Apocalipsis 4:2 - Wounaan Meu

² Magbarm ee ich Ẽwandam Akharauta mʉ ʉ̃gthar athaadeewai ich Ẽwandam juupjemta nem porkhau pooma sim ooimajim. Ag gaai woun ãb jup sĩejim.

Woun Meu

² Magbarm hee hich Hẽwandam Hak'arauta mʌ hʌ̃gt'ar hat'aadeewai hich Hẽwandam juupjemta nem pörk'au pöoma sim hooimajim. Hag gaai woun hãb jup sĩejim.

Apocalipsis 4:2 Iomraidhean Croise

San Mateo 22:43

Magbaata ich Jesuu amag, —¿Pari jãga mag David chaain ewagam khʉʉn den abarju, ich Davidaujã mag ich Ẽwandamau pʉiju aajerr igwi i Por a iekhatarrta? Irua mag iekhaawai, ¿ich Ẽwandam Akharauta mag iekhapibajĩ? ajim.

Hebreos 8:1

Mua pãrag ajapcha khap apim khõsi chirʉmʉn mʉgau: Chadcha Cristo thumaam khʉʉn khãaijã ʉ̃rpainaa maach kõit iekhaajemta ʉ̃gthar Ẽwandam dʉi ãba chi Porkha i juachaar gar jup sim.

Apocalipsis 1:10

Mag mʉ preso chirʉmta biek ãb domighed ich Ẽwandam Akhaarta mʉ gaai phẽs aicheewai, mʉ dau eerthʉg athamjo abarm ee, trompeta iekjota nem jẽbag mʉ eugarmua mʉrʉg iekhachewia,

Apocalipsis 12:5

Magua mag nʉ sim ee, mag machkha thʉnarr aawai, mag ʉʉirau chaai chi emkhooidam oojim. Mamʉ mag atham bʉrre ãbmua chi chaaidam jiirbaadewi Ẽwandam ich porkhau gaai oo sim aar wai dʉnaaimajim, ʉdʉʉr khopiba. Mag chaairauta jooipa sĩsiewai nem iek theeg jũrr durr mʉg wejom thumaa ichdeuta jʉ̃a sĩsiju a jaaujim mʉrʉg.

Apocalipsis 17:3

Makhʉʉn thum oopieg chi Ẽwandam Akharau mʉ khãaipi atham ee, chi Ẽwandam chog mag mʉrʉg pidú a sĩerraupai jũrr mʉ warp õor chukag ee athaadejim. Mam pabaimaawai, ʉʉita sĩi mepeer pom phurii sim ʉ̃r oo sim mʉrʉg oopijim. Mepeer pom mag phur simʉn sĩi por khapan ãbam mor gaaipai siete nenernaa kach khapanjã diez wai sĩejim. Mag sim moron, sĩi ẽsapdau parhoobaaa Ẽwandam igwia iekha phã sĩsidʉmuata enter mor ipir sĩejim. Mag sim ʉ̃rta mag ʉʉi chi durpathierrmie oo sĩejim.

Apocalipsis 19:4

Magbaawai mag jooin veinticuatro narr khʉʉnau agjo jayap sĩi khanjo sĩsidʉmta ich paar sĩsid arr khʉʉn dʉimua Ẽwandam ich khu juupjem gaai oo sim khĩirphee kanieu thʉkhookhanaa, khĩeb jẽb gaai dagau dʉrkhanaa irig jeeumamua, “¡Jãan ich magau! ¡Chadcha iita maach thumaam khʉʉnau tho iekhaju aai nʉmgui!” ajierram.

Apocalipsis 20:11

Maimua mua oojim ĩchab, khu juupjem pooma bäpphä sim; ag gaai chi woun oo sĩerrjã mua oojim. Mag khu juupjem gaai oo sim oowi, mʉg durr edaujã dʉi sĩi degolp chukkhu aphobaadejim. Tag oojã ooba, ich mag nʉisijim.

Apocalipsis 21:10

Maimua Ẽwandam Akharau mag mʉrʉg oopipigmamua chadcha durrsĩ pooma ʉ̃gthaa sim gaai mʉ athaadejim, chi Ẽwandam chogau. Mag arrwi phobor pooma sim mʉrʉg oopijim, ʉ̃gtharm phobor Jerusalén anʉm. Phobor pom mag simta ʉ̃gthar ich Ẽwandam sim aarmua eeg uraawai, sĩi arar urajim.

Apocalipsis 21:5

Magbaawai chi khu juupjem gaai oo sĩerrau, “Muata nem thʉnʉm thum chi iiurig paapäaijem” a iekhajim. Mag iekhapʉiwia, jũrr mʉrʉgta, —Cha mua iekhabarm iek thumaa phã athá. Jãan chadcharam iek aawai pãrau ag gaai ʉkhaju aai nʉmgui ajim.

Apocalipsis 3:21

Ar nem phithurm awiajã ogdʉba ʉu amachdeuta i denjo nem thum podpʉi nʉm khʉʉnagan, irua ich jup chirʉm gaai dʉi ãba ich bigaau juppiju aajem, ich dʉi ãba iek theeg nʉisimkhĩir, ich jãg ichdeujã nem thum podtarr jũrr ĩchab ich Ayau ich dʉi ãba iek theeg apitarrjo.

Apocalipsis 4:10

Mag i tho iekhakhakhampierr mag jooin veinticuatro ohood wejom khʉʉnau i jup sim khĩirphee, “Pʉchta chadcha chi jua thierrau” anaa amach porsir phĩr den jũa narr jua ee auwia irig ʉanaa phõbkhakha aajeejim, mag ichta thõjã thõba warrgarwe ich mag iiu sĩerrʉmʉg jeeuwai.

Apocalipsis 4:5

Mag porkhau warm khʉʉn jãrrcha sim aarmua pagthʉm dau phʉr jẽjẽer khabaadem dʉi ĩchab phiphis khabaademua sĩi iyʉʉmjo aadep sĩejim. Mag porkhau pom sim khĩirphee õtdau siete paakhanaa dʉnʉnʉid thʉnaajim. Makhʉʉn ich Ẽwandam Akhaar ajim.

Apocalipsis 4:9

Mag sĩi ich khapan sĩsidʉmua maach Ẽwandam ichta ich mag thõojã khaugba mag ich porkhau gaai oo simʉg jeeu nʉmua, ʉu ajim anaa i tho iekha naajim.

Apocalipsis 5:1

Mag jãrrcha khu juupjem sim gaai woun oo sĩerrau, ajapcharan ich Ẽwandamauma, ich juachaar gar pa gaai ẽsap pʉʉrthʉ sim wai simjã mua oojim. Mag ẽsap, jãgarjã phãnaa eugarm magwe phãnaa, thʉ̃rmajupierrpai khibjʉ̃rjo simua khaar sĩsid ajim. Magʉm siete naajim mag ẽsap pʉʉrthʉ sim gaai.

Apocalipsis 5:13

Ẽwandam chognaanau mag meukhaar au dichdimaawai, ĩchab thumaa ich Ẽwandamau nem wautarr edjã ee thʉnʉm khʉʉnau, mʉg jẽb gayam khʉʉnau, khechwia ya jẽb ee nʉm khʉʉnau, maimua nem thum phũas ee thʉnʉm khʉʉnaupa ĩchab o ãba meukharau ʉ̃ʉrbabapʉimjã mua ũrjim. Mag amau ʉ̃ʉrbapʉitarr meukhaar mʉg ajim: “Ar porkhau gaai Jooi jup simʉg maimua Corderodamagjã agjo ãba pãragpaita mʉg atag paawaijã ich mag thumaam khʉʉnau jeeunaa ee aju aai nʉm” ajierram. “Pãar wajaugpaita thumaam khʉʉnau tho iekhaju aai nʉm. Magnaa, ‘Pãachta mʉg atag pawiajã thumaam khʉʉn khãaijã ich mag jua theeg nʉm’ aju aai nʉm” ahaug majierram meukharaupai.

Apocalipsis 6:16

Mag daumer nʉmua durrsĩigta wounaanagamjo chaigpanaa, “Jãg porkhau gaai oo simʉg maar oom ugua, maar ʉ̃r dʉrbagkhawi pãach eegar maar meer athat” anaajim.