Apocalipsis 22:6 - Wounaan Meu

⁶ Maimua chi Ẽwandam chogau mʉrʉg, —Mʉg iekhan chadcharam iek aawai, ag gaai ʉkhaju aai nʉmgui ajim. Ich Ẽwandamau ich i jaaumienag wajapha ich iek jaaumkhĩir khĩirjug deejemuachata ʉ̃gtharmua mʉch ich chog pʉibarmgui ajim, jũrr muata õor ich chognaan agjo mʉg jẽb gaai thʉnʉm khʉʉnag ichdeu mʉg atag jopcha nem wauju thum oopimkhĩir.

Woun Meu

⁶ Maimua chi Hẽwandam chogau mʌrʌg, —Mʌg hiek'an chadcharam hiek haawai, hag gaai hʌ̈k'aju haai nʌmgui hajim. Hich Hẽwandamau hich hi jaaumienag wajap'a hich hiek jaaumk'ĩir k'ĩirjug deejemuachata hʌ̃gt'armua mʌch hich chog pʌ̈ibarmgui hajim, jũrr muata hõor hich chognaan hagjö mʌg jẽb gaai t'ʌnʌm k'ʌʌnag hichdëu mʌg hatag jöpcha nem wauju t'um hoopimk'ĩir.

Apocalipsis 22:6 Iomraidhean Croise

San Mateo 13:41

Mag ed mʉch chi Emkhooi Iewaau mua mʉch chognaan pʉijugui ajim, sĩi bigaaum khʉʉnagjã pekau waupinaa amachdeupa nem khaigbam wau sĩerrjeem khʉʉn thum ãbamʉg jʉr phemkhĩir.

San Lucas 1:70

ich warrgarwe pʉch i jaaumienau õrag jaaujerrjo.

San Lucas 16:16

Mag nem jajawagmamua ĩchab ich iek ũr narr khʉʉnag Jesuu magjim aajem: —Juan õor por choomieu Ẽwandam i jaauju naweran pãrau Moiseeu iek phã pʉatarr dʉi Ẽwandam i jaaumienau ẽsap phãtarrpai wai naajimgui ajim anʉm, ag gaai jaau sim ipierr wenʉrraag. Mamʉ Juanau iek iiur Ẽwandam aar obeerpiejemta wai beejimgui ajim anʉm, chi wajapcharam. Mag jaauchetarr aigmua atag mag Ẽwandamta chi Porkhaimʉʉ sim khaug athampierr, ĩsta õor pom i ipierraa am ig nʉm, chadcha amach Porkhabaadeewai i dʉi naam khõchgau.

Hechos 12:11

Magbarm aigta Pedroou ajapcha khaug athaawai ich odegpai, “Ãa, jãgan chadchata Ẽwandamau ich chog pʉibarbma” ajim anʉm, “Erodeeu judionaan dʉimua mʉ dʉi amachdeu ampierr aju arrta i jua eemua peerdʉ awaag.”

Hechos 3:18

Pãrau i dʉi jãgtarran, ich Ẽwandamau warrgarwe ich i jaaumienag jaaupibaawai jũrr amau õrag, “Ẽwandam Iewaa Cristo beewia õrau i dau aphʉʉ thõoju” a jaautarrjo, ich Ẽwandamauta ʉdʉraa pãrag i thõopi sim khabajieb ajim anʉm.

Romanos 1:2

Mag ich Ẽwandamau jãga maach peerdʉ auju a sim iekhan jooingarwe ich iek jaaumienag phãpitarr iekpaiu.

1 Corintios 14:32

Chi mag Ẽwandamau ich iek jaaupibaawai jaau nʉm khʉʉnaun wajapha khaphʉ aju aai nʉm, amach parhooba sereuba sĩi ãhãbdopaita iekhamaju aai nʉm.

1 Corintios 7:29

Ĩchab mua pãrag magam ig chirʉmʉn mʉgau keena: Khĩir eyaa abat, mʉg jẽb gaai chan ya tag maach pom wenʉrrabaju. Mag ya maach Por Cristo beeimʉʉ sim aawaita, ʉʉi paraa chirawiajã, dich ʉʉi dʉipaita ogdʉba khekheu aju khãyau, ʉ̃rcha maach Por Cristo atheeta nem wajapha wauju aai nʉm.

2 Tesalonicenses 1:7

Magnaa pãach chi dau aphʉʉ durrum khʉʉnta mʉg atag maach Por Jesús sĩi õtdau uu thʉnʉm ee ich chognaan chi jua thierrnaan dʉi ʉ̃gtharmua beewai maach thum ãba jua ʉ̃ipiju.

Hebreos 12:9

Pãrau khaphʉ nʉm, warr maach daii aawai, maach dennaanau maach wʉawai wa wawí khãijã wawiewai, maadeu chadcha am okho aajeejim. Maagjerrta ¿jãgwi maach Aai ʉ̃gthar simua maach dʉi maagwai maadeu ogkhabaju aai nʉ? ¿Ichdeuta maach ich aarcha oberju ayaa apinaa ich mag iiu wenʉrrapiejem khabá?

2 Pedro 1:21

¿Jãgwi? Warr phãawaijã ich Ẽwandam Akharau jaaumamta phãtarr aawaima. Ẽwandam i jaaumienau bʉ̃ʉrjã sĩi amach khõchagpierr phãm khõchgauta phãbajierram. Amaun ich Ẽwandamau amachig khĩirjug deemampierrta phãmaajeejim.

2 Pedro 3:2

Pãrag khĩir eyaa apim khõsi chirʉmʉn, warrgarwe Ẽwandamau ich i jaaumkhĩir jʉr autarr khʉʉnau jaaujerrta khĩir eyaa api chirʉm. Mag nʉm dʉi ĩchab ich maach Por anaa maach peerdʉajem Cristooucha jaau pʉawi jũrr maach ichdeu jʉr auwi pʉitarr khʉʉnaucha pãachig jaautarrta agjo khĩir eyaa apim khõsi chirʉm.

Apocalipsis 1:1

Mʉʉn Juanau, Jesucristo chog. Muata pãrag mʉchdeu ootarr jaaum ig chirʉm. Mʉg mua jawaagpam iekhan ich Ẽwandamaucha Jesucristoog jaautarrau. Mag ichig jaaubaawaita mʉ khãaipi auwi mʉrʉg jaaujim, jũrr mua ich iek ʉkha durrum khʉʉnag jaaumkhĩir. Mʉg iek thum ich jaaubarmjo chadcha jopcha aju khap amkhĩir, Jesucristoou ich chog ãb ʉ̃gthar ich dʉi sĩejemʉgta jaaujim, mag mʉ khãaipi atham ee jũrr magua mʉrʉg jaaumkhĩir.

Apocalipsis 18:20

Mamʉ warm khʉʉn mag bĩephoo thʉnʉm daar, ʉ̃gtharm magwe onee abat. Onee abat ĩchab Ẽwandam chaain, Ẽwandam i jaaumien, maimua ich i jaaumkhĩir ichdeucha jʉr autarr khʉʉnjã agjo onee abat. Ẽwandamau Babiloniapien dʉi jãgbarmua, jũrr pãarta irua dau ee aug khaugwi am gaaita mas dee sim khabahab, amachdeu pãach dʉi aajerrjo.

Apocalipsis 19:9

Maimua chi Ẽwandam chogau mʉrʉg, —Nau mua iekhabarm phã sĩubá ajim. Mʉg iekhan ich Ẽwandamaucha ich imeerba jaaupitarrta mua pʉrʉg jawaagpamgui ajim mʉrʉg. Magnaa ichdeupai, Corderoou ich jua pʉr nʉm phiesta ee thʉ̃rkhʉʉiwi chi wet nʉm khʉʉnan chadcha oneeta ajugui ajim.

Apocalipsis 21:5

Magbaawai chi khu juupjem gaai oo sĩerrau, “Muata nem thʉnʉm thum chi iiurig paapäaijem” a iekhajim. Mag iekhapʉiwia, jũrr mʉrʉgta, —Cha mua iekhabarm iek thumaa phã athá. Jãan chadcharam iek aawai pãrau ag gaai ʉkhaju aai nʉmgui ajim.

Apocalipsis 21:9

Maimua Ẽwandam chognaan siete narr khʉʉnau amach pipied agjo jarr siete wai narr ee ãbmiecha agua õor khaibag wauju waiberr khʉʉn eem ãb beewi mʉrʉg, —Mau pidú, mua pʉrʉg oopikhimgui ajim, Cordero ʉʉi paju.

Apocalipsis 22:1

Mag oopitarr khur chi Ẽwandam chogau mʉrʉg dosĩg dau bʉ̃ʉ khitʉmjã oopijim, õor iiupiejem dosĩg. Mag dosĩg sĩi vidriojo sim Ẽwandam khu juupjem Cordero dʉi sim aarmuata ober sĩejim.

Apocalipsis 22:16

Mag mʉchdeu jaau chirʉm chadcha aawaita, ich Jesuujã ich igwi, ichdeuchata ich chog pʉijimgui ajim, magʉm thumaa ar ich iek ʉkha durrum khʉʉnag jaaumkhĩir. Magnaa ichdeupai ich igwi, “Mʉchta sĩi khajap nemjĩirjo David khararr chaain ewagam khʉʉn eemua sũrkha phiidʉtarr anaa ĩchab edaupherr garm phĩdag wʉʉ obeerjemʉugui” ajim Jesuu, ich beeju igwia.

Apocalipsis 22:7

Mag nʉm dʉi ĩchab ich Jesuupai ich igwia, iin mʉgtarr khur jopcha maach awaan beeju aajem. Ar mʉg iek phã sim gaai obeberg maju jaau sim thumaa ʉkhawi ag ipierraa nʉm khʉʉnag warag onee api sim.

Apocalipsis 4:1

Mag mʉrʉg thumaa jaau dichtarr khur mua oowai, edjãata puertdijo weeudʉ wejom mua oobaadejim. Mag eemua nacha mag mʉchdeu trompeta jẽbag sim iek ũrtarr ag odijo simuata mʉrʉg, “Mau ʉ̃gthar pidú, mʉg atag nem thumaa obeberg maju mua pʉrʉg oopikhim” a sĩejim.