Apocalipsis 3:12 - Wounaan Meu

¹² Ar ogkhaba ʉu magʉm thum ãwatpʉi nʉm khʉʉnan irua ich Aai Ẽwandam iglesia ee dibʉ jãrramjo chi thierrnaanag paapʉiwi ich mag bʉ̃ʉrjã isegaajã khaugba wenʉrrapiju aajem. Ichdeuta am gaai Ẽwandam thʉ̃rjã phãnaa i sĩejem phobor thʉ̃rjã phã sĩuju aajem. Mag phobor thʉ̃r Jerusalenau, Ẽwandam sĩejem aarmua beeju phobor. Ĩchab am gaai irua ich thʉ̃r iiurjã phã sĩuju aajem.

Woun Meu

¹² Har högk'aba hʌ̈u magʌm t'um hãwatpʌ̈i nʌm k'ʌʌnan hirua hich Haai Hẽwandam iglesia hee dibʌ̈ jãrramjö chi t'ierrnaanag paapʌ̈iwi hich mag bʌ̃ʌrjã hisegaajã k'augba wënʌrrapiju haajem. Hichdëuta ham gaai Hẽwandam t'ʌ̃rjã p'ãnaa hi sĩejem p'öbör t'ʌ̃rjã p'ã sĩuju haajem. Mag p'öbör t'ʌ̃r Jerusalenau, Hẽwandam sĩejem haarmua bëeju p'öbör. Hĩchab ham gaai hirua hich t'ʌ̃r hiiurjã p'ã sĩuju haajem.

Apocalipsis 3:12 Iomraidhean Croise

San Marcos 12:16

Magbaawai chadcha irig phatkhon chi dau daídam deejierram anaabá. Mag deebaawai jũrr ich Jesús garmua amag, —Pãrau chamʉg phatkhon gaai, ¿khai khĩirta oo nʉ, maimua ĩchab ag gaai khai thʉ̃rta phã sĩ? ajim anʉm. Magbaawai amachdeu, —Romaam rey César khĩir khabahab ich thʉ̃r dʉi ajierram anʉm.

Gálatas 2:9

Mag ich Ẽwandamauta mʉ dʉi mag sĩewaita Pedroou Santiago dʉimua Juanaupa amachta chi ʉkha durrum khʉʉn ee chadcha chi porkha nʉm khʉʉnaujã chadcha ich Ẽwandamauta ʉu mʉrʉgjã magamkhĩir ich jua theeg deejim anaajim warag. Magnaa chadcha ãbam phidag phidkha nʉm gaaimua ãba khapeenkha nʉm anʉmua mʉ dʉi jua joothʉwi Bernabé dʉijã jua joothʉnaa warag maar khĩir onee iekhamajierram, judionaan khabam khʉʉn ee ich mag jaaumkhĩir. Maagwai amaujã ich agjo warag judionaanag jaau nʉisiju ajierram.

Efesios 3:15

ajapcharan ar ichdeuta thumaam khʉʉn ʉ̃gthar thʉnʉm magwe ompaatarr aawai irigta Aai icheju aai nʉmʉgma.

Hebreos 12:22

Mamʉ ĩs ewag Ẽwandamau maach dʉi iek deewai chan amagamjo sĩi mag warp durr bʉkhʉrrpaimuata ich iek ũrpi jaaubajim. Maachin ya mʉig eegarwe Sión phoborpienau; ajapcharan ʉ̃gthar wetju khʉʉnma, Ẽwandam phobor Jerusalén ee ich dʉicha naaimaju khʉʉn. Maman Ẽwandam chognaan pooma amach khapangau sĩi maadeu chi beerjujã khaugba thʉnʉm khʉʉnauta Ẽwandamag jeeupho thʉnʉm.

Hebreos 13:14

¿Khan jãgwi mag Jesús gaaimua dich wau iekhajujã igba warag sĩi ãwatju aai nʉm a chirʉ́? Sĩi ich mʉig eegarpai wenʉrram iek khaba, maach durr chaar ʉ̃gthar ich Jesús sim aarta wetju khĩirju naawaima.

1 Juan 4:4

Keena, pãar chadcha Ẽwandam chaain aawai i Akhaar chaar sĩi dosãt mʉg jẽb gaai sĩejem khãaijã jua theeg ʉ̃rpai sĩerrʉmta wai nʉm; magua jãg seukha nem jaau nʉrrjeem khʉʉnagjã ʉu ʉdʉraa pãach khũgurpibajierram.

Apocalipsis 14:1

Magtarr khur mua oo nʉʉ aawai ich Jooi chi Cordero chaarta durrsĩ Sión anʉm gaai oodʉnʉm mua oojim; ajapcharan ich Jesuma. I dʉi õor khapan ciento cuarenta y cuatro mil naajim. Mag Cordero dʉi nʉm khʉʉnan ĩchab thumaam khʉʉnau i thʉ̃rta i Aai thʉ̃r dʉi amach dag gaai phãkhanaa ag panhappha sĩsid ajim.

Apocalipsis 17:14

Mamʉ chi Corderoou ich garmuata amach thum podpʉiju, ichta mʉg durr gaai chi thierrnaan thum thʉnʉm khʉʉn Por anaa reinaan Rey aawai. I dʉi thʉnʉm khʉʉnan, ich Ẽwandamaucha jʉr auwi amachdeu ʉkhatarr iek thãraucha ʉkha wenʉrrʉm khʉʉnau.

Apocalipsis 2:11

Magnaa ichdeupai, “Ar jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag jaau sim ũrbat” a sim. Ar ogkhaba ʉu magʉm thum ãwatpʉi nʉm khʉʉnan, warm khʉʉn khĩmie durr wet thʉnʉm daar, Ẽwandamau jũrr ich aarta phe auju aajem.

Apocalipsis 2:17

Magnaa ichdeupai, “Ar jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag jaau sim ũrbat” a sim. Ar ogkhaba ʉu magʉm thum ãwatbapʉimʉg, ʉ̃gthar pawiajã mʉg jẽb gaaim nem khoojem khĩir khabamta khopinaa mokdaudam bäphä khitʉm gaai thʉ̃r iiur phã khitʉmjã ichdeucha deeju aajem. Mag thʉ̃r chan bigaaum khʉʉnau khaugba, ãba chi athamuapaita khaphʉ aju aajem.

Apocalipsis 2:7

Magnaa ichdeupai, “Ar chi jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag nem jaau sim ũrbat” a sim. Ar phithurg au wenʉrrawiajã ich mag i khõsi wenʉrrʉm khʉʉnan ʉ̃gthar ich Ẽwandam dʉicha wenʉrraju aajem. Makhʉʉnag irua Ẽwandam nemjĩir gayam nemjõ jõpiju aajem, õor ich mag iiu wenʉrrapiejem nemjõ.

Apocalipsis 21:2

Mʉch daúachata mua oojim, bʉ̃ʉrjã pekau chukhum khʉʉn phobor, Jerusalén chi iiur, ʉ̃gthar Ẽwandam sim aarmua eeg urum. Mag urumʉn ya ʉʉi wajap chihoowi ich jaai dʉi jua pʉraagpamjo, sĩi thum chi khĩir khaugamta urajim.

Apocalipsis 22:4

i dʉi khĩircha oonaa i thʉ̃rta amach dag gaai ich mag phã wai wenʉrraju aajem.

Apocalipsis 3:5

Ar ogkhaba ʉu magʉm thum ãwatpʉi nʉm khʉʉnagan irua khajũa bäphämta jũapiju aajem. I iek magʉm khʉʉn thʉ̃r chan irua ich aar auju khʉʉn thʉ̃r phãajem ag ẽsap gaaimua borraapʉibam aajem. Magju khãai warre irua ich Aai dakhĩir maimua ich chognaan dakhĩirjã, “Chamʉ khʉʉnan mʉ deneu” a jaauju aajem.