apocalipsis 5:1

Mag jãrrcha khu juupjem sim gaai woun oo sĩerrau, ajapcharan ich Ẽwandamauma, ich juachaar gar pa gaai ẽsap pʉʉrthʉ sim wai simjã mua oojim. Mag ẽsap, jãgarjã phãnaa eugarm magwe phãnaa, thʉ̃rmajupierrpai khibjʉ̃rjo simua khaar sĩsid ajim. Magʉm siete naajim mag ẽsap pʉʉrthʉ sim gaai.

Apocalipsis 5:12

Mag thʉnʉm khʉʉnau thet meukhaar au nʉmua mag naajim: “Jãg Corderodam õor gaaimua ʉdʉraa ich thõopitarrauta jua theeg thʉnʉm thum auwia nem ajapham thʉnʉmjã thum auju aai sim. Ãba ichpaita thumaam khʉʉn khãaijã nem khĩirjug khaugnaa juapa theegjã ichdeupaita auju aai sim. Magnaa irig eenaa, i ooimʉgjã tho iekhanaa, irigpaita thumaam khʉʉnau jeeuju aai nʉm” a thumeukhar majierram.

Apocalipsis 5:3

Mamʉ mam ʉ̃gthar, ni mʉg jẽb gaai, ni mʉg jẽb eegarjã õor ãbjã chukhu ajim, mag ẽsap pʉʉrthʉ sim eeureunaa ag gaai thʉ̃raag. Ni sĩi agʉg eerpaju khʉʉnpaijã chukhu ajim.

Apocalipsis 5:6

Mʉchig magbaa mua oo nʉʉ aawai, chadcha mag sĩi khanjo dau jayap ich paar sĩsidʉm bigaau jooin ohood wejom jãrr, ar corderodamjo ʉdʉraa ich thõopiwia deeu iiutarrta oothẽu kherajim; ajapcharan ich Jesuma. Amau i thõo naawai pa gaai meerphetarr agtha merag chukhu sĩejim. Mag khitʉmʉn sĩi kach khapan sietenaa dau khapanjã agjo siete phuphup sĩejim. Makhʉʉn dau khapanag siete nʉmua chi Corderoou Ẽwandam Akhaar gaaimua nem thum khaphʉnaa durrpierr oo phe wai sĩejemta jaau sim.

Apocalipsis 5:9

Makhʉʉn jooin mag thʉkhokhood thʉnʉmua chi Cordero thumeukharmamua meukhaar iiurta au naajim. Amau meukhaar au narr mʉg ajim: “Pʉchdeupaita ãba jãg ẽsap jua ee auwi chi khaar sĩsidʉmjã thʉrreu werbaju aai sim, pʉchta thumaam khʉʉn kõit ʉdʉraa pʉch thõopitarr aawai. Pʉch thõo nʉm aig bag ãrtarrauta pua õor durrpierram khʉʉn amach meupierr Ẽwandam athee perkha aujim.

Apocalipsis 6:16

Mag daumer nʉmua durrsĩigta wounaanagamjo chaigpanaa, “Jãg porkhau gaai oo simʉg maar oom ugua, maar ʉ̃r dʉrbagkhawi pãach eegar maar meer athat” anaajim.