Apocalipsis 3:3 - Wounaan Meu

³ Ar nacha pʉchdeu ũrwia ʉkhatarr iekta khĩirjunaa, pʉchdeu khaigba arr Ẽwandamag chugpaapi jeeunaa, deeu i dʉi ubʉ abá. I iek pua magbaju atheen, nem jĩgkhaajem khʉʉn sĩi degolp nem jĩgkhaimaajemjo, õor barbajojoo sĩerr ee degolp pʉ aar barwi pʉ gaai mas deeju aajem.

Woun Meu

³ Har nacha pʌchdëu hũrwia hʌ̈k'atarr hiekta k'ĩirjunaa, pʌchdëu k'aigba harr Hẽwandamag chugpaapi jëeunaa, deeu hi dʌ̈i hubʌ habá. Hi hiek pua magbaju hat'een, nem jĩgk'aajem k'ʌʌn sĩi dëgölp nem jĩgk'aimaajemjö, hõor barbajöjöo sĩerr hee dëgölp pʌ haar barwi pʌ gaai mas deeju haajem.

Apocalipsis 3:3 Iomraidhean Croise

San Mateo 25:13

Mag nem ĩgkhaadam jaauwi deeu marag magjim: —Pãarjã daupeen khĩirjug chukhu narr khʉʉnjo daaugajãr thʉbagkhamapha nʉm khai, daukhananaa khĩir khaug nʉisit. Pãrau mʉch chi Emkhooi Iewaa beeju edjã khaugba, ni chi orajã khaugba nʉm. Mʉʉn degolpta barchejugui a jaaumajim marag.

San Marcos 13:33

’Mag pãachdeu mʉ beeju orajã khaugba naawai muan pãragan, nem parhoobam nem wauba Ẽwandamagpaita jeeu nʉʉ jeeu nʉʉ abat a chirʉmgui ajim anʉm.

San Marcos 13:36

Eeu sĩi degolp mʉ dʉnʉʉubaicheewai mʉ dʉi wetaag pãar agtha khĩir khaugba khãi nʉmjo nʉm khãijã oochedukham.

1 Tesalonicenses 5:2

Ya pãrau khaphʉ nʉm, maach Por Jesús beem edan, sĩi nem jĩgkhaajemta edaar degolp nem jĩgkhabaichemjota barcheju.

1 Timoteo 6:20

Timoteo, ãbmiecha mua pʉrʉg jaaukhim: Ẽwandamau pʉrʉg ich iekta jaaupitarr aawai pʉ phidagan ãba i iek jaau nʉmʉu. Khĩir khaphʉ chitá. Oob sĩi jãg Ẽwandam i awia amach eepai bʉ̃ʉr abarm gaaimua iek phithurg aadep aajem khʉʉn dʉi sĩi par pʉch iphithur iyʉʉ chitam. Jãgʉm khʉʉnaun par khaugbamta khaphʉm khaphʉm awia jãg sĩerrjeem.

2 Timoteo 1:13

Timoteo, ar iek wajapham maach Ẽwandam den mua jaau chitarr ũrwi pʉchdeu khaugtarrta wajap khĩir eyaanaa agpierr chitá. Magnaa jãg pʉchdeu ʉkhatarr iek ich jãg ogdʉba ʉkhanaa, Cristoou ich garmua maach khõsi arr gaaimua i dʉi wenʉrraawai, pʉch khapeen kha khõsi chitá.

Hebreos 2:1

Keena, mag ich chi Iewaata ʉ̃rpai sĩerraawai i iek chi jaau durrum khʉʉnau maachig jaau nʉmta wajapha ũrwi ʉkhaju aai nʉm, eeu magba akhiin sĩi par jʉ̃gʉupai ũurwai ewag mawi warr ʉkhaba naawai aajerrjo sĩi parhoob adukham.

2 Pedro 1:13

Mua khĩirjuawai mʉʉta ʉu agtha iiu pʉʉrba chitʉm aiguin ich jãg pãar wawí iekha chitaju aai chirʉm.

2 Pedro 3:1

Keena, Cristo gaaimua mʉchdeu pãar khõsi chitaawai mʉg khurau ya biek numí pam pãrag ẽsap phã deepʉi chirʉm. Ich mʉg gaaijã napem gayamjo pãar wawí chirʉm, nem agchata khĩirjumkhĩir.

2 Pedro 3:10

Mamʉ jãg sĩi awia ich beem edan degolp õrau nem jĩgkhabaichemjo degolpta dʉnʉʉucheju. Magbaawai edjã ee maach jãphierraa ʉrʉrʉʉmjo athamua warre edaujã chukkhu aadem dʉi edjã ee nem nʉnʉidʉmjã thum õtdaúa bʉ̃ʉudubwi chugpaju. Magbaadeewai mʉg jẽbjã ĩchab ag gaai nem thʉnʉm dʉi thumaa juau nem waumatarrpa phaadubwi chukkhu apʉiju ich Ẽwandamau.

Apocalipsis 16:15

Mag nʉm ee maach Por Jesucristooucha, “Keena, khĩir khaphʉ nʉisit; õor chikham nem jĩgkha nʉrraajemjo mʉʉn sĩi õor beebajojoo sĩerr ee degolp barchejugui” ajim. “Mag mʉ pierrwai onee aju khʉʉnan, ar daukhananaa pekaúgta bʉ̃ʉrjã amach ʉ̃rpapiba nʉm khʉʉnau. Mag nʉm aiguin aman, khajũa bäphä memerkhog chukhu jũa nʉmjota thʉnʉm. Maagwai mag ed õrau dich mor kharr ooba aawai chigaajã abajugui” ajim ichdeucha.

Apocalipsis 2:25

Mamʉ ichiita ich deeu mʉg jẽb gaai pãach awaan bee nʉm ora, pãachdeu ich iek ũrwia ʉkhatarran warag ogdʉba ich jãg ʉkhapi sim.

Apocalipsis 2:5

Magua irua pʉrʉg, khĩir eyaa abá a sim; i iek warr pʉ jãg khaba sĩejim aajem. Ãsie ewag pʉch khaibag khĩirjuwia iseg jeeubá, warr pʉchdeu i khõsi aajerrjo i khõsi aag. Mamʉ pua magbamʉn, pʉ aar mawia i iek irua warre pʉ iglesia lámpara sorjo isegpʉiju aajem, tag igba aag.

Apocalipsis 22:7

Mag nʉm dʉi ĩchab ich Jesuupai ich igwia, iin mʉgtarr khur jopcha maach awaan beeju aajem. Ar mʉg iek phã sim gaai obeberg maju jaau sim thumaa ʉkhawi ag ipierraa nʉm khʉʉnag warag onee api sim.

Apocalipsis 3:11

Iin jopcha beeju aajem. Pʉchdeu i iek ʉkhatarr ich jãg ʉkha chirʉmjo, ich jãg wajapha ʉkhapi sim, pʉchig nem deeju arr jũrr chikhamnagta deem ugua.

Apocalipsis 3:19

Irua ichdeu õor kha khõsim khʉʉnagan meeurrau sĩunaa ĩchab wawijã wawiejem aajem. Magua puajã pʉch khaibag iseg jeeuwia khĩirdam ubʉ Ẽwandamta jʉrbamʉn, i iek pʉ gaai mas aju aajem.

Apocalipsis 3:2

Ichdeu pʉ mag sim oo sĩewai pʉrʉg “Khĩir ubʉ abá” a sim; “maimua ar ʉkha durrum anʉmta kha thũu khitheem khʉʉnjã khĩir onee apibá” a sim. Magbamʉn jãkhʉʉnjã warag eeg pawia khechju anaabá. I iek irua oowai pua nem wau sim Ẽwandamau oowaijã ʉu khaba sim aajem.