Apocalipsis 3:22 - Wounaan Meu

²² Magnaa ichdeupai, “Ar jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag jaau sim ũrbat” a sim.

Woun Meu

²² Magnaa hichdëupai, “Har jʌ̃g hʌ̃rʌʌ nʌm k'ʌʌnau Hẽwandam Hak'arau mʌk'ʌʌn iglesiaag jaau sim hũrbat” ha sim.

Apocalipsis 3:22 Iomraidhean Croise

San Marcos 7:16

Magnaa amag, Jʉ̃g ʉ̃rʉʉnaa wajapha ũrbat ajim anʉm cha mua pãrag jaau chirʉm.]

Hechos 9:31

Mag Sauloou amach ipierr Ẽwandam iek ʉkha sĩsim khaug athaawain chadau, Judea durr, Galilea durr maimua Samaria durram magwe chi ʉkha durrarr khʉʉn thum ʉu khõinaa nʉisijim aajem. Mag khõinaa aphobaadem ee, sĩi warag maach Por Jesús ipierraa irua nem jaau simpai wauphobaadee ĩchab ich Ẽwandam Akharaujã chi ʉkha nʉm khʉʉn warag khapaana apijim aajem.

Apocalipsis 2:11

Magnaa ichdeupai, “Ar jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag jaau sim ũrbat” a sim. Ar ogkhaba ʉu magʉm thum ãwatpʉi nʉm khʉʉnan, warm khʉʉn khĩmie durr wet thʉnʉm daar, Ẽwandamau jũrr ich aarta phe auju aajem.

Apocalipsis 2:17

Magnaa ichdeupai, “Ar jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag jaau sim ũrbat” a sim. Ar ogkhaba ʉu magʉm thum ãwatbapʉimʉg, ʉ̃gthar pawiajã mʉg jẽb gaaim nem khoojem khĩir khabamta khopinaa mokdaudam bäphä khitʉm gaai thʉ̃r iiur phã khitʉmjã ichdeucha deeju aajem. Mag thʉ̃r chan bigaaum khʉʉnau khaugba, ãba chi athamuapaita khaphʉ aju aajem.

Apocalipsis 2:7

Magnaa ichdeupai, “Ar chi jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag nem jaau sim ũrbat” a sim. Ar phithurg au wenʉrrawiajã ich mag i khõsi wenʉrrʉm khʉʉnan ʉ̃gthar ich Ẽwandam dʉicha wenʉrraju aajem. Makhʉʉnag irua Ẽwandam nemjĩir gayam nemjõ jõpiju aajem, õor ich mag iiu wenʉrrapiejem nemjõ.

Apocalipsis 22:16

Mag mʉchdeu jaau chirʉm chadcha aawaita, ich Jesuujã ich igwi, ichdeuchata ich chog pʉijimgui ajim, magʉm thumaa ar ich iek ʉkha durrum khʉʉnag jaaumkhĩir. Magnaa ichdeupai ich igwi, “Mʉchta sĩi khajap nemjĩirjo David khararr chaain ewagam khʉʉn eemua sũrkha phiidʉtarr anaa ĩchab edaupherr garm phĩdag wʉʉ obeerjemʉugui” ajim Jesuu, ich beeju igwia.

Apocalipsis 3:13

Magnaa ichdeupai, “Ar jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag jaau sim ũrbat” a sim.

Apocalipsis 3:6

Magnaa ichdeupai, “Ar jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag jaau sim ũrbat” a sim.