Apocalipsis 4:4 - Wounaan Meu

⁴ Mag porkhau pom sim bigaau deeum ich agjo porkhau chaaindam daii khitheem khapan veinticuatro ohood phʉʉrdʉ wejomjã mua oojim. Maig ĩchab jooin khajũa wajappha bäpphä jũanaa porsirjã phĩr den jũa sĩsid ajim. Makhʉʉn jooin chi khapanagjã veinticuatro narr aawai makhʉʉn porkhau mag veinticuatro narr gaai ich agpierr ohood wejoojim.

Woun Meu

⁴ Mag pörk'au pöm sim bigaau deeum hich hagjö pörk'au chaaindam daii k'it'ëem k'apan veinticuatro hohood p'ʌʌrdʌ wëjömjã mua hoojim. Maig hĩchab jöoin k'ajũa wajapp'a bäpp'ä jũanaa pörsirjã p'ĩr dën jũa sĩsid hajim. Mak'ʌʌn jöoin chi k'apanagjã veinticuatro narr haawai mak'ʌʌn pörk'au mag veinticuatro narr gaai hich hagpierr hohood wëjoojim.

Apocalipsis 4:4 Iomraidhean Croise

San Mateo 19:28

Magbaawai Jesuu magjim: —Cha mʉ iekha chirʉm iekhau mʉg durr jooi edaujã dʉi thum chi iiurig pawia mʉch chi Emkhooi Iewaa õor Porkhaag khu juupjem wajappha khitʉm gaai oo chirsim ed, pãar mʉg mʉ ogdʉba mʉ dʉi wenʉrraajem khʉʉnta mʉ jup chirʉm bigaau porkhau doce nʉm gaai ohood ajugui ajim. Pãachdeuta mʉ dʉi pãach ipaarmua jooi Jacob khararr chaain doce narr khʉʉn ag chaain ewagam khʉʉnagjã khap jajaau aju, jãgaju Ẽwandamau am dʉi.

San Lucas 22:30

Mag mʉchta thumaam khʉʉn Porkha chirsim edta deeu maach ãba onee aju. Maimua rey juupjemjom sie gaai jupkhawia pãachta mʉ dʉi jooi Jacob khararr chaain doce narr khʉʉn ag chaain ewagam khʉʉn porkhajugui ajim anʉm.

2 Timoteo 4:8

Mʉch mʉg phidkhabarm jũrran, jãg khaphig nʉm aig chi ganbarm khʉʉg porsir deejemjo, mʉrʉgjã ʉ̃gthar pabaimaawai maach Por Jesucristooucha, “Pʉ ʉu mʉ na ajapha chitajim” awi nem deeb khaba deeju, ichdeuta thumaam khʉʉn dʉi agcha ich jua khap nem waaujeewai. Mamʉ mag irua nem deeju chan mʉrʉgpai khaba, ar thum chadcha i deeu beepim khõsi nʉ durrum khʉʉnagjã irua deeju.

Apocalipsis 11:16

Magbaawai ĩchab Ẽwandam khĩirphee mag jooin veinticuatro amach porkhaupierr ohood wejorr khʉʉnaujã eeg phõbkha jẽkhʉt dagau dʉrkhanaa irig jeeumamua mag naajim:

Apocalipsis 14:3

Mag thʉnʉmʉn mag Ẽwandam juupjem porkhau sim bigaau ĩchab jooinpa ohood wejom dʉi mag dau jayap nemchaainjo ich paar sĩsidʉm bigaau phʉʉrdʉ meukhaar iiur au nʉm khʉʉn iekta mag thʉnaajim. Mag amau meukhaar au narr chan ãbmuajã pod khaugbajim, am denjo awaag. Ãba mʉg jẽb gaai jooba durrarr khʉʉn eem mag ciento cuarenta y cuatro mil peerdʉtkhatarr khʉʉnaupaita am denjo aau khaugjierram.

Apocalipsis 19:14

Ich mag ẽudee Ẽwandam chognaan khapaana pʉʉrthʉ wenʉrrajim. Mamʉ makhʉʉnjã mag sĩsidʉmʉn, sĩi thum khajũa chi wajapham lino den bäphä memerkhogjã chukhu sĩsidʉmta jũanaa, cabaai bäpphä sĩsidʉm gaaita wenʉrrajim.

Apocalipsis 19:4

Magbaawai mag jooin veinticuatro narr khʉʉnau agjo jayap sĩi khanjo sĩsidʉmta ich paar sĩsid arr khʉʉn dʉimua Ẽwandam ich khu juupjem gaai oo sim khĩirphee kanieu thʉkhookhanaa, khĩeb jẽb gaai dagau dʉrkhanaa irig jeeumamua, “¡Jãan ich magau! ¡Chadcha iita maach thumaam khʉʉnau tho iekhaju aai nʉmgui!” ajierram.

Apocalipsis 2:10

I iek pʉch dau aphʉʉ ajujã oob ogkham aajem. Chadcha pãar Ẽwandam dʉi ubʉ nʉm khap aag awi pãar eem ãaur khʉʉn dosãtau cárcel degjã dubpʉimaju anaabá. Maagwai tagam khʉʉn ẽudeejã ẽkhawi dʉrrcha phithurg aupiju aajem. Pari magʉmjã igba ich dʉita ich mag ubʉ naapi sim. Mag wenʉrrʉmʉn, ʉ̃gthar pawiajã ich mag pãar i dʉi nʉisiju aajem.

Apocalipsis 20:4

Maimua khu juupjem khapan thʉnʉmjã mua oojim. Ag gaai ohood aphobaadejim, amach garmua warm khʉʉn khaibag waumkhĩir wa am kõit khãijã iekhamkhĩir ich Jooirau iek theeg apitarr khʉʉn. Ĩchab maig naajim, Jesucristoou Ẽwandam iek jaautarr ʉkhawia jũrr amach paarmua jaau durrum gaaimua chikhamnau o thʉrrphe khechtarr khʉʉn akhaar. Makhʉʉnta ĩchab mag phũas eemua khum chi jojothorjo sim oberchetarragjã jeeuba ni amach dag gaai wa jua gaai khãijã i thʉ̃r phãpiba arr khʉʉnau. Makhʉʉnta deeu iiu nʉisiwi Cristo dʉi ãba mil años chi pornaankha nʉisijim.

Apocalipsis 3:18

Pʉde irua jaaupʉitarr iek ũrbarí, pʉrʉg jaaukhim: Pʉ chadcha phatkhon pom paraa am khõs chirʉm khai, phĩr õt ee bʉ̃ʉunaa ya chi wajaug appai deeu jãppi simta ich jua gaai per aupi sim. Mag khai chadcha pʉ phatkhon paraa chitaju aajem. Jãg mor kharraa nʉrram ugua, i jua gaaita khajũa bäpphä bʉ̃ʉrjã memerkhog chukhum per auwi jũabá a sim. Maimua daujã wajapha nem oog atheejã ichdeu benhe wajapham wai simta per athá a sim.

Apocalipsis 4:10

Mag i tho iekhakhakhampierr mag jooin veinticuatro ohood wejom khʉʉnau i jup sim khĩirphee, “Pʉchta chadcha chi jua thierrau” anaa amach porsir phĩr den jũa narr jua ee auwia irig ʉanaa phõbkhakha aajeejim, mag ichta thõjã thõba warrgarwe ich mag iiu sĩerrʉmʉg jeeuwai.

Apocalipsis 4:6

Ich ag porkhau na ĩchab phũasjo simta sĩi dau bʉ̃ʉʉ simjã sĩejim. Mag porkhau pom sim bigaau jãrrcha sĩi khanjo sĩsidʉmta khĩir gar maimua eugarm magwe dau khapan phuphup sĩsidʉm jayap naajim. Mag sĩsidʉmʉn iiu sĩsid ajim.

Apocalipsis 5:11

Maimua mua oowai, mag porkhau bigaau mag khanjo ich paar sĩsidʉm dʉi jooin ohood wejom eugar, Ẽwandam chognaan pooma sĩi sereu phʉʉrdʉ wejoojim. Mag thʉnʉmʉn chi khapanag millones y millones thʉnarr aawai, khapaana sĩi maach dau warpta pos pʉʉrthʉ, pod maadeu chi beerjujã khaugba thʉnaajim.

Apocalipsis 5:14

Magbaawai mag khanjo ich paar sĩsidʉm khʉʉnau ĩchab amach paarmua o ãba, “Jãan chadcha ich magau” aajeejim. Makhʉʉnau magbarm dʉi ĩchab mag jooin veinticuatro narr khʉʉnaujã deeu jĩepor phõbkhanaa am wajaug tho iekhajierram amag jeeumamua.

Apocalipsis 5:6

Mʉchig magbaa mua oo nʉʉ aawai, chadcha mag sĩi khanjo dau jayap ich paar sĩsidʉm bigaau jooin ohood wejom jãrr, ar corderodamjo ʉdʉraa ich thõopiwia deeu iiutarrta oothẽu kherajim; ajapcharan ich Jesuma. Amau i thõo naawai pa gaai meerphetarr agtha merag chukhu sĩejim. Mag khitʉmʉn sĩi kach khapan sietenaa dau khapanjã agjo siete phuphup sĩejim. Makhʉʉn dau khapanag siete nʉmua chi Corderoou Ẽwandam Akhaar gaaimua nem thum khaphʉnaa durrpierr oo phe wai sĩejemta jaau sim.

Apocalipsis 5:8

Mag Corderodamau amach dakhĩir mag ẽsap pa gaai pʉʉrthʉ sim jeeu athaimam oobaawai mag sĩi khanjo ich paar sĩsidʉmua agjo aig jooin veinticuatro narr dʉimua sĩi i khĩirphee thʉkhokhood aphobaadejim. Makhʉʉn jooinau amachpierr arpa wai naajim, maimua jarrdam phĩr den phurii khitheemjã agjo amachpierr wai naajim. Mag jarr ee incienso ipir wai sĩsid ajim. Ma, Ẽwandam chaainkha nʉm khʉʉnau irig jeeu nʉm khʉʉn iek aajem, mag jarr ee ipir sĩsidʉm.

Apocalipsis 6:11

Amau magbaawai amag khajũa bäphä sĩsidʉm phedeewi sĩi warag, “Pãar khodnaanjã pãach khechtarrjo Cristo ipierraa i iek jaau durrum gaaimua khechpʉiwia pãach aig ãba paaukhache nʉm ora, ideu bʉchkhun oo athat” ajim.

Apocalipsis 7:11

Maagwai chi Ẽwandam chognaanjã thum bʉjãaupaita dʉnʉnʉid phʉʉrdʉ wejoojim, mag porkhau bithurg jooin ohood wejom dʉi ĩchab mag sĩi khanjo ich paar sĩsidʉmpa thʉnʉm eugarm magwe. Mag dʉnʉnʉid thʉnʉʉ awi, mag porkhau gaai oo sim khĩirphee phõbkhanaa, i tho iekhamamua irig mag naajim:

Apocalipsis 7:9

Magtarr khur ũwaai deeu Ẽwandam juupjem porkhau pooma simʉg mua oowai, õor poooma sĩi bʉjãaupaita baurur wejom oojim chi Cordero na. Mag sĩsidʉmʉn thumaa khajũa chi bau appha jũanaa sothark piujoo khitheemta jua panhappha thʉnaajim. Maig thʉnaajim õor phoborpierram khʉʉn, meupierr meu khĩir pogkhe; wajapcharan durrpierram khʉʉnta maiguin ãba podpa thʉnaajim. Mag sĩi khapan maach dau dʉrrkhab warpham magwe phʉʉrdʉ wejom aawai pod ãbmuajã beer aubajim, kharra naajim khai chi khapanag.

Apocalipsis 9:7

Mag langosta, õor khĩirkhanaa por gaaijã porsirjoo sĩsidʉm paar sĩsid ajim, phĩr den. Mag sĩsidʉmʉn sĩi cabaai juurhi ee werbʉan arraag wajap khĩir khaug sĩsidʉmjota sĩsid ajim.