Apocalipsis 22:16 - Wounaan Meu

¹⁶ Mag mʉchdeu jaau chirʉm chadcha aawaita, ich Jesuujã ich igwi, ichdeuchata ich chog pʉijimgui ajim, magʉm thumaa ar ich iek ʉkha durrum khʉʉnag jaaumkhĩir. Magnaa ichdeupai ich igwi, “Mʉchta sĩi khajap nemjĩirjo David khararr chaain ewagam khʉʉn eemua sũrkha phiidʉtarr anaa ĩchab edaupherr garm phĩdag wʉʉ obeerjemʉugui” ajim Jesuu, ich beeju igwia.

Woun Meu

¹⁶ Mag mʌchdëu jaau chirʌm chadcha haawaita, hich Jesuujã hich higwi, hichdëuchata hich chog pʌ̈ijimgui hajim, magʌm t'umaa har hich hiek hʌ̈k'a durrum k'ʌʌnag jaaumk'ĩir. Magnaa hichdëupai hich higwi, “Mʌchta sĩi k'ajap nemjĩirjö David k'ararr chaain hewagam k'ʌʌn heemua sũrk'a p'iidʌtarr hanaa hĩchab hedaup'err garm p'ĩdag wʌʌ höbeerjemʌugui” hajim Jesuu, hich bëeju higwia.

Apocalipsis 22:16 Iomraidhean Croise

San Mateo 1:1

Mua pãrag ĩgkhakhim, jãga warrgar David reikha sĩerrjo, Ẽwandamau jũrr ich Iewaa Jesucristoogta mʉg durr gaai chi Porkhamkhĩir ichdeucha pʉijĩ. Mag Jesucristojã mag rey David khararr ag chaain ewagam khʉʉn den ajim a khap amkhĩir, ag nawe jooi Abrán khararr sĩejerr aigmua ewag pawi khĩeb chi Jesús thaabatarr aig pãrag jaaukhim.

San Mateo 2:2

Mag beewi bardʉtkhachewi, judionaanag, —Pãar rey thaabatarr, ¿jamta wai nʉma? I thaababarm jaau sim phĩdag maach daúacha ootarr aawai iita marau jʉr wedurumgui aajeejim anʉm, iita judionaan reikhaju aawai i ajaug tho iekhaan.

San Mateo 22:42

Jesuu amag, —Pãrau mag õor peerdʉ awaag Mesías anʉm beeju ig iyʉʉ aawai, ¿khai chaai aju khai a khĩirjuba aajẽ? a jeeujim. Magbaawai amachdeu, —Jãan warrgar jooi David khararr ag chaain ewagam khʉʉnauta oodeejugui ajierram.

San Mateo 22:45

Mag ich David khararrauchajã Ẽwandamau pʉiju aajerr igwi “maach Por” a iekhatarrta, ¿jãga pãar iek mag í David chaain ewagam khʉʉn denpai aju anʉ́? Mag sĩi i chaaipai aju akhiin, ich paarmua mag “maach Por” abakhamgui ajim Jesuu amag.

San Lucas 1:78

Magaag atheeta Ẽwandamau maach thumaam khʉʉn khĩir jãsenkhawia ich Chaai pʉi sim, peerdʉju khaugba aawai pod ʉ̃gthar oberbaju aajerr khʉʉnpa peerdʉ aumkhĩir.

San Lucas 20:44

Mag ich David khararrauchajã Ẽwandamau pʉiju aajerr igwia “maach Por” a iekhatarrta, ¿jãgwia pãrau sĩi i David chaain ewagam khʉʉn denpai aajẽ? Mag sĩi ich chaaipai aju akhiin Davidau ich paarmua mag “maach Por” abakhamgui ajim anʉm.

Romanos 15:12

Mag maach Por igwia, Isaías khararraujã ĩchab, “Isaí chaain ewagam khʉʉn eemua ãb nemjĩirjo sũrkha oberbaademta judionaan khabam khʉʉn durrpierr nʉnʉidʉm khʉʉn Porkhaju” ajim. “Magbaawai amachdeujã ĩchab chadcha iruata amach wajapha wai sĩsiju khaphʉ aju” a jaaujim. (Is. 11:10)

Romanos 9:5

Maach jooin Abrán, Isá maimua Jacob ajierram, warrchajã Ẽwandamau jʉr autarr, am gaaimua ewag pawi maach meeun ompaa awaag. Ẽwandam Iewaa maach peerdʉ awaag wounag paawaijã mag jooi Jacob chaain ewagam khʉʉn eeta thaabachejim. Ich mag parhoobam chaaindamjo thaabachetarr wounpaita Ẽwandam aawai nem thum thʉnʉmjã ichdeuta khap sim. Magua, iita thumaam khʉʉnau ich mag mʉg atagjã tho iekhaju aai nʉm.

2 Pedro 1:19

Mag, warrgarwe Ẽwandam i jaaumienau beeju jaaujerr wounta chadcha marau maach daúacha ootarr aawai marau khaphʉ nʉm, chadcha tagam nem amau jaaujerrjã ag ee oberju. Mua khaphʉ chirʉm, pãraujã agjo amau jaaujerr iek khaphʉ nʉm; mag Ẽwandam iek amau jaaujerran ĩs ewag pawiajã khĩchag ee õtdau paa dʉnʉmjota sim. Mag õtdaujo sĩewai, ag bʉʉg oo nʉmjo Ẽwandamau khõsimjota wenʉrraju aai nʉm, Cristo chi edpherr garm phĩdag dʉnʉʉuche nʉm ora. Mag ich dʉnʉʉubaichem edta, edau ãspa thʉnʉisiewai ag bʉʉg nem oo nʉmjo, maach khĩirjugjã aardʉbaadeewai warrgar Ẽwandam i jaaujerr khʉʉnau phã pʉatarrjã thumaa khaphʉ nʉisiju.

Apocalipsis 1:1

Mʉʉn Juanau, Jesucristo chog. Muata pãrag mʉchdeu ootarr jaaum ig chirʉm. Mʉg mua jawaagpam iekhan ich Ẽwandamaucha Jesucristoog jaautarrau. Mag ichig jaaubaawaita mʉ khãaipi auwi mʉrʉg jaaujim, jũrr mua ich iek ʉkha durrum khʉʉnag jaaumkhĩir. Mʉg iek thum ich jaaubarmjo chadcha jopcha aju khap amkhĩir, Jesucristoou ich chog ãb ʉ̃gthar ich dʉi sĩejemʉgta jaaujim, mag mʉ khãaipi atham ee jũrr magua mʉrʉg jaaumkhĩir.

Apocalipsis 1:11

“Nau mua pʉchig nem oopibarm thumaa ẽsap gaai phãnaa Asia durr phobor siete nʉm ee mʉ iek ʉkha nʉm khʉʉn aar deebapʉi” ajim: “Efesopienag, Esmirnapienag, Pérgamopienag, Tiatirapienag, Sardipienag, Filadelfiapienag maimua Laodiceapienagjã agjo.”

Apocalipsis 1:4

Mʉʉn Juanau. Muata mʉg ẽsap phã deepʉi chirʉm Asia durr phobor siete nʉm ee Ẽwandam iek ʉkha nʉm khʉʉnag. Mua pãar kõit jeeu chirʉm, ichta warrgarwe ich mag sĩerranaa mʉg atagjã ich mag sĩerraju igwia, ich khu juupjem khĩirphee ich Ẽwandam Akhaar sĩerrʉm igwia, maimua Jesucristo chadam iek chaarcha jaauchetarr igwiajã jeeu chirʉm, pãar dau ee aug khaug paraanaa pãar ʉu wai nʉm dʉi ĩchab pãar khõinaa wai wenʉrramkhĩir. Mag Cristota meeba arrjo nacha iiu phiidʉwia mʉg reinaan thʉnʉm khãaijã iek theeg ʉ̃rcha sĩerrʉm. Ich ag Cristota maach daupigau ʉdʉraa ich thõopijim. Magbarmua maach khaibag chugpaapʉiwia

Apocalipsis 2:11

Magnaa ichdeupai, “Ar jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag jaau sim ũrbat” a sim. Ar ogkhaba ʉu magʉm thum ãwatpʉi nʉm khʉʉnan, warm khʉʉn khĩmie durr wet thʉnʉm daar, Ẽwandamau jũrr ich aarta phe auju aajem.

Apocalipsis 2:17

Magnaa ichdeupai, “Ar jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag jaau sim ũrbat” a sim. Ar ogkhaba ʉu magʉm thum ãwatbapʉimʉg, ʉ̃gthar pawiajã mʉg jẽb gaaim nem khoojem khĩir khabamta khopinaa mokdaudam bäphä khitʉm gaai thʉ̃r iiur phã khitʉmjã ichdeucha deeju aajem. Mag thʉ̃r chan bigaaum khʉʉnau khaugba, ãba chi athamuapaita khaphʉ aju aajem.

Apocalipsis 2:7

Magnaa ichdeupai, “Ar chi jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag nem jaau sim ũrbat” a sim. Ar phithurg au wenʉrrawiajã ich mag i khõsi wenʉrrʉm khʉʉnan ʉ̃gthar ich Ẽwandam dʉicha wenʉrraju aajem. Makhʉʉnag irua Ẽwandam nemjĩir gayam nemjõ jõpiju aajem, õor ich mag iiu wenʉrrapiejem nemjõ.

Apocalipsis 22:1

Mag oopitarr khur chi Ẽwandam chogau mʉrʉg dosĩg dau bʉ̃ʉ khitʉmjã oopijim, õor iiupiejem dosĩg. Mag dosĩg sĩi vidriojo sim Ẽwandam khu juupjem Cordero dʉi sim aarmuata ober sĩejim.

Apocalipsis 22:11

Ar nem khaigba waaujem khʉʉnag jaau nʉmjã ʉkhabamʉn, ideu amach khaibag ee naapibá ajim. Mamʉ ar chi wajapha ʉkha nʉm khʉʉnagan, warag nem wajaphamta waupinaa, maimua chi Ẽwandam atheepai wenʉrrʉm khʉʉnagjã warag i gaaita ubʉ wenʉrrapi jaaubá a jaaumajim mʉrʉg, chi Ẽwandam chogau.

Apocalipsis 22:20

Mʉch chi nem magju thum jaau chirʉmuata chadcha mʉʉn jopcha maju a chirʉm, pãar awaan.” Maadeujã chadcha ich magta jeeuju aai nʉm: “Señor Jesús, deeu jopcha pidú.”

Apocalipsis 22:6

Maimua chi Ẽwandam chogau mʉrʉg, —Mʉg iekhan chadcharam iek aawai, ag gaai ʉkhaju aai nʉmgui ajim. Ich Ẽwandamau ich i jaaumienag wajapha ich iek jaaumkhĩir khĩirjug deejemuachata ʉ̃gtharmua mʉch ich chog pʉibarmgui ajim, jũrr muata õor ich chognaan agjo mʉg jẽb gaai thʉnʉm khʉʉnag ichdeu mʉg atag jopcha nem wauju thum oopimkhĩir.

Apocalipsis 3:13

Magnaa ichdeupai, “Ar jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag jaau sim ũrbat” a sim.

Apocalipsis 3:22

Magnaa ichdeupai, “Ar jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag jaau sim ũrbat” a sim.

Apocalipsis 3:6

Magnaa ichdeupai, “Ar jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag jaau sim ũrbat” a sim.

Apocalipsis 5:5

Mag mʉ ich dakhĩir bĩe chirʉʉ paawai mag jooin veinticuatro narr eem ãbmua mʉ aig beewi mʉrʉg, “Oob tag bĩem, ar sĩebahab” ajim, “David khararr ag chaain ewagam khʉʉn bi eem Chaai leonjo jua theeg sĩerrʉm. Jãguata ya ichdeu nem thum thʉnʉm podpʉitarr aawai ichdeuta jãg ẽsap khaar sĩsidʉmjã thʉrreupʉinaa eeurjãg ooju aai sĩebahab” ajim.