Apocalipsis 3:19 - Wounaan Meu

¹⁹ Irua ichdeu õor kha khõsim khʉʉnagan meeurrau sĩunaa ĩchab wawijã wawiejem aajem. Magua puajã pʉch khaibag iseg jeeuwia khĩirdam ubʉ Ẽwandamta jʉrbamʉn, i iek pʉ gaai mas aju aajem.

Woun Meu

¹⁹ Hirua hichdëu hõor k'a k'õsim k'ʌʌnagan meeurrau sĩunaa hĩchab wawijã wawiejem haajem. Magua puajã pʌch k'aibag hiseg jëeuwia k'ĩirdam hubʌ Hẽwandamta jʌrbamʌn, hi hiek pʌ gaai mas haju haajem.

Apocalipsis 3:19 Iomraidhean Croise

San Mateo 25:7

Magbaawaita phiidʉtkhawi apuraa amach lámpara khĩir khaug nʉrrjee aadejim anaabá.

San Juan 2:17

Irua mag iekhabaawai maar khĩir ee dʉnʉisijim, Ẽwandam iek phã sim gaai, “Ẽwandam, pʉrʉg jeeujem di kõitan mʉʉn nem aneeme chitaawai ag gaaimua mʉʉn õor jua ãwatab khaba ãwatju” a phã sim.

Romanos 12:11

Maach Por Jesucristo athee phidkhaawai oob khuseukha phidkhamiet. Magju khãai khĩir phiphiragta abat.

1 Corintios 11:32

Pari mag Ẽwandamau maach gaai mas deewaijã sĩi maach wawiewaiu, õor pom ich iek ʉkhaba thʉnʉm khʉʉn dʉi ãba maach jua khẽgkhapʉimaaugau.

2 Corintios 6:9

Thumaam khʉʉnau mua Ẽwandam iek jaau chitʉm wajapha khaphʉ nʉmta, am den maach dʉi parhoobam khʉʉn dʉímjota aajerram. Thõju jʉr chitʉmjo aajemta, cha agtha am i ee pʉʉrba chitʉm; wajap mas aajeeb mamʉ, chi thõo chan thõoba aajem.

2 Corintios 7:11

Pãade oobat, jãg pãar okhĩirjuu narr jũrr jãgajĩ Ẽwandamau pãar dʉi: Warr pãrau jãg woun khaigba simjã oobamjo wai naajim; pari ĩs pãrau i dʉi sĩi par daúa ooba chi iekkhõr eudʉ auwia ya arreglaapʉijierram, pãachpata dʉi khaigba nʉm am ugua. Chadcha pãrau jãg khõchkhaba narr aawai dʉi khĩir mas chi iekkhõrjã eudʉ aujierram. Jãgbarm aig chadcha pãrau Ẽwandam okho nʉm anʉm. Chadcha mag pãach oon mapim khõsi narr aawai chi mag ich bãaurr ũan dʉi sĩerrjã mʉ barju nawe pãrau i dʉi sĩi par daúapai oobajierram. Pãrau i dʉi mʉgbarmua bigaaum khʉʉnaujã pod pãachdeujã pãach ipaarmua jãgpim khõsi narr aawaita jãg sĩi oo wai naajim aju khaba nʉm.

Gálatas 4:18

Mua mag chirʉm chan mag pãrag am dʉi khapeerkhapimapha aawaijã khabam. Chadcha pãar dʉi ajapha aagta jãg naakhiin ʉuma; pari mag pãar dʉi ajapha akhiinjã mʉ chukag meerjã ich magta ajupma, jãg sĩi mʉ pãar dʉi chirʉm dakhĩirpai khaba.

Tito 2:14

Ich mag Jesucristota maach kõit ʉdʉraa ich thõopijim, magbarmua maach khaibag thum chugpaapʉiwia maach peerdʉ awaag, mag peerdʉ auwia ya ich den chaarkha nʉisiewai jũrr ãba ich atheepaita nem ajapha waum khõsi wauju khĩirju wenʉrramkhĩir.

Santiago 1:12

Woun ãbmua mag prueba khĩir pogkhe ich gaai burr nʉmjã ʉuta dʉi juapadam ubʉ ãwatbapʉimʉn onee abá. Mag amʉn magan ich Ẽwandamauchata irig, “Ʉu chadchata pua jʉmpʉijim” awia, ich aar auwia, ich mag ich dʉi wai sĩsiju, thum mʉig eegar aawai ich daupii aajerr khʉʉnan warrgarwejã magta ich aar auju jaautarr aawai.

Apocalipsis 2:5

Magua irua pʉrʉg, khĩir eyaa abá a sim; i iek warr pʉ jãg khaba sĩejim aajem. Ãsie ewag pʉch khaibag khĩirjuwia iseg jeeubá, warr pʉchdeu i khõsi aajerrjo i khõsi aag. Mamʉ pua magbamʉn, pʉ aar mawia i iek irua warre pʉ iglesia lámpara sorjo isegpʉiju aajem, tag igba aag.