Apocalipsis 3:18 - Wounaan Meu

¹⁸ Pʉde irua jaaupʉitarr iek ũrbarí, pʉrʉg jaaukhim: Pʉ chadcha phatkhon pom paraa am khõs chirʉm khai, phĩr õt ee bʉ̃ʉunaa ya chi wajaug appai deeu jãppi simta ich jua gaai per aupi sim. Mag khai chadcha pʉ phatkhon paraa chitaju aajem. Jãg mor kharraa nʉrram ugua, i jua gaaita khajũa bäpphä bʉ̃ʉrjã memerkhog chukhum per auwi jũabá a sim. Maimua daujã wajapha nem oog atheejã ichdeu benhe wajapham wai simta per athá a sim.

Woun Meu

¹⁸ Pʌdë hirua jaaupʌ̈itarr hiek hũrbarí, pʌrʌg jaauk'im: Pʌ chadcha p'atk'on pöm paraa ham k'õs chirʌm k'ai, p'ĩr hõt hee bʌ̃ʌunaa ya chi wajaug happai deeu jãppi simta hich jua gaai për haupi sim. Mag k'ai chadcha pʌ p'atk'on paraa chitaju haajem. Jãg mor k'arraa nʌrram hugua, hi jua gaaita k'ajũa bäpp'ä bʌ̃ʌrjã memerk'ög chuk'um për hauwi jũabá ha sim. Maimua daujã wajap'a nem hoog hat'eejã hichdëu bënhë wajap'am wai simta për hat'á ha sim.

Apocalipsis 3:18 Iomraidhean Croise

San Mateo 13:44

Mag jajawagmamua ĩchab mʉg nem ĩgkhaadamjã jaaujim, ich Jesuu: —Woun ãb chikham jẽb gaai phidkha sĩejim aajem. Mag phidkha simuata jẽb eem nem wajapham oobaadejim anaabá. Magbaawai pod ichdeu arrju khaba aawai, sĩi oo pʉawia, ich nemta warag isegamjo thumaa perkhʉʉipʉiwia, ag phatkhonauta mag ichdeu nem oo pʉatarr chi jẽbpa per aujim aajem. Maimua ich Jesuupai mag ich nem ĩgkha sim ũr narr khʉʉnag magjim: —Chi mʉ denkhaju khʉʉnaun mag wounau mag phĩr aum khõchgau ich nem thum perkhʉʉitarrjo amach nem wai nʉmjã thumta iseg nʉmjo aju aai nʉmgui ajim, mʉʉta jũrr mag nem ajapham amachdeu ig nʉmjo paarpaag.

San Mateo 25:9

Pari magbaawai chi khĩirjug paraa narr khʉʉnau amag, “Marau pãrag deebamgui” ajierram anʉm. “Marau pãrag deekhiin, pom deeba aawai, pãarjã waaurwi maachjã waaurju. Mag khãai chi peerjem di aar mawi pãach athee per athamit” ajierram anʉm amag.

San Lucas 12:21

Mag nem ĩgkhaa ĩgkha opʉiwia jũrr aig narr khʉʉnagta, —Ich jãgta aajemgui ajim anʉm ĩchab, ar sĩi mʉg jẽb gaaipai phatkhon pom paarpawia, nem khĩir thum paraanaa, sĩi Ẽwandamag oobamjoo aajem khʉʉn.

2 Corintios 5:3

Wajapcharan maach meewai maach akharan di chukhumjota aadeejeewai sĩi ich mʉg bʉ̃ʉrjã meebata mag mor iiurta sĩi khajũajo theg jũapʉim khõchkhabaadeejem, magbaawai sĩi di jooi garmua di iiur deg dʉrbabaademjo aag.

2 Corintios 8:9

Pãrau ni ãbmuajã meraa khaba nʉm, jãga maach Por Jesucristojã Ẽwandam dʉi ãba sĩerr aawai dau aphʉʉ khaba sĩerrta ich khĩrau mʉg jẽb gaai beewia dau aphʉʉ ajĩ maach gaaimua. Pari juau ogthom mag ich dau aphʉʉ apitarran, ich magbarm gaaimua jũrr Ẽwandamau maachta ich Cristo dʉi ãba wenʉrramkhĩir ajim. Magua Cristo gaaimua maach khodkha nʉm khʉʉn dau aphʉʉ oowai am dau aug khaug paraa abat.

1 Timoteo 6:18

Amag, bʉ̃ʉrjã amach phatkhon ĩgkhaba warag aguata nem ajapham waupi jaaubá, õor parhoobam khʉʉn dʉijã o wajapha.

Santiago 2:5

Cristo gaaimua khodamnaan, pãade mʉ iek ũrbat: Maadeu pod aphʉʉm khʉʉndam kha isee aju khaba nʉm. Jãg aphʉʉm khʉʉndamjã amachdeu maach peerdʉajem iekta ũrwi ʉkha naawai mʉig eegarweran aphʉʉ khithee awiajã paraam khʉʉn khãaijã wajapcha wenʉrramkhĩir ich Ẽwandamau jʉr autarr khʉʉn khabahab. Mag nʉm dʉi ĩchab mag ich daupiim khʉʉnta thum ich aar auju atarr aawai amjã ʉ̃gthar ich mag i dʉi wenʉrraju khʉʉn khabahab.

1 Pedro 1:7

Mamʉ mag pãar phithurg au nʉmʉn, phĩr chaar khap aag õtdau ee chach oojemjo, pãrau chadcha ich iek thãraucha ʉkha nʉ a khap aagau. Mag phithurg au nʉmjã i isegba ʉu ãwat nʉmʉn, magan maata phĩr chaar khãaijã ʉ̃rcha balee sim, phĩr awiajã mʉg atag chukhu aadeju aawai. Mamʉ mua jaau chirʉmjo mag ãwat nʉmʉn, magan deeu Cristo beem edjã ich Jooirauchata khapanag dakhĩir pãar tho iekhaju, mag ʉu ãwattarr jũrr.

Apocalipsis 16:15

Mag nʉm ee maach Por Jesucristooucha, “Keena, khĩir khaphʉ nʉisit; õor chikham nem jĩgkha nʉrraajemjo mʉʉn sĩi õor beebajojoo sĩerr ee degolp barchejugui” ajim. “Mag mʉ pierrwai onee aju khʉʉnan, ar daukhananaa pekaúgta bʉ̃ʉrjã amach ʉ̃rpapiba nʉm khʉʉnau. Mag nʉm aiguin aman, khajũa bäphä memerkhog chukhu jũa nʉmjota thʉnʉm. Maagwai mag ed õrau dich mor kharr ooba aawai chigaajã abajugui” ajim ichdeucha.

Apocalipsis 19:8

Irig jũapijim khajũa wajapham, lino den. Maan sĩi memerkhogjã chukhu, ich bäpgau sĩi bʉ̃ʉmjo sim. Mag ich bäpgau bʉ̃ʉmjo simua Ẽwandam chaainkhanaa i dau na wajapha wenʉrraajerrta jaau sim. Magua mag khĩirta irig jũapijim” anaajim.

Apocalipsis 2:9

I iek pua nem wau sim thum khaphʉnaa, pʉ wajappha i gaaimua phithurg au khitaajemjã irua khaphʉ chirʉm aajem. I iek irua khaphʉ chirʉm aajem, pʉʉn chadcha dau aphʉʉ khitʉm. Mamʉ ʉ̃gtharin pʉʉn nem wajapham paraam aajem. Ar amach iiupain amta judionaan aawai Ẽwandam chaainau aajem khʉʉnau pʉ eugar parhooba iekhaajemjã ĩchab irua khaphʉ chirʉm aajem. Mamʉ pʉrʉg am iek asekaspiba sim. Jãkhʉʉnan sĩi dosãt igar naawaita jãg thʉnʉm anaabá.

Apocalipsis 3:17

Pʉchdeupain pua, “Mʉʉn phatkhon paraamʉu; phatkhon pom wai chiraawai deeum nem atheejã augcheba chitʉm” aajem. Mamʉ pʉch kha onegjã chukhunaa pʉch dau aug sim chan pua khaugba, ni sĩi pʉch maadeu igmap dau khĩsumjonaa mor kharramjo simjã pua pʉch khaugba sim anaabá. Mag simta pʉ jãg iekha sim aajem.

Apocalipsis 4:4

Mag porkhau pom sim bigaau deeum ich agjo porkhau chaaindam daii khitheem khapan veinticuatro ohood phʉʉrdʉ wejomjã mua oojim. Maig ĩchab jooin khajũa wajappha bäpphä jũanaa porsirjã phĩr den jũa sĩsid ajim. Makhʉʉn jooin chi khapanagjã veinticuatro narr aawai makhʉʉn porkhau mag veinticuatro narr gaai ich agpierr ohood wejoojim.

Apocalipsis 7:13

Magbaawai mag jooin veinticuatro narr eem ãbmua mʉ aig beewi mʉrʉg, —Ar õor sĩi khajũa bäpphä jũa sĩsidʉm, ¿pua khaphʉ chirʉ́ aichejim, chijã khʉʉn agá maimua jãkhʉʉn jammua beejierrá?