Apocalipsis 5:1 - Wounaan Meu

¹ Mag jãrrcha khu juupjem sim gaai woun oo sĩerrau, ajapcharan ich Ẽwandamauma, ich juachaar gar pa gaai ẽsap pʉʉrthʉ sim wai simjã mua oojim. Mag ẽsap, jãgarjã phãnaa eugarm magwe phãnaa, thʉ̃rmajupierrpai khibjʉ̃rjo simua khaar sĩsid ajim. Magʉm siete naajim mag ẽsap pʉʉrthʉ sim gaai.

Woun Meu

¹ Mag jãrrcha k'u juupjem sim gaai woun hoo sĩerrau, hajapcharan hich Hẽwandamauma, hich juachaar gar pa gaai hẽsap pʌʌrt'ʌ sim wai simjã mua hoojim. Mag hẽsap, jãgarjã p'ãnaa hëugarm magwe p'ãnaa, t'ʌ̃rmajupierrpai k'ibjʌ̈rjö simua k'aar sĩsid hajim. Magʌm siete naajim mag hẽsap pʌʌrt'ʌ sim gaai.

Apocalipsis 5:1 Iomraidhean Croise

Apocalipsis 4:3

Mag porkhau gaai jup sĩerr woun sĩi mokdaudam jaspe aajemjo bʉ̃ʉnaa cornalinajo phuphuphumjo sĩejim. Mag porkhau pom sim bigaau ĩchab pirm phãauraanaa dau bʉ̃ʉʉ esmeraldajo simta jʉ̃a wejoojim.

Apocalipsis 4:9

Mag sĩi ich khapan sĩsidʉmua maach Ẽwandam ichta ich mag thõojã khaugba mag ich porkhau gaai oo simʉg jeeu nʉmua, ʉu ajim anaa i tho iekha naajim.

Apocalipsis 5:13

Ẽwandam chognaanau mag meukhaar au dichdimaawai, ĩchab thumaa ich Ẽwandamau nem wautarr edjã ee thʉnʉm khʉʉnau, mʉg jẽb gayam khʉʉnau, khechwia ya jẽb ee nʉm khʉʉnau, maimua nem thum phũas ee thʉnʉm khʉʉnaupa ĩchab o ãba meukharau ʉ̃ʉrbabapʉimjã mua ũrjim. Mag amau ʉ̃ʉrbapʉitarr meukhaar mʉg ajim: “Ar porkhau gaai Jooi jup simʉg maimua Corderodamagjã agjo ãba pãragpaita mʉg atag paawaijã ich mag thumaam khʉʉnau jeeunaa ee aju aai nʉm” ajierram. “Pãar wajaugpaita thumaam khʉʉnau tho iekhaju aai nʉm. Magnaa, ‘Pãachta mʉg atag pawiajã thumaam khʉʉn khãaijã ich mag jua theeg nʉm’ aju aai nʉm” ahaug majierram meukharaupai.

Apocalipsis 5:7

Mag chadcha mag corderodamjo khitʉmua mawi, mag porkhau gaai jup simua juachaar gar ẽsap pʉʉrthʉ sim wai sĩerr jũrr i jua eem jeeu auwimajim.

Apocalipsis 6:1

Mag ẽsap pa gaai pʉʉrthʉ sim jeeu auwi, mʉ dakhĩraa mag Corderodamau chi ẽsap nacha khaar sĩerr thʉrreupʉiwi eeureu oobaadejim. Magbarm ee mag sĩi ich paar sĩsidʉm eem ãbmua mʉrʉg, “Pidú, oobahur” a sĩejim.

Apocalipsis 6:16

Mag daumer nʉmua durrsĩigta wounaanagamjo chaigpanaa, “Jãg porkhau gaai oo simʉg maar oom ugua, maar ʉ̃r dʉrbagkhawi pãach eegar maar meer athat” anaajim.

Apocalipsis 8:1

Maimua chi Corderoou ya ãbmiecha sieteem sello thʉrreupʉinaa chi ẽsap eeurjãg athaawai, edjã ee ora jãrrjo sĩi khĩúu joisijim.