Apocalipsis 3:15 - Wounaan Meu

¹⁵ I iek pua nem wau simjã thumaa irua khaphʉ chirʉm aajem. Irua khaphʉ chirʉm aajem, pʉ jãga sĩ: Pʉ chan nem pechagjã khaba ni nem khukhunagjã khábata sim anaabá. Ajapcharan puan ʉkhabaaderrau ʉkhaba aadepta sim aajem. Jãgbanaa pʉ warag khukhuna khãijã sĩekhiin, i iek ʉucha akham aajem; wa magbam khai nem pechag khãijã akhiin, ʉucha sĩekham anʉm ĩchab.

Woun Meu

¹⁵ Hi hiek pua nem wau simjã t'umaa hirua k'ap'ʌ chirʌm haajem. Hirua k'ap'ʌ chirʌm haajem, pʌ jãga sĩ: Pʌ chan nem pechagjã k'aba ni nem k'uk'unagjã k'abata sim hanaabá. Hajapcharan puan hʌ̈k'abaaderrau hʌ̈k'aba haadëpta sim haajem. Jãgbanaa pʌ warag k'uk'una k'ãijã sĩek'iin, hi hiek hʌ̈ucha hak'am haajem; wa magbam k'ai nem pechag k'ãijã hak'iin, hʌ̈ucha sĩek'am hanʌm hĩchab.

Apocalipsis 3:15 Iomraidhean Croise

San Mateo 10:37

’Ãbmua khãijã ʉ̃rcha ich aaita mʉ khãai khõsi wa ich ãd khãijã mʉ khãaijã ʉ̃rcha khõsi sim chan magan mag woun chan mʉ den aju khaba simgui ajim. Wa magba mʉʉta ʉ̃rcha khõsi aju khãai, ich iewaa wa ich kha khãijã ʉ̃rcha khõsi wai sim wounjã mʉ den aju khaba simgui ajim ĩchab.

San Mateo 24:12

¡Aay, mag ed gaaita nem khaigbam pomaata thʉnʉisijupa! Ya mag nem khaigbamta ʉ̃rpai aadeewai õrau amach khapeen kha khõsi aajerrjã tag khõchkhaba aphobaadeju.

San Mateo 6:24

’Ni ãbmuajã pod patronnaan numiim khʉʉn chogkhaju khaba simgui ajim anʉm. Patronnaan numí akhiin, iwiir ãbpaita ʉ̃rcha kha khõsi aju. Ich agjota sim ĩchab Ẽwandam dʉijã. Pod pãrau Ẽwandam khĩrag wʉrpanaa, phatkhonag khãijã wʉrpaju khaba nʉm. Pãar magta nʉm chan Ẽwandam ipierraa khaba nʉmgui ajim anaabá.

Romanos 12:11

Maach Por Jesucristo athee phidkhaawai oob khuseukha phidkhamiet. Magju khãai khĩir phiphiragta abat.

1 Corintios 16:22

Ãbmua khãijã maach Por Jesucristo khõchkhaba sim khai, magan ichdeu khap chirá Cristoou jãga aju i dʉi ich beem ed. Maach Por Jesús, ¡deeu pidú!

2 Corintios 12:20

Mua khĩirju chirʉmʉn, mʉchdeu pãar ooimam khõsi chirʉmjo ooimabajuuta khĩirju chirʉm; wa magbam khai jũrr mʉch khãijã pãar jʉ̃gaag khaba khãijã iekhabaimaawai pãrau khõchkhabaju khãijã khĩirju chirʉm. Mua khĩirju chirʉm agjo eeu degolp pãar ee agtha dich khapeen dʉi khãijã iekkhõr wai naaju, chikham nem khãijã dich den apim khõsi thʉnʉm, meeukha khãijã nʉnʉidʉm, dich khapeen khãai iek theeg ʉ̃rpai aju khãijã ẽkha sĩsidʉm, chikham eugar khãijã seukha nem ĩgkha nʉm, sĩi chikham jaau nʉm, dichpai tho iekha nʉm maimua sĩi pappierr thʉnʉmjo khĩirjugjã ãba khaba sĩsidʉm khãijã khĩirju chirʉm.

Filipenses 1:9

Maguata mua warag pãar kõit Ẽwandamag jeeujem, pãach wir aigjã warag ʉ̃rcha agdaujo chikham kha khõsi amkhĩir; maagwai khĩirjug paraanaa Ẽwandam dau najã jãga wenʉrraju aai nʉ a khaugphomam dʉi

2 Tesalonicenses 1:3

Khodamnaan, pãrau pãachdeu ʉkha nʉm iekta chadcha warag ogdʉba ʉkhanaa aguata nem jua theeg paaukhamam dʉi wir aig pãach khapeenjã waragta daupii paaukhamaawai, chadcha pãar gaaimua marau Ẽwandamag ʉu ajim aju aai nʉm.

Santiago 1:8

¿Jãgwi mag chirʉ́? Ĩs amachdeu nem wauju khĩirjutarrjã noram paawai jũrr deeum khĩirjugta au sĩerrjee aawaima, amachdeu jeeubarmpaita amachig deeju khĩirjuba. Mag khĩirjug ãba khabam gaaimuata pod Ẽwandamau nem khõsimpai waujujã aba sĩerrjeem.

1 Pedro 1:22

Mag nʉm dʉi ĩs maach peerdʉajem iek chaar Cristoou jaau sim pãachdeu ʉkha nʉm gaaimua, ya pãar irua ajaug paabapʉim, pãach wir aigjã agdaujo dich khapeen dʉi daupii wenʉrramkhĩir. Ya mag i jua ajaug paapʉitarr khʉʉn aawai par iiupai khaba thãrauchata pãach khapeen daupii abat, dich khapeen eugar parhooba khĩirjuba.

Apocalipsis 2:2

I iek pua nem wau sim thumaa irua khaphʉ chirʉm aajem. Irua khaphʉ chirʉm aajem, pʉ phidag chadcha nem theeg sim, mamʉ pua magʉmjã igba ich mag jua jeeuba phidkha khitaajem. Pʉch khapeenau nem khaigba waauwaijã pua sĩi khĩuu ãwatba aajemjã irua khapphʉ chirʉm aajem. Ar amach iiupai amta Ẽwandamau ich i jaaumkhĩir jʉr aujim aajem khʉʉn seu pʉr awaagjã am dʉi jãau nʉmjo par iekhaupai juapá chach oowia chadcha am seunemeg pʉr autarrjã irua khaphʉ chirʉm aajem.

Apocalipsis 2:4

Pʉ mag khitab mamʉ, i iek irua warr pʉ pʉch sĩerrjo ooba chirʉm aajem. ¿Khan jãgwi pua jãg warramjocha i khõchkhaba sĩ? a sim ichdeu.

Apocalipsis 3:1

Sardis phobor eem pastor: Maach Por Jesucristoouta ich imeerba jaaupitarr aawai muata pʉrʉg mʉg ẽsap phã chirʉm. Mamʉ chi iekhan ar Ẽwandam Akhaar ich gaai wai sĩenaa phĩdagjã siete wai sĩejemuata pʉrʉg ich imeerba mʉg iek jaaupʉipijim. Magtarr aawai chamʉ́ pʉ atheem iek pʉrʉg jaaupitarrau: I iek pʉʉn chadcha thʉ̃rphoo sim aajem, Ẽwandam i jewaag. Mamʉ mag simʉn pʉʉn pʉch pekau eepai sĩi chi thõmjo simta jãg sim anaabá.

Apocalipsis 3:16

Mamʉ i iek pʉch jãg khukhuna khaba ni nem pechagjã khaba sĩi pedchuchuupai sim gaaimua, pʉ irua doba sĩi deeu choipʉiju aajem.